Morgunblaðið - 30.06.1998, Side 12

KNATTSPYRNA / HM I FRAKKLANDI
Egil Olsen er hættur
með norska landsliðið
Hefiir
ekki
fengid
mörg
tilboð
Ekki er búist við miklum breytingum á
leikskipulagi norska landsliðsins þótt
arkitekt þess, Egil „Drillo“ Olsen, sé
hættur með liðið eftir átta ár við stjórn-
völinn. Nils Johan Semb, fyrrverandi
þjálfari piltalandsliðsins, hefur verið ráð-
inn f hans stað.
Norska landsliðið, sem féll úr leik í sextán liða
úrslitum á laugardag gegn ítölum, hefur náð
undraverðum árangri á undanförnum árum, en
jafnan verið legið á hálsi fyrir að leika leiðinlega
kraftaknattspyrnu, byggða á löngum sendingum,
þéttri vörn og miðju ög aðeins einum framlínu-
manni.
„Það verður fróðlegt að kynnast áherslum
Sembs,“ segir varnarmaðurinn Dan Eggen, sem
leikið hefur lengi með norska liðinu. „Hann gerir
eflaust einhverjar breytingar, en ég hef ekki trú
á því að þær verði miklar. Grunnurinn verður
hinn sami.“
Framherjinn Tore Andre Flo tekur í sama
streng. „Hann þjálfaði mig í piltaliðinu og aðferð-
ir hans eru ekki ólíkar þeim, sem Olsen hefur
beitt.“
Fullvíst má telja, að Olsen muni nú snúa sér að
þjálfun félagsliðs, en hann segist ekki hafa fengið
mörg tilboð. „Nokkur lið hafa haft samband, en
ekki mörg. Ég fékk tilboð frá Víetnam, en hafnaði
því. Það er of langt í burtu og ég skil ekki tungu-
málið.“
Ekkert tilboð hefur enn borist frá Englandi, að
sögn Olsens. Hann segist ekki vera undrandi á
því. „Leikstíll og aðferðir í ensku knattspyrnunni
eru mjög frábrugðnar því sem ég beiti og trúi á.
Þar í landi hafa menn í seinni tíð farið að halda
boltanum meira og hægt þannig um of á leiknum."
Framganga Olsens hefur oft á tíð-
um þótt æði skrautleg og margir
myndu túlka diburbarkaleg ummæli
hans í gegnum tíðina sem hroka.
Ekki verður hins vegar frá honum
tekið, að á fáum árum hefur hann
breytt lélegu landsliði í topplið á al-
þjóðlegan mælikvarða og ekkert
annað lið getur státað af tveimur
sigrum á Brasilíu á skömmum tíma.
Á átta árum sem þjálfari hefur hann
tvívegis komið Norðmönnum á HM
og tapleikurinn gegn Italíu var sá
fyrsti af síðustu tuttugu viðureignum
liðsins.
„I knattspyrnu er bara spurt um
árangur," segir Olsen. „Undir minni
stjórn hefur liðið leikið 88 leiki og
tapað aðeins 16. Það segir sína
sögu.“
Tore Andre Flo, sem lengi hefur
einokað framherjastöðu liðsins, segir
Reuters
EGIL Olsen, þjálfari Noregs, hefur ákveðið að hætta með norska liðið. Hér er hann með
miðherjanum Tore Andre Flo.
Olsen hafa gjörbreytt norskri knatt-
spyrnu. „Hann hefur unnið frábært
starf. Undir hans stjórn hefur liðið
vaxið gríðarlega að styrk. Það var lé-
legt áður en hann gerðist þjálfari, en
nú höfum við í fullu tré við sterkustu
lið heims. Leikskipulag Olsens hefur
svo sannarlega hentað mér og ég hef
notið hverrar mínútu.“
Dan Eggen er þessu sammála.
„Olsen hefur lagt upp með heim-
speki og aðferðir, sem eru að mörgu
leyti gjörólíkar því sem aðrir þjálfar-
ar beita. Hann er afskaplega vinnu-
samur og velgengnin hefur fylgt í
kjölfarið. Norðmenn eru framarlega
í flokki knattspyrnuþjóða vegna mik-
illar vinnu hans og gott er til þess að
vita, að góður maður hafi verið ráð-
inn í hans stað.“
Hvað segja þeir um Owen?
