Morgunblaðið - 18.01.2000, Síða 9

MORGUNBLAÐIÐ
ÞRIÐJUDAGUR 18. JANÚAR 2000 C 9
ÍÞRÓTTIR
Mosfellingar
með fulttrúa
MOSFELLIN GAR áttu fulltrúa á
unglingameistaramótinu um
helgina. Þar á meðal voru Sigur-
jón Jónsson og Andrés Andrésson,
14 ára úr Aftureldingu, sem tóku
báðir þátt í tvenndarleiknum. „Við
æfum saman þrisvar í viku en það
er samt skemmtilegast að keppa á
mótum,“ sögðu þeir féiagar. „Við
erum ekki í neinum öðrum
íþróttagreinum því það er enginn
tími fyrir annað auk þess sem
badminton er langskemmtileg-
ast.“ Og hvemig gekk þeim félög-
um? „Agætlega en mætti samt
ganga betur."
Félagarnir Sigurjón Jóhannesson og Andrés Andrésson frá
Mosfellsbæ.
Strákarnir hlýða
stundum ekki
KARITAS Ósk Ólafsdóttir er 12
ára íþróttatáta frá Akranesi, sem
sigraði í einliðaleik og einnig í tví-
liðaleik með Hönnu Maríu Guð-
bjartsdóttur.
„Ég hef æft badminton í þrjú ár
og það er alltaf jafn gaman. Ég hef
líka æft sund, körfubolta og fót-
bolta, sem er gaman en badminton-
ið er skemmtilegast enda gengur
vel þar,“ sagði Karitas Ósk. Hún
æfir 5 sinnum í viku en lætur það
ekki duga heldur aðstoðar hún við
þjálfun hjá yngri flokkum. „Það er
ekki alltaf gaman því það er oft erf-
itt að láta strákana hlýða - þeir
hlusta stundum ekki á mann. Það
tekst samt stundum en ég veit ekki
hvort ég ætla, að verða þjálfari,"
bætti Karitas Ósk við hugsi.
Karitas Ósk Ólafsdóttir f rá Skaganum var sigursæl í tátuf lokki.
HANDKNATTLEIKUR
Morgunblaðið/Porkell
Inga Jóna Ingimundardóttir átti góðan leik fyrir ÍR á móti Fram á laugardaginn en varð samt að
játa sig sigraða. Hér reynir hún að komast framhjá Hafdísi Guðjónsdóttur, fyrirliða Fram.
Reynsjuleysið
kom ÍR í koll
ÞAÐ var að duga eða drepast fyrir Fram-stúlkur er þær fengu í
heimsókn á laugardaginn hið harðskeytta lið ÍR, sem hafði í
tveimur síðustu leikjum sínum lagt háttskrifaða andstæðinga að
velli. Ekki var bara fyrir Fram að hefna fyrir tap á móti ÍR í fyrri
umferðinni, heldur voru bæði lið með 10 stig og bitust um 8. sæt-
ið í deildinni en það gefur síðasta sæti í úrslitakeppninni. Það
tókust á reynsla og kappsemi en að lokum hafði reynslan betur
og Fram sigraði 20:18.
Stefán
Stefánsson
skrífar
Fyrstu tíu mínúturnar notuðu
liðin til að þreifa fyrir sér, bar-
ist var um hvem bolta og staðan
5:4. Þá misstu
Breiðhyltingar um
tíma þolinmæðina
og brutu klaufalega
af sér svo að dómar-
ar leiksins viku þeim af leikvelli.
Það nýttu Framstúlkur sér til hins
ýtrasta og bættu á meðan við mörk-
um með yfirveguðum leik. Það
hefði átt að vera ÍR-stúlkum næg
viðvörun um að flýta sér hægt en
svo varð ekki og í hvert sinn er
gestirnir voru færri jókst munur-
inn. Að vísu minnkuðu þær aftur
muninn þegar Framstúlkur voru
tvívegis tveimur leikmönnum færri
en það dugði skammt og skömmu
eftir hlé varð forskotið 17:10. Þá
tóku IR-stúlkur loks við sér en það
var of seint.
„Við ætluðum ekki að tapa öðru
sinni og tókst að hefna, sem byggð-
ist á góðri vörn og baráttu," sagði
Hafdís Guðjónsdóttir, fyrirliði
Fram, eftir leikinn. „Við nýttum
líka veikleika þeirra og reynslu
okkar þegar þær voru einum eða
tveimur færri en það hefur alltof
sjaldan tekist í vetur. Við héldum
okkar striki allan leikinn, fórum
langt á skynseminni og sáum hvað í
okkur sjálfum býr enda urðum við
að taka þessi stig til að halda átt-
unda sætinu,“ bætti Hafdís við en
hún og Díana systir hennar áttu
góðan leik. Marin Zoveva var í
strangri gæslu en var þó ágæt.
ÍR-stúlkum tókst ekki að nýta
baráttugleði og misstu þolinmæð-
ina. Fyrir það var þeim refsað og þó
að þær næðu betri tökum á leik sín-
um eftir hlé var það of seint. Hins-
vegar hafa þær sýnt að ekkert lið
getm’ bókað stig gegn þeim. Ingi-
björg Ýr Jóhannsdóttir og Inga
Jóna Ingimundardóttir slógu þó
hvergi af og áttu góðan leik en Guð-
ný Jenný Asmundsdóttir og Katrín
Guðmundsdóttir voru ágætar.
Norðanstúlkur stóðu uppi i hár-
inu á Stjömustúlkum á Akureyri á.
föstudaginn. Eftir jafnan fyrri hálf-
leik þar sem KA hafði oft forystuna
var staðan 9:9 en þá sneru Garð-
bæingar blaðinu við svo að um
munaði því heimasæturnar skor-
uðu ekki mark. Stjörnustúlkur aft-
ur á móti hófu að nýta færin sín og
unnu 23:9.
FH-stúlkur skelltu sér á topp 1.
deildar með 27:14 sigri á ÍBV í
Kaplakrika. Jafnt var á flestum töl-
um fram eftir leik en þá lokuðu
Hafnfirðingar leiðinni að marki
sínu með góðri vöm og markvörslu.
Grótta/KR er hætt að sleikja sár-
in eftir tap fyrir ÍR og ætlar sér
ekki að missa taktinn. Stúlkumar
fengu Val í heimsókn á laugardag-.
inn og unnu 24:18, sem skilaði þeim
í annað sæti deildarinnar.
Erfftt að leika
undir pressu
„ÞAÐ var erfitt að leika undir
pressu eftir góðan leik við Gróttu/
KR og Stjömuna, þegar enginn
hafði trú á okkur,“ sagði Anna _
María Sigurðardóttir, fyrirliði ÍR,
eftir leikinn við Fram. „Svo komum
við íþennan leik gegn Framliðinu,
sem við unnum í fyrri umferðinni
og ætluðum að vinna almennilega
en náðum alls ekki okkar besta
leik. Við vomm alltof mikið út af
fyrir óþarfa brot og spiluðum hrað-
ar en við emm vanar og hentar
okkur best. Við emm samt ekki
hættar og ætlum í átta liða úrslit," —
bætti Anna María við vígreif.