Morgunblaðið - 05.10.2000, Blaðsíða 1

BLAÐ ALLRA LANDSMANNA
2000
fMttgtstiHjifeifr
■ FIMMTUDAGUR 5. OKTÓBER
BLAÐ
Landsliðið
ámót
í Indlandi
GEIR Þorsteinsson, framkvæmdastjóri Knatt-
spyrnusambands Islands, sagði í gær að KSI
hafí ákveðið að þiggja boð frá Indveijum um að
taka þátt í sextán liða móti á Indlandi 10. til 25.
janúar næstkomandi.
„Ég reikna fastlega með að landsliðið verði
að mestu skipað leikmönnum sem leika heima á
fslandi, þar sem atvinnumenn okkar í Evrópu
eru flestir í verkefnum með liðum sínum á
miðju keppnistímabili." Geir sagði að það væri
aðeins ein önnur Evrópuþjóð á listanum yfir
þau Iið, sem taka þátt í mótinu - Júgóslavar.
Flestar þjóðirnar koma frá Asíu og Suður-
Ameríku.
Fá góðan
stuðning
ÍSLENSKA landsliðið fær góð-
an stuðning þegar það mætir
Tékkum í Teblice á laugai-dag-
inn, en vel yfir 300 íslendingar
verða á leiknum. Hér í Prag
verða um 700 íslendingar á
ferðinni um helgina, í helgarferð
á vegum Ferðaskrifstofu
Reykjavíkur, Heimsferða og
Ferðaskrifstofu Guðmundar
Jónassonar. Víkingurinn Þórir
Gunnarsson, ræðismaður ís-
lands í Prag og eigandi veitinga-
staðarins Reykjavík í miðborg
Prag, segir að áhuginn sé mikill
á leiknum. Fyrir utan íslend-
inga, sem eru hér í Tékklandi,
kemur hópur íslendinga hingað
frá Norðurlöndum og Þýska-
landi. Þórir hefúr rekið hinn vin-
sæla veitingastað Reykjavík hér
í nokkur ár, en hann var þekkt-
ur sem veitingamaðurinn á Mat-
stofu austurbæjar á árum áður.
Felixson-fjöl-
skyldanáferð
LANDSLIÐIÐ henti gaman að,
þegar þeir fengu límmiða á tösk-
umar í Keflavík. A þeim stóð
Felixson. Töskurnar voru
skráðar á Bjarna Felixson,
íþróttafréttamann Ríkisút-
varpsins. „Það er ekki Simpson-
fjölskyldan sem er hér á ferð,
heldur Felixson-fjölskyldan,"
sagði einn landsliðsmannanna.
Morgunblaðið/Kristinn
Búningamir
eftir í London
ÞEGAR íslenska landsliðið í knatt-
spyrnu kom til Prag 1 gærkvöldi varð
landsliðshópurinn að bíða hátt í
klukkustund í langferðabifreið fyrir
utan flugvöllinn. Ástæðan var að
tvær búningatöskur hópsins skiluðu
sér ekki með öðrum farangri frá
London. „Þetta er afar slæmt því í
töskunum voru tvö búningasett -
hvítt og blátt, auk þess að í þeim vom
upphitunarbúningar," sagði Guð-
mundur R. Jónsson liðsstjóri.
Guðmundur sagði að hann vonað-
ist til að búningatöskurnar skiluðu
sér frá London í dag. „Ef búningarn-
ir koma ekki hingað til Prag fyrir
landsleikinn í Teplice á laugardaginn
verðum við að leika í búningum ung-
mennaliðsins sem mætir Tékkum í
Liberec á föstudaginn. Það þýðir að
við þurfum að fá búningana þvegna á
föstudagskvöldið," sagði Guðmund-
ur.
Þetta er ekki í fyrsta skipti sem ís-
lenskt landslið fær ekki búninga þeg-
ar það hefur millilent í London. Arið
1985 var handknattleikslandsliðið á
ferð til Frakklands með viðkomu í
London. Búningataska liðsins glat-
aðist þá þannig að senda varð bún-
inga í hraðpósti frá íslandi til Lyon
þar sem landsliðið tók þátt í móti.
Fjórir leikmenn íslenska landsliðsins voru á skotskónum með liðum sínum um helgina. Eiður
Smári Guðjohnsen, sem skoraði fyrsta mark sitt fyrir Chelsea, slær hér á létta strengi við Ríkharð
Daðason á hótelinu í Prag.
Skyttumar Ijórar
komnar til Prag
FJÓRIR leikmenn íslenska landsliðsins voru á skotskónum með
liðum sínum um síðustu helgi. Ríkharður Daðason skoraði tvö
mörk fyrir Víking í Noregi, Eiður Smári Guðjohnsen eitt mark fyrir
Chelsea í stórsigri á Liverpool, þar sem Eiður Smári átti stórleik,
Arnar Grétarsson opnaði markareikning sinn fyrir Lokern og þá
skoraði Þórður Guðjohnsen sitt fyrsta mark fyrir Las Palmas á
Spáni.
Eg vona svo sannarlega að þeir
verði eins markaheppnir í
leiknum gegn Tékkum,“ sagði Atli
Eðvaldsson, landsliðsþjálfari ís-
lands. Atli benti á að landsliðið
hefði skorað mark eða mörk í öllum
leikjum liðsins á árinu.
„Við eigum að hugsa fram á veg-
inn í leiknum gegn Tékkum og vera
óragir við að sækja að marki
þeirra. Við erum með marga leik-
menn sem geta hrellt hvaða varnir
sem er. Okkur er refsað fyrir mis-
tök. Við verðum að hafa það sjálfs-
traust til að refsa mótherjum okkar
fyrir mistök. Ef við náum að halda
réttu jafnvægi í varnarleiknum, fá-
um við alltaf tækifæri. Sem betur
fer erum við með leikmenn sem
skora ef þeir fá tækifæri. Ég vona
að við höldum því áfram í næstu
leikjum - gegn Tékkum og Norður-
írum, að skora mörk,“ sagði Atli.
-
ATLISEGIR BIRKI MARKVÖRÐ NÚMER EITT/C3