Norðurland - 14.02.1903, Blaðsíða 3

»3
Nl.

á gangi við Nýhöfn tók veðrið upp
og kastaði honum út í sjó svo hann
druknaði. Út um landið varð mikið
tjón af veðri þessu.
Vindhraðinn var sumstaðar 24 faðm-
ar á sekundunni.
5»
R Ö Ð
nemenda í gagnfræðaskólanum á Akur-
eyri eftir miðsvetrarpróf í febrúarmán-
uði 1903.
2. Bekkur.
1. Páll Jónsson (E).
2. Jakob Hansson (Sk).
3. Helgi Isaksson (A).
4. Jón Jónsson (H).
5. Páll Hermannsson (M).
6. Einar Sveinn Jóhannsson (M).
7. Ingveldur Mattíasdóttir (A).
8. Herdís Mattíasdóttir (A).
9. Snorri Einarsson (A).
10. Einar Björnsson (M).
11. Ólafur Möller (M).
12. Óli Björnsson (E).
13. Jóhann Pétursson (Sk).
14. Gunnar St. Gunnarsson (B).
15. Gísli Guðmundsson (Sk).
1. Bekkur.
1. Ragnheiður Blöndal (A).
2. Metúsalem Stefánsson (M).
3. Lára Blöndal (A).
4. Hannes Jónsson (Þ).
5. Guðmundur Ólafsson (Þ).
6. Konráð Vilhjálmsson (Þ.)
7. Elísabet Baldvinsdóttir (M).
8. Kristinn Briem (A).
9. Sigdór Vilhjálmsson (M).
10. Hjálmar Vilhjálmsson (M).
11. Rögnvaldur Snorrason (A).
12. Þórhallur Gunnlaugsson (A).
13. Arni Jóhannsson (E.)
14. Jón Sigurðsson (Sk).
15. Jón Hannesson (Bgf).
16. Gísli Þorgrímsson (Sk).
17. Gunnlaugur Tr. Jónsson (A).
18. Magnús Mattíasson (A).
19. Jón Kr. Jónsson (Sk).
20. Grímur Grímsson (E).
21. Jón G. Jónsson (Skj).
22. Jón Daníelsson (A).
23. Jóel Friðriksson (Þ).
24. Friðþór Steinholt (M).
25. Jón Kr. Árnason (Sk).
26. Sigurbjörn Pétursson (Þ).
27. Brynjólfur Jónsson (Skft).
28. Magnús Jónsson (M).
29. Þórarinn Kristjánsson (E).
30. Jónas Björnsson (E).
31. Ólafur Bjarnason (M).
A == Akureyrarkaupstaður.
B = Barðastrandarsýsla.
Bgf = Borgarfjarðarsýsla.
E = Eyjafjarðarsýsla.
H = Húnavatnssýsla.
M = Múlasýslur.
Sk = Skagafjarðarsýsla.
Skft = Skaftafellssýsla.
Þ = Þingeyjarsýsla.
'4
Veðurathu«:aiiir
á Möðruvöllum í Hörgárdal. Eftir Ólaf Davíðsson.
1903. Febr. Um miðjan dag (kl. 2). Minstur h. (C)ásólar- hringnum|
Loftvog (þuml.) Hiti (C.) ti 3 »0 w & ctf E & ts> | Úrkoma
Sd. 1. 75.9 -4- 7.7 N 1 10 s - 10.2
Md. 2. 75.0 -1- 9.8 S 1 8 s - 14.5
Þd. 3. 73.7 1.1 sv 1 5 s - 15.0
Md. 4. 73.8 -f- 2.0 0 8 s - 2.0
Fd. 5. 73.8 -f- 5.5 0 9 s - 8.5
Fd. 6. 73.3 -f- 2.8 N 2 10 s - 8.0
Ld. 7. 74.6 -f- 9.4 NAU 2 10 s - 10.8
Jarðabótafélag Svarfdæla
skaraði sfðastliðið ár langt fram úr
öðrum samskonar félögum hér í Norður-
amtinu að framkvæmdum. Framfara-
félag Arnarneshrepps hefir um alllangt
skeið verið efst á blaði ekki að eins
hér í amtinu, heldur á öllu landinu
að suðuramtinu undanskildu. En nú
hin síðustu ár hafa Svarfdælir farið
fram úr nágrönnum sínum og skipað
fyrsta sætið. Árið sem leið voru eftir
skýrslunum unnin þar 1813 dagsverk
af 62 félagsmönnum eða tæp 30 dv.
