Morgunblaðið - 31.05.2000, Blaðsíða 63

MORGUNBLAÐIÐ
MIÐVIKUDAGUR 31. MAÍ 2000 63
FÓLKí FRÉTTUM
Kvikmyndin 101 Reykjavík verður frumsýnd í kvöld
Hallgrímu
heima á 1
Kvöldið í kvöld er æsispennandi fyrir að-
standendur kvikmyndarinnar 101 Reykja-
vík. Það er komið að frumsýningu. Jóhanna
K. Johannesdóttir hitti manninn á bak við
söguna, skáldið Hallgrím Helgason, á kaffí-
stofu í miðju póstnúmeri 101 og ræddi við
hann um myndina, lífíð og tilveruna.
ÞETTA er í fyrsta sinn sem verk eft-
ir þig ratar á hvíta tjaldið. Hvernig
fínnst þér myndin ?
„Ég er mjög ánægður með þessa
mynd, alveg í skýjunum,“ segir Hall-
grímurogbrosir.
Baltasar Kormákm-, sá víðfrægi
leikhúsmaður, fékk snemma áhuga á
að kvikmynda bókina og hefur síðan
verið virkur í ferlinu öllu. Hann
samdi handritið að myndinni auk
þess að leikstýra, framleiða og svo
leika eitt hlutverkanna.
En langaði Hallgiim aldrei til að
vera með í verkefninu ?
„Ég fylgdist með handritsgerðinni,
skaut inn hugmyndum og hjálpaði
svo til með sögumannskaflana á síð-
ustu metrunum. Bókin er svona stór-
verslun og Baltasar kemur inn í búð-
ina með körfu og hann velur úr
hillunum línur, samtöl, þætti úr sögu,
þangað til hann fyllir körfuna. Svo fer
hann heim og eldar úr þessu heila
bíómynd. Þetta er allt spurning um
val því kvikmyndaformið er svo
knappt.“
Hallgrímur segist vera mjög
ánægður með val Baltasars, hann
hafi sýnt að hann beri gott skynbragð
á að velja bestu hlutina, setningarnar
og aðstæður.
Þegar hér er komið við sögu fær
Hallgrímur sér bolla af rótsterku,
ilmandi espresso kaffi og sníkir sér
sígarettu á næsta borði. „Ég er nefni-
lega hættur. Hættur að kaupa sígar-
ettur,“ segir hann og fær sér sopa og
smók, spjallið heldur áfram.
Fylgdistu með tökum myndarinn-
ar?
„Já, ég var viðstaddur nokkrar
tökur, ætlaði stundum bara að kíkja
en fór svo ekki heim fyrr en sólar-
hring síðar. Það var bara svo gaman.
Svo vildu þeir líka láta mig koma fyr-
b' í myndinni."
Upprisa Hlyns
Nú bjóst þú til söguna og þar með
Hlyn Björn aðalpersónuna. Var ekk-
ert einkennilegt að sjá hann lifna við?
„Jú, það var einkennilegt að sitja
við hliðina á honum á Kaffibamum.
Ég var eitthvað að reyna að spjalla
við hann en hann er bara svo lokuð
manngerð. Það var líka skrýtið að
vera heima hjá honum, í húsinu sem
var byggt úti í Héðinshúsi. Það var
eins og að ganga inn í hausinn á sjálf-
um sér.“
Hilmir Snær Guðnason leikur
Hlyn Bjöm, mömmustrák og alls-
herjar ónytjung. Það er alveg nýtt að
sjá Hilmi í svona hlutverki. Hann hef-
ur svo miklu oftar túlkað rómantísku
hetjuna, hálfguðinn sem allar stúlkur
dreymir. Það dreymir engan um
mann eins og Hlyn, hann er meira
eins og martröð.
Hvernig stóð á því að Hilmir Snær
varfenginn íhlutverkið?
„Baltasar réð því að sjálfsögðu,
þeir hafa unnið mjög mikið saman.
