Þjóðólfur - 12.02.1886, Blaðsíða 3

þeirra nafngreina sig aldrei, eins og
t. d. er venja á Frakklandi. Þeir
hverfa upp í blaðið og tala gegn um
þess munn. Margar af þessum leið-
andi greinum og stundum þær beztu
eru ritaðar á ritstofu blaðsins eptir
miðnætti; vjelarnar skrölta i kringum
manninn, sem ritar, en annar maður
bíður með skæri í hendinni og klippir,
jafnóðum og hver síða er búin, línurn-
ar sundur og fær setjurunum. Aptur
eru sumar þeirra skrifaðar heima. Hit-
stjóri blaðsins er óbundinn einvaldur.
Undirmenn hans verða með engum
fyrirvara, hver í því, sem honum er
lagið, að rita góða grein, því að prent-
vjelarnar byrja að prenta um kl. 2,
og frjettirnar, sem Lundúnabúar leSa,
þegar þeir koma á fætur, koma opt
ekki fyr en um miðnætti. Það er
ætið margt mikið frá útlöndum í ensku
blöðunum. John Bull gægist af sín-
um kolabing yfir kritarklettana og
fylgir vel með því, sem ber við á
meginlandinu. Þótt hann sje kallað-
ur Jón boli, þá má hann eiga það, að
í þeim sökum er hann ekkert naut.
Hann fær að vita á hverjum degi i
sjerstökum sendigreinum um smátt og
stórt, hvernig heilsa þessa manns sje,
hvernig samkomulag sje milli þessa
ráðgjafa og konu hans. Þangað til
1870 fjekk hann brjef um þetta á
skotspónum með póstinum. Archibald
Forbes, frjettaritari Daily News, byrj-
aði á því í stríðinu milli Frakka og
Þjóðverja, þegar forvitni John Bull’s
var sem mest, að senda þau með frjetta-
þráðum. Þegar Jón komst upp á að
lesa 3—4 dálka brjef, skrifuð kvöld-
inu áður, þá vildi hann ekki lengur
líta við því, sem var meir en dægurs
gamalt, svo að öll blöðin urðuaðgera
það sama. Times sló nú upp tjald-
búðum sínum í París og fjekk að brúka
frjettaþráð einn 6 klukkustundir á dag.
Blovitz heitir sá, sem nú er höfuð fyrir
frjettaritaradeild Pimes i París; haun
liíir eins og konungur, og þingmenn
og höfðingjar leitast við að hafa hann
góðan eða leita ráða til hans. Frakk-
neskur maður hefur sagt, að opt vissu
Lundúnamenn ýmislegt frá París á
undan Parísarbúum sjálfum. Svo var
ensku blöðunum ekki lengur nóg að
skrifa um atburði, þau fóru að búa til at-
burði að skrifa um. Neiv- Yorh Herald
sendi Stanley að finna Livingstone.
Daily Telegraph í London sendi forn-
fræðing til Assyríu, og gróf hann þar
upp meðal annars frásögu um synda-
flóðið á assyrisku. Sem dæmi upp á
keppni blaðanna, að ná fyrst i frjettir,
er það, að eitt sinn, þá er kappróður
var milli háskólastúdentanna i Oxford
og Oambridge, hafði eitt blað skip á
fljótinu Thames, þar sem kappróður-
inn var; þetta skip fylgdi bátunum
eptir og lagði jafnóðum frjettaþráð
niður á flj ótsbotni, svo það varð fjórð-
ung klukkustundar á undan öðrum
blöðum. Þingræður, fundarræður og
mál fyrir rjetti er allt eins og i blöð-
unum tekið eptir hraðriturum, og leyfa
þau sjer ekki að breyta þvi af hlut-
drægni, eins og venja er t. d. í Dan-
mörku. Þau mundu missa kaupendur,
ef þau gerðu slikt. Persónulegar
skammir sjást ekki, og eru úr móð
fyrir 40 árum. Að Standard sje „con-
servative“ (c: íhaldsblað) og Daily
News „liberal“ (o: ,frjálslynt), sjest á
sumum leiðandi greinum, ekki öðru.
(Frh.).
Úr brjefl af Vatnsleysuströnd 19. f. m.
(Niðurlag).
„Þá er að minnast á verzlunarstaðinn, Keíla-
vik. Get jeg það eigi, án þess að falla í staíi
yíir þinginu næst liðið sumar, að það skyldi
ekki vilja gefa atkvæði sitt með þvi, að við
hjer suðurbúar fengjum Vogavík og Þðrshöfn
löggilta sem verzlunarstaði, ]>ar sem Keflavík
er næsta óhagkvæmur verzlunarstaður, og ekki
laust við, að verð á vörum sje þar uppskrúfað,
einkum á veturna. Auðsjáanlega liefur það
verið af ókunnugleika alþingis, að það synjaði
okkur um hina umbeðnu verzlunarstaði. En
við hættum ekki við svo búið og væntum.góðs
af næsta þingi að sumri komandi.111
Rekjavík 12. febr. 1886.
