Morgunblaðið - 15.08.1997, Blaðsíða 4

%
*•
«
KNATTSPYRNA / EVROPUKEPPNI BIKARHAFA
Miklir yfirburdir
Eyjamanna á Möltu
ÍBV vann Hibernians 1:0 ífyrri leik
liðanna í undankeppni Evrópukeppni
bikarhafa á Möltu í gærkvöldi og virð-
ist eiga greiða leið áfram í keppninni
með sama áframhaldi.
Charles
Camenzuli
skrifar
frá Möltu
ark Miller, þjálfari Hibs, sagði að
staða liðsins væri slæm. „Leikskipu-
lag ÍBV var betra en okkar,“ sagði hann.
„Sama á við um tækni ein-
stakra leikmanna, þar sem
mótheijarnir höfðu mikla
yfirburði. Samt er ég von-
svikinn því við hefðum að
minnsta kosti átt að ná
markalausu jafntefli en of
seint var í rassinn gripið eftir að móther-
jarnir skoruðu. Fyrir bragðið verður mjög
erfitt fyrir okkur að endurtaka á Islandi
það sem ÍBV gerði á Möltu."
Innan við 1.000 áhorfendur sáu tilþrifa-
lítinn leik. ÍBV hafði mikla yfirburði og
fyrir bragðið voru heimamenn lengst af í
vörn. David Carabott fékk besta færi Hibs
um miðjan fyrri hálfleik en Gunnar Sigurðs-
son átti ekki í vandræðum með að veija.
í kjölfarið tóku Eyjamenn völdin, sóknirnar
hófust með sterkum Miljkovic í vörninni
og Steingrímur Jóhannesson og Sigurvin
Ólafsson fóru létt í gegnum öftustu línu
heimamanna hvað eftir annað. Markvörður-
inn Ruben Debono bjargaði vel frá Sigur-
vini á 62. mínútu og skömmu síðar frá
Tryggva Guðmundssyni en á þessum kafla
spilaði ÍBV Hibs upp úr skónum.
Markið lá í loftinu, Debono bjargaði frá
Tryggva en hélt ekki boltanum og Stein-
grímur náði skoti. Að þessu sinni bjargaði
Debono í horn. Sigurvin tók spyrnuna frá
vinstri og Tryggvi skoraði með skalla við
fjærstöng.
Heimamenn gerðu breytingar á liði sínu
í þeirri von að ná að jafna metin en það
var borin von enda sennilega brugðist of
seint við.
TRYGGVI Guðmundsson og Sigurvin Ólafsson voru í sviðsljósinu hjá ÍBV á Möltu í gær-
kvöldi, en Tryggvi gerði eina mark lelksins á móti Hibs eftir hornspyrnu Sigurvins.
■ GLENN Hoddle, landsliðsþjálf-
ari Englands, er í vandræðum með
að velja landslið sitt því margir leik-
menn eru á sjúkralista. Ovíst er
hvort Sol Campbeli, leikmaður
Tottenham, getur leikið vegna
meiðsla sem hann hlaut í leiknum
á móti West Ham á miðvikudag.
Þegar er ljóst að Englendingar
verða án fyrirliðans Alans Shear-
ers, Andys Cole og Tims Flowers
í undankeppni HM á móti Moldavíu
í næsta mánuði. Eins er óvíst hvort
Hoddle getur notað Robbie Fowl-
er og Tony Adams sem hafa enn
ekki leikið með liðum sínum og
Paul Ince verður í leikbanni.
■ GERRY Francis, knattspyrnu-
stjóri Tottenham, mun líklega
kaupa pólska landsliðsmanninn
Piotr Nowak frá þýska félaginu
1860 Miinchen í dag fyrir eina
milljón punda. Nowak er 33 ára
miðvallarleikmaður og fyrirliði
pólska landsliðsins. Þrátt fyrir að
Tottenham hafi eytt 8 milljónum
til kaupa á Les Ferdinand og
David Ginola frá Newcastle hefur
liðið tapað tveimur fyrstu leikjunum
í úrvalsdeildinni, á móti Manchest-
er United og West Ham.
Maðkur í
mysunni?
EINS og fram kom í Morgun-
blaðinu í gær er markvörður
Hibernians og landsliðs Möltu
meiddur ogjivi lék hann ekki
með á móti IBV í gærkvöldi. í
staðinn fékk Hibs varalandsi-
iðsmarkvörðinn Ruben Debono
frá Naxxar Lions á Möitu en
ekki var gengið frá félagaskipt-
unum fyrr en í fyrradag og gaf
UEFA grænt jjós á félagaskipt-
in. Samkvæmt reglum á Möitu
má skráður leikmaður iyá fé-
lagi, sem skiptir í annað ekki
leika með fyrra félagi á sama
tímabili, en hugmyndin var að
fá Debono aðeins í þennan eina
leik. Eins sætir furðu að UEFA
skuii gefa út leikheimild fyrir
mann með svo skömmum fyrir-
vara og samkvæmt fjöhniölum
á Möitu stefhir í annað Bosman-
mál.
Fyrsti sigur IBV í
Evrópukeppni og
Tryggviátoppinn
EYJAMENN fógnuðu sigri í
Evrópukeppni I knattspyrnu í
fyrsta sinn þegar þeir unnu
Hibernians 1:0 á Möltu í gær-
kvöldi en um var að ræða 18.
Evrópuleik félagsins.
ÍBV tók fyrst þátt í Evrópu-
keppni 1972 og mætti þá Vik-
ing frá Stavanger í Noregi í
UEFA-keppninni. Þá tapaði
ÍBV 1:0 úti en gerði marka-
laust jafntefli heima.
Fram að leiknum í gær-
kvöldi hafði ÍBV tapað 13
Evrópuleikjum og fimm sinn-
um gert jafntefli. Markatalan
var 8:47, en Tryggvi Guð-
mundsson, sem skoraði í Evr-
ópukeppninni í fyrra, er
markahæstur ásamt Erni Ósk-
arssyni og Jóhanni Georgs-
syni - hver hefur gert tvö
mörk í Evrópukeppni. Hin
mörkin fyrir ÍBV á liðnum 25
árum gerðu Þórður Hall-
grímsson, Sigurlás Þorleifs-
son, Óskar Valtýsson og Viðar
Elíasson.
Bjarni Jóhannsson, þjálfari ÍBV, ánægður með liðsheildina
Mikilvægt fyrir ís-
lenska knattspymu
Bjarni Jóhannsson, þjálfari ÍBV,
var ánægður með leikinn og
úrslitin en áréttaði að ekkert væri
öruggt enn. „Þetta er aðeins fyrri
hálfleikur en óneitanlega stöndum
við vel að vígi,“ sagði hann við
Morgunblaðið í gærkvöldi eftir
fyrsta sigur ÍBV í Evrópukeppni í
knattspyrnu.
„Við áttum leikinn og hleyptum
þeim aldrei inn í hann,“ sagði
Bjarni. „Við spiluðum aftarlega til
að byrja með þó það hafi ekki ver-
ið nauðsynlegt en vildum halda
hraðanum niðri vegna hitans.
Heimamenn reyndu að sækja í byrj-
un en léku 4-4-2 sem hentaði okkur
ágætlega. Þeir voru frískir í byrjun
en leikurinn róaðist fljótlega. Við
héldum boltanum lengst af og
hreinlega sprengdum þá.“
Bjarni sagði að lið sitt hefði tek-
ið það rólega því mikilvægur deild-
arleikur væri á sunnudag. „Við
fundum strax að við réðum gangi
mála og vorum afslappaðir í stöð-
unni 0:0. Hins vegar vorum við
klaufar að gera ekki fleiri mörk en
eins og staðan er kemur ekert ann-
að til greina en komast áfram í
keppninni." Bjarni hafði fengið upp-
lýsingar um mótheijana og sagði
að þeir hefðu ekki komið sér á óvart.
„Ég var mest hissa á að ekki voru
fleiri teknískir menn í liði Hibs en
raun bar vitni en hjá okkur gerði
sterk liðsheild útslagið."
Eyjamenn eru í eldlínunni á
þremur vígstöðvum, í Evrópu-
keppninni, bikarúrslitum og ís-
landsmótinu. „Við erum mjög
ánægðir með stöðuna, sem hlýtur
að hleypa enn meiri metnaði í menn.
Þessi sigur var líka mjög mikilvæg-
ur fyrir íslenska knattspyrnu rétt
eins og árangur KR í Evrópukeppni
félagsliða. Mikilvægt er fyrir okkur
að vinna leiki í Evrópukeppni því
það hækkar okkur á styrkleikalista
og vonandi verður framhald á,“
sagði Bjarni.
?