á mann að meðaltali, og er það mikið,
þegar þess er gætt að margir félags-
menn eru bláfátækir einyrkjar og tómt-
húsmenn. — Einn félagsmanna hefir
unnið yfir 100 dagsverk, formaður fé-
lagsins Vilhjálmur Einarsson á Öldu-
hrygg: 127 dagsverk, og er það stór-
kostlega mikið af fátækum leiguliða.
Þá hafa þessir bændur unnið yfir 50
dagsverk:
Guðlaugur á Skáldalæk .... 78 dv.
Jóhann á Hvarfi.............71 —
Jón á Hálsi . . . ,.........64 —
Þorgils á Sökku.............61 —
Þórður á Hnúki..............57 —
Þessir 6 félagsmenn hafa unnið yfir
40 dagsverk.
Árni á Dæli.................49 dv.
Sigurður á Helgafelli.......45 —
Zófonías á Tungufelli.......44 —
Hjörtur á Urðum.............43 —
Rögnvaldur á Skeggjastöðum .43 —
Jóhann í Sandgerði..........41 —
Hinn síðast taldi er þurrabúðarmað-
ur og ættu þurrabúðarmenn hér við
fjörðinn að taka sér hann til fyrir-
myndar. í góðu tiðinni og aflaleysinu
í haust og vetur hefðu þeir getað
pælt upp nokkura ferfaðma, ef viljann
hefði ekki vantað og búið þannig í
haginn fyrir sig. Sigurð á Helgafelli
má líka nefna sem dæmi upp á það,
hve mikið fátækir einyrkjar og fjöl-
skyldumenn fá áorkað, ef áhuginn er
nógur. Á 12—14 árum hefir hann
grætt upp úr óræktarholti og sléttað
af mestu snild 3 kúa tún kringum bæ
sinn sem hann hefir reist. — Á meðal
félagsmanna þeirra, sem hér eru ekki
taldir og unnið hafa frá 8 og upp að
40 dagsverk, eru margir sem unnið
hafa Iangt fram yfir það, sem við
mátti búast eftir efnum þeirra og á-
stæðum öllum. — Væri óskandi, að
hinn lofsverði áhugi og framkvæmda-
semi Svarfdæla í jarðabótum færi
vaxandi og fleiri sveitir feti í þeirra
fótspor. Svarfaðardalur er ein með
fegurstu og blómlegustu sveitum hér
norðanlands og þess verður, að hon-
um sé sómi sýndur. Norðurlandi væri
þökk á að fá skýrslur sem víðast að
hér úr amtinu um hvers konar fram-
faraviðleitni, svo hægt sé að skýra
frá því öðrum til eftirbreytni.
4
Sjálfum sér sundurþykkur.
»Þjóðólfur« virðist nú bera heldur
mikinn keim af ríki, sem er sjálfu sér
sundurþykt.
í 4. tbl., 23. f. m., byrjar ritstjórinn
langa grein með þessum orðum:
»Saga mannkynsins sýnir það ber-
lega, að frelsi og sjálfstæði hverrar
þjóðar er af engu jafn-mikil hætta búin
sem af sundrung, samtakaleysi og
innbyrðis óeirðum þjóðarinnar.« » Ósam-
þykki og innbyrðis styrjöld höfðingj-
anna« var orsökin til þess að íslend-
ingar glötuðu sjálfstæði sínu o. s. frv.