Jarðarför landsliöfðingja fór fram föstu-
daginn 5. þ. m. Var likfylgdin hin fjölmenn-
. 1) Lagafrumvörp um löggilding Vogavíkur
og Þórshafnar voru samþykkt í neðri deild, en
felld í efri deild. Mun það hafa komið af því,
að þeir Einar Ásmgndsson, Ben. Kristjánsson
og Ásg. Einarsson báru þar. upp frumv. um
verzlun lausakaupmanna, sem þeir hjeldu, að gæti
friðað alla þá, sem æsktu löggildingar á höfn-
um. En þetta varð eigi svo. Um frumv. þetta
urðu allmiklir flokkadrættir og þingdeilur. Það
var rætt 12 sinnum á þinginu, og loks fellt i
sameinuðu þingi. Ritstj.
asta, sem hjer hefur verið, síðan Jón Sigurðs-
son og kona hans voru jörðuð.
Forstöðumaður prestáskólans, Helgi Hálfdán-
arson iiutti húskveðjuna, en i kirkjunni töluðu
þeir dómkirkjuprestar Hallgrimur Sveinsson,
prestaskólakennari Þórhallur Bjarnarson og
prófastur Þórarinn Böðvarsson. Sjera Matt-
hias Jochumsson hafði ort grafskrift.
Þingmennska lögð niður. Biskup Pjetur
Pjetursson hefur lagt niður umboð sitt sem
konungkjörinn þingmaður.
Nýtt blað á ísafirði á að fara að koma út
á næsta sumri. Hafa þeir S. Thoroddsen, sýslu-
maður, S. Stefánsson, prestur, og Þ. Jónsson,
læknir, sent boðsbrjef um það út um landið.
Þar stendur meðal annars: „Blað þetta mun
einkum ræða mál þau, er vesturland varða, en
þó engu síður láta sjer umhugað um þau mál,
,er snerta landið i heild sinni“. Það er enn eigi
alveg víst, hver ritstjóri þess verður. Eigi
heldur er stærð blaðsins fastákveðin. Þeir, sem
vilja gjörast áskrifendur að nefndu blaði, snúi
sjer til ritstjóra Þjóðólfs.
I’óstskipið fór lijeðan morguninn 5. þ. m.
Með því sigldu kaupm. Eyjólfur Jóhannsson úr
Flatey, kaupm. Jóh. G. Möller á Blönduós,
verzlúnarm. Jónas Jónsson á Sauðárkrók, bók-
ari við hinn fyrirhugaða banka Sighvatur
Bjarnason, og kaupm. Sigurður Magnússon hjeð-
an úr bænum.
Málfærslumaður við yfirrjettinn var sett-
ur 6. þ. m. cand. jur. Sigurður Þ. Guðmundsen
i stað Páls Melsteds, sem nú er hættur við þá
sýslan.
Síldarveiðin á Austfjörðum. í Berlingsku
tiðindunum, sem komu með póstskipinu, eru
frjettir frá Austfjörðum frá 6. des., og því yngri
en þær, sem komu með austanpóstinum, — um,
að síldaraflinn væri enn mikill á Beyðarfirði,
að 3 norsk og 1 ísl. nótfjel. hefði aflað þar 5—6000
tunnur í nætur og 1000 tunnur i net. Á Fásk-
rúðsfirði hefði einnig verið mikill afli, þar hefði
hið sunnlenzka sildarveiðarfjelag og annað norskt
fengið um 2—300 tunnur i 2 lásum.
Árferði er nú hið harðasta.
Úr Borgarflrði 26. jan. „Nú er hjer alls
staðar jarðlaust. í viku hafa verið hægviðri
með 4—6 gr. frosti. Sumir farnir að skera af
heyjum“.
Úr Fljótshlið í Bangárvallasýslu 3. þ. m.
„Hjer eru nú megnustu harðindi yfir allt, búin
að standa siðan um þrettánda, og eru margir
farnir að skera af ótta fyrir liey]>rotum, sem
viða eru fyrirsjáanleg, ef sama stendur lengi.
Einnig er mjög hart manna á milli og varla
fyrirsjáanlegt, hvernig fólk lifir þennan vetur
út, nema afli fengist úr sjó“.
Hafís. Með vermönnum að norðan, sem komu
i fyrradag, frjettist, að nokkur hafis Jiafi, er
þeir fóru, verið kominn inn á Húnaflóa, og
mikill hafis sjest þar úti fyrir.
Þjófnaður á Eyrarbakka. Frjetzt hefur
af Eyrarbakka, að aðfaranótt 3. þ. m. hafi verið
farið í búð Guðm. Thorgrimsens og stolið þar
ýmsu t. a. m. kaffisekk, mjölsekkjum, sykri,
miklu af brauði, 2 ströngum af klæði, 16 sjöl-