Norðurljósið - 01.01.1935, Qupperneq 2

2
NORÐURLJÓSIÐ
brjóstið og armleggirnir af silfri, kviðurinn og
lendarnar af eiri, leggirnir af járni og fæturnir
sums kostar af járni og sums kostar af leiri.
Meðan konungur horfði á líkneskið, losnaði
steinn nokkur,. »án þess að nokkur mannshönd
kæmi við hann«, og hann lenti á fótum líkneskis-
ins og molaði þá. Við það hrundi alt líkneskið og
»varð eins og sáðir á sumarláfa«, og vindurinn
feykti því burt. En st'einninn varð að stóru fjalli
og tók yfir alla jörðina.
Daníel skýrði draum þennan á þessa leið: Gull-
höfuðið væri Nebúkadnezar, yfirkonungur kon-
unganna. Guð himnanna hefði gefið honum vald
yfir allri heimsbygðinni. En eftir hann myndi
hefjast annað konungsríki, minni háttar en ríki
Nebúkadnezars. Því næst kæmi þriðja ríkið, og
svo hið fjórða, sterkt sem járn,. sem sundur brýt-
ur og mölvar alt. Þetta fjórða ríki myndi verða
skift, eins og fæturnir tveir benda til. Þó myndi
það halda nokkru í sjer af hörku járnsins, þar
sem járnið var blandað saman við deigulmóinn.
Þá koma tærnar, sem benda til þess, að ríkið
verði skift enn í smærri ríki. En þar sem þær
voru sums kostar af járni og sums kostar af
leiri, þá myndu þau ríki verða að nokkru leyti
öflug og að nokkru leyti veik. Meðan þessi ríki
eru enn við líði, mun Guð himnanna hefja ríki,
»sem aldrei skal á grunn ganga, og það ríki skal
engri annarri þjóð í hendur fengið verða«. Það
mun standa að eilífu.
Nú er vitanlegt, að þetta hefir alt rætst ná-
kvæmlega um hin fjögur ríki. Ríki Nebúkadnez-
ars leið undir lok, og þá tóku Medar og Persar
við. Það var nokkurskonar sambandsríki, eins
og armleggirnir vinna saman í sameiningu.
Brjóstið og armleggirnir á líkneskinu voru úr
silfri, sem ekki er eins verðmætt og gull, og bend-
ir þett'a á, að sambandsríki Meda-Persa myndi
ekki vera eins voldugt og Babel-ríki. Reyndin
sýndi, að þessi spádómur var nákvæmlega rjett-
ur. Þá kom ríki Alexanders mikla,' Grikkjakon-
ungs, í staðinn fyrir Meda-Persa ríkið. En á sín-
um tíma fjell það einnig, og rómverska ríkið,
sterkt sem járn, náði völdum. Það skiftist í Vest-
ur- og Austur-ríkið, eins og fótleggir líkneskisins
bentu til. En þó að þetta ríki væri sterkt sem
járn og sundurbraut og molaði öll önnur ríki,.
var það þó stökt, þegar á reyndi fyrir alvöru, og
ríki Rómverja klofnaði í mörg smærri rikí (sbr.
tærnar), og eru þau enn við líði í Norðurálfu, —
leifar hins forna rómaríkis.
»Á dögum þessara konunga mun Guð himnanna
hefja ríki, sem aldrei skal á grunn ganga... Mun
það standa að eilífu.« Steinninn, sem kom frá
himiii, án þess að nokkur mannshönd kæmi við
hann, er Kristur, sem fæddist á jörðu af meyju.
Samkvæmt mörgum spádómum biblíunnar mun
hann brjóta í sundur ríki'þessa heims og stofna
ríki friðar og rjettlætis, þar sem menn munu
smíða plógjárn úr sverðum sínum og sniðla úr
spjótum sínum. »Engin þjóð skal sverð reiða að
annarri þjóö, og ekki skulu þær temja sjer hern-
að framar.« (Jes. 2. 4.).
Ef nokkur les þessi orð og trúir þeim ekki,
heldur segir í hjart'a sínu: »Hvað verður úr fyr-
irheitinu um komu hans? Því að frá því feðurnir
sofnuðu stendur alt við sama eins og frá upp-
hafi veraldar,« þá uppfyllir hann óafvitandi enn
þá annan spádóm um þessa tíma, því að postul-
inn Pjetur hefir einmitt tekið það fram, að menn
munu segja þessi orð á hinum síðustu dögum.
(II. Pjet. 3. 3.-4.).
Veraldlegt' frjettablað, gefið út hjer á Norður-
landi, flutti fyrir stuttu fregnir um ástand Norð-
urálfunnar og bætti við:
»Friðvænlegar áhorfist er síðast frjettist, en engu má.
þó muna svo alt geti ekki rokið í bál og brand að nýju,
enda virðist svo, að einhver leyniöfl standi að baki og rói
að því öllum árum að steypa þjóðunum út í nýtt stríð.«
Síðustu orðin eru mjög eftirtektarverð. Kristn-
ir menn trúa orðum frelsarans og hann segir,
að Satan sje »höfðingi þessa heims«. Jeg veit
ekki, hvernig menn, sem hafa opin augu, geta
komist hjá þeirri ályktun, að myrkravaldið ráði
mestu í »heimspólitíkinni«. Það má búast við
hinu versta, þegar minst varir, því að áður en
Kristur birtist aftur, hlýtur það að rætast, sem
ritningin segir fyrir.
Alt þetta flytur alvarlega áminningu til trú-
aðra manna, að »hreinsa skikkjur sínar«, að helga
sig Kristi að nýju, aö snúa sjer frá öllum manna-
setningum og frá öllum tælandi röddum, sem
leiða menn út af braut sannleikans, einlægninn-
ar og hreinskilninnar. '
Það flytur einnig kröftuga áminningu til þeirra,
sem ennþá hafa ekki af hjarta snúið sjer tií
Krists og sætst við Guð fyrir friðþægingu hans,
að láta ekkert aftra sjer frá að leita hans, MEÐ-
AN HANN ER AÐ FINNA.
»Brúðguminn kemur! Gangið út til móts við
hann!«
%- S Z ^
Ný sniáril.
Ritstjórinn hefir gefið út nokkur smárit (fjölritaðar
greinir úr »Norðurljósinu«), sem verða seld með mjög
vægu verði, til þess að allir áhugasamir vinir geti tekið
þátt í útbreiðslu fagnaðarboðskapai*ins, með því að gefa
eða senda vinum sínum og kunningjum þessi rit. Þau, sem
komin eru út, heita: »Nýguðfræðin fyrir rjetti« (12 bls.),
»Var það fyrir þig?« (4 bls.), »Bróðurfómin« (16 bls.),
»Sjálfsfórnin mikla«, (8 bls.), »Sönn saga frá Afríku«
(4 bls.), »Þegar Cæsar fjell« (4 bls.). í undirbúningi eru:
»Graseldurinn« (8 bls. með mynd) og »Tískuþrælar og
frjálsir menn« (20 bls. í kápu). Ritin, sem eru komin,
eru seld ýrnist á 1 eyr., 5 au. og 1Ö au., en vinir, sem
óska eftir að fá þau til útbýtingar, geta fengið þau með
hálfvirði. — Sendið 1 kr., 5 kr., 10 kr. eða meira, og þá
sendum við yður birgðir af þessum ritum með fyrstu
ferð. Takið það fram, ef þjer viljið fá meira af sumum
ritum en öðrum. Vanrækið ekki tækifærið til að sá hinu
góða sæði!