Og ég sannfærðist alveg um leið og
ég sá Hilmi Snæ með gleraugun, í
úlpunni. Eftii- það hvarflaði ekki að
mér að nokkur annar hefði átt að
gera þetta. Ég tek ofan fyrir Hilmi
fyrir frammistöðuna. Hann gerir
þetta svo vel að maður efast aldrei
um að þetta er Hlynur á tjaldinu, lif-
andi kominn... ja, eins lifandi og hann
getur orðið. Baltasar á líka stóran
þátt í því. Hann nýtur þeirra forrétt-
inda, sem kvikmyndaleikstjóri, að
koma úr leikhúsinu þar sem hann
hefúr unnið mikið með leikurum. Og
um leið hefúr honum tekist að dempa
leikinn svo mikið niður að það er eng-
inn sviðsblær á myndinni og það er
svo sterkt að sjá fólk leika svona á
lágu nótunum. Það gleymist mjög
auðveldlega að maðurinn er að gera
sína fyrstu bíómynd.
Hilmir/Hlynm- og Hanna María/
Berglind eiga einmitt sterka senu
þar sem móðirin kemur út úr skápn-
um, maður sér tilfinningamar rótast
upp í honum en hann sýnir engin
svipbrigði, samt er hægt að lesa út úr
andlitinu alls konar hugsanir.
Þetta er mjög... já, ég má víst ekki
hrósa þessu um of. Maður hljómar
eins og roggið foreldri að rausa um
bamið sitt.“
í bókinni era orðskýringar yfir
tungutak Hlyns. Ein slík er á Hlyni
Birni sjálfum, hann er „veiklyndur
maður í vanda.“ Veikleikann þarf
ekki að útskýra, en hver er vandinn?
„Tragík fjallar um venjulegt fólk
sem lendir í óvenjulegum aðstæðum.
Hlynur er óvenjulegur maður sem
lendii- í óvenjulegum aðstæðum.
Hann er hinn freðni íslendingur,
túndramanngerðin, það þiðnar aldrei
í honum kjaminn. Hann forðast öll
„mannleg samskipti" eins og hann
frekast getur og síðan er hann
skyndilega flæktur inn í ástamál
móður sinnar. Maður getur nú varla
annað en vorkennt greyinu.“
Þegar Hallgrímur er spurður hvað
verður svo um hinn gaddfreðna Hlyn,
segist hann ekki vita það. Hann hafi
ekki heyrt frá honum lengi.
Það er mikil nekt í myndinni, sést í
bossann á flestum persónum, hvers
vegna?
„Það var nú mikið reynt að draga
úr nekt frá því sem var í bókinni. Vís-
indalegar kannanir sem Evrópusjóð-
urinn hefur gert sýna hins vegar að
fyrir sérhvern nakinn rass sem birt-
ist á tjaldinu koma 17 þúsund manns í
bíó. Þetta er umreiknuð tala fyrir ís-
lenskan markað. Að vísu eram við þá
að tala um kvenrass, karlmannsboss-
inn skilar ekki nema 3 þúsund áhorf-
endum. Þannig að ég held að menn
geti bara verið bjartsýnir."
Blaðamaður lætur þessa fullyrð-
ingu liggja milli hluta, Hallgrímur er
líklega bara að grínast.
Borg og sveit
Hvað er svo næst á döfínni hjá
skáldinu?
„Ég er að skrifa skáldsögu, ætla að
byrja á henni aftur næsta mánudag.
Ég er nefnilega að hugsa um að taka
mér frí um helgina. Eg verð svo að
vinna í sögunni í sumar. Mig vantar
bara hótelherbergi úti á landi. Það er
alls staðar allt upppantað. í haust
verður svo framflutt verkið Skálda-
nótt í Borgarleikhúsinu."
Fyrri skáldsögur þínar þrjár
Hella, Þetta er allt að koma og 101
Reykjavík hafa verið ólíkarhver ann-
ari.
„Maður reynir náttúrlega alltaf að
bæta við sig, að gera ekki alltaf það
sama heldur fara í nýja átt.“ Og hvert
skyldi þá leiðin liggja?
í „Þetta er allt að koma“ fengu les-
endur að kynnast stúlkunni Ragn-
heiði Birnu, allt frá getnaði fram á
miðjan aldur. Konur á öllum aldri
samsömuðu sig hörkukvenmannin-
um sem lenti ýmist í hræðilegum
hrakningum eða vann hetjudáðir
miklar. Þær raddir heyrðust að ótrú-
legt væri að karlmaður gæti skrifað
af slíku kvenlegu innsæi Þegar „101
Reykjavík" kom svo út heyrðust hróp
og harmakvein, karllægt sjónarhom
var orðið allsráðandi og Hallgrímur
jafnvel sakaður um kvenfyrirlitn-
ingu. Algjör umskipti höfðu átt sér
stað.
