Morgunblaðið - 06.08.1997, Blaðsíða 6

6 B MIÐVIKUDAGUR 6. ÁGÚST 1997
MORGUNBLAÐIÐ
IÞROTTIR
FOLK
■ VALDIMAR Grímsson skoraði
eitt mark fyrir heimsliðið á móti
danska landsliðinu í leik í tilefni
100 ára afmælis handboltans í
Danmörku sem fram fór í Nýborg
á sunnudaginn. Heimsliðið sigraði
29:26. Talant Duishebaev frá
Spáni og Króatinn Patrik Cavar
voru markahæstir í heimsliðinu
með fimm mörk hvor. Lars Christ-
iansen var markahæstur Dana
með 6 mörk.
■ VALUR Fannar Gíslason lék
með Arsenal, er liðið vann utan-
deildarliðið Sittingbourne í æf-
ingaleik, 5:2. Valur Fannar kom
inná sem varamaður - lék í stöðu
hægri bakvarðar.
■ IAN Wright skoraði þijú mörk
þegar Arsenal vann Norwich,
6:2. Hann skoraði eitt markið með
hjólhestaspyrnu. Dennis Berg-
kamp skoraði eitt mark, úr auka-
spyrnu. Gilles Grimandi skoraði
tvö mörk, en meiddist síðan illa.
■ LENNY Krayzelburg, sem er
fæddur í Rússlandi, setti nýtt
bandarískt met í 200 metra bak-
sundi á bandaríska meistaramótinu
sem fram fór í Nashville í Banda-
ríkjunum á laugardaginn. Hann
synti á 1.58,04 mín. Krayzelburg
er 21 árs og gerðist bandarískur
ríkisborgari fyrir tveimur árum.
■ RUDY Tomjanovich, þjálfari
Houston Rockets í NBA-deildinni
í körfuknattleik, framlengdi samn-
ing sinn við félagið til ársins 2001.
Hann hefur verið þjálfari liðsins
síðustu sex árin en var áður leik-
maður liðsins. Hann stjórnaði m.a.
liðinu er það varð meistari 1994
og 1995.
■ HRISTO Stoichkov, landsliðs-
maður Búlgaríu, er líklega á leið-
inni frá Barcelona til Stuttgart.
Það er talið hafa áhrif að fyrir hjá
Stuttgart er Balakov, sem er
góður vinur Stoichkovs.
■ ALAN Shearer, fyrirliði enska
landsliðsins og framherji New-
castle, verður frá vegna meiðsla
næstu átta mánuði samkvæmt
nýjustu fréttum. Um helgina kom
í ljós að meiðsli hans eru alvar-
legri en talið var I fyrstu. Hann
er með slitin liðbönd í ökkla og
beinbrot neðarlega á hægri fæti.
Hann er nú í gifsi og missir líklega
af næsta keppnistímabili.
ÓLAFUR Gottskálksson, mark-
vörður Kefiavíkinga og lands-
liðsins, stóð sig vel í fyrsta leik
siniun með Hibernians á sunnu-
daginn er liðið mætti Celtic i
fyrstu umferð skosku úrvals-
deildarinnar. Hibs sigraði 2:1
og átti Ólafur góðan leik og
fékk lof i skosku blöðunum fyr-
ir frammistöðu sina.
„Það má segja að þetta sé
óskabyrjun lyá mér. Það var
griðarleg stemmning fyrir leik-
inn og ekki var hún minni eftir
sigurinn," sagði Ólafur við
Morgunblaðið. „Éghafði
reyndar ekki svo mikið að gera
í markinu, þurfti aðeins tvíveg-
is að veija erfið skot, en átti
ekki möguleika er þeir gerðu
markið. Eg held að frammi-
staða min þaggi aðeins niður í
þeim óánægjuröddum sem
heyrðust meðal stuðnings-
manna liðsins er ég var keyptur
til félagsins."
Uppselt var á leikinn, eða 15
þúsund manns. Næsti leikur er
i bikarkeppninni næsta laugar-
dag og síðan mæta Ólafur og
félagar Dundee United viku
síðar og er sá leikur sýndur
beint i Skotlandi.
Þetta var fyrsti sigur Hibs á
Celtic í fimm ár eða í síðustu
21 viðureign liðanna. Lee Pow-
er kom Hibs yfir á 24. mínútu
en Malky Mackay jafnaði fimm
mínútum síðar með skalla eftir
hornspyrnu. Það var síðan Chic
Charnley sem gerði gerði sig-
urmarkið með þrumuskoti af
25 metra færi þegar stundar-
fjórðungur var til leiksloka.
