Morgunblaðið - 11.10.1996, Blaðsíða 4
FRJALSIÞROTTIR
ÍR-ingar með Völu Flosadóttur í broddi fylkingar kynna íþróttir í grunnskólum
Morgunblaðið/Ami Sæberg
FRiÁLSÍÞRÓTTAFÓLKIÐ sem staðlð hefur fyrir kynningu á frjálsum fþróttum undanfarna daga ásamt áhugasömu íþróttafólki
framtíðarinnar. í fremstu röð frá vinstri eru Þórður Þórðarson, Jóhannes Már Martelnsson, Stefán Guðjónsson, Kristján Gissur-
arson, Þórdís Gísladóttir, Vala Fiosadóttir, Vésteinn Hafsteinsson og Sigtryggur Aðalbjörnsson.
Undrandi á
áhuganum
VALA Flosadóttir Evrópu-
meistari innanhúss og heims-
meistari unglinga utanhúss í
stangarstökki hefur undan-
farna daga farið um grunnskól-
ana í Breiðholti ásamt fleiri
frjálsfþróttagörpum til að
kynna frjálsar íþróttir. Blaða-
maður Morgunblaðsins fór
ásamt Ijósmyndara og fylgdist
með þegar vantrúaðir ungling-
ar uppi á áhorfendapöllunum
fikruðu sig inn á íþróttagólfið
og breyttust í mjög ákafa upp-
rennandi frjálsíþróttagarpa,
sem vildu helst ekki hætta að
spreyta sig við kúluvarp,
grindahlaup, hástökk og
spretti, að ógleymdu stangar-
stökkinu enda Evrópu- og
heimsmeistari til leiðsagnar.
Fijálsíþróttadeild ÍR stendur fyrir
kynningunni og hefur áhugi
ungra Breiðhyltinga komið þeim
mikið á óvart. „Það hefur verið
virkilega gaman að sjá krakkana
láta vaða í stangarstökkið, þau eru
furðugóð og stemmningin hefur
verið frábær," sagði Vala hin kát-
asta þar sem hún áritaði myndir
af sér umkringd krökkum. „Stelp-
umar eru góðar og ég dáist að
krökkunum, held reyndar að það
leynist framtíðar-stangarstökkvar-
ar inn á milli. Annars hefur kynn-
ingin tekist vel, krökkunum finnst
gaman og það er virkilegur áhugi
á að gera rétt,“ bætti Vala við en
hún snerti fyrst stangarstökks-
stöngina í mars 1994 svo að það
er aldrei of seint að byrja.
Kynningin í gær hófst með stuttri
ræðu Vésteins Hafsteinssonar kúlu-
varpara og kringlukastara en sú
ræða var stutt, því þolinmæði
krakkanna stóð tæpt þar sem áhöld
biðu tilbúinn eftir þeim og vantrúin
á þessari íþrótt, sem var sumum
framandi, hafði vikið fyrir knýjandi
þörf fyrir að prófa. Þar næst sýndu
Vala og Kristján Gissurarson stang-
arstökk en síðan var krökkunum
boðið út á gólfið til að spreyta sig
og Vésteinn hafði vart sleppt orðinu
þegar krakkarnir tóku flestir stökk
út á gólfið. Þórdís Gísladóttir há-
stökkvari leiðbeindi í sinni grein,
Þórður Þórðarson í grindahlaupinu,
Stefán Guðjónsson í hlaupum, Jó-
hannes Már Marteinsson í sprett-
um, Sigtryggur Aðalbjörnsson í
þrístökki og Vésteinn í kúluvarpi.
Vala og Kristján biðu eftir krökkun-
um í stangarstökkið en enginn vildi
verða fyrstur. Eftir að þau höfðu
tvístigið um stund bauð einn garpur
sig fram og skömmu síðar var röð-
in orðin nokkuð löng. Tæpri klukku-
stund síðar lauk kynningunni en
þá var áhuginn slíkur að margur
unglingurinn reyndi að smeygja sér
í raðir yngri krakkanna, sem vom
að mæta, til að vera bara aðeins
lengur. Að lokum áritaði Vala
myndir af sér, sem dreift var meðal
áhugasamra og sýndi verðlauna-
peningana sína - það hefur eflaust
orðið til að kveikja í einhveiju upp-
rennandi afreksfólki.
VALA Flosadóttlr, Evrópu- og heimsmeistarl í stangarstökki
áritaði myndir í íþróttahúsl Seljaskóla í gær.
Skauta-
höllin tilbú-
in næsta
haust
UNDIRBÚNINGUR að hús-
byggingu yfir skautasvellið í
Laugardal er nú á lokastigi.
Samningaviðræður hafa staðið
yfir milli Reykjavíkurborgar
og íþróttabandalags Reykja-
víkur sem sér um rekstur og
byggingu skautahallarinnar
væntanlegu. Reynir Ragnars-
son, formaður ÍBR, sagðist
reikna með að gengið verði
endanlega frá öllum samning-
um við borgina siðar í þessum
mánuði. „Verkið verður boðið
út í nóvember þannig að við
verðum tilbúnir að hefja bygg-
ingu hússins um mánaðamótin
mars-apríl og það verði tilbúið
1. september á næsta ári,“
sagði Reynir.
Umrætt hús verður vænt-
anlega 50x70 metrar, eða um
3.500 fermetrar. Húsið verður
byggt yfir skautasvellið sem
nú er í Laugardal. „Það má
reikna með að við getum kom-
ið þessu húsi upp fyrir um 180
til 190 miRjónir. Þetta verður
svipaður samnigur og borgin
gerði við KSf varðandi rekstur
og yfirtöku Laugardalsvallar,"
sagði Reynir.
Brolin aftur
til Leeds
SÆNSKI landsliðsmaðurinn
Tomas Brolin hefur samþykkt
að fara aftur til Leeds og ræða
framhaldið en hann hefur ver-
ið lánsmaður hjá Ziirich í Sviss
í mánuð. Vegna meiðsla lykil-
manna vildi enska félagið fá
Svíann á ný, sem lenti upp á
kant við Howard Wilkinson,
fyrrverandi knattspyrnustjóra
Leeds, en þegar Brolin sam-
þykkti það ekki stöðvaði félag-
ið launagreiðslur til hans, neit-
aði að lána hann lengur og
hótaði að fá hann settan í leik-
bann um víða veröld.
Eins og greint hefur verið
frá tók George Graham við
sfjórninni þjá Leeds fyrir
skömmu og hefur hann lagt
mikla áherslu á að fá Sviann
en fjórir miðherjar Leeds eru
meiddir, Tony Yeboah frá
Ghana, Ian Rush frá Wales,
Brian Deane og Mark Hateley.
KNATTSPYRNA
Beinar útsendingar
rugia leikjadagskrána
Beinar sjónvarpsútsendingar
frá leikjum í spænsku deild-
inni hafa gert það að verkum að
tímasetning hefur riðlast og jafn-
vel ekki ákveðið hvenær leikur á
að byija fyrr en á síðustu stundu.
í gær lá til dæmis ekki fyrir hve-
nær viðureign Atletico Madrid
og Real Betis verður um helgina
en það er undir einkasjónvarps-
stöð komið.
Síðan 1989 hefur einn leikur
verið í beinni sjónvarpsútsend-
ingu á laugardagskvöldum en
annars voru allir leikir síðdegis á
sunnudögum. Árið eftir kom
einkasjónvarpsstöðin Canal Plus
til sögunnar og hún hefur sýnt
leik á sunnudagskvöldum. Sjón-
varpsstöðin Antena 3 hóf beinar
útsendingar á nýliðnu tímabili á
mánudagskvöldum en vegna
samkeppninnar hafa sjónvarps-
stöðvarnar gripið til þess ráðs að
breyta leiktíma. Fyrir skömmu
vissi dómari leiks ekki hvenær
hann ætti að byija 24 stundum
áður og fyrir hefur komið að leik
hefur ekki lokið fyrr en eftir
miðnætti.
Spænsk lið í Evrópukeppni
vilja leika í deildinni á laugardög-
um vegna Evrópuleiks í miðri
viku á eftir en Spánveijar eiga
fimm lið í Evrópumótunum. Leik-
ur Compostela og Barcelona vek-
ur mikla athygli og verður í
beinni útsendingu sjónvarps á
laugardag en þess vegna er gert
ráð fyrir breyttum leiktíma í öðr-
um leikjum. Ekkert hefur samt
verið ákveðið í því efni en verið
getur að leikur Atletico og Betis
verði jafnvel færður fram til
föstudags.