Morgunblaðið - 13.10.2000, Síða 3

MORGUNBLAÐIÐ
ÍÞRÓTTIR
Morgunblaðið/Jim Smart
Ijarðvíkinga. Hér skorar hann auðvelda
Semb hefur
boðist til að
segja af sér
NILS Johan Semb, landsliðsþjálfari
Norðmanna í knattspyrnu, hefur boð-
ist til að segja starfí sínu lausu í kjöl-
far ósigursins gegn Ukraínumönnum í
Osló í fyrrakvöld. Semb kom þessum
skilaboðum til ráðamanna 1 norska
knattspyrnusambandinu eftir leikinn
og mun stjórn sambandsins ræða á
næstu dögum hvort verða eigi við
þessari beiðni.
Norðmönnum hefur tekist að kom-
ast í úrslit heimsmeistarakeppninnar
tvö síðustu skipti en staða þeirra í dag
er ekki góð, tvö stig í þremur leikjum.
Vilja reka Söderberg
og Lagerback
Sænskir íjölmiðlar eru harðorðir í
garð landsliðsþjálfaranna Tommy
Söderberg og Lasse Lagerback eftir
markalaust jafntefli Svía gegn Slóvök-
um. Sænsku blöðin krefjast þess að
þjálfararnir verði reknir en Svíar eru í
þriðja sæti síns riðils, tveimur stigum
á eftir Tyrkjum og Slóvökum.
Hrun hjá
Þórsurum
ÞÓR tók á móti Haukum á Akureyri í gærkvöldi og höfðu gestirnir
sigur, 92:103. Leikurinn var mjög jafn allt þartil 5 mínútur voru eftir
en þá hrundi leikur Þórsara og Haukarnir stungu af með þá Braga
Magnússon og Rick Mickens í fararbroddi.
Fyrsti leikhlutinn einkenndist af
mistökum á báða bóga. Jafn-
ræði var með liðunum en Þórsarar
___^_ höfðuávallt forystu.
s Heimamenn gerðu
Sigfryggsson færri mistök °S
skrifar voru 21:16 yfir þeg-
ar annar leikhluti
hófst. Haukarnir komu ákveðnir í
þann hluta og röðuðu niður
þriggja stiga körfum. Þórsarar
svöruðu í sömu mynt og úr varð
mikil skotkeppni. Stigin hrönnuð-
ust upp og voru Haukarnir ávallt
með yfirhöndina. Bragi Magnús-
son fór hamförum og hittni hans
var stórkostleg í þessum leikhluta.
Þórsarar gáfu lítið eftir en voru þó
þremur stigum undir í hálfleik,
49:52.
Barningurinn hélt áfram í þriðja
hlutanum og náðu Þórsarar þá aft-
ur yfirhöndinni. Leikmenn börðust
mjög vel og var Clifton Bush gríð-
arlega öflugur undir körfu Hauka-
manna. Þar hirti hann ófá sóknar-
fráköstin og skilaði þeim í körfuna.
Haukarnir voru í villuvandræðum
ogvirtust slegnir út af laginu.
I síðasta leikhlutanum létu
Þórsarar kné fylgja kviði og náðu
fljótlega tíu stiga forystu, 77:67.
Þá tók Ivar Asgrímsson, þjálfari
Hauka, leikhlé og eftir það gjör-
breyttist leikur beggja liða. Leikur
Þórsara hrundi og Haukarnir
hrukku í gang. Þeir skoruðu 24
stig í röð og náðu 14 stiga forystu
þegar tæpar 3 mínútur voru eftir.
Rick Mickens átti frábæran leik-
kafla og skaut heimamenn hrein-
lega í kaf. Á meðan geiguðu skot
Þórsara hvert á fætur öðru.
Hjá Haukunum var Rick
Mickens mjög góður. Hann skor-
aði 44 stig og hitti úr sex þriggja
stiga skotum. Bragi Magnússon
var einnig í miklu stuði og hittni
hans var með ólíkindum. I liði
heimamanna var Clifton Bush
mjög góður og Magnús Helgason
skoraði 5 þriggja stiga körfur. Lið-
ið lék mjög vel lengi vel en
reynsluleysi leikmanna hefur ef-
laust háð þeim á lokakaflanum.
Grindvíkingar
sluppu fyrir horn
Grindvíkingar sluppu fyrir horn
í gærkvöldi er þeir heimsóttu
ÍR-inga í Seljaskólann, sigruðu
84:79 eftir að vera
63:55 undir eftir
þriðja Ieikhluta en í
honum gerðu gest-
irnir aðeins sex stig.
Grindvíkingar eru því enn ósigraðir
í deildinni eins og Keflvíkingar.
