Morgunblaðið - 25.01.2000, Síða 12

12 B ÞRIÐJUDAGUR 25. JANÚAR 2000
MORGUNBLAÐIÐ
KÖRFUKNATTLEIKUR
Grindvík-
ingum óx
ásmegin
GRINDVÍKINGAR eru komnir í úrslit bikarkeppni karla í körfu-
knattleik eftir að liðið lagði Hauka 68:67 í undanúrslitaleik á
Strandgötu á sunnudagskvöld. Haukar höfðu örugga forystu
frá upphafi og sigurinn í hendi sér allt þar til Guðlaugur Eyj-
ólfsson, leikmaður Grindvíkinga, gerði þriggja stiga körfu
þegar 20 sekúndur voru eftir og færði sínu liði forystu í fyrsta
skipti í leiknum. Haukar reyndu hvað af tók að jafna eða kom-
ast yfir en Grindvíkingar héldu út og ærðust af gleði ásamt
stuðningsmönnum þegar leiknum lauk.
Við ræddum um það í hálfleik að
taka síðasta skotið og vinna
leikinn. Það gekk eftir. Auðvitað
bjóst ég ekki við að
leikurinn mundi
Þorsteinsson þroast a þennan
skrifar hátt, en við héldum
ró okkar þrátt fyrir
slæma stöðu og það er aðdáunar-
vert,“ sagði Einar Einarsson, þjálf-
ari Grindvíkinga.
Lærisveinar hans voru slaldr
framan af leik, hvorki gekk né rak í
vöm og skotin rötuðu ekki niður í
körfuna. Haukar náðu hægt og bít-
andi að sigla fram úr og voru með 13
stiga forystu í hálfleik og nær ekk-
ert sem benti til þess að Grindvík-
ingar gætu unnið sig úr þeim vand-
ræðum sem þeir voru í.
Allt virtist ætla að fara á sömu
leið í síðari hálfleik. Haukar létu for-
ystu sína ekki af hendi og Grindvík-
ingar áttu í sömu vandræðunum.
Einkum vakti athygli hve Brenton
Birmingham, leikmaður Grindvík-
inga, sem hefur skorað grimmt í vet-
ur, lét lítið að sér kveða og skoraði
sín fyrstu stig í síðari hálfleik þegar
11 mínútur voru búnar af hálfleik-
num. Landi hans, Bandaríkjamað-
urinn Stais Boseman, í liði Hauka,
var hins vegar frískur í fyrri hálf-
leiknum og gerði þá 20 stig en að-
eins þrjú í þeim síðari og munaði um
minna fyrir heimamenn. Hjá Hauk-
um var Bragi Guðmundsson dijúg-
ur í lokin sem og Pétur Guðmun-
dsson, fyrirliði Grindavíkur, en
hann var stigahæstur í sínu liði.
Einar þjálfari Grindvfldnga sagði
að sínir leikmenn hefðu verið skrefl
á eftir í fyrri hálfleik og lent í villu-
vandræðum. „Við vorum slakir í
fyrri hálfleik, einkum í vörn. Því ætl-
uðum við að bæta fyrir leik okkar í
sókn, en það fór á sömu leið. I hálf-
leik vorum við staðráðnir í að þétta
vömina og vinna leikinn, sama hve-
nær liðið kæmist yfir. Við byrjuðum
að leika maður á mann en það gekk
ekki upp og breyttum í svæðisvöm
og þá fóra hlutimir að gerast. Þeir
hikstuðu og við gengum á lagið.“
Hægt er að taka undir orð Einars
því Grindvfldngar vöknuðu til lífsins
á síðustu fimm mínútum leiksins og
10 stiga forysta Hauka fór fyrir lítið
á skömmum tíma með yfírveguðum
leik gestanna. Þegar mínúta var eft-
ir af leiknum var staðan 67:65 fyrir
Hauka og þeir komust í sókn. En
þeir rötuðu í vandræði, fundu ekki
glufu á vörn Grindvfldnga og varð
Guðmundur Bragason að skjóta úr
slæmu færi áður en 30 sekúndur á
skotklukkunni rannu út. Grindvík-
ingar sáu sér leik á borði og Guð-
laugur Eyjólfsson tryggði sínu liði
sigur með eftirminnflegum hætti.
Aðspurður um hvort Einar þjálf-
ari hefði einhverjar skýringar á
framgöngu liðsins í fyrri hálfleik
sagði hann að spennan hefði sett
leikmenn út af laginu. „Einnig hefur
sviplegt fráfall Órlygs Sturlusonar,
leikmanns Njarðvíkur, sem var vin-
ur margra í liðinu, setið í okkur.
Þessi vika var okkur erfið og æfing-
ar farið fyrir ofan garð og neðan.“
Einar sagðist vonast til þess að fá
Njarðvík í úrsht en að Grindvfldng-
ar ætluðu sér sigur í úrslitaleiknum.
„Við eram ekkert sáttir að komast
einungis í úrslitaleikinn. Við viljum
fá Suðumesjaslag og klára síðan
keppnina með stæl. “
Colbas lét
sig hverfa
FRANSKI leikmaðurinn
David Colbas, sem leikið
hefur með Snæfelli í úrvals-
deildinni í vetur, er farinn
frá féiaginu. Colbas hélt af
landi brott sl. þriðjudag án
þess að láta forráðamenn
Snæfells vita, að sögn Leifs
Ingólfssonar, forsvar-
smanns félagsins. Snæfell
lék án hans gegn KFÍ um
helgina.
Leifur sagði að Colbas
hefði ekki leikið vel en ekki
hefði staðið til að segja hon-
um upp. Því hefði það koin-
ið á óvart að hann fór úr
landi. Leifur sagði að Colb-
as hefði rofið samninginn
en bjóst ekki við að félagið
mundi elta ólar við leik-
manninn, hann fengi ekki
félagaskipti á meðan félag-
ið gæti gert kröfu til hans.
Auðvelt hjá KFÍ
Lið KFÍ vann sinn annan leik í
röð á heimavelli þegar það
mætti Snæfellingum á laugardag-
inn þar 'sem tíu stig
skildu liðin að í lok-
Gíslanson in, 90:80, eftir að
skrifar staðan í hálfleik
hafði verið, 41:33
fyrir heimamennn. Lið KFI komst
þar með uppfyrir Snæfell í deildinni
og situr Snæfell því eitt í ellefta sæti
og þar með í fallsæti með átta stig,
tveimur stigum á eftir KFÍ og Þór.
Leikurinn á ísafirði náði aldrei að
verða spennandi - heimamenn tóku
frumkvæðið strax í upphafi leiks og
náðu fljótlega þægilegu forskoti
sem mest varð tuttugu stig í hvor-
um hálfleik en eftir tíu mínútna leik
var staðan orðin 27:9 fyrir Isfirð-
inga. Leikurinn einkenndist því af
litlausum tilraunum Snæfellinga til
að brúa bilið. En þeim tókst aldrei
að ógna forystu heimamanna sem
tryggðu sér þar með mikilvægan
sigur í botnbaráttunni.
ÍÞRÓTTIR
Vorum með unninn
leik í höndunum
„VIÐ erum svekktir yfir úrslit-
um leiksins enda með unninn
leik í höndunum. Það var eins og
við hættum að leika eins og við
áttum að okkur þegar þeir
skiptu yfir f svæðisvörn í síðari
hálfleik. Við lentum í tímahraki
og þurftum að mig minnir að
skjóta fimm sinnum þegar fáein-
ar sekúndur voru eftir á skot-
klukkunni og það gerði út af við
okkur,“ sagði ívar Ásgrímsson
þjálfari Hauka.
Ivar sagðist hafa átt von á að
Grindvíkingar kæmu til með að
spila svæðisvörn gegn þeim og
að sú varnaraðferð hefði ekki átt
að koma sínu liði á óvart. „Leik-
menn náðu að stöðva Brenton
Birmingham og voru óhræddir
að framkvæma hlutina framan
af leik. En það var eins og þeir
hættu, slökuðu á undir lokin og
biðu eftir að einhver annar í lið-
inu tæki af skarið og reyndi að
skora. Við stóðum allir fyrir utan
þriggja stiga línunnar og enginn
reyndi að fylgja skotum eftir.“
Ivar sagði að ekki væri öll nótt
úti þó að liðið væri úr leik í bik-
arkeppninni og sagði að það
hefði fulla burði til þess að vinna
íslandsmeistaratitilinn. „Við
sýndum það í þessum leik að við
getum vel unnið titilinn og leikur
liðsins verður sífellt betri. En
það var sárt að tapa þessum leik
sem við höfðum f okkar liönd-
um.“
i ;• Æf '«i|

Morgunblaðið/Golli
Geysilegur fögnuður braust út hjá leikmönnum Grindavíkur, eftir að þeir höfðu tryggt sér sigur á
Haukum með þriggja stiga körfu á lokasekúndunni.
