Fréttablaðið - 28.11.2001, Blaðsíða 15
MIÐVIKUDAGUR 28. nóvember 2001
FRÉTTABLAÐIÐ
15
Toyota-bikarinn:
Bayern
sigraði Boca
fótbolti Hinn árlegi leikur um
Toyota-bikarinn fór fram í Tókíó í
gær. Þýska liðið Bayern Munchen,
sigurvegarar Meistaradeildar Evr-
ópu, sigraði argentínska liðið Boca
Juniors, sigurvegara Libertador-
es-bikarkeppninnar í Suður-Amer-
íku, 1-0 með marki frá Samuel
Kuffour í framlengingu.
Um 55 þúsund áhorfendur
fylgdust með leiknum sem var
nokkuð harður, en í upphafi fram-
lengingarinnar var Marcelo
Delgado, framherji Boca, rekinn
af velli eftir að hafa fengið sitt
annað gula spjald. ■
KUFFOUR
Samuel Kuffour fagnar sigurmarkinu
sem hann skoraði á 20. mínútu
framlengingarinnar.
Leikmannamál:
Kjartan gerir árs
samning við IBV
fótbolti Varnarmaðurinn Kjartan
Antonsson skrifaði í gærmorgun
undir nýjan eins árs samning við
ÍBV. í samtali við Fréttablaðið
sagðist Kjartan vera mjög
ánægður með að hafa samið við
ÍBV, en hann hefur leikið með lið-
inu undanfarin fjögur ár.
„Mér hefur liðið mjög vel í
Eyjum og líst vel á næsta sum-
ar,“ sagði Kjartan. „Hópurinn
verður svipaður og hann var í
sumar og við verðum með sama
þjálfara (Njál Eiðsson). Það er
líka fullt af ungum strákum að
koma upp.“
Á heimasíðu ÍBV kemur fram
að Fylkir og Grindavík hafi haft
áhuga á leikmanninum. Kjartan
sagðist hafa átt í viðræðum við
nokkur félög í efstu deild en vildi
hins vegar ekki segja hvaða lið
það hefðu verið. Bara að þau
hefðu verið á höfuðborgarsvæð-
inu. Athygli vekur að Kjartan
semur bara til eins árs, en hann
sagði að ekki lægi fyrir hvað
tæki við eftir næsta tímabil. At-
KJARTAN ANTONSSON
„Wlér hefur liðið mjög vel I Eyjum og líst
vel á næsta sumar."
vinnumennskan væri alveg inni í
myndinni, ef eitthvað tilboð bær-
ist. Það myndi bara koma í ljós. ■
ALLARDYCE OG GUÐNI
Sam Allardyce, framkvæmdastjóri Bolton (t.v.) vill ólmur halda í Guðna Bergsson, enda hefur hann stýrt vörninni eins og herforingi á
þessu keppnistímabili, sem og því síðasta þegar liðið vann sér sæti í Úrvalsdeildinni.
Guðni Bergsson:
Á heimleið?
fótbolti Guðni Bergsson, knatt-
spyrnumaður hjá Bolton Wander-
es, hefur lýst því yfir að hann sé
tilbúinn að hætta hjá liðinu og
flytjast heim þegar tímabilinu á
Englandi lýkur. Hann hefur átt
stórkostlegt tímabil í vetur og
verið hjartað í vörn Bolton.
„Sem stendur býst ég ekki við
því að spila eitt ár í viðbót," sagði
Guðni í samtali við Soccernet.
„Ég mun hugsa málið til hlítar
þegar tímabilinu lýkur en eins og
staðan er nú held ég að þetta sé
síðasta tímabilið mitt.“
Guðni, sem er 36 ára, ætlaði
að hætta eftir síðasta tímabil en
sló því á frest þegar Bolton náði
að tryggja sæti sitt í ensku úr-
valsdeildinni. Nú eru kona hans
og börn flutt til íslands og því
líkegt að þetta verði síðasta
tímabil hans á Englandi en hann
hóf feril sinn þar í landi með
Tottenham árið 1987.
„Þetta hefur gengið vel hing-
að til en þar sem fjölskylda mín
býr á íslandi er þetta orðið svo-
lítið erfitt. Þau koma bara hingað
í jólafríinu og það er orðið held-
ur einmannalegt að koma að
tómum kofanum og ég held að
það yrði enn erfiðara á næsta
ári.“
Sam Allardyce, stjóri Bolton,
bindur samt vonir við að Guðni
spili með Bolton á næsta ári.