Leitarðu þá á enn aðrar slóðir í
nýju skáldsögunni?
„Já, þetta verður sæt og salí
sveitasaga. Fyrir ári birtist Halldór
Laxness mér í draumi. Hann var þá
staddur í brekkunni fyrir ofan Sum-
arhús að spjalla við hann Nonna litla.
Bjartur var á leiðinni að ná í hann,
ætlaði að bera hann niður í bæ.
Smám saman rann það upp fyrir mér
að þetta væri ágætt efni í skáldsögu:
Aldraður rithöfundur deyr og vaknar
upp í bók eftir sjálfan sig. Það kallast
líka á við það hvemig mér leið sjálf-
um á settinu í 101 Reykjavík.“
Nú er allt líka komið í heilan hring
í spjalli okkar Hallgríms. Blaðamað-
ur sýpur á sódavatni, Hallgrími til
samlætis sem dæsir ánægjulega áður
en spjallinu er haldið áfram. Myndin
sýnir margar hliðar á litlu stórborg-
inni Reykjavík. Úti fyrir lemja hríð-
arbyljimir lágreist bárajámshúsin
en inni stígur siðspillt æskan trylltan
dans. Er þetta Reykjavík, ó Reykja-
vík þú yndislega borg Hallgríms?
„Nei, mér finnst Reykjavík dags-
ins í dag vera einhvers konar salsa-
pottur, heit og lifandi borg. Ég læt
Hlyn hins vegar úthúða borginni fyr-
ir hvað hún er köld því hann þolir
ekki að ganga úti í veðrinu, bíllaus og
reyklaus. Svona köst koma reyndar
Morgunblaðið/Jón Svavarsson
yfir alla þegar skafrenningurinn veð-
ur upp í nefið á manni og ekkert
lífsmark finnst í fleiri hundrað metra
fjarlægð. Meira að segja fuglamir yf-
irgefa okkur og borgin verður eins og
smábær í Síberíu."
Grert er hlé á orðaflaumnum þegar
Ijósmyndarinn lætur sjá sig. A hatt-
urinn að vera af eða á? Með hattinn
er Hallgrímur svolítið klerklegur svo
honum er snarlega tyllt á krúnurak-
aðan kollinn.
Þá halda samræðumar áfram um
stund, húðflúr og hes ber á góma og
ótalmargt annað. Er orðunum tekur
að fækka kveður blaðamaður Hall-
grím með styrku handabandi. Hvort
heldur sína leið í bjarta sumarnótt-
ina.
Bíómyndin 101 Reykjavík fer senn
í dreifingu um allan heim og bókin
líka. Saman eða í sundur munu þær
breiða út hróður íslenskra lista-
manna og gefa innsýn inn í hugar-
heim hins huglausa Hlyns - manns-
ins sem endar „einhvem veginn allur
gufusoðinn. Linur Bjöm.“
Nœturqatinn
simi 587 6080
í kvöld leikur hið eldhressa
STUÐBANDALAG
Gestasöngvari: Anna Vilhjálms. Frítt inn til miðnættis.
Föstudaginn 2. júní
HLJÓMSVEIT HJÖRDÍSAR GEIRS
leikur fyrir dansi. Opið frá kl. 22—03.
Laugardaginn 3. júní
Hinn frábæri söngvíkingur ARI JÓNSSON
ásamt Úlfari Sigmarssyni.
Bjóðum sjómenn, sem og aðra, velkomna.
Borðapantanir í síma 587 6080.
VAKORT
Eftirlýst kort nr.
4543-3700-0029-4648
4543-3700-0036-1934
4543-3700-0034-8865
Afgreiðslufólk, vinsamlegast takið
ofangreind kort úr umferð og
sendið VISA Islandi sundurklippt.
VERÐLAUN kr. 5000
fyrir að klófesta kort
og visa á vágest
VISA fSLAND
Álfabakka 16,
109 Reykjavik.
Sími 525 2000.