Athygli vakti í byrjun að Eiríkur
Önundarson var ekki í byrjunarliði
IR en í hans stað lék Ólafur J. Sig-
urðsson sem leikstjórnandi. Hann
gerði það þokkalega en var ekki
nógu ógnandi og gerði sig í raun
aldrei líklegan til að skjóta. Gest-
irnir náðu ágætri forystu en góður
kafli ÍR undir lok fjórðungsins
færði þeim eins stigs forystu en
það átti eftir að breytast í næsta
fjórðungi þar sem ÍR breytti í
svæðisvörn um tíma og Grindvík-
ingar gerðu 27 stig gegn 17.
Eftir hlé mættu heimamenn
grimmir og unnu þriðja leikhluta
23:6. Á þessum tíma léku ÍR-ingar
gn'ðarlega sterka vörn, Grindvík-
ingar reyndu vart að fara undir
körfuna til að taka fráköst og
gerðu aðeins tvö stig í átta og hálfa
mínútu!
En leikur er ekki búinn fyrr en
íjórði leikhlut er búinn og það
vissu gestirnir, mættu með
skemmtilega útfærða svæðisvörn
eftir hléið og gerðu 9 fyrstu stigin
og voru komnir stigi yfir. Allt var í
járnum en á lokakaflanum hafði
Grindavík betur enda virtust ÍR-
ingar hálftaugatrekktir og hittu
illa.
Holmes, Eiríkur og Sigurður
Þorvaldsson voru bestir í liði IR,
Sigurður tók meðal annars 8 frá-
köst. Miklu munaði að þeir Halldór
Kristmannsson og Hreggviður
Magnússon áttu slakan dag, sér-
staklega sá fyrrnefndi.
Lewis fór mikinn í fyrri hálfleik
en hafði sig lítið í frammi eftir hlé
og gerði þá aðeins tvö stig, bæði úr
vítaskotum. Páll Axel Vilbergsson
var sterkastur gestanna og Guð-
laugur var lengst af mjög „heitur" í
þriggja stiga skotunum. Þá átti
Kristján Guðlaugsson ágætan leik.
■ CALVIN Davis var drjúgur við
fráköstin hjá Keflavík í leiknum við
Njarðvfk í gærkvöldi. Hann tók 4
fráköst í sókn en 22 í vörn.
■ CALVIN nýtti skotin sín inni í
teig vel, skoraði úr 12 af þrettán
skotum. Hinsvegar vöfðust víta-
skotin fyrir honum en þar hitti
hann aðeins úr tveimur af sex.
■ JÓN NORDAL Hafsteinsson lét
einnig mikið að sér kveða fyrir
Keflavík þegar hann skoraði úr öll-
um fimm skotum sínum inni í teig
og að auki tók hann níu fráköst.
■ LOGI Gunnarsson úr Njarðvík-
urliðinu hitti vel úr þriggja stiga
skotum sínum, 5 af sex skotum en
inni í teig fóru aðeins fjögur af 19
ofan í körfuna.
■ BRENTON Birmingham úr
Njarðvík var hins vegar mjög nýt-
inn innan teigs, setti sjö af níu skot-
um þar í. Hann skaut sjö sinnum
utan þriggja stiga línunnar og hitti
tvívegis.
■ ÍR-INGAR léku í íþróttahúsi
Seljaskóla á nýjan leik en þarf hafa
staðið yfir endurbætur á gólfinu.
Línurnar sem marka körfuknatt-
leiksvöllin eru nokkuð nýstárlegar
því þær eru gráar.
■ CETRICK Hoimes, leikmaður ÍR
hitti vel innan teigns, setti 14 skot
af 19 niður en það gerir 73,7% nýt-
ingu.
■ HITTNI heimamanna utan
þriggja stiga línu var léleg. Halldór
Kristmannsson hitti ekki úr fjórum
skotum sínum og Hreggviður
Magnússon reyndi fimm sinnum án
þess að hitta.
■ GUÐLAUGUR Eyjólfsson var
hins vegar í stuði í liði Grindavík-
inga en hann setti niður sex þriggja
stiga skot en reyndi 11 sinnum.
■ GUÐMUNDUR Guðmundsson,
þjálfari Dormagen í þýska hand-
boltanum, varð íyrir tvöföldu áfalli í
fyrrakvöld. Lið hans steinlá fyrir
Wallau Massenheim, 28:16, í 64 liða
úrslitum bikarkeppninnar og
sænski landsliðsmaðurinn Christ-
ian Ericsson meiddist og verður frá
keppni í 6-8 vikur.
■ WUPPERTAL, lið Heiðmars
Felixsonar, er úr leik eftir tap fyrir
Grosswallstadt, 27:20. Önnur ís-
lendingalið komust áfram en Gúst-
af Bjarnason og félagar í Minden
lentu í mestum vandræðum. Þeir
knúðu fram sigur á liði Dessau í
framlengdum leik, 28:27.
FÖSTUDAGUR 13. OKTÓBER 2000 B 3
ssta sölustað
WWW.1X2.is
lýttu þér tölvuval á n
ða tippaðu á Netinu
aðeins 10 kr. rööin.

Ath. Sölustaðir ioka kl. 13.00 á morgun!
+