„Það var erfiðara að sannfæra
Guðna fyrir tveimur árum en á
síðasta ári. Það að við komumst
upp hjálpaði mikið til. Allir heil-
brigðir menn vilja fá tækifæri til
að leika í úrvalsdeildinni. Svo
lengi sem við verðum þar þá
verður Guðni með okkur.“ ■
Raðað á styrkleikaflokka fyrir HM:
Erflðir útreikningar
fótbolti í dag verður raðað niður í
styrt 'kaflokka fyrir lokakeppn-
ina á HM 2002. Um flókna útreikn-
inga er að ræða en tekið verður til
til landfræðilegrar stöðu, efnahags
og árangurs. Alþjóða knattspyrnu-
sambandið, FIFA, ætlar til að
mynda ekki að mismuna gestgjöf-
unum, þ.e. Japan og Suður-Kóreu,
og munu þeir fá jafn sterk lið í sína
riðla. Þetta er gert svo þjóðirnar
hafi sömu möguleika á að fylla vell-
ina og svo komist verði hjá deilum
um tekjur. FIFA mun einnig reyna
að komast hjá því að raða þjóðum
úr sömu heimsálfu í sama riðilinn
og mun því blanda saman liðum frá
Suður-Ameríku og Evrópu.
Fyrir heimsmeistarakeppnina í
Frakklandi árið 1998 var liðum rað-
að í flokka eftir árangri úr síðustu
leikjum og eftir stöðu þeirra á
heimslistanum. En í ár verður allt
annað upp á teningum og líkti
Keith Cooper, starfsmaður FIFA,
DAVID BECKHAM
Þótt Beckham og félagar hafi unnið Þjóð-
verja 5-1 í undankeppninni gæti svo farið
að þýska landsliðið verði sett styrkleika-
flokk ofar en það enska.
þessu við algebru en neitar því að
sambandið muni raða í styrkleika-
flokka. ■
Evrópumeistaramótið:
Halldór
fékk brons
þolfimi Þolfimikappinn Halldór B.
Jóhannsson varð þriðji á Evrópu-
meistaramótinu í þolfimi sem fór
fram í Zaragoza á Spáni um helg-
ina. Jóhanna Rósa Ágústsóttir
hafnaði í 18. sæti.
Halldór fékk 17,65 í einkunn í
undankeppninni en í úrslitakeppn-
inni fékk hann 18,60, sem er hæsta
einkunn sem hann hefur fengið á
ferlinum. Spánverjinn Jonatan
Cananda sigraði á mótinu, en hann
hlaut 19,20 í einkunn. Frakkinn
Grégory Alcan varð í öðru sæti
með 18,75 í einkunn. ■
Holland:
Van Gaal hættur
með landsliðið?
fótbolti Louis van Gaal hefur
sagt af sér sem landsliðsþjálf-
ari Hollands, samkvæmt frétt
sem birtist á hollensku sjón-
varpsstöðinni NOS. Samkvæmt
fréttinni sagði hinn fimmtugi
van Gaal af sér eftir 1-1 jafn-
tefli Hollands og Danmörku
þann 10. nóvember síðastliðinn.
Forráðamenn Hollenska knatt-
spyrnusambandsins hafa neit-
að að tjá sig um málið.
Hollenska landsliðið er
af mörgum talið vera á
meðal þeirra allra bestu
í heimi, en van Gaal
mistókst samt sem
áður að koma því í loka-
keppni HM. Portúgal og
írland komust upp úr
riðlinum, sem Holland
lék í. Van Gaal gerði sex
ára samning við Hol-
lenska knattspyrnusam-
bandið í fyrra, en þá tók
hann við starfinu af
Frank Rijkaard. ■
LÉLEGT
Van Gaal mistókst að
koma hollenska
landsliðinu í loka-
keppni HM.
Vals og KA
í 8 liða úrslitum SS - Bikarsins
miðvikudaginn 28. nóv. kl. 20
Fyrir leikinn verður frábær
dagskrá að Hlíðarenda!!!!
Dagskrá:
Kl. 19.00 Pizzur, djús og andlitsmáiun fyrír börnin
á aðeins 500 kr.
Kl. 19.40 Stebbi Hilmars og Eyjólfur Kristjáns
syngja nokkur vel valin lög „live“ inni
á leikvellinum.
BéLUR
Sjóvettlingar kr. 320
Mittisjakki kr. 3.900
VINNUFATALAGERINN
SMIÐJUVEGI 4
0PIÐ MÁNUD -FÖSTUDAG KL10-18
LAUGARD 12-16