Lögberg - 07.09.1933, Qupperneq 2

Bls. 2
LÖGBERG, FIMTUDAGINN 7. SEPTEMBER 1933.
Fertugaála og níunda ársþing
Hins evangeliska lúterska kirkjufélags
íslendinga í Veáturheimi
Haldið í Argylebygð í Manitoba frá 23. til 27. júni 1933
Ungmennafélög
Þrjú ungmennafélög hafi verið stofnuð á þessu ári, eitt
í prestakalli séra E. H. Fáfnis og tvö í prestakalli séra Gutt-
orms Guttormssonar. Ungmennafélög eru nú alls 14, og með-
limatala 796, eða 58 fleiri en var í fyrra. Þessi' skýrsla ber
með sér að þessi félagsskapur er að glæðast þótt hægt fari.
Nefndin vill draga athygli þingsins í heild sinni að þessu
áhugdmáli—ungmennafélags starfseminni. Ungmennin þrá
félagsskap, þarfnast félagsskapar og vilja leggja mikið í söl-
urnar til að starfa. Það ríður mikið á, og framtíðarheill
yngra fólksins er undir því komin að því só> leiðbeint í holt
andrúmsloft af þroskuðum og reyndum leiðtogum. Nefndin
vill benda þinginu á hvort ekki sé æskilegt að ungmennafé-
lögin haldi með sér stefnu á þessu sumri, á heppilegum stað,
til að ræða ungmennastarfsemi og áhugamál.
Á kirkjuþingi í Baldur 26. júní, 1933.
E. H. Fáfnis
Jóhann Friðriksson
Dora Benson.
Urðu allmiklar umræður um málið. Tóku ýmsir til
máls. Héldu umræður áfram þar til kl. 12 á hádegi. Var þá
samþykt að slíta fundi. Sungið var versið 46, “Til þín, ó Jesú
minn, lát þú mig langa.” Næsti fundur ákveðinn kl. 1.30
e. h. sama dag.—
TÍUNDI FUNDUR
Kl. 1.30 e. h. sama dag. Sunginn var sálmurinn 317,
“Eg stend til brautar búinn, mín bæn til þín og trúin, er
einka-athvarf mitt.” —
Fyrir lá 8. mál á dagsskrá:
Snnnudagsskólar og Vngmennnfélög
Höfðu tvær skýrslur í því máli áður verið lagðar fram.
S. O. Bjerring gerði þá tillögu, en C. B. Jónsson studdi,
að málið um Ungmennafélög sé falið 3. manna milliþinga-
nefnd. Urðu umræður nokkrar um tillöguna og málið í heild
sinni. Loks var tillagan borin undir atkvæði og samþykt.
Var og samþykt, að þingnefndin í málinu, þau séra E. H.
Fáfnis, Dóra Benson og séra Jóhann Friðriksson, sé sú milli-
þinganefnd er fari með málið til næsta þings. Var sú sam-
þykt gerð ( e. hlj.—
Þá var tekin fyrir skýrsla þingnefndar um sunnudags-
skólamál, er áður hafði verið lögð fram.
Samþykt var að taka skýrsluna fyrir, lið fyrir lið.
1. liður var ræddur um stund, en síðan samþyktur.
2. liður samþyktur með því að allir stóðu á fætur.
3. liður samþyktur.
4. liður ræddur nokkuð, en síðan samþyktur.—Nefnd-
arálitið síðan í heild sinni samþykt. Málið þar með afgreitt
af þinginu.
Forseti las upp skýrslu um námsskeið í kristilegri
fræðslu ungmenna, ( bygðum fslendinga við Manitobavatn,
síðastliðið sumar, er stofnað hafði verið til undir umsjón
Bandalags lúterskra kvenna. Kennarar höfðu verið þær Miss
Ellen Frederickson og Miss Thóra Oliver.
Samþykt var að skrifari birti þessa mikilsverðu skýrslu
á prenti.
Næst tók dr. Richard Beck til máls. Flutti hann vin-
gjarnleg og fögur kveðjuorð til þingsins, um leið og hann
þakkaði fyrir frábæra rausn, er hann, meðal annara, hefði
notið á þessu kirkjuþingi. Var ræðan þökkuð af forseta, um
leið og hann árnaði dr. Beck heilla og hamingju í starfi hans.
