Breiðablik - 01.04.1909, Qupperneq 14

174
B R E I Ð A B L I K
NÝÞÝDDA BIBLÍAN
LVEG nýlega er biblían öll, nýþýdda
útgáfan, komin hingað vestur, þó
naumast sé farið að selja hana enn,
því einhver vafi leikur á um verðið.
Á Islandi er það 5 krónur og verður
að líkindum $1.35 eða $1.50 hér.
Bókin er ofurlítið meiri ummáls að lengd og
breidd en eldri útgáfan frá 1866, en álíka þykk,
þó blaðsíðutala sé dálítið hærri, 1298 í nýju útg.
en 1160 í þeirri eldri; þyktin nokkurn veginn sú
sama, því pappir er þunnur, en sérlega vandaður
í þessarri nýju útgáfu. Þau eintök, sem hingað

HARALDUR NÍELSSON.
eru komin, eru bundin sterku léreftsbandi, dumb-
rauðu eða svörtu. Er það vitaskuld hverg>
nærri jafn-sterkt leðurbandinu á eldri útg.
Töluverðrar tilbreytingar verður augað þegar
vart, um leið og bókin er opnuð. Hver blaðsíða í
tveim dálkum í hinni eldri útg. Hér engir dálk-
ar, en línur jafn-langar blaðsíðubreidd. Hér er
lesmál eigi heldur slitið sundur með stöðugum
greinaskiftum eins og í hinni eldi i og með því
gjöri ólíkt lesmáli í öllum öðrum bókum. Greina-
skifti eru eftir efni að eins, en smáleturs tölur
við hvert vers, eigi úti á spázíum, eins og í nýja
test. nýja, heldur ofanvert í línu í vers byrjan í
óbundnu máli, en framan við hvert stef í bundnu
máli. Kapítular sýndir með stórum tölum og
svörtum, svo ekkert raskast frá því,sem áður var
En sú skitting var víða mjög af handa hófi og
sýndi skilningsskort fyrri tíða á efni bókanna.
Nú er það lagað með því að tengja saman það,
sem áður hefir verið slitið sundur. Tölurnar,
sem tákna kapítula, ósjaldan látnar standa í
samanhangandi lesmáli, en stórt bil oggreinilegt
þar sem nýtt efni byrjar. Fyrirsagnir eru hér,
stuttar og gagnorðar, eigi ávalt þar sem kapítuli
byrjar, heldur þar sem nýtt efni hefst í sagnarit-
unum öllum. I spámanna og skáldskaparritum
er engar fyrirsagnir. Þ>að, sem gjörir þessa
nýju útgáfu ólíkasta hinni eldri að ytra útliti, er
samt ótalið, þó mest sé um vert. Alt, sem í
frumtextanum er í Ijóðum, er hér prentað í stef-
jum eins og vant er um skáldskap í öðrum bókum,
svo augað verður þess vart um leið og það lítur á
opnuna, hvað eru ljóð og hvað óbundið mál.
Það út af fyrir sig er skilningnum enginn smá-
vegis léttir. Tilvitnanir eru neðanmáls og að
þeim stór-mikill ávinningur. Þær vantaði alveg
í hina eldri útgáfu. En þægilegra hefið verið að
hafa þær á spázium út frá þeim ritningar-grein-
um, er þær eiga við, Það er nokkurn veginn
hið eina,sem betur hefði mátt fara í ytra búningi,
og er þó smávægilegt. Stafsetning er samkvæm
blaðamannaréttritan á allri bókinni. Letrið er
sérlega gott, hæfilega stórt og fremur feitt,
ágætt aflestrar.
Mikils til ofstuttan tíma liefi eg haft bókina
með höndum til að geta dæmt til nokkurrar
hlítar um þýðingu gamla testamentisins, sem
hér kemur almeningi fyrsta sinni fyrir sjónir.
En hún ber með sér að vera fyrirtaks vel vönduð.
Naumast inun nokkuð af síðustu þekkingarfær-
um hafa verið látið ónotað til að gjöra hana sem
fullkomnasta og auðsætt að málkend mannsins,
sem að henni hefir starfað svo dyggilega, er í
bezta lagi,að því er til íslenzku kemur. Við þann
samanburð, er naumur tími hefir leyft, finst mér
þessi nýja þýðing ritningarinnar, sem þjóð vor
hefir eignast á sína gullfögru tungu, taka þeim
nýjum þýðingum fram, sem eg þekki, að ná-
kvæinni og réttum skilningi. Meir en fjórðung-
ur aldar er nú liðinn síðan endurskoðaða þýð-
ingin enska birtist, enda er þessi þýðing óefað
í sumum efnum henni fremri, þó vönduð væri ;
sú þýðing líka sérlega íhaldssöm og fremur á
eftir tímanum en undan, er hún birtist. Er það
þjóð vorri eigi lítils vert að eiga nú eina full-
komnustu þýðing ritningarinnar á tungu sinni,
sem til er, enda fullkomnari en sumar stærstu
menningarþjóðir. Sýnir það bezt, hvílíkt óvit
var að halda því fram, sem hreyft hefir verið af
sumum, aðjafn-lítil smáþjóð og Islendingar ætti
ekki að vera bisa við að eignast sjálfstæða
þýðingu biblíunnar, en að eins endurþýða ein-
hverja nýja þýðing stórþjóðanna. Sjálfstæðið er
bezt í hverjum hlut og hér hefði þýðing þýðingar
að eins orðið svipur hjá sjón í samanburði við
það, sem vér höfum nú eignast. Meðvitundin
eiu um að hafa eigi orðið að sækja til annarra er
í þessu efni óumræðilega dýrmæt og er bakhjarl
ómentanlegt íslenzkum kristindómi.
Ný biblíuþýðing er stór viðburður með öllum
A