Morgunblaðið - 23.03.1997, Síða 27

MORGUNBLAÐIÐ
SUNNUDAGUR 23. MARZ 1997 B 27
Stefnur og
straumar
TONLIST
Tónabær
MÚSÍKTILRAUNIR
Úrslit Músíktilrauna, hljómsveita-
keppni Tónabæjar, haldin sl. föstu-
dagskvöld. Til úrslita kepptu hljóm-
sveitimar Outrage, Spitsign, Inn-
vortis, Flasa, Tríó Óla Skans, Soðin
fiðla, Woofer, Andhéri, Roð, Ebenes-
er og Drákon. Ahorfendur eitthvað
á sjötta hundraðið.
MÚSÍKTILRAUNUM lauk með
látum síðastliðið föstudagskvöld
og undirstrika úrslit keppninnar
hve vel tilraunrinar hafa speglað
nýjustu stefnur og strauma í bíl-
skúrum landsins. Reyndar var sig-
ursveitin hefðbundin gítarpopp-
sveit, en fast á hæla henni fylgdi
rapptríó og síðan tvíeyki sem leik-
ur kraftmikið drum ’n bass.
Fyrsta sveit á svið var einmitt
junglesveitin Outrage, kom sterk
til leiks og hafði greinilega undir-
búið sig af kappi. Fyrsta lag
sveitarinnar var afbragðsgott og
það annað lítt síðra. Lokalagið var
aftur á móti verr mótað, en kom
ekki að sök. Outrage er bráðefnileg
sveit og vonandi að sigurlaunin
auðveldi henni að gefa eitthvað út,
en piltamir mættu átta sig á því
að þeir væru enn frumlegri ef þeir
nýttu sér íslenskukunnáttuna.
Sama má reyndar segja um
Spitsign; stórskemmtileg sveit og
kraftmikil með góðan söngvara
sem illu heilli söng allt á ensku.
Af látbragði mátti ráða að hann
teldi sig hafa eitthvað að segja,
en holur hljómur enskra texta dró
sveitina niður; reyndar einu ensku
textar kvöldsins. Trymbillinn var
traustur, en fullvilltur.
Innvortis komst áfram fyrir til-
stilli dómnefndar síðastliðið
fimmtudagskvöld og launaði
traustið með frábærri frammi-
stöðu. Sveitin lék á als oddi og
náði sér sérstaklega vel á strik í
lokalaginu sem var með því besta
sem heyrðist þetta kvöld.
Hafnarfjarðarsveitin Flasa kom
traust til leiks og stóð sig með
prýði. Þó var gítarhljómur þunnur,
svo þunnur reyndar að dró úr sveit-
inni mátt framan af. Einna best
tókst þeim félögum upp í fyrirtaks
lokalagi. Efnileg sveit sem mætti
skerpa á rokkinu fyrir næstu til-
raunir.
Rappsveitin Tríó Óla Skans kom
sá og sigraði i tilraununum að
þessu sinni. Liðsmenn voru vel
undir úrslitin búnir og fóru hrein-
lega á kostum í rappinu, sérstak-
lega þótti dómnefnd rapparinn
Ómar standa sig vel og fékk hann
verðlaun sem besti söngv-
ari, aukinheldur sem sveit-
in lenti í öðru sæti keppn-
innar. Besta lag þeirra fé-
laga var „Negra Breiðholt"
(Saga úr austurbænum),
en einnig var gaman að
heyra þá hamast að
„Fredda-liðinu".
Soðin fiðla stóð uppi
sem sigursveit Músíktil-
rauna að þessu sinni og
vel að því komin; með
besta gítarleikarann, Egil
Tómasson, besta bassa-
leikarann, Gunnar Örn
Svavarsson, og besta
trommuleikarann, Ara
Þorgeir Steinarsson,
innanborðs. Fiðlan komst
áfram kvöldið áður og var
þá traust, en stóð sig enn
betur úrslitakvöldið; sér-
staklega féll þeremínið
betur inn að þessu sinni.