Ólafur kom heim á mánudag-
inn til að ganga frá sinum mál-
um og heldur aftur til Skot-
lands i dag.
Helgi slær
í gegn
í IMoregi
Helgi Sigurðsson hefur heldur
betur slegið í gegn í norsku
knattspyrnunni. Um helgina gerði
hann sigurmark Stabæk í 1:0 sigri
á Lyn á Ullevál-leikvanginum í
Ósló. Hann skoraði með skoti í
stöng og inn eftir sendingu frá
hægri kanti í upphafi síðari hálf-
leiks. Hann hefur gert fjögur mörk
í síðustu þremur leikjum - eða öll
mörk liðsins og hefur fært liðinu
níu stig. Stabæk er nú í fimmta
sæti deildarinnar með 30 stig eftir
17 leiki, en Rosenborg er efst með
41 stig eftir 18 leiki.
„Síðustu vikur hafa verið stór-
kostlegar fyrir mig,“ segir Helgi í
samtali við Aftenposten á sunnu-
dag. „Á meðan Frode Olsen stend-
ur sig svona vel í markinu þurfum
við ekki að skora svo mörg mörk
til að sigra.“ Hans Baeke, þjálfari
liðsins, sagði að Helgi yrð betri og
betri með hveijum leiknum og er
greinilega ánægður með íslenska
framheijann.
Rúnar Kristinsson lék fyrsta leik
sinn með Lilleström og stóð sig
vel er liðið gerði jafntefli, 2:2, við
Skeid. Molde, sem Bjarki Gunn-
Iaugsson leikur með, vann Brann
örugglega, 4:0. Bjarki var í byijun-
arliði Molde en varð að yfirgefa
völlinn vegna meiðsla á 29. mín-
útu. Ágúst Gylfason kom inn á sem
varamaður hjá Brann á 63. mín-
útu. Birkir Kristinsson var ekki í
markinu hjá Brann.
Fram - IA
KL. 20.00 í dag
Allir á völlinn
Sjóvó-Almennra ddldín
Stjömuvöllur
Stjarnan - ÍBV
í dag, miðvikudag, kl. 19.00
m
Reuter
EYJÓLFUR Sverrisson og félagar hans í Herthu Berlín gerðu jafntefli við melstarana í Dort-
mund, 1:1, í fyrstu umferð þýsku knattspyrnunnar. Hér hefur Eyjólfur betur í skallaeinvígi
vlð Wolfgang Feiersinger, leikmann Dortmund.
Fyrsti sigur Kaisers-
lautern í Miinchen í 17 ár
Frá
Jóni Halldóri
Garðarssyni
í Þýskalandi
Evrópubikarmeistaramir í Boruss-
ia Dortmund náðu aðeins jafn-
tefli, 1:1, ér þeir mættu Eyjólfí Sverr-
issyni og félögum í
Herthu Berlín í fyrstu
umferð þýsku deildar-
keppninnar um helg-
ina. 76 þúsund áhorf-
endur sáu leikinn sem fram fór á
heimavelli Herthu í Berlín. Dortmund
var betra liðið í fyrri hálfleik og
Lars Ricken kom liðinu yfir á 26.
mínútu. Hertha jafnaði aðeins sjö
mínútum síðar og var framheijinn
Antek Covic þar að verki. Hertha
var betra í síðari hálfleik og var nær
sigri. Eyjólfur átti góðan leik.
Óvæntustu úrslitin urðu í Munch-
en þar sem Bayem mátti sætta sig
við 1:0 tap á móti Kaiserslautern,
sem kom upp úr 2. deild síðasta tíma-
bil eins og Hertha. Þetta var fyrsti
sigur Kaiserslautem í Múnchen í 17
ár. Otto Rehgel, sem var rekinn frá
Bayem fyrir 15 mánuðum, er þjálf-
ari Kaiserslautem og fagnaði sigrin-
um vel. „Sigur á Bayern kemur til
með að gefa okkur aukið sjálfs-
traust. Ég er mjög ánægður með
leik okkar,“ sagði hann. „Þetta var
einfalt, við sýndum ekki nægilega
góðan leik til að sigra. Það er ekki
heimsendir þó svo að fyrsti leikurinn
á tímabilinu hafí tapast," sagði Gio-
vanni Trapattoni, þjálfari Bayern.