Gunnl. Jóhannsson mintist á þá yfirgnæfandi þörf, er væri
á því að efla áhuga fyrir bindindi. Öllum væri kunnugt um
hið mikla böl, er stafaði af nautn áfengis um allan heim.
Vildi hann að prestar legðu í vana sinn, að styðja bindindis
starfið í ræðum sínum, og jafnvel að prédika beint um það
að minnsta kosti tvisvar á ári. Var þessu máli, að þv( er
virtist, vel tekið af þingmönnum.
Þá lá fyrir að ákveða föst útgjöld safnaða í kirkjufélags-
sjóð. Var samþykt, að sú upphæð sé $600.00; sama upphæð
og í fyrra.—
Séra N. S. Thorláksson lagði fram þessa skýrslu, sem
fulltrúi kirkjufélagsins í kristniboðsnefnd United Lutheran
Church in America:
Þegar eg var kosinn á þing í fyrra ráðgefandi fulltrúi
trúboðsráðs U.L.C.A. fyrir hönd kirkjufélagsins, ásetti eg
mér að sækja einn fund ráðsins á árinu. Eru aðalfundir
þess nú 4 á ári. En þegar eg af gjörðabókum funda er mér
ávalt vöru sendar, sá hve erfiður fjárhagur ráðsins var, þá
gat eg ekki fengið mig til að auka því kostnað með því að
fara svo langa leið, þar sem það borgar ferðakostnað fulltrúa
sinna, en hvorki eg né kirkjufélag mitt þess umkomið að
gera það. Eg sótti þv( engan fund ráðsins. Eg tilkynti Dr.
Koller, aðalritara þess ástæður þess, að eg sækti ekki fund
þann, sem eg var búinn að láta hann vita að eg byggist við
að vera á. Skrifaði hann mér aftur mjög bróðurlegt bréf og
sagði mér að ráðið hefði metið ástæður mínar en vænti þess
að eg kæmi, þegar fjárhagurinn batnaði. Það hefir svo
krept að fjárhagslega, að trúboða suma, sem í Ameríku voru
í heimfararleyfi sínu, var ekki hægt að senda aftur á trúboðs-
stöðvarnar.
N. S. Thorláksson.
J
S. O. Bjerring gerði þessa tillögu til þingsályktunar:
Þingið vottar þakklæti sitt yfirskoðunarmönnum kirkju-
félagsins, þeim T. E. Thorsteinson og F. Thórdarson, fyrir
hið vandaða verk þeirra í sambandi við yfirskoðun reikninga
og bóka kirkjufélagsins.—
Þá lá fyrir að taka á móti tilboðum um þingstað næsta
ár.
Fyrir hönd Selkirksafnaðar lagði Klemens Jónasson
fram endurnýjað boð þess safnaðar, er ( fyrra hafði gert
tilboð um þingstað hjá sér 1034. Var hið endurnýjaða boð
þakkað og samþykt í e. hlj.
Þá var lögð fram þessi tillaga til þingsályktunar, frá séra
G. Guttormsyni:
Kirkjuþingið vottar söfnuðunum, prestinum og fólkinu
í Argylebygð alúðarþakkir fyrir frábæra gestrisni og ástúð
alla, sem erindsrekar og aðrir gestir hafa notið hér enn einu
sinni; og vér biðjum góðan Guð að auðsýna kennimanni og
gjörvöllum lýð þessara bygða ríkulega blessun sína i bráð og
lengd.
Þingsályktunar tillagan var samþykt í e, hlj. me því að
allir risu úr sætum.
Samþykt var að þóknun til féhirðis, ráðsmanns Sam-
einingarinnar, og skrifara kirkjufélagsins sé $50.00 til hvers
þeirra.
Séra E. H. Fáfnis bauð þingmönnum og gestum ti! kaffi-
veitinga í fundarsal kirkjunnar kl. 4 e. h.
Þá var lesin gjörðabók 9. og 10 fundar og staðfest.—
Var að því búnu samþykt að fresta niðurlagi fundar og
þingsslitum þar til eftir samkomu unga fólksins, sem fyrir-
huguð er í fundarsal Oddfellow-reglunnar kl. 8 e. h. sama
dag.
