Morgunblaðið - 03.11.1998, Síða 2

2 C ÞRIÐJUDAGUR 3. NÓVEMBER 1998
MORGUNBLAÐIÐ
HÆÐARBYGGÐ 11 í Garðabæ er til sölu hjá Fasteignamarkaðnum. Þetta er óvenju glæsilegt hús og vandað
að allri gerð. Ásett verð er 27,5 millj. kr.
Glæsilegt einbýlis
hús í Garðabæ
HJÁ Fasteignamarkaðnum er til
sölu stórt og mikið einbýlishús að
Hæðarbyggð 11 í Garðabæ. Húsið
er á tveimur hæðum og alls 315
ferm. að stærð. ARKO teiknaði hús-
ið og allar innréttingar eru sérsmíð-
aðar samkvæmt teikningu Gunnars
Magnússonar arkitekts. Húsið var
byggt 1978 og er steinsteypt.
„Þetta er afar glæsilegt hús, al-
veg í sérflokki," sagði Ólafur Stef-
ánsson hjá Fasteignamarkaðnum."
Á aðalhæðinni eru þrjár stofur.
Eldhús, þvottaherbergi og búr eru
einnig á þessari hæð, en búrið eru
inn af eldhúsinu. Innréttingar eru
mjög vandaðar.
Baðherbergi er einnig á fyrstu
hæðinni, það er flísalagt með mjög
góðum innréttingum. I svefnálmu
eru tvö svefnherbergi og fataher-
bergi. Hægt er að bæta við einu
herbergi á aðalhæð.
Á neðri hæð er reiknað með stúd-
íóíbúð með sérinngangi. Að auki er
á neðri hæð stór innbyggður bílskúr
og stórt herbergi, vel innréttað fyr-
ir tómstundaaðstöðu eða sem veg-
legt íbúðarherbergi. Ennfremur er
á neðri hæð saunaklefi eða gufubað
með baðaðstöðu og svo geymsla.
Húsið er allt hið vandaðasta, en
parket, steinflísar og marmari eru á
gólfum.
Stórar suðursvalir eru á húsinu
þar sem gengið er niður í garðinn.
Lóðin er mjög sérstök verðlaunalóð
með heitum potti og gróðurhúsi.
Ásett verð er 27,5 millj. kr.
Atvinnuhúsnæði
á góðum stað
FASTEIGNASALAN Lundur er
með í einkasölu atvinnuhúsnæði við
Lágmúla 5. Þetta er 950 ferm. hús-
næði á annarri hæð í tveggja hæða
steinhúsi, byggt um 1970.
„Um er að ræða skrifstofu- og
lagerhúsnæði í þessu vel byggða og
vel staðsetta húsi,“ sagði Hilmar
Ævar Hilmarsson hjá Lundi. „Hús-
næðinu er skipt í tvær einingar.
Vörulyfta er í skrifstofu- og lager-
húsnæðinu, en hinum megin er
starfandi líkamsræktarstöð.
Góð aðkoma er að þessu húsi og
góð bílastæði, en húsið er á áberandi
stað og auglýsir sig þannig talsvert
sjálft. Góð langtímalán hvfla á hús-
næðinu og langur leigusamningur
getur fylgt. Þetta getur því verið
góður kostur fyrir fjárfesta. Einnig
eru möguleg ýmiss konar skipti.
Ásett verð er 48 millj. kr.“
LÁGMÚLI 5. í þessu húsi er til sölu hjá Lundi 950 fermetra atvinnu-
húsnæði á annarri hæð. Ásett verð er 48 millj. kr.
Gott atvinnuhús-
næði í Kópavogi
MEIRI hreyfing er nú á atvinnu-
húsnæði en verið hefur lengi, enda
er eftirspurnin miklu meiri. Hjá
fasteignasölunni Kjöreign er til sölu
iðnaðar- og skrifstofuhúsnæði að
Vesturvör 22 í Kópavogi. Það er í
raun tvö hús, framhús og bakhús og
er byggt 1968 og 1982 úr steini.
„Þetta er mjög gott hús og það
fylgir byggingarréttur á lóðinni,"
sagði Birgir Georgsson hjá Kjör-
eign. „Framhúsið skiptist í tvær
hæðir, samtals 515 ferm. Á efri
hæðinni er gert ráð fyrir skrifstofu-
húsnæði, en það er nú innréttað
sem glæsilegt íbúðarhúsnæði. Á
neðri hæð er rekinn léttur iðnaður.
I bakhúsi, sem er rúmir 300 ferm.
er góð lofthæð og stórar innkeyrslu-
dyr. Aðkoma að húsinu er mjög góð
og það hentar vel fyrir ýmiss konar
rekstur. Fallegt útsýni er frá hús-
inu út á sjóinn. Ásett verð er 45
millj. kr., en ekkert er áhvflandi."
VESTURVÖR 22 í Kópavogi er til sölu hjá Kjöreign. Þetta er iðnaðar-
og skrifstofuhúsnæði með góðri aðkomu.
Upplýstir íbúðarkaupendur
Markaðurinn
Mikilvægast er, að íbúðarkaupendur vlti
að hverju þeir ganga, segir Grétar J. Guð-
mundsson, rekstrarstjóri Húsnæðisstofn-
unar ríkisins. Síðan eiga íbúðarkaup að
vera á ábyrgð þeirra.
EFLAUST verður seint hægt að
fyrirbyggja erfíðleika íbúðar-
eigenda með öllu. Næsta víst er að
hér eftir sem hingað til verði ákveð-
inn fjöldi fólks fyrir því að forsend-
ur, sem gengið er út frá við íbúðar-
kaup, bregðist. í gegnum húsnæðis-
lánakerfið er þó mögulegt, með
skipulögðum hætti, að stuðla að því
að einhverjum verði forðað frá erfið-
leikum. Og það er gert í dag. íbúð-
arkaupendur þurfa að uppfylla
ákveðin skflyrði áður en lánveiting í
húsbréfakerfinu er samþykkt.
Ein leið tfl að stuðla að því að fyr-
irbyggja erfiðleika íbúðareigenda er
að tryggja að kaupendur fái upplýs-
ingar um allt það er máli skiptir áð-
ur en þeir kaupa, þannig að hver og
einn geti tekið skynsamlegar
ákvarðanir í sínum eigin málum.
Önnur leið er að haga málum þannig
að lánakerfið hugsi fyrir fólk og
meini því um lánafyrirgreiðslu, og
komi þar með í veg fyrir kaup og
hugsanlega erfiðleika, nema fyrir
liggi að kaupin séu í samræmi við
strangar fyrirframgefnar forsendur
kerfisins.
Engin leið er hins vegar til að sjá
fyrir allar hugsanlegar breytingar á
þeim forsendum, sem gengið er út
frá við íbúðarkaup. Sem dæmi má
nefha ef ung og bamlaus hjón kaupa
íbúð. Hvaða forsendum á að ganga
út frá undir slíkum kringumstæðum,
ef ætlunin er að gera áætlanir af
mikilli nákvæmni af hálfu lánakerf-
isins? Á að reikna með tveggja
manna fjölskyldu, eða á að gera ráð
fyrir að kaupendumir eignist bam
eða böm á næstu áram? Annað eins
hefur gerst og slíkt hefur í flestum
tilvikum töluverð áhrif á greiðslu-
getu fólks. Um þetta geta auðvitað
engir sagt nokkuð nema viðkomandi
kaupendur. Þess vegna er miklu lík-
legra að fyrri leiðin, sem nefnd er
hér að framan, skfli betri árangri við
að fyrirbyggja erfiðleika íbúðar-
kaupenda, þ.e. að þeir séu vel upp-
lýstir um allt er máli skiptir vegna
íbúðarkaupa en ekki að lánakerfið
hugsi fyrir fólk.
Millivegurinn bestur
Þar fyrir utan er líklegt að ýtr-
ustu kröfur um skilyrði fyrir íbúðar-
kaupum myndu útiloka stóran hluta
kaupenda og skapa meiri erfiðleika
en verið væri að reyna að leysa. í
þessum efnum er millivegurinn án
efa bestur. Mikilvægast af öllu er að
íbúðai-kaupendur viti að hverju þeir
ganga og séu vel upplýstir um það
sem þeir era að takast á hendur.
Síðan eiga íbúðarkaup að vera á
ábyrgð viðkomandi án þess að aðrir
séu að hafa vit fyrir þeim.
Þau skilyrði sem íbúðarkaupend-
ur hafa þurft að uppfylla til að fá
fyrirgreiðslu í húsbréfakerfinu hafa
verið hugsuð út frá þessu sjónar-
miði, þ.e. að tryggja eins og frekast
er unnt að fólk viti að hverju það
gengur en taki sjálft sínar ákvarðan-
ir.
Þegar húsbréfakerfinu var komið
á fót á árinu 1989 vora tekin upp ný
vinnubrögð við veitingu húsnæðis-
lána. Greiðslumat var gert að skil-
yrði fyrir afgreiðslu láns. Greiðslu-
matið hefiir frá upphafi fyrst og
fremst verið hugsað sem ráðgjöf.
Ætlunin var að koma því að, að fólk
eigi að bera saman greiðslugetu og
greiðslubyrði áður en kaup eru
ákveðin. Skilyrði voru til að byrja
með höfð rúm. Miðað var við að fólk
gæti gert ráð fyrir allt að 30%
greiðslubyrði lána sem hlutfalli af
heildarlaunum. Með því var ekki þar
með sagt að fólk ætti að ráðast í
kaup með þetta mikilli greiðslu-
byrði, en hins vegar var gert ráð
fyrir að þeir sem óskuðu þess gætu
það ef þeir vildu.
Með ákveðinni prósentuviðmiðun
um greiðslugetu var í raun verið að
gefa til kynna að nákvæmni þessara
fræða væri ekki mikil. Of mikfl ná-
kvæmni í greiðslumati gefur falska
mynd, þvi fjölmargt getur breyst,
sem getur kollvarpað öllum áætlun-
um. Fljótlega eftir að byrjað var að
vinna með greiðslumatið í húsbréfa-
kerfinu kom í ljós að margir festu
kaup á eins dýrri íbúð og mögulegt
var og slepptu því alveg að horfa á
þessi mál af skynsemi. Þess vegna
var viðmiðunin í greiðslumatinu
lækkuð í 20% af heildarlaunum. Á
árinu 1994 var hún svo lækkuð enn
frekar eða í 18%.
Sjálfstætt mat
Þá var hins vegar tekið upp nýtt
ákvæði, að fjármálastofnanir, sem
sjá um framkvæmd greiðslumatsins,
skyldu leggja sjálfstætt mat á
greiðslugetu hvers og eins út frá
þeim gögnum sem þessar stofnanir
hafa undir höndum. Þær gátu því
vel þess vegna gert ráð fyrir hærri
eða lægri greiðslugetu væntanlegra
íbúðarkaupenda en 18% af heildar-
launum þeirra. Greiðslumatið í hús-
bréfakerfinu hefur því frá upphafi
verið rúmt og í því er reynt að taka
mið af mismunandi aðstæðum fólks.
Fyrir marga er tiltölulega auðvelt
að fá hærra greiðslumat í húsbréfa-
kerfinu en reglur miða við. Reynslan
hefur hins vegar sýnt að mörg slík
tilvik enda ekki vel. Kaupendumir
era þá að sjálfsögðu eingöngu að
plata sjálfa sig. Þeir era með öðram
orðum ekki vel upplýstir. Heila mál-
ið er auðvitað það, að greiðslumat
getur aldrei verið fullkomið. Og
reyndar er varhugavert að gera ráð
fyrir að svo geti orðið. Fjölmargt
getur breyst fljótlega eftir að
geiðslumat er framkvæmt. Þá er
betra að hafa lagt áherslu á að íbúð-
arkaupendur séu vel upplýstir áður
en þeir kaupa, eins og nú er gert í
húsbréfakerfinu.
Fasteignasölur í blaðinu
ídag
Agnar Gústafsson bls. 7
Ás bls. 28
Ásbyrgi bls. 5
Berg bls. 5
Bifröst bls. 24
Borgir bls. 14
Brynjólfur Jónsson bls. 7
Eignamiölun bis. 16-17
Eignaval bis. 12-13
Fasteignamarkaöur bls. 4
Fasteignamiðlunin bls. 19
Fasteignamiðstöðin bls. 16
Fasteignasala íslands bls. 7
Fjárfesting bls. 8
Fold bls. 6
Framtíðin bls. 11
Frón bls. 31
Garður bls. 18
Gimli bls. 9
Hátún bls. 8
H-gæði bls. 30
Hóll bls. 20
Hóll Hafnarfirði bls. 29
Hraunhamar bls. 23
Húsakaup bls. 30
Húsvangur bls. 21
Höfði bls. 22
Kjöreign bls. 26
Lundur bls. 25
Miðborg bls. 3
Óðal bls. 27
Skeifan bls. 10
Valhöll bls. 15