Morgunblaðið - 09.11.1999, Blaðsíða 9

MORGUNBLAÐIÐ
ÞRIÐJUDAGUR 9. NÓVEMBER 1999 C 9
KÖRFUKNATTLEIKUR
KR-ingar fyrstir
að leggja
Grindvfldnga
GRINDVÍKINGAR héldu taplausir í vesturbæ Reykjavíkur á
sunnudagskvöld, en þar voru þeim veittar óblíðar móttökur hjá
heimamönnum úr KR, sem lögðu gesti sína að velli á sannfær-
andi hátt, 81:67. Grindvíkingar réðu ekki við tvíeykið Jónatan
Bow og Keith Vassell nærri körfunni annars vegar og Ólaf Jón
Ormsson hins vegar, sem ógnaði stöðugt af lengra færi. Saman
gerði þríeykið jafnmörg stig og allt Grindavíkurliðið, sem reiddi
sig á einstaklingsframtak Brentons Birmingham, stigahæsta
leikmanns úrvalsdeildarinnar á keppnistímabilinu. Hann gerði 35
stig.
KR-ingar lögðu auðsjáanlega
ríka áherslu á að leggja stein í
götu Birminghams. Þótt hann gerði
öll þessi stig, notaði
Edwin hann til þess mikla
Rögnvaldsson orku og sóknarleikur
skriíar gestanna varð full
einhæfur. Aðrir virt-
ust ekki finna taktinn. Það var að-
eins Guðlaugur Eyjólfsson sem
gerði nokkrar góðar körfur - skor-
aði ellefu stig.
Jónatan Bow gerði tuttugu stig í
fyrri hálfleik er KR-ingar lögðu
grunninn að sigri sínum. Þegar stað-
an var 37:26, heimamönnum í hag,
tók Einar Einarsson, þjálfari Grind-
víkinga, leikhlé og brá á það ráð að
leika svæðisvörn samkvæmt skipu-
laginu 2-3. Fátt breyttist þó til hins
betra og KR-ingar gerðu 51 stig í
fyrri hálfleik, gegn 36 stigum Gr-
indavíkur. Sjálfír komust gestirnir
ekki í 51 stig fyrr en tíu mínútur
voru til leiksloka. Þá tóku þeir að
beita l-2-l-l pressuvörn, en einnig
maður gegn manni. Hinir röndóttu
lentu á stundum í ógöngum og virt-
ist um tíma sem Grindvíkingar væru
á góðri leið með að brjóta gestgjafa
sína á bak aftur. Munurinn var ekki
nema tíu stig þegar Grindavíkurliðið
skoraði 51. stig sitt. KR-ingar höfðu
aðeins gert tíu stig á jafnmörgum
mínútum.
En leikmönnum KR tókst að að-
lagast varnarleik Grindavíkur á ör-
lagastundu, auk þess sem tvær körf-
ur Bows úr hraðaupphlaupum, sú
síðari með skemmtilegri troðslu,
höfðu góð áhrif á liðið og vörnin
þéttist. Þetta reyndist vendipunktur
í leiknum. Bow var stigahæstur KR-
liðsins með 24 stig. Vassell gerði
einu færra og Ólafur tuttugu stig
auk þess sem hann tók þrettán frá-
köst. Vassell er ekki í góðri æfíngu
um þessar mundir, en á mikið inni
og vex án efa ásmegin eftir því sem
á líður. Hann er frábrugðinn flestum
öðrum erlendum leikmönnum, sem
hingað hafa komið, að því leyti að
hann sýnir mikinn baráttuvilja á
leikvellinum. Daninn Jesper Sören-
sen lét lítið yfir sér í leiknum, en gaf
níu stoðsendingar og lék góðan
varnarleik. Reikna má með sterku
KR-liði í vor.
Haukar sneru taflinu við
Haukar báru sigurorð af Skalla-
grími, 90:79, í íþróttahúsinu við
Strandgötu í Hafnarfirði á sunnu-
dag, eftir að hafa lent tíu stigum
undir í fyrri hálfleik og misst helsta
leikstjórnanda sinn, Jón Arnar
Ingvarsson, af leikvelli vegna
meiðsla. Lágt skrifað lið Skalla-
gríms kom Hafnfírðingum á óvart
með góðum leik, sem dugði þó ekki
til sigurs gegn Haukum, einu fimm
liða sem hugsanlega getur barist um
Islandsmeistaratitil í vor.