Þegar svo blaðinu er snúið við,
kveður við annan tón um friðarorðin
frá Akureyrarbúum, Þingeyingum og
Vopnfirðingum. Nóg spott og ámæli
og aðdróttanir, og aðalefnið það, að
friðsamleg barátta gagni — ekki þjóð-
inni. Orð Hages fjármálaráðgjafa, sem
lengi hefir verið einn af foringjum
vinstrimanna gegn Estrup, Nellemann
óg öðrum hægrimönnum í Danmörku,
þar sem hann sýndi fram á, hversu
friðsamleg barátta væri lífsskilyrði fyrir
velferð þjóðarinnar, eru meðal annars
kölluð »Lúsalyng«. Og eftir því er
andinn í greininni.
I tölublaðinu næsta á undan segir
ritstjórinn um nýju stjórnina, að það
skifti mestu að fá »framfarafúsa stjórn«.
Samt sem áður berst hann á móti
þeim mönnum, sem eru þjóðkunnir
sem framfaramenn, og heldur hinum
fram, sem öllum er vitanlegt, að eru
íhaldsmenn mjög miklir.
En hvernig stendur á því, að orð
og gjörðir eru svona ósamkvæmar í
»Þjóðólfi«f Ihaldsmennirnir sjá, að
þeir geta ekki haldið sér uppi á sundi,
nema því að eins framfarastraumurinn
klofni og úr honum verði pólitískar
hringiður. Þeir þurfa því að halda á
ófriði, getsökum og sundrung. Þeir
heimta gjörðirnar. Framfaramennirnir
heimta líka að sjálfsögðu nokkuð. Þeir
fá friðsemdar og framfaraorðin.
En það sannast á blaðinu, að »eng-
inn kann tveimur herrum að þjóna«.
Að minsta kosti mun það verða erfitt
til lengdar.
Einhver misskilningur,
og hann í meira lagi, er það, sem
kemur fram í ummælum ritsímafor-
stjórans danska, þeim er prentuð eru
á öðrum stað hér í blaðinu (Frá öðr-
um löndum). Þar er sagt, að leggja
megi síma frá Hjaltlandi til íslands
fyrir minni fjárhæð en þau 30,000
pund sterling, sem Marconi hefir farið
fram á að fá. Eins og kunnugt er, hefir
ritsímanum fyrirhugaða hingað til lands
verið trygt margfalt meira fé frá Is-
landi og Danmörku. Og samt hafa þau
fjárloforð ekki hrokkið til að koma
fyrirtækinu í framkvæmd.
Fleiri og fleiri
verða þeir stöðugt, sem finna til þess,
hversu Islendingum er nauðsynlegt að færa
sér í nyt reynslu og verklegar framfarir í
öðrum löndum. Hinn 15. f. m. ákvað bæjar-
stjórn Reykjavíkur að kosta verzlunarstjóra
Matthías Matthíasson, slökkviliðsstjóra bæj-
arins, til utanfarar, til þess að kynna sér
slökkvistörf erlendis.
Mundu hinir kaupstaðirnir eigi geta haft
gagn af þessari utanför?
Um jólaveðrið,
sem getið er um í bréfi hér í blaðinu,
ritar búnaðarskólakennari, Jósep J. Björns-
son „NI." meðal annars þetta:
Mörg skip, er úti voru, iöskuðust meira
og minna, mönnum skolaði útbyrðis og sum
skip fórust alveg.
Við Jótlandsskaga fórst norskt barkskip
og týndust — að mig minnir — 11 menn.
Bátar fuku víða og brotnuðu. í Gilleleje á
norðurodda Sjálands urðu mikil brögð að
þessu. Vitar fuku og sumstaðar um, reyk-
háfar hrundu og jafnvel heil hús fuku. í
Egersand í Noregi fauk þannig heilt hús.