Önnur Hafnarfjarðar-
sveitin þetta kvöld naut
mikillar hylli í sal og stát-
aði af annarri söngkonu
tilraunanna. Umhugsun-
arefni að sveitir beggja komust í
úrslit. Fyrsta lag Woofers gekk
ekki upp, en annað lagið er prýðis-
hugmynd sem betur mætti vinna
úr. Lokalagið var fyrirtaks gríp-
andi popplag með góðum texta,
sem söngkonan flutti afskaplega
vel. Woofer er efnileg sveit og
óhætt að spá henni bjartri framtíð.
Ljósmynd/Björg Sveinsdóttir
SIGURSVEIT Músíktilrauna 1997, Soðin fiðla, var veí að titlinum
komin, en liðsmenn fengu og verðlaun fyrir hljóðfæraslátt.
JUNGLE-sveitin Outrage bar með sér
ferska drum ’n bass-strauma og lenti
verðskuldað í þriðja sæti.
Ebeneser fór vel af stað, en fór
útaf sporinu um miðbik fyrsta lags-
ins. Gítarleikari sveitarinnar og
prýðilegur söngvari, er efnilegur
en ætlar sé um of. Hann hljóp oft
af stað í æsilegan gítarspuna, en
komst ekki langt áður en hann
hrasaði. Vissulega efnilegur gítar-
leikari, en lagasmiðamar báru ekki
ÞREMENNIN G ARNIR í Tríói Óla
Skans röppuðu á íslensku af fimi og
íþrótt og „dissuðu" eftirhermurnar.
allan spunann. Síðasta lag Ebenes-
ers var þó allgott.
Húsavíkursveitin Roð vakti at-
hygli sl. fimmtudagskvöld, þegar
sveitin komst í úrslit, meðal ann-
ars fvyrir hamslausan söng söng-
konunnar. Úrslitakvöldið kom í ljós
að það var Pyrrusarsigur, því söng-
konan snjalla var nánast raddlaus
fyrir vikið. Hún gerði hvað hún
gat, og merkilega mikið á köflum,
en broddurinn var úr leik sveitar-
innar sem ekki náði að sýna á sér
sínar bestu hliðar, til að mynda í
besta lagi sveitarinnar, Kúkað í
Pontiacinn, sem var frábært í und-
anúrslitunum, en ekki nema svipur
hjá sjón úrslitakvöldið. Trymbill
sveitarinnar er efnilegur.
Andhéri kom skemmtilega á
óvart og náði mun betur saman en
í undanúrslitunum og söngurinn
var í betra jafnvægi. Fyrsta lag
sveitarinnar var best og annað lag-
ið prýðilegt. Andhéri er skemmti-
leg hljómsveit um margt, ekki síst
fyrir kraftmikinn trymbil sveitar-
innar.
Síðasta sveit á svið var Keflavík-
ursveitin Drákon. Hún hafði ekki
roð við sveitunum sem á undan
komu; hefði verið gustuk að leyfa
þeim félögum að vera fyrstir, því
þeir stóðu keppinautunum nokkuð
að baki í lagasmíðum og hljóðfæra-
slætti. Afleysingagítar-
leikari sveitarinnar stóð
sig þó með prýði, þó ekki
virtist hann sleipur í
„elektróníkinni“.
Helstu verðlaun Músík-
tilrauna eru hljóðverstímar
að vanda og Soðin fiðla
hreppti 25 tíma í Sýrlandi
fyrir frammistöðu sína.
Önnur verðlaun gáfu Tríói
Óla Skans 25 tíma í Gijót-
námunni og fyrir þriðja'
sætið fékk Outrage 20
tíma í Stúdíói Hljóðhamri.
Sigursveitirnar fengu að
auki geisladiska að eigin
vali í Japís. Athyglisverð-
asta sveitin að mati dóm-
nefndar var Innvortis og
fékk fyrir sinn snúð 20
hljóðverstíma í Stúdíói
Hellinum. Besti gítarleik-
arinn fékk gítar frá Hljóð-
færabúð Steina og gjafa-
bréf frá Rín, besti söngvar- •'
inn hljóðnema frá Tóna-
búðinni, besti bassaleikar-
inn úttekt frá Hljóðfæra-
húsi Reykjavíkur og besti
trymbillinn úttekt frá Samspili og
Paul Bemburg, en þeirra er getið
hér að framan. Besti hljómborðs-
leikari tilraunanna að þessu sinni
var valinn hljómborðsleikari Nu-
ance, Hermann Fannar Valgarðs-
son, sem fékk fyrir vikið gjafabréf
frá Hljóðfærahúsinu.
Árni Matthíasson
Fagur fiskur í sjó?
EKKI era allir fiskar í sjónum
jafnfagrir en þeir geta þó verið lost-
æti þótt þeir séu forljótir. íslendingar
hafa löngum verið hikandi við að
leggja sér fiska er
ekki uppfylla fag-
urfræðileg skilyrði
til munns þótt á því
sé að verða breyt-
ing eins og vaxandi
vinsældir skötusels
undanfarin ár era
til vitnis um.
Veitingastað-
urinn Jónatan Liv-
ingstone Mávur við
Tryggvagötu hefur
undanfarin fjögur
ár efnt til sérstakra furðufiskadaga
um þetta leyti árs og hófust slíkir
dagar nú í vikunni og munu standa
fram yfir páska. Boðið er upp á sér-
stakan matseðil þar sem að fjöldi
rétta úr óvenjulegu sjávarfangi er á
boðstólum og kennir þar ýmissa grasa
og má nefna tegundir á borð við
hámeri, geimyt, gjölni og broddbak.
Meðal rétta á seðlinum má nefna
„bakað geimyt með engifer- og gul-
rótarsósu", „grillað-
ur broddbakur með
grænertusósu“,
„gaddakrabbasúpa
með fennel og
krabbakjöti“ og
„stinglax með sterkri
tómatsósu „creole““.
Eitthvað kemur
reglulega af fiskum
af þessu tagi í afla
íslenskra skipa en því
miður má ætla að
mikið af honum fari
aftur í sjóinn. Þeir era þó til sem
halda þessum furðufiskum til haga
og selja þá á veitingahús.
Matreiðslumenn Jónatans Living-
stone segja að misjafnlega vel hafi
gengið að safna saman fiírðufiskun-
um og hafi það ekki síst farið eftir
því hvort að bræla hafi verið eða
ekki. Sumar tegundir hafi orðið að
frysta til að tryggja framboð en aðrar
séu ávallt ferskar og seðillinn geti
tekið breytingum frá degi til dags
eftir því hvað á boðstólum er. Þannig
segir Úlfar Finnbjömson að hann
vonist til að fá ígulker og sæbjúgu á
næstu dögum og einnig fékkst blek
úr smokkfiski til notkunar í súpur og
sósur.
Úlfar segir að sér fínnist ávallt
skemmtilegt að takast á við að elda
úr undarlegu hráefni og eitt það
mest spennandi er hann hafi komist
í tæri við úr sjónum hafi verið lúsifer
og sædjöfull en yfirleitt era slíkir fisk-
ar stoppaðir upp. Erfiðlega hafi geng-
ið að ná einhvetju úr lúsifemum því
að sama var hvort að reynt var að
baka hann, steikja eða sjóða, ávallt
hvarf hann nánast og varð að nær
engu. Því hafi lausnin verið að skera
hann í sneiðar hráan og marinera sem
hafi komið mjög vel út.
Morgunblaðið/Ámi Sæberg
BJARKI, matreiðslumaður á Jónatan Livingstone,
með hluta þeirra furðufiska sem eldað er úr þar
þessa dagana.
Skóc
Skóinarkadurinn Borgartúni 20
Skór
Barnaskór, kvenskór, karlmannaskór, gönguskór, inniskór, íþróttaskór, tískuskór, kuldaskór, heilsuskór, sportskór, unglingaskór
Skór frá 100 krónum. Opið alla daga frá kl. 12.00 til 18.00 Allt á að seljast.
•r