SKIÐI/HEIMSBIKARINN
Mario Matl kom,
sá og sigraði
Austurrfltísmaðurinn Mario
Matt kom heldur betur á óvart
með sigri sínum í svigi karla í
heimsbikarnum í Kitzbuehel á
sunnudaginn. Fyrir keppnina var
ekki reiknað með miklu af þessum
tvítuga skíðamanni, en hann sló
heldur betur í gegn. Með rásnúmer
47 og aðeins að taka þátt í þriðja
sinn í móti í heimsbikamum skaut
hann öllum ref fyrir rass, náði öðr-
um besta tíma fyrri ferðar og þeim
langbesta í síðari ferð með þeim af-
leiðingum að hann kom nærri einni
sekúndu á undan Slóvenanum
Matjaz Vrhovnik, þegar tímar
beggja ferða voru lagðir saman.
Tími Matt var 1.42,79, Slóveninn
var á 1.43,77 og þriðji varð landi
Matts, Benjamin Raich, á 1.44,02
eftir að hafa staðið best að vígi að
lokinni fyrri ferð.
„Ég er orðlaus, átta mig ekki á
því hvað hefur gerst og ég held að
enginn viti það heldur," sagði hinn
ungi Matt. Énginn hefur náð viðlíka
árangri í svigkeppni heimsbikars-
ins og Matt, en það sem næst þess-
um árangri kemur er sigur Italans
Piero Gros í Madonna di Campiglio
árið 1974. Þá hafði Gros rásnúmer
42, stóð eigi að síður upp sem sigur-
vegari.
„Ég veit ekki hvað skal segja.
Tuttugasta sætið hefði glatt mig
óstjórnlega, en þetta er svo sannar-
lega árangur sem fór fram úr mín-
um villtustu vonum,“ bætti Matt
við, en þetta var um leið fyrsti sigur
Austuirfltís í svigkeppni á keppnis-
tímabihnu. Afar sjaldgæft er að
keppendur með hærra rásnúmer en
25 blandi sér alvarlega í keppni
þeirra bestu á mótum.
Matt er heimsmeistari unglinga í
alpatvíkeppni og hlaut auk þess silf-
urverðlaun í svigi á heimsmeistara-
móti unglinga. Besti árangur í
heimsbikarnum þar til að keppninni
á sunnudaginn kom var 17. sætið í
Wengen í Sviss.
Sænskur sigur í stórsvigi
Það voru einnig óvænt úrslit í
kvennakeppninni í stórsvigi. Svíinn
Anna Ottosson kom þar fyrst í
mark og rétt eins og hjá Matt þá var
hún einnig að vinna í fyrsta skipti í
heimsbikamum. Þá vakti það ótví-
ræða athygli að Birgit Heeb,
Liechtenstein, hafnaði í öðra sæti
ásamt annarri lítt þekktri skíða-
konu frá Kanada, Allison Forsyth.
Sigur Ottosson vakti mikla kát-
ínu í herbúðum sænska keppnisliðs-
ins enda átta ár síðan Svíar áttu
konu á efsta palli í stórsvigi á
heimsbikarmóti.
Kristinn
féll í fyrri
ferð
KRISTINN Bjömsson, skíða-
maður úr Leiftri, féll úr
keppni í fyrri ferð á heims-
bikarmóti í svigi í Kitzbuehel
í Austurríki á sunnudag. Að-
stæður voru afar erfíðar í
Kitzbuehel á sunnudags-
morguninn, þegar fyrri ferð-
in fór fram. Það snjóaði mjög
og setti veðrið strik í reikning
fleiri skíðamanna en Kristins.
Kristinn lenti í basli og var
nærri þvf fallinn strax við
þriðja port, stóð þó af sér og
hélt áfram. Millitími hans var
rúmlega 1,2 sekúndum lakari
en tími Benjamins Raichs,
sem hafði besta tímann. I síð-
ari hluta brautarinnar freist-
aði Kristinn þess að auka
hraðann en tókst ekki betur
en svo að hann krækti í hlið
undir lokin og var þar með úr
leik. Þetta var annað heims-
bikarmótið í röð sem Kristinn
heltist úr lestinni og það
þriðja á vertíð heimsbikar-
sins.
Kristinn er nú í 15. sæti
stigakeppninnar í svigi, hefur
sem fyrr 104 stig. Norðmað-
urinn Kjetil Andre Aamodt er
efstur með 330 stig.