Sunginn var sálmurinn 44, “Þú Jesús, ert vegur til him-
insins heim,” og fundi síðan frestað til kl. 3 e. h.
Áframhald fundar í fundarsal Oddfellow-reglunnar kl.
8 e. h. sama dag. Sunginn var sálmurinn No. 18, “ó Drott-
inn, minnar sálar sól.” Forseti las 19. sálm Davíðs og flutti
bæn. Að því loknu var sunginn sálmurinn No. 34, “Sérhvert
ljós um lífsins nótt.”—1
Tilkynti þá forseti, að samkoma þessi væri aðallega helg-
uð starfi unga fólksins.
Þrjár ræður voru fluttar. Fluttu þær þrír skólamenn,
þeir B. Theodore Sigurðsson, Tryggvi Oleson og B. A. Bjarna-
son. Ræðumenn hér taldir í þeirri röð er þeir töluðu. Tvær
voru ræðurnar á ensku, en ein á slenzku. Var sú ræðan
höfð milli hinna tveggja. Allar þóttu ræðurnar hafa tekist
mjög vel.
Einsöngva sungu þær Miss Esther Arason og Miss Agnes
Nordal. Sungu þær báðar af list og voru báðar heimtar fram
aftur.—
Aðsókn að samkomunni var feikna mikil, og þótti hún
hafa tekist frábærlega vel.
Þá er skemtiskrá var lokið flutti forseti stutta tölu um
afstöðu og starf unga fólksins í kirkju og nágrenni. Mintist
og á ásigkomulag kirkjufélagsins, í heild sinni, er væri betra
en ýmsir hefðu búist við.—
Séra E. H. Fáfnis bar fram kveðjuorð og þakkir til þingsins.
Þakkaði fyrir samfélagið er kirkjuþing hefði veitt bæði sér
persónulega og svo söfnuðum sínum. Einnig bar hann fram
þakkir til safnaða sinna, fyrir dugnað og góða samvinnu, er
þeir hefðu lagt fram við það að taka á móti þinginu.
Séra H. Sigmar gerði þá tillögu, að ræðumönnum og
öðrum er skemtu á samkomunni, sé þakkað fyrir ágæta
frammistöðu. Var það samþykt með því að allir risu úr
sætum. >
Þá mælti forseti nokkrum kveðjuorðum til þingsins. Að
því búnu var sunginn sálmurinn No. 22, “Þín kirkja, góði
Guð, þú gef að standi.” Las forseti þá Matt. 5:3-16 og flutti
bæn. Var “Faðirvor” síðan lesið sameiginlega af öllum.
Lýsti forseti þá hinni postullegu blessan, og sagði svo slitið
hinu 49. ársþingi Hins ev. lút. kirkjufélags Islendinga í Vest-
urheimi, kl. 10 e. h.—Samkoman endaði með því að áheyr
endur sungu rösklega alla þjóðsöngvana þrjá: íslands, Banda-
ríkjanna og Bretaveldis.—
Skýrsla
yfir kristindómsnámskeið, sem haldið var á þremur stöð-
um norður við Manitobavatn í júlímánuði 1932 af Miss
Ellen Fredrickson og Miss Thoru Oliver frá Baldur, Man.
Samkvæmt beiðni hins sameinaða lúterska kvenfélags,
lögðum við stallsystur á stað frá Baldur, Manitoza, 15. júlí, á
leið norður að Manitobavatni til að halda þar námskeið fyrir
börn í kristnum fræðum, eins og hefir verið gjört undanfarin
sumur undir umsjón þessa félags. Við vorum dálítið kvíð-
andi, en þó ánægðar yfir þvi að hafa fengið tækifæri til að
leggja fram okkar skerf þessu nauðsynjamáli til styrktar.
Við komum til Winnipeg sama dag og gistum hjá Mrs.
Björgu Johnson. Daginn eftir, 16. júlí, lögðum við á stað frá
“Westside” járnbrautarstöðinni í Winnipeg á leið norður.
