Morgunblaðið - 18.12.1999, Side 1

BLAÐ ALLRA LANDSMANNA
1999
■ LAUGARDAGUR18. DESEMBER
BLAÐ
West Ham í
vanda statt
ENSKA úrvalsdeildarliðið West Ham er í vanda,
því komið hefur í ljðs að það tefldi frain ólögleg-
um leikmanni gegn Aston Villa í deildabikar-
keppninni í vikunni. West Ham vann leikinn eftir
vítaspyrnukeppni en nú gæti svo farið að Aston
Villa yrði dæmdur sigrir ellegar að leikur liðanna
verði háður að nýju.
Komið hefur í Ijós að West Ham skipti inn á
varamanni sex mínútum fyrir lok framlengingar,
en sá var ekki gjaldgengur í keppnina. Hann
heitir Manny Omoyimni og hafði tekið þátt í
deildabikarkeppninni fyrri á leiktíðinni er hann
var í láni hjá Gillingham.
Enska knattspyrnusambandið hefur málið nú
til meðferðar, en skýrt er í lögum að leikmaður
má ekki leika með fleiru en einu liði í hverri
keppni á vegum sambandsins.
Byrjar
Sigurður
Ragnar?
SIGURÐUR Ragnar Eyjólfs-
son verður að öllum líkind-
um í byrjunarliði Walsall í
dag í fyrsta sinn á leiktíð-
inni. Walsall mætir Barnsley
á útivelli í 1. deildinni og
stefnir að sigri, enda staða
liðsins slæm við botn deild-
arinnar.
Sigurður Ragnar hefur
verið viðloðandi lið Walsall í
mestallan vetur en skort
herslumuninn til að tryggja
sór sæti í byrjunarliðinu.
Hins vegar hefur frammi-
staða hans að undanfömu
með varaliðinu styrkt mögu-
leika hans; fyrst skoraði
hann þrjú mörk fyrir hálf-
um mánuði og svo tvö mörk
í leik með varaliðinu nú í
vikunni. Mörkin tvö skoraði
Sigurður í fyrri hálfleik og
var tekinn af velli í ieikhléi.
Þykir það benda til þess að
Ray Graydon, síjóri Walsall,
hyggist beita Sigurði í
fremstu víglínu í dag.

Ríkharður Daðason í baráttu við frönsku varnarmennina Laurent Blanc og Liiian Thuram í leik Frakka og íslendinga í París í haust.
Barker ekki
til Stoke
Ríkharður féll
læknisskoð-
un hjá HSV
RÍKHARÐUR Daðason, sem seldur var í fyrri viku frá norska fé-
laginu Viking í Stavangri til þýska stórliðsins Hamburger Sport-
verein fyrir um 80 milljónir króna, stóðst ekki læknisskoðun
þýska liðsins í gær og virðist salan því gengin til baka. Sam-
kvæmt norskum fjölmiðlum bendir allt til þess að Ríkharður leiki
áfram með Viking á næstu ieiktíð.
Forsvarsmenn enska knatt-
spyrnuliðsins Stoke City, ís-
lenskir og breskir, hafa vísað sögu-
sögnum á bug þess efnis, að félagið
sé á höttunum eftir Richard Bark-
er, sóknarmanni Macclesfield
Town. A heimasíðu Stoke City á
Netinu kemur fram að Stoke hafi
verið viðloðandi hugsanleg kaup á
leikmanninum á hálfa milljón sterl-
ingspunda. Barker þessi er 24 ára
og lék áður með Sheffield Wednes-
day í ensku úrvalsdeildinni. Hann
hefur gert þrettán mörk á leiktíð-
inni. Onnur félög eru sögð hafa
áhuga á leikmanninum, t.d. Wigan,
Norwieh, Bristol Rovers og Stock-
port. John Rudge, yfii-maður knatt-
spyrnumála hjá Stoke, sagði að fé-
lagið hefði ekki falast eftir Barker.
Guðjón Þórðarson, knattspyrnu-
stjóri Stoke City, fór með lið sitt til
Lilleshall, staðar sem er í eigu
enska knattspyrnusambandins, til
að búa það undir viðureign á heima-
velli við Bristol Rovers í dag. Æf-
ingaaðstaðan að Lilleshall þótti
sleppa vel frá frostinu, sem ríkt
hefur í Englandi að undanförnu.
Lið Stoke hefur ekki háð kappleik í
tíu daga og sagði Guðjón í samtöl-
um við fjölmiðla að það hefði verið
kærkomin hvíld. „Þetta hlé var af
hinu góða. Leikmennirnir hafa lagt
hart að sér við æfingar að undan-
förnu og við höfum getað gert
nokkrar tilraunir," sagði Guðjón.
Stoke City dróst gegn Oldham At-
hletic í annarri umferð bikarkeppni
neðri liða.
Viking og HSV komust að sam-
komulagi um kaupin á Rík-
harði í síðustu viku, en skv. venju
eru slíkir samningar háðir fyrir-
vara um að leikmaður standist
læknisskoðun á vegum kaupanda.
Sú skoðun fór fram í Hamborg í
gær og þar komu fram hnémeiðsli
sem Þjóðverjarnir mátu svo al-
varleg að kaupin gengu til baka.
Ríkharður heldur til Stavanger
á morgun til fundar við forráða-
menn Viking um stöðu mála, en
Aftenblad, sem gefið er út í Stav-
anger, segir ekki loku fyrir það
skotið að af kaupunum verði. Þó
sé líklegt að forráðamenn HSV
vilji láta reyna á hvort hnémeiðsl-
in hamli Ríkharði í leik og því
muni hann líklega leika með Vik-
ing á næstu leiktíð í norsku úr-
valsdeildinni.
Samningur Ríkharðs við HSV
var til þriggja og hálfs árs, eða til
loka leiktíðarinnar 2003. Sam-
kvæmt norska netmiðlinum
Nettavisen átti hann að færa leik-
manninum um 40 milljónir í árs-
laun.
HSV er sem stendur í þriðja
sæti þýsku 1. deildarinnar.
FABIO CAPELLO AÐ KOMA ROMA í FREMSTU RÖÐ/B2