Alþýðublaðið - 19.10.1963, Síða 2

Eitstjórar: Gylfi Gröndal (áb.) og Benedikt Gröndal. - í’réttastjóri:
Ami Gunnarsson. — Ritstjórnarfulltrúi: EiSur GuSnason. — Símar:
14900-14903. — Auglýsingasími: 14906. — ASsetur: Aiþýðuhúsið við
Ilverfisgötu, Reykjavík. — Prentsmiðja Alþýðublaðsins. — Áskriftargjald
tr. 80.00. — í lausasölu kr. 4.00 eintakið. — Útgefandi: Alþýðuflokkurinn.
Tryggingabætur munu hækka
ÞINGMENN 'kommúnista í efri deild reyna
að slá sig til riddara með flutningi frumvarps um
hækkun bóta almannatrygginga. Hér er aðeins um
sýndarmennsku að ræða, og tilgangurinn sá að upp
hefja sjálfa sig og flokk sinn.
Það virðist hafa farið fram hjá þeim, að Al-
þýðuflokkurinn hefur lýst yfir þeirri stefnu sinni,
að bætur almannatrygginga skuli hækka til sam-
ræmis við þær verðhækkanir, sem orðið hafa und-
anfarið. Þessi yfirlýsta stefna flokksms er og stað
fest í nýframlögðu fjárlagafrumvarpi, en þar segir
orðrétt í athugasemdum: „Gera verður ráð fyrir
því, að sakir þeirra kauphækkana, sem orðið hafa
síðan bætur almannatrygginga voru síðast ákveðn
ar, hækki bótagreiðslur frá því sem frumvarpið
gerir ráð fyrir. Ekki lágu fyrir endanlegar tillögur
um þetta efni, þegar ganga varð frá frumvarpinu,
en þær munu verða lagðar fram við meðferð máls
ins á Alþingi”.
í ríkisstjórninni er því algjör samstaða um, að
hækka skuli bætur almannatrygginga, enda hefur
í tíð núverandi ríkisstjórnar verið unnið meir og
foetur að almannatryggingamálum, en dæmi eru til
áður. Lífeyris og bótagreiðslur hafa verið stóraukn
ar frá því, sem áður var, og margskonar misrétti af
numið, sem áður var við lýði. Má þar til dæmis
nefna þau skerðingarákvæði, sem mæltu svo fyrir,
að hefði bótaþegi tekjur af vinnu, skyldi lífeyrir
hans minnkaður. Einnig hafa verðlagssvæðin ver-
íð afnumin, þannig að bætur eru nú jafnháar hvar
á landinu sem er.
í tíð núverandi ríkisstjómar hefur ellilífeyrir
verið hækkaður um meira en 100%. Það sýna eftir
farandi tölur:
Fullur elli og örorkulífeyrir Fyrir viðreisn 1963
Einstaklingar á 1. verðlagssv. 9.954 kr. 18.235 kr.
Einstaklingar á 2. verðlagssv. 7.465 — 18.235 —
Hjón á 1. verðlagssvæði 15.927 — 32.824 —
Hjón á 2. verðlagssvæði 11.945 :— 32.824 —
Almannatryggingarnar hafa alla tíð verið
helzta baráttumál Alþýðuflokksins. Það var fyrir
hans tilstilli að þser komust í framkvæmd á sínum
tíma. Utan stjómar og innan hefur Alþýðuflokkur
inn háð harða baráttu fyrir bættum kjörum ör-
yrkja og aldraðs fólks. í vinstri stjóminni dauf-
heyrðust kommúnistar og Framsóknarmenn við
kröfum Alþýðuflokksins um auknar almannatrygg
ingar. Framsóknarmenn hafa reyndar alla tíð ver
ið andstæðir tryggingunum og litið á þær sem
foagga á skattborgurunum, en ekki sem tekjujöfn-
unarleið.
í núverandi ríkisstjórn ríkir skilningur á þess
iffli málum. Sýndartilla-ga kommúnista um trygg-
ingarnar er því aðeins lögð fram í pólitískum til-
gangi.
T
T
k
VEGFARANDI SKRIFAR: „Þá
er fyrsta slysið á hinum nýja
Keflavíkurvegi orðið. Það var ekki
seinna vaenna. Að vísu flaug bíