Morgunblaðið - 28.03.1999, Blaðsíða 2

2 B SUNNUDAGUR 28. MARZ 1999
TOM Hanks ræðir við Frank Darabont við tökur á Grænu mflunni. Harry Dean Stanton í bakgrunni
GRÆNA
MILAN
Tom Hanks fer með aðalhlutverkið í nýrri
bíómynd sem gerð er eftir sögu spennu- ~
sagnahöfundarins Stephen Kings og heitir
Græna mílan. Arnaldur Indriðason skoð-
aði hverjir gera myndina, um hvað hún
fjallar og hvað King hefur verið að bralla
að undanförnu.
ÞAÐ vakti mikla athygli í
bandaríska bókmennta-
heiminum og víðar þegar
metsöluhöfundurinn Steph-
en King ákvað að senda frá sér
skáldsögu í sex hlutum, hundrað
síður hver eða svo. Sagan hét
Græna mflan og King talaði í for-
mála um að með þessu væri hann að
feta í fótspor ekki ómerkari höfund-
ar en Charles Dickens sem skrifaði
sögur er gefnar voru út með sams-
konar hætti. Aðrir sögðu að King
græddi meiri pening á að gefa út
sömu söguna sex sinnum. Hvað sem
því líður varð Græna mflan ákaflega
vinsæl og víðlesin svosem eins og
aðrar og fleiri bækur höfundarins
og þess var ekki langt að bíða að
þeir í Hollywood bönkuðu á dyrnar
hjá King - eina ferðina enn.
Aftur Darabont
Nema í þetta sinn var góðkunn-
ingi Kings á dyrahellunni, handrits-
höfundurinn og kvikmyndaleik-
stjórinn Frank Darabont. Hann
hafði gert einhverja þá albestu bíó-
mynd sem gerð hefur verið eftir
sögum Kings (og þær eru orðnar
fjölmargar), „The Shawshank
Redemption“ eða Shawshankfang-
elsið, sem sýnd var í Regnboganum
hér um árið og var mikið sótt. Hún
var fyrsta mynd leikstjórans þótt
ótrúlegt sé en með aðalhlutverkin
fóru Tim Robbins og Morgan
Freeman, sem einnig var sögumað-
ur. Þeir léku fanga er urðu vinir á
langri og strangri vegferð innan
veggja fangelsins. Myndin fjallar
kannski fyrst og fremst um vinátt-
una og um að þrauka við óblíðar og
vægðarlausar aðstæður og er eitt-
hvert besta fangelsisdrama sem
gert hefur verið; hún hreppti ein-
hverjar útnefningar til Óskarsverð-
launa.
Darabont vai- því tilvalinn fyrir
Grænu míluna. Hún er einnig fang-
elsissaga úr Suðurríkjum Banda-
ríkjanna og segir frá fanganum
John Coffey, sem er svertingi og
bíður dauðadóms fyrir nauðgun og
morð á ungum tvíburasystrum.
Hann er risi að vöxtum, gæddur
sérstökum hæfíleikum og óvíst er
hvort hann sé sekur þar sem hann
situr og bíður þess að ganga grænu
míluna, græna flísalagða ganginn að
rafmagnsstólnum. Michael Clarke
Duncan úr Ragnarökum leikur
Coffey.
Hin aðalpersóna myndarinnar er
fangelsisstjórinn, Paul Edgecomb.
Hann hefur ekki átt í vandræðum
með aftökurnar í fangelsinu fram
að þessu en það breytist þegar
hann hittir Coffey. Eftir því sem
hann kynnist honum betur og hæfí-
leikum hans tekur fangelsisstjór-
inn að efast stórlega um sekt hans í
málinu. Tom Hanks leikur Ed-
gecomb. Með önnur hlutverk fara
m.a. Harry Dean Stanton, Barry
Pepper, James Cromwell og David
Morse. Myndin verður frumsýnd
að líkindum í sumar eða haust
vestra.
RITHOFUNDURINN Stephen King.
DAVID Morse leikur
einn
fangavörðinn á móti Hanks.
Enginn harðstjóri
„Það er ekki eins og ég hafí verið
að leita í örvæntingu eftir annarri
fangelsismynd," segir leikstjórinn
Frank Darabount í samtali við
bandaríska kvikmyndatímaritið
Premiere. „En þegar Stephen King
fjallar um efni sem eru mannlegri
og jarðbundnari en annað sem hann
gerir fínn ég af einhverjum sjúkleg-
um ástæðum hjá mér gríðarlega
þörf til að gera bíómynd úr því.“
„En þegar Stephen
King fjallar um efni
sem eru mannlegri
og jarðbundnari en
annað sem hann
gerir finn ég af ein-
hverjum sjúklegum
ástæðum hjá mér
gríðarlega þörf til
að gera bíómynd
úr því.M
Græna mflan var tekin á svæði
Wamer Bros. kvikmyndaversins í
Hollywood þar sem reistir voru inn-
viðir fangelsisins. Kvikmyndatakan
stóð yfír í meira en þrjá mánuði og
tók á taugarnar ef marka má leikar-
ana enda ýtti sviðsmyndin undir
innilokunarkennd auk þess sem
söguefnið var ekki beint upplífg-
andi.
Darabont reyndi að vera eins til-
litssamur við þá og hann framast
gat. „Við erum að verða bilaðir
héma inni,“ var haft eftir Hanks
meðan á upptökum stóð. „Þetta er
bókstaflega eins og að fara í fang-
elsi á hverjum degi. Við fengum
nýjan fanga og svo tókum við annan
af lífi. Síðan fengum við annan
fanga og svo tókum við annan mann
af lífi. Núna verður einhver drepinn
og svo tökum við einhvem annan af
lífi. Ef það ríkti einhver harðstjórn
hérna mundum við vera eins og
sjúklingar á geðspítala."
Tom Hanks er sem kunnugt er á
hátindi frægðar sinnar eftir að hafa
hlotið Óskarsstyttur fyrir Forrest
Gump og Fíladelfíu auk þess sem
hann verður án efa tilnefndur til
Óskarsins fyrir að leika kaptein
Miller í meistaraverki Steven Spiel-
bergs, Björgun óbreytts Ryans.
Græna mflan kemur í framhaldi og
ef hún verður eitthvað í líkingu við
Shawshankfangelsið býður hans ef-
laust enn ein Óskarstilnefningin.
Vinsældir Stephen Kings - era
ekki að dala frekar en Hanks. Hann
þénar um 40 milljónir dollara á ári
og bækur hans seljast sem aldrei
fyrr. Hann skipti um útgefendur
fyrir nokkra eftir að gamli útgef-
andinn, Vikingforlagið, neitaði að
greiða honum 18 milljónir dollara
fyrir næstu bók. Eftir að hafa skoð-
að málin gerði har.n samning um
þrjár bækur við Scribnersforlagið
þar sem væntanlegum hagnaði af
bókunum er skipt nokkurnveginn í
tvennt á milli forlagsins og hans;
King fær að auki tvær milljónir
dollara fyrir hverja bók og tekur
þátt í útgáfukostnaðinum, sem gerir
hann í raun að sínum eigin for-
leggjara.
Það er að heyra á King að hann
sé orðinn þreyttur á stöðu sinni sem
metsöluhöfundur. „Ég gæti vel
hugsað mér að setja það sem ég
skrifa niður í skúffu," sagði hann í
haust í viðtali við Newsweek. „Mér
fínnst gaman að skrifa og búa til
hluti vegna þess að það er mitt starf
og ég hef ánægju af því. En hversu
lengi getur mann langað til þess að
hlaupa út um allar trissur að keppa
við Danielle Steel? Ég er fímmtug-
ur og hef svosem ekki mikinn áhuga
á þessu lengur.“
Vill forðast
endurtekningar
Samt hefur maskínan eiginlega
aldrei verið aflmeiri. Fyrir tveimur
árum skrifaði hann Grænu mfluna í
sex hlutum og árið eftir komu út
tvær bækur eftir hann í einu og í
haust kom út bókin „Bag of Bones“,
sem er meira en fímm hundruð síð-
ur; fyrsta prentun var upp á
1.360.000 eintök. Bókin var kynnt
eins og um alvarlegri bókmenntir
væri að ræða en þær sem King er
kannski frægastur fyrir enda mun
þetta vera í fyrsta sinn sem hann
skrifar ástarsögu þótt með drauga-
legu ívafi sé. Hún var sögð eiga
heima með sögum eins og „The
Shining", „The Shawshank
Redemption" og „Stand By Me“.
King vill forðast að endurtaka sig
of oft. „Ef þú tekur enga áhættu þá
lognastu útaf,“ segir hann. „Vegna
þess hve ég nýt mikilla vinsælda er
alltaf auðveldara að hugsa sem svo
að ég geti bara haldið áfram að gera
það sem ég er alltaf að gera. En ef
þú ætlar að skrifa þannig, hvers
vegna þá að vera að skrifa yfír-
leitt?“ Éinnig segir King: „Mér líð-
ur eins og ég sé búinn að gjörnýta
það rými sem ég hef og í hvert
skipti sem ég skrifa eykst sú tilfínn-
ing. ...Það er eins og með Bítlana.
Ef þú hlustaðir nógu oft á lögin
þeirra gastu heyrt hvort John var
aðalsöngvarinn eða Paul var aðal-
söngvai-inn. Þú gast jafnvel heyrt
hvor þeirra samdi lagið. Á vissan
hátt er það ágætt vegna þess að
maður sækir í það sem maður þekk-
ir, eins og að heyra röddina þeirra
aftur. En þegai- fólk veit á hverju
það á von frá mér þá hætti ég að
skrifa."
Þegar hann er spurður að því
hverjir séu jafningjar hans á bóka-
markaðinum verður fátt um svör.
„Ef ég nefni nöfn,“ segir hann,
„gæti fólk haldið að ég sé að þykjast
vera sérstaklega alþýðlegur eða að
ég sé að reyna að vera merkilegur
með mig eða ég gleymi að nefna
einhverja sem móðgast. Svo það er
best fyrir mig að segja sem minnst
um það.“ Kannski þeir fínnist ekki.
„Hverjir eru jafningjar mínir?“ seg-
ir hann síðar. „Ég býst við að ég viti
í sannleika sagt ekki svarið við
þeirri spurningu."
li
4