Þjóðólfur - 12.07.1872, Blaðsíða 4

— 144 —
ina að bakbjalli. Hvað kemr til þessa? Mun ei
orsökin vera sú, að J. S. hefir rétt mál að verja?
Höfundrinn segir, að hvorki sé það líklegt,
að prestar yfir höfuð að tala hafi skýra og greini-
lega þekkingu á stjórnarmalefnum, þareð ment-
un þeirra fari í allt aðraátt, og líka þurfi mikið
þrektil að ganga móti jafnstríðum straumi. Skyldi
hann halda, að engir menn geti haft vit á stjórn-
bótarmálinu, aðrir en þeir, sem hafa lesið lög eða
stjórnvísindi við háskóla? Og hver er hinn striði
straumr, er hann talar um? Ef J. S. færi með
hégóma, þá væri víst hægt fyrir stjórnina og minna-
hlutann í sameiningu að sigra hann og hans flokk,
en það er engin furða, þó að þeim veiti örðugt
að spyrna á móti sannleikanum.
Eg skal leiða hjá mér að svara því, að prest-
arnir sé svo skyni skroppnir, að þeir láti hneigjast
að því, sem þeim sé «sagt» að sé alþýðuvili (en
ekki sé það í raun og veru), einungis fyrir þá sök
að þeir óttist óvinsæld hjá alþýðu. En það er
bæði illt og broslegt að sjá, hvernig höf. kemr
biskupinum að í grein sinni, og reynirtil að mæla
honum bót fyrir það, að hann hafi ekki meiri
hemil á alþingisprestunum, heldren svo, að þeim
leyfist að fara eptir sannfæringu sinni.
Mig furðar stórlega, að hinn háttvirti ritstjóri
J>jóðólfs, er hefir varið þjóðréttindi vor í svo mörg
ár, skuli hafa veitt slíkri grein móttöku í blað sitt,
og eg vona, að hann muni taka þetta svar, og
minnast máltækisins: Audiatur et altera pars
(heyra skal báða málsparta). — n —
IIÚSS- OG BÚSTJÓRNARFÉLAG SUÐIIAMTS-
INS.
Samkvæmt lögum félagsins var hinn síðari
ársfundr þess haldinn föstudaginn 5. dag þessa
mánaðar.
1. Forseti félagsins skýrði þá fyrst frá fjárhag
félagsins, svo sem hann var við síðustu árslok,
(sjá 24. ár þjóðólfs, 17.—18. blað), og hvað síð-
an hefði inn komið, svo sem af rentum og fyrir
verkfæri, svo að nú væri í sjóði hér um bil 270 rd.;
en af því yrði að ætla hér um 100 rd., sumpart
til vatnsveitinga, og sumpart til annara nauðsyn-
legra útgjalda félagsins, svo að verðlaun gætu eigi
meiri orðið, en í hæsta lagi 170 rd.
2. því næst skýrði hann frá aðgjörðum félags-
ins hið síðasta árið; og mun nákvæmar verða skýrt
frá því i skýrslu félagsins nú í sumar.
3. Enn fremr gat forseti þess, að hið konung-
lega danska landbúnaðarfélag hefði veitt þeim
verzlunarstjóra G. Thorgrímsen á Eyrarbakka og
sira Stefáni Stephensen á Ólafsvöllum bæn þeifra
um að fá svín (sjá áðrnefnt blað þjóðólfs), þann-
ig, að það hefði gefið þeim 3 grísi, þ. e. 1 gölt
og 2 gyltur, og hefði landbúnaðarfélagið sentþessa
grísi með skipi beinlínis til Eyrarbakka, en jafn-
framt hefði það lofað, að senda félaginu 3 grísi
hingað til Reykjavíkr, en þeir væru ókomnir enn.
4. í fyrra beiddi óðalsbóndi Magnús Jónsson á
Bráðræði um mylnu, til að veíta vatni á engi sitt,
og lofaði húss- og bústjórnarfélagið á fundi 5.
Júlí í fyrra, að greiða fyrir hann flutningseyrinn.
Forseti gat þess þá, að mylna þessi væri komin,
og hefði Magnús notað hana í vor.
5. Generalmaior Ulstrup í Helsingjaeyri hafði
sent stiptamtmanni fyrirmynd nokkra, hvernig hann
ætlaði, að kviktré ættu að vera hér á íslandi, og
var fyrirmynd þessi til sýnis á fundi þessum.
6. því næst skýrði forseti frá bréfi stiptamt-
mannsins, dags. 21. f. m., til húss- og bústjórn-
arfélagsins þess efnis, að jarðyrkju- lærisveinn
Sveinn Sveinsson hefði beðizt þess af lögstjórn-
inni, að hann fengi hæfilegan styrk til að halda
til Islands að vori og ferðast um kring á íslandi,
til að breiða þar út þekkingu á arðsamari jarðrækt,
eins og ýmsir jarðyrkjumenn nú gjöra bæði í Nor-
egi og Svíþjóð, en lögstjórnin hefði beðið stipt-
amtmann að annast um, að útvegaðar yrði nauð-
synlegar upplýsingar um það, hvort bændr hér
í suðramtinu mundu vilja fá slíka tilsögn, móti því
að veita hlutaðeiganda kauplaust kost, hús og
þjónustu, og fararbeina og flutning til næstastað-
ar, þar sem hann ætti líku starfi að gegna, en
stjprnin mundi að öðru leyti taka að sér fyrst um
sinn að launa honum. Sveinn Sveinsson hefir
numið jarðyrkju í Noregi, og auk þess kynt sér
búnaðarháttu þar með útigangsfé, og fengið ágæta
vitnisburði bæði fyrir kostgæfni og alúð, og eins
fyrir lærdómsþekkingu og verkkunnáttu, sem hann
hefir aflað sér.
Samkvæmt áskorun stiptamtmannsins til húss-
og bústjórnarfélagsins, út úr beiðni þessari, leyfir
því félagsstjórnin sér hérmeð, að skora á bændr í
suðramtinu, sem kynnu að vilja nota tilsögn jarð-
yrkjumanns Sveins Sveinssonar næsta ár, með þeim
skilyrðum, sem áðr eru tekin fram, að skýra fé-
lagsstjórninni frá því, eða þá fulltrúum félagsins,
hver í sinni sýslu, að minsta kosti svo snemma,
að óskir manna um það efni verði komnar til fé-
lagsstjórnarinnar innan 1. dags Októbermánaðar í
haust. Sömuleiðis biðjum vér hina heiðruðu full-