Sigurmark gestanna gerði Daninn
Michael Stjönberg á 80. mínútu fyrir
framan 63 þúsund áhorfendur á
Ólympíuleikvanginum.
Roy Praeger tryggði Wolfsburg
fyrstu stigin í efstu deild með því
að skora eina mark leiksins gegn
Hansa Rostock á síðustu mínútu
leiksins.
Hamborg slapp fyrir horn er Bos-
níumaðurinn Hasan Salihamidzic
jafnaði 2:2 á móti Borussia Mönc-
hengladbach á lokamínútu leiksins.
Svíinn Jörgen Pettersson gerði bæði
mörk Gladbach.
Misjafnt gengi íslendinga-
liðanna í Svíþjóð
íslendingaliðin Örebro og Elfsborg
mættust í sænsku úrvalsdeildinni um
helgina og sigraði Elfsborg 2:1. Arn-
ór Guðjohnsen og Sigurður Jónsson
léku allan leikinn með Örebro en
Hlynur Birgisson kom inn á í síðari
hálfleik (82. mín.). Kristján Jónsson
var ekki í leikmannahópi Elfsborg.
Stefán Þórðarson og félagar hans
í Öster gerðu jafntefli, 2:2, við AIK,
sem komst í 2:0. Stefán lagði upp
fyrra mark Öster á lokamínútu fyrri
hálfleiks, en fór útaf á 63. mínútu.
Einar Brekkan var ekki í liði Vest-
erás, sem tapaði fyrir Norrköping,
4:0.
Það sem vakti mestu athygli í 16.
umferðinni var stórtap meistaranna
í Gautaborg fyrir Halmstad, 6:0.
Þetta var stærsti sigur Halmstad í
deildinni síðan liðið vann Landskrona
7:1 árið 1976.
Vítaspyraukeppnl á Wembley
Meistaralið Manchester United byij-
aði tímabilið í ensku knattspyrnunni
með því að vinna Chelsea í leik um
Góðgerðarskjöldinn, sem er formleg-
ur opnunarleikur deildarkeppninnar
milli meistaranna og bikarmeistar-
anna. Að loknum venjulegum leik-
tíma var staðan jöfn, 1:1, og því
þurfti vítaspymukeppni til að útkljá
leikinn og þar hafði United betur,
4:2.
Það var fyrrum leikmaður United,
Mark Hughes, sem kom Chelsea yfir
með því að skora með skalla eftir
hornspymu ítalans Gianfranco Zola
á 52. mínútu. Ruud Gullit og læri-
sveinar hans í Chelsea gátu þó ekki
fagnað nema í fímm mínútur því þá
hafði Norðmaðurinn Ronny Johnsen
jafnað fyrir United með skalla eftir
hornspyrnu Ryan Giggs. Leikurinn
var jafn og fátt um marktækifæri,
enda Iéku liðin frekar varfærnislega,
sérstaklega í fyrri hálfleik.
í vítakeppninni virtust taugar leik-
manna Chelsea meira þandar en Un-
ited-manna. Frank Sinclair lét Peter
Schmeichel veija frá sér fyrstu víta-
spymuna og eftir að ítalinn Roberto
Di Matteo skaut hátt yfir úr þriðju
spymu Chelsea var nánast formsatr-
iði fyrir United að klára sínar spym-
ur. Paul Scholes, Denis Irwin og Roy
Keane skorðu af öryggi úr sínum
spymum og Nicky Butt innsiglaði sig-
urinn úr fjórðu vítaspymunni.
Gullit sagði þetta um leikinn:
„Þetta var leikur sem einkenndist
af mistökum. Þetta var ekki góður
leikur. Ég veit að við getum átt í
fullu tré við bestu lið Englands, eins
og við sýndum og sönnuðum í lok
síðasta tímabils." Hann sagði það
happdrætti hvort liðið færi með sigur
í vítakeppni og því var lánið United
megin að þessu sinni.
Alex Ferguson sagði að Chelsea
myndi vera með eitt af betri liðum
deildarinnar í vetur. Hann sagði að
United-liðið væri ekki í toppæfingu
eftir erfiða æfingaferð til Austur-
landa. „En um næstu helgi þegar
deildarkeppnin hefst trúi ég því að
við verðum í betra ástandi," sagði
Ferguson.