Voru þar inni 4 menn og sátu að spilum
á jóladagskvöldið, þegar húsið fauk. Ekki
fórust þeir þó. Á höfninni í Stafangri rak
skip til, og báta, sem á floti voru, sleit frá
skipum. Á einu skipi vissi eg til að höggva
varð niður siglutréð, til þess að forða því
frá að reka á land.
Heppilegt mátti það heita fyrir „Egil",
að hann var kominn í höfn, þegar veðrið
brast á, því óvíst er, hvernig honum kynni
að hafa reitt af, hefði hann verið svo sem
12 klst. síðar á ferðinni.
Dr. Valfýr Guðmundsson
ætlaði að leggja á stað frá Höfn með
aukaskipinu 18. janúar og er nú víst kom-
inn til Reykjavíkur. Býst hann við að dvelja
þar til ágústmánaðarloka. Kona hans, sem
kom út með honum í fyrra vor, gat ekki
farið með honum heimleiðis síðastliðið haust
sakir veikinda og hefir dvalið í Rvík í vetur;
hefur sjúkdómur hennar fremur ágerst nú
upp á síðkastið.
Ólafur Hjalfesfed
hefir, eftir því sem skrifað er úr Reykja-
vík, selt vél þá, sem hann hefir fundið upp,
fyrir 30,000 kr. Munu allir Islendingar sam-
gleðjast þessum hugvitssama landa sínum.
Nú er sagt, að Hjaltesteð sé að hugsa um
endurbætta sláttuvél. Væri óskandi að hon-
um tækist að gera hana svo úr garði, að
hún geti komið að fullu gagni hér á Iandi.
Júlíus Júlínusson
hér úr bænum hefir nýlega tekið stýri-
mannspróf ineð beztu einkunn á stýrimanna-
skólanum á Bogö í Danmörhu. í vélafræði
fekk liann 13 stig (14 stig mun vera hæsta
einkunn). Hann er að sögn fyrsti Eyfirðing-
urinn, sem tekið hefir fullkomið stýrimanns-
próf í Danmörku. — Hann heldur áfram
námi sínu í vetur og ætlar sér að taka auka-
próf í apríl í vor.
Trúlofun.
Ingeniör Jón Þorláksson frá Vesturhóps-
hólum, sá er þingið í sumar veitti 3000 kr.
til þess að rannsaka byggingarefni landsins,
er nýtrúlofaður fröken Ingibjörgu Claessen
frá Sauðárkrók. Systir hennar, Maria, er
gift landsingeniör Sig. Thoroddsen.
Frú Jórunn Norðmann,
kona verzlunarstjóra J. Norðmanns, var
á fimtudaginn opereruð fyrir innvortis mein-
semd, sem hún hefir lengi þjáðst af. Skurð-
urinn tókst vel og batahorfur góðar.
Hr. Bjarni Einarsson
skipasmiður er enn veikur og all-þungt
haldinn, en von um bata áður en langt um
líður.
Amtmannsfrúin
er nú á góðum batavegi; hún var flutt
heim til sín af spítalanum á mánudaginn.
Rifsfjóri „Norðurlands“
hefir legið rúmfastur þessa viku, en er
nú á nokkurunr batavegi.
Hjónavígsla.
Héraðslæknir Ingólfur Gíslason og fröken
Oddný Vigfúsdóttir voru gefin saman i
hjónaband þann 12. þ. m. Veizla var fjöl-
menn og fagnaður góður, enda þóttust
vinir brúðgumans nýlega hafa heimt hann
úr helju.
Pólifiskur fundur.
Sýslumaður Kl. Jónsson lagði á stað út
í Svarfaðardal í gær, til þess að halda
fund með kjósendum þar.
„Egill“
kom hingað á laugardagskveldið var. Með
honum kom frá Kaupmannahöfn Stefán Guð-
johnsen faktor á Húsavík. Egill hafði |mikið
af matvöru til Húsavíkur, en hingað komu
á 3. þúsund pottar af brennivíni, mest til
consul Havsteens. Egill fór héðan aftur á
sunnudaginn, á leið til útlanda.