Mrs. H. G, Henrickson, sem hafði gefið okkur allar upplýs-
ingar um starfið, og Mrs. Finnur Johnson voru þar til að
kveðja okkur og óska okkur heilla. Þegar við komum til
Eriksdale var þar enginn til að mæta okkur eins og við höfð-
um búist við, svo við fórum á gistihús og fengum okkur að
borða. Okkur til mikillar ánægju kom þar maður, sem
Björn Johnson heitir og sagðist vera á leið til Sigluness, og
bauð okkur far í bílnum sínum. Þessi góði maður fór með
okkur heim til Mr. og Mrs. Ásmundur Freeman, sem tóku á
móti okkur með mikilli alúð og gestrisni. Seinna fréttum
við að Mr. Ingvar Sveistrup hefði lagt á stað til að mæta
okkur á brautarstöðinni, en billinn hefði bilað á miðri leið,
svo hann, af þeim ástæðum, gat ekki komist í tíma til að mæta
okkur. 17. júlí byrjuðum við á kenslunni með 14 nemend-
um. Við skiftum börnunum í tvær deildir, yngri og eldri
deild, og virtist okkur þau heldur vilja njóta kenslunnar á
íslenzku. Miss Vigdís Sigurðsson, sem hefir verið skóla-
kennari á Siglunesi hafði kent börnunum kristindóm einu
sinni í viku alt skólaárið, sem börnunum veittist létt að læra
sem þeim var sett fyrir, og leystu verkið vel af hendi. Við
kendum á þessum stað til 20. júlí og enduðum námskeiðið
með því að fara yfir lexíurnar í áheyrn fullorðna fólksins,
sem heimsótti skólann þennan dag. Þessi kristindómskensla
er á Siglunesi mjög mikils metin, og við erum sannfærðar
um, að það er einlæg ósk barnanna og aðstandenda að kensl-
unni verði þarna haldið áfram næsta ár. Frá Siglunesi fórum
við til Oak View. Mrs. Freeman, sem alt vildi fyrir okkur
gera og sem okkur hafði liðið svo ágætlega hjá, og sonur
hennar Adolf fóru með okkur í bíl. Við komum þangað kl.
4.30 síðdegis. Þarna á Oak View er langt á milli bæja og
erfitt með samgöngur svo við gátum ekki boðað komu okkar
fyrirfram með því að næsti talsími þaðan sem við vorum, var
8 mílur í burtu. Þetta var um heyskapartímann og allir í önn-
um og flest af eldri börnunum voru á engjum, sem i sumum
tilfellum voru 12 mílur frá heimilinu. Hjálpsemi Mrs. Free-
man munum við seint gleyma, því hún hjálpaði okkur til að
koma boðum á milli heimilanna, svo við gátum byrjað þarna
á kenslunni 21. júlí. Þrettán börn sóttu þetta námskeið, og
gátum við ekki undir kringumstæðunum búist við fleirum.
Miss Ástrós Johnson er skólakennari .á Darwin skóla á Oak
View. Hún hefir undanfarna tvo vetur kent börnunum krist-
indóm einu sinni í viku, fyrir tilstilli Sameinaða lúterska
kvenfélagsins, og heldur hún því væntanlega áfram næstu
skólaár. Þarna eins og á Siglunesi höfðum við mikla ánægju
af því hvað börnin voru námfús og næm. Þarna kendum við
í sex daga, og seinasta daginn fórum við yfir lexíurnar að
viðstöddum mæðrum og eldri systrum barnanna. Að þvi
loknu var veizla haldin, sem allir höfðu mjög mikla ánægju
af, og allir skildu glaðir og ánægðir. Á Oalc View vorum við
til heimilis hjá Mrs. Sigríði Gíslason, hafði hún sérstakt lag
á því að láta okkur finnast að hennar heimili væri okkar
heimili og þeirri innilegu gestrisni, sem hún sýndi okkur í
hvívetna, munum við seint gleyma.
Við mælum hiklaust með því að félagið sendi aftur kenn-
ara á þessar sömu slóðir næsta sumar. Við erum sannfærð-
ar um að verkið er mikils metið og ber blessunarríkan ávöxt.