Vegna mistaka í vinnslu sunnudagsblaðsins, féllu línur út í grein,
þar sem margir kunnir knattspyrnukappar lýstu hrifningu sinni á
Michaei Owen:
„Fyrir mér er Owen djásnið í ensku krúnunni. Ég átti því láni
að fagna, að kaupa Konaldo fyrir 13 milljónir punda þegar liann
var átján ára, og Owen er jafngóður og Ronaldo var þá.“ - Bobby
Kobson.
„Hann er mesta efni sem ég hef séð.“ - Karl Heinz Riedle.
„Owen hefur þegar sannað sig. Ef hann er nógu góður, þá er
hann nógu gamall.“ - Pele.
„Hraði hans skelfir markverði.“ - Peter Shilton.
„Hann er svo snöggur að varnarmenn óttast hann.“ - Geoff
Hurst.
„Ég er ekki heimskur. Ég veit að hann er / hörkuformi og á lík-
lega skilið að vera / byrjunarliðinu." - Teddy Sheringham.
Moldovan
leggur
höfuðið í
bleyti
RÚMENSKUR karlmaður á
fimmtugsaldri, Ioan Moldov-
an, leggur höfuðið í bleyti dá-
góða stund á degi hverjum og
biður fyrir sigri rúmenska
landsliðsins / heimsmeistara-
keppninni. Maður þessi, sem
er smiður, liggur í baðkeri
sínu í fjörar klukkustundir á
dag og er sannfærður um að
með því móti tryggi hann
löndum sínum velgengni á
knattspyrnuvöllum Frakk-
lands. Kona mannsins, Adri-
ana, tjáði rúmenska dagblað-
inu Evenimentul Zilei þetta á
dögunum.
Adriana segir að Ioan hafí
verið fyrirmyndarfjölskyldu-
maður og duglegur f vinn-
unni þar til fyrir um hálfum
mánuði. Hann hefur sagt sál-
fræðingum að hann sé eina
von Rúmen/u í heimsmeist-
arakeppninni. Adriana telur
að hentugasta lausnin sé að
loka fyrir vatnsleiðslur inn í
hús þeirra hjóna. „Það er
betra að deyja úr þorsta eða
verða skítugur en að horfa
upp á bónda sinn liggja í bað-
inu á hverjum morgni, hald-
andi að þannig verði Rúmen-
ía heimsmeistari,“ segir hún.
„Núna hef ég óbeit á fótbolta.
Ég vil að maðurinn minn
verði aftur eins og hann var.“
Rúmenía mætir Króatíu í
sextán liða úrslitum í dag.
FRAKKLAND 98
HEIMSMEISTARAKEPPNIN
■ TAKESHI Okada þjálfari Japan
sagði af sér á laugardaginn. „Leik-
menn hafa ekki trú á mér eftir slak-
an árangur á HM,“ sagði Okada.
Stjórn japanska knattspyrnusam-
bandsins vill að Okada endurskoði
uppsögnina og hann verði landsliðs-
þjálfari fram yfir HM 2002 sem
fram fer í Japan og S-Kóreu.
■ HASSAN konungur Marokkó
bar lof á landsliðs þjóðar sinnar er
það kom heim á föstudaginn, þrátt
fyrir að þvi tækist ekki að komast í
16-liða úrslit.
■ EINNAR mínútu þögn var fyri
leik Brasilía og Chile því fyrr um
daginn lést Juan Goni fyrrverandi
formaður knattspyrnusambands
Chile.
■ ENGINN þeirra átta dómara
sem ráku leikmen út af í riðla-
keppninni dæma leikina í 16-liða úr-
slitum. Af átta dómurum sem dæma
leikina eru sex frá Evrópu, einn frá
Argentfnu og einn frá Sameinuðu
Arabísku furstadæmunum. Þeir
gáfu 24 gul spjöld í sínum leikjum í
riðlakeppnini.
■ NELSON Acosta þjálfari Chile
lýsti því yfir á laugardaginn eftir
tapið fyrir Brasilíu að hann myndi
hætta í árslok þegar samningur
hans um þjálfun liðsins rennur út.
■ FABIEN Barthez markvörður
Frakka hélt um 27 ára afmæli sitt
daginn sem Frakkar lögðu Kol-
umbíu 1:0 í 16 liða úrslitum. Fjöl-
margir áhorfendur á vellinum
sungu afmælissönginn fyrir
Barthez er hann kom inná völlinn í
Lens til að hita upp fyrir leikinn.