Gestirnir úr Borgarnesi byrjuðu
betur og náðu tíu stiga forskoti,
23:13. „Við áttum í basli í fyrri hálf-
leik - byrjuðum illa. En Borgnesing-
arnir spiluðu vel, að mér fannst. Þér
létu boltann ganga og léku agað. Við
vorum hins vegar ekki nógu stöðug-
ir í sókninni," sagði ívar Ásgríms-
son, þjálfari Hauka.
Heimamenn ráku af sér slyðru-
orðið áður en langt um leið, þótt
landsliðsmiðherjinn Guðmundur
Bragason hafi farið af velli í villu-
vandræðum sínum í fyrri hálfleik og
leikstjórnandinn Jón Arnar Ingv-
arsson hætt leik vegna höfuð-
meiðsla. Hann fékk olnboga and-
stæðings ofan á höfuðið er tæpai’
sex mínútur voru eftir af fyrri hálf-
leik. Hann kom ekki meira við sögu,
heldur fór hann á sjúkrahús og
nokkur spor voru saumuð í höfuð
hans. Ingvar Guðjónsson og Marel
Guðlaugsson héldu merkjum liðsins
á lofti.
„Við sýndum styrk í síðari hálf-
leik, en náðum aldrei að auka mun-
inn í meira en átta til tíu stig. Um
leið og við náðum því forskoti, skor-
uðu þeir [leikmenn Skallagríms]
eina eða tvær körfur. Borgnesingar
komu mér á óvart. I raun léku þeir
mjög vel,“ sagði fvar.
Júgóslavneski miðherjinn, Drag-
isa Saric, var atkvæðamestur Borg-
nesinga í leiknum, gerði þrjátíu stig
af ýmsum stöðum á vellinum.
Skallagrímur hefur unnið einn leik á
keppnistímabilinu, en tapað sex og
eru ásamt nágrönnum sínum af
Akranesi og Þór Akureyri á botni
deildarinnar.
Haukar eru jafnir Keflvíkingum
að stigum í sjötta til sjöunda sæti
úrvalsdeildar, en hefðu getað verið í
hópi með Njarðvík og Grindavík í
efstu sætum hennar, eins og ívar
bendir á. „Við grátum enn tapið fyr-
ir ÍA. Ef við hefðum aðeins tapað
fyrir Grindavík, sem ég var heldur
ekki sáttur við, værum við í topp-
sætinu núna. En þetta tap fyrir
Akranesi er nokkuð sem við skiljum
ekki enn - og örugglega enginn. Það
er sama hvað menn velta þessu lengi
fyrir sér, engin skýring fínnst. Það
varð okkur dýrt. Það er dýrkeypt að
tapa fyrir liðum í neðri hluta deild-
arinnar.“
ívar segir að leik liðs síns, sem
hefur fengið marga nýja leikmenn,
miði ágætlega, en helsta viðfangs-
efni hans sé ekki beinlínis tæknilegs
eðlis. „Þetta er allt á betri veg og
okkur virðist vaxa ásmegin með
hverjum leik. Okkur vantar þó enn
töluvert, þá aðallega á trúna hjá
mönnum. Það hefur tekið tíma að
koma þessari „meistaratrú" í hugar-
skot leikmanna," segir þjálfarinn.
Keflvíkingar góðir
í Hólminum
Keflavík lagði Snæfell að velli í
góðum leik í Stykkishólmi,
104:81, á sunnudagskvöldið. Suður-
■Hmmi nesjamennirnir hófu
Ríkharður leikinn með miklum
Hrafnkelsson látum, pressuðu stíft
skrifar og Jnjttu vel eftir að
hafa náð boltanum
oft af Hólmui'unum. Voru þeir
komnir með 10 stiga forskot strax
eftir tvær minútur. Eftir að Snæfelli
tókst loks að fínna leiðina framhjá
pressuvörninni tókst því að minnka
muninn niður í eitt stig. Staðan var
21:22 eftir átta mínútur. Á þessum
kafla var Hjörtur Harðarson allt í
öllu hjá Keflavík en hann skoraði
alls 16 stig í fyi-ri hálfleik. Staðan í
leikhléi var 39:52, Keflavík í vil.
