Lögberg-Heimskringla - 28.03.1963, Page 2
2
LÖGBERG-HEIMSKRINGLA, FIMMTUDAGINN 28. MARZ 1963
Minning:
Sigrún Thorkelsson
Það er að vilja eftirlifandi
eiginmanns hinnar látnu, vin-
ar míns Soffaníasar Thorkels-
sonar, öldungsins vestur við
Kyrrahaf, að ég bið þetta blað
fyrir örfá minningarorð, sem
eru færri og fábreyttari en
efni stæðu til, því hér er sú
kona horfin, sem skipa verður
á bekk með þeim mætustu af
okkar kynstofni.
Frú Sigrún var fædd í
Reykjavík 27. september 1907.
Faðir hennar, látinn fyrir
nokkrum árum, var Sigurgeir
Jónsson, ættaður úr uppsveit-
um Amessýslu, þar sem sömu
ættirnar hafa átt sér bólstað
öld fram af öld. En móðir Sig-
rúnar er Agnes Pálsdóttir,
borin og barnfæddur Skaft-
fellingur, ein af hinum fjöl-
mörgu niðjum Jóns prófasts
Steingrímssonar, þrekmikil
drengskaparkona, sem nú, fast
að níræðu, á góðri dóttur á
bak að sjá. Fjögur mannvæn-
leg börn þeirra hjóna eru bú-
andi hér á landi, en eina
dóttur misstu þau uppkomna.
Sigrún fæddist að mestu upp
í foreldrahúsum, en að nokkru,
um skeið, hjá móðurfólki sínu
austur í Fellum, en aldur sinn
ól hún lengst af hér í Reykja-
vík, þar til hún, alþingishá-
tíðarsumarið, hélt til Vestur-
heims. Festi hún fljótt rætur
í hinu nýja umhverfi og náði
skjótt góðu valdi á enskri
tungu.
Réðst hún síðar að fyrirtæki
hin alkunna athafnamanns,
Soffaníasar Thorkelssonar í
Winnipeg, en er hann hafði
misst fyrri konu sína og flutzt
búferlum vestur að Kyrrahafi,
eins og svo margir aðrir Vest-
ur-lslendingar á síðari tímum,
réðst hún til hans sem ráðs-
kona árið 1947. Felldu þau
hugi saman og gengu í hjóna-
band 30. október 1949. Reistu
þau sér glæsilegt hús úti við
sjóinn í Victoria á Vancouver-
eyju, en þar er mikill gróður
og náttúrufegurð og eitthvert
hið bezta loftslag á vorri jörð,
þar koma hvorki óþægilegir
sumarhitar né vetrarkuldi, og
snjór er þar sjaldséður. Þar
lifðu þau hjón mjög farsæl ár
og undu hag sínum hið bezta.
Það festi heldur aldrei snjó á
þeirra sambúð.
Hús þeirra og heimili, þar á
hinni miklu Vancouvereyju,
hefði með réttu mátt nefna
Islendingahús, þar var ramm-
íslenzkur gróðurblettur, þó
það stæði í framandi fjarlægð
frá ættlandinu, þar sem Is-
lendingar, staðsettir vestra,
eða gestir að heiman gátu, um
lengri eða skemmri tíma, átt
athvarf, — notið gestrisni og
þjóðhollustu þeirra hjóna og
heimilisrækni, myndarskapar
og góðvildar húsfreyjunnar.
1 eitt skipti, eftir að frú Sig-
rún fór alfarin vestur, kom
hún til íslands og dvaldi hér
sumarlangt 1958, ásamt manni
sínum. Heimsóttu þau ætt-
ingja og vini og æskuslóðir.
1 sama skipti tóku þau sér
ferð á hendur um fleiri lönd
Norðúrálfu.
Frú Sigrún varð gæfusöm
kona, sem fann líf sitt; hún
festi aldrei hugann við eigin
hlut, heldur hitt, hvað hún
væri fær um að veita öðrum
með þjónustu og fórnfýsi,
Frú Sigrún Thorkelsson
fyrst og fremst eiginmanni
sínum. Þann vísdóm kann hún
að hafa lært af hinni fomu
bók, en hann féll í sama farveg
og hennar innra eðli, arfleifð
margra kynslóða, sem stofninn
geymir og varðveitir. — En
þrátt fyrir allt má enginn
sköpum renna. Fyrir um það
bil ári fór hún að kenna þess
sjúkdóms, sem ekki var í
mannlegu valdi að lækna, og
sem dró hana til dauða á af-
mælisdegi hennar er hún varð
55 ára.
Frú Sigrún skrifaði jafnan
mótgerðir í sand og haggaði
aldrei lundu. Hún ávann sér
vináttu stjúpbama sinna og
allra samferðamanna. Mann-
kosti sína gat hún sótt í báðar
ættir, en einna helzt mun
henni hafa svipað í fasi og
öllu dagfari til föður síns, sem
var maður hógvær og mildur.
Ég minnist þess, er ég eitt
sinn var í jólaveizlu hjá móð-
urbróður mínum, H e 1 g a
Magnússyni, kaupmanni hér,
skömmu áður en hann lézt, að
Sigurgeir barst í tal, því ég
vissi að hann og Helgi höfðu
verið sveitungar í æsku. Helgi
sagði: „Við vorum fermingar-
bræður hjá séra Valdimar
Briem í Hrepphólakirkju vor-
ið 1886. Sigurgeir hefi ég
þekkt í 80 ár og jafnan að
góðu“.
Þótt sjónarsviptir sé nú orð-
inn á heimili Soffaníasar, hef-
ur hann ákveðið að dvelja
kyrr á sama stað, enda þótt
börn hans af fyrra hjónabandi,
sem búa honum fjarri, mundu
ekki láta sitt eftir liggja að
veita honum alla umönnun og
hollustu. En hann hefur tekið
tryggð við sína sólríku strönd
og hennar minningar. Ég þyk-
ist líka ráða í, að með mann-
dómi hans og viljafestu verði
honum það eitt hlýðisamt, að
vera skipstjóri á sinni ferju,
þar til yfir lýkur.
Missir frú Sigrúnar um ald-
ur fram, var eitthvert hið
mesta áfall, sem mann hennar
gat hent, en svo mörg skrugga
hefur á honum skollið á langri
leið, að hann mun líka standa
af sér þessa raun, þótt æviár
hans séu orðin mörg. Hann
stendur djúpum rótum í sinni
lífsskoðun, trúir því statt og
stöðugt að við mannkindurnar
hér á jörð munum lifa, þótt
vér deyjum. Þessi trú hans er
fyrir áratugum orðin að vissu,
sem er jafn bjargföst eins og
háu fjöllin, sem forðum daga
gnæfðu yfir vöggu hans norð-
ur í Svarfaðardal.
Fréttir frá íslandi
Frá bls. 1.
Hross með flugvél til Sviss
Fyrirtækið Sigurður
Hannesson og Co., sem flutt
hefur út hross til Þýzkalands
og fleiri landa, hefur áformað
að senda um 40 hross með
flugvél til Sviss.
Blaðið talaði í gær við Ás-
geir Hjörleifsson, sem er aðili
að fyrirtækinu og spurðist
nánar fyrir um þessa send-
ingu. Ásgeir sagði, að ákvörð-
un yrði tekin seirmi partinn í
þessari viku. Hrossin yrðu þá
send frá Keflavíkurflugvelli
með gripa flutningavél frá
hollenzka flugfélaginu KLM.
Fyrirtækið hefur áður flutt
hross loftleiðis, árið 1960 til
Kanada.
Tíminn 19. marz.
☆
Gullfoss brennur
Aðils—Kaupmannahöfn,
18. marz.
/í morgun kom upp eldur í
Gullfoss, þar sem hann liggur
í þurrkví hjá skipsmíðastöð
Burmeister og Wain í Kaup-
mannahöfn, og er meginið af
afturhluta skipsins gerónýtt.
Má búast við að viðgerð á því
taki marga mánuði.
Kjartan Sveinsson.
Kveðjuorð
Ort í minningu um Sigrúnu Sigurgeirsdóttur, undir nafni
eiginmanns, hennar Soffaníasar Thorkelssonar. Fædd 27.
september 1907. Dáin 27. september 1962.
♦
Eg heyri þig
Eg heyri þig og sé með andans augum
í óra firrð, en þó svo skammt frá mér,
í leifturs kyrrð og ljóssins geisla baugum
er lauga mig í streymi út frá þér.
Við áttum víða leið í sögn og sögum
um sumar nætur út við hafið blátt,
sem yl og styrk mér gefa á döprum dögum
unz dimman hverfur inn í sólar átt.
Þín andans vé á styrkum grunni stóðu
og storma lífsins hefti brosið þýtt,
þú unnir öllu göfugu og góðu
og gistir það sem fagurt var og hlýtt.
Þín fagra hneigð og kærleiksríku kynni
og kosta ríkið vítt sem bjó með þér,
og tryggð og alúð, verður mér í minni
á meðan varir líf í brjósti mér.
Davíð Björnsson.
Tíminn 19. marz.
Special Low-Cost Easter Tour!
10 wonderfu! days ! Visit
Vancouver - Nanaimo
and Victoria!
GREAT IDEA! — a spring vacation in Canada’s
evergreen province! You’U see the Rockies from the
scenic dome of “The Canadian” . . . enjoy bus and
steamship tours . . . take a beautiful 5 hour scenic
drive to Paradise Valley Lodge near Squamish . . .
visit famous Butchart Gardens ... dine at exciting
new places, stay at the best hotels!
See your CPR agent now for free descriptive folder
or write: General Passenger Agent, CPR Station,
Winnipeg.
Gmadian(/kd/íc
TRAINS / TRUCKS / SHIPS / PIANES / HOTEIS / TEIECOMMUNICATIONS
WORID'S MOST COMPLETE TRANSPORTATION SYSTEM
FROM WINNIPEG
AS LOW AS $181.20
Leaves Winnipeg April 11
Rtns. from Vancouver April 19
SELKIRK CONSIITUENCV
On April 8 work for# vote for,
and re-elect
ERIC STEFANS0N
a man of provep ability, experience and
ledership, Has an outstanding record of
constituency service.
I
Re-elect a Conservative Government
MARK YOUR BALLOT
STEFANSON, Eric
X