Mr. og Mrs. Kjerneted keyrðu með okkur 26. júlí til
Silver Bay. Þar tóku á móti okkur með miklum hlýleik, Mr.
og Mrs. Friðlundur Johnson. Þar byrjuðum við daginn eftir
að kenna og voru 27 börn viðstödd. Á þessum stað<hefir
sunnudagaskólakenslu verið haldið uppi, og hafa þær Miss
Bína Johnson og Mrs. Barnes verið kennarar, hefir sú kensla
farið fram á ensku, sökum þess að þær hafa notið aðstoðar
frá ensku trúboðsfélagi. Miss Johnson dvaldi um tíma á
enskri tr'úboðsstöð nálægt Gimli, Manitoba, og fékk þar til-
sögn í því að kenna sunnudagaskóla.
Miss Bína Johnson kom þrisvar og Mrs. Barnes einu
sinni í okkar kenslustundir; þær voru mjög þakklátar fyrir
þá litlu hjálp, sem við gátum þeitt þeim. Seinustu kenslu-
stundirnar voru mjög fjölbreyttar. öll börnin höfðu hvert
sitt verk að vinna. Það var nokkurs konar samkepni í fram-
sögn, þótt engin verðlaun væru veitt, og margt fólk kom að
hlusta á þau og var það almanna rómur að börnunum hefði
tekist vel. Að endingu var öllum veitt kaffi og annað sælgæti
af mikilli rausn, og höfðum við þá gott tækifæri til að kynn-
ast mæðrum barnanna. Þegar við svo að lokum kvöddumst
beiddu börnin okkur um fram alt að koma aftur næsta ár.
öll höfðu börnin sótt þessar kenslustundir með heilum hug
og fúsum vilja og sýndu það með því að læra vel lexíurnar
og koma í tímana reglulega. Að endingu langar okkur til
að þakka Lúterska sameinaða kvenfélaginu fyrir að hafa
veitt okkur þann heiður og ánægju að gefa okkur tækifæri til
að taka þátt í þessu göfuga og áríðandi starfi, sem félagið
hefir nú í nokkur ár haldið uppi.
Því næst viljum við af heilum hug tjá fólkinu sem hýsti
okkur og gerðu á annan hátt alt, sem það gat til að okkur
liði sem bezt, okkar hjartans þakklæti.
í ágúst, 1932.
Thora Oliver og Ellen Fredrickson.
Grein þessi er hér birt að tilmælum skrifara hins sam-
einaða lúterska kvenfélags.—Ritstj.

INNKÖLLUNAR-MENN LÖGBERGS
Amaranth, Man B. G. Kjartanson
Akra, N. Dakota
Árborg, Man
! Árnes, Man
Baldur, Man
Bantry, N. Dakota
Bellingham, Wash
Belmont, Man
Blaine, Wash
Bredenbury, Sask
Brown, Man J. S. Gillis :
! Cavalier, N. Dak®ta... .
! Churchbridge, Sask
Cypress River, Man
Dafoe, Sa&k J. Stefánsson
Edinburg, N. Dakota...
Elfros, Sask ... Goodmundson, Mrs. J. H.
Foam Lake, Sask
GarCar, N. Dakota
Gerald, Sask
Geysir, Man
Gimli, Man
Glenboro, Man
Hallson, N. Dakota....
Hecla, Man
Hensel, N. Dakota
! Hnausa, Man
Hove, Man
Húsavík, Man
Ivanhoe, Minn.........
Kandahar, Sask J. Stefánsson
Langruth, Man
Leslie, Sask
Lundar, Man
Markerville, Alta
Minneota, Minn
! Mountain, N. Dakota..
Mozart, S&sk
■ Narrows, Man .
Oak Point, Man
! Oakview, Man
Otto, Man
Pembina, N. Dakota. ... G. V. Leifur
Point Roberts, Wash....
! , Red Deer, Alta
Reykjavík, Man
Riverton, Man
Seattle, Wash
Selkirk, Man
Siglunes, Man
Silver Bay, Man
Svold, N. Dakota
Swan River, Man
Tantallon, Sask
Upham, N. Dakota
Vancouver, B.C
Víðir, Man
Vogar, Man
Westbourne, Man
Winnipeg Beach, Man..
Winnipegosis, Man
Wynyard, Sask
1 / < < < <