Snæfell hóf síðari hálfleikinn mun
betur en gestirnir, minnkuðu mun-
inn í átta stig, 44:52, en þá gáfu
gestirnir í og voru komnir með mun-
inn í tuttugu stig, 59:79, þegar síðari
hálfleikurinn var hálfnaður. Eftir
það var sigurinn aldrei í hættu.
Keflvíkingar léku þennan leik
mjög vel og þrátt íýrir góðan leik
hjá Snæfelli tókst ekki að koma í
veg fyrir sigur gestanna. Lið Kefla-
víkur hefur miklu stærri hóp leik-
manna og komust þeii- allir á blað í
stigaskoruninni að þessu sinni. Snæ-
fell skortir stærri hóp leikmanna en
samt var liðið að leika einn sinn
besta leik í vetur og þess leið liggui’
upp á við.
í liði Snæfells var Kim Lewis að
leika mjög vel. Jón Þór Eyþórsson
sýndi sinn besta leik í vetur, skoraði
6 þriggja stiga körfur. Þá lék Pálmi
Sigurgeirsson prýðilega. David Col-
boc, sá franski, sýndi ágæta takta.
Hjá Keflavík lék Hjörtur Harðar-
son stórvel í fyrri hálfleik en var lát-
inn hvíla mikinn hluta síðari hálf-
leiks. Þá voru ungu strákarnir, s.s.
Elentínus Margeirsson og Halldór
Karlsson, með ágætisleik. Gunnar
Einarsson og Guðjón Skúlason hittu
úr þriggjastigaskotunum þegar þau
buðust.
Mikið um mistök
Hann var ekki mikið fyrir augað,
leikur Hamars og Þórs frá
Akureyri er liðin mættust í Hvera-
gerði á sunnudags-
Anton kvöldið. Heimamenn
Tómasson fögnuðu sigri í leik
skrifar mistaka og þar sem
leikmenn áttu oft í
erfíðleikum með að koma knettinum
í körfuna - hittni þeirra var ekki
góð, 76:65. Þórsarar voru yfir í leik-
hléi, 32:29. Gestirnii’ nýttu illa víta-
skot sín - hittu ekki ofan í körfuna í
sjö fyrstu vítaskotum sínum, þar af
misnotaði Bandaríkjamaðurinn
Maurice Spillers fjögur fyrstu víta-
skot sín.
Leikmenn Hamars voru greini-
lega ekki búnir að ná áttum eftir
skellinn í Keflavík á föstudagskvöld-
ið, 123:66. Aðeins einn heimamaður
lék vel - Skarphéðinn Ingason, sem
skoraði 21 stig og tók mörg fráköst.
Spillers, sem skoraði 19 stig, lék
best hjá Þór.
Auðveldur sigur Tindastóls
Leikmenn Tindastóls tóku forust-
una þegar á upphafsmínútum er
þeir lögðu ÍA, 111:74. Þeir léku
mjög vel, en að sama
Bjöm skapi virtust gestirn-
Bjömsson ir af Skaganum ekki
skrifar eiga neitt svar við
ákveðnum leik
heimamanna. Eftir fimm mínútna
leik stóðu stigin 19:9, en þá kom
hreint afleitur kafli hjá IA-mönnum
sem skoruðu ekki stig í 6 mínútur og
breyttist þá staðan í 31:11.
Eftir það náðu gestirnir sér aldrei
á strik, en Tindastólsmenn juku for-
skotið jafnt og þétt, og í hálfleik
skildu liðin 23 stig.
í upphafi síðari hálfleiks héldu
heimamenn áfram á sömu braut og
skoruðu á fyrstu þremur mínútun-
um 10 stig án þess að gestirnir næðu
að svara fyrir sig. Á lokamínútunum
reyndu IA-menn að klóra í bakkann
en höfðu ekki erindi sem erfiði.
I liði Tindastóls reyndi mikið á
yngri leikmennina sem stóðu vel
fyrir sínu. Friðrik Hreinsson,
Svavar Birgisson, ísak Einarsson og
Lárus Dagur voru allir mjög góðir,
en Shawn Myers var öruggur bæði í
sókn og vörn. Þá er Kristinn Frið-
riksson óðum að komast í fyrra form
Morgunblaðið/Jim Smart
Keith Vassell sýndi mikið baráttuþrek er lið hans, KR, lagði Gr-
indvíkinga í úrvalsdeild karla í körfuknattleik á sunnudagskvöld.
Hér tekur Vassell frákast innan um þrjá Grindvíkinga.
og dönsku leikmennirnir eru sem
óðast að smellpassa í liðið, sérstak-
lega Sune Hendriksen, sem átti
ágætan leik.
Hjá Skagamönnum var Ægir
Hrafn Jónsson yfirburðamaður og
barðist lengstum vel, en einnig var
Reid Beckett nokkuð góður, en náði
þó ekki að skapa nein veruleg vand-
ræði fyrir Tindastólsmenn, frekar
en Brynjar Karl Sigurðsson sem
ekki virtist í formi þennan daginn.
Öruggt hjá Njarðvík vestra
Njarðvíkingar sóttu örugg tvö
stig í heimahöfn KFÍ vestur á
Isafirði á sunnudagskvöld og skildu
■■■■■ tuttugu stig liðin að í
Magnús lokin, 84:104. Heima-
Gislason mönnum tókst þó að
skrifar velgja Suðurnesja-
mönnum undir ugg-
um fram undir miðjan seinni hálfleik
en þá tók hinn þrautreyndi Teitur
Örlygsson til sinna ráða og skoraði
12 stig á stuttum kafla og vann inn
góða forystu fyrir sína menn, sem
eftii’ það sigldu lygnan sjó að góðum
sigri.
Heimamenn hófu leikinn af mikl-
um krafti staðráðnir í að ná sínum
fyrsta sigri á heimavelli í deildinni í
vetur, Halldór og Bush hittu vel úr
sínum skotum og eins voru leikmenn
KFÍ mun grimmari í fráköstunum í
byrjun leiks en baráttuleysi í frá-
köstum hefur einmitt verið akkiles-
arhæll liðsins til þessa.
KFÍ náði mest átta stiga forystu
og var yfir fram í miðjan hálfleik-
inn. Njarðvíkingar stóðu þó ágæt-
lega af sér þetta áhlaup Isfirðing-
ana sem fóru að taka óyfirveguð
skot þegar á leið sem varð þess
valdandi að Suðurnesjamenn sneru
leiknum sér í vil með óvæntu fram-
lagi frá Jason Hoover sem setti 16
stig í hálfleiknum og flest þeirra í
lokinn sem skóp 11 stiga forystu í
hálfleik 34:45.
Heimamenn gerðu síðan annað
áhlaup að Njarvíkingum í upphafi
seinni hálfleiks og náðu upp ágætri
vörn og góðri stemmningu og jöfn-
uðu leikinn 50:50 en eins og í fyrri
hálfleik fóru menn að velja slæm
skotfæri þegar á reyndi og liðsheild-
in sem kom þeim aftur inni í leikinn
hvarf um leið. Líkt og áður stóðu
Njarðvíkingarnir vel af sér þetta
öldurót ísfirðinga og framlag Teits
Örlygssonar á þeim kafla er Njar-
víkingar sigu fram úr var mikilvægt,
en hann skoraði 15 stig í seinni hálf-
leik og gat leyft sér að sitja á vara-
mannabekknum síðustu sex mínút-
urnar meðan samherjar hans lönd-
uðu öruggum sigri.
ísfirðinga léku ágætlega á köflu í
leiknum en virtist skorta sjálfs-
traust þegar í harðbakkann sló.
Þeirra bestu menn í þessum leik
voru Tómas og Bush og einnig átti
Halldór ágæta spretti en hann þarf
helst að læra að temja skotgleðina
og vinna meira fyi’ir liðið. Njai’vík-
ingar spiluðu leikinn á góðri liðs-
heild og þar fór fremstur Teitui’ Ör-
lygsson sem enn einu sinn sýndi
hvers hann er megnugur þegar á
reynir.
■ Úrslit / C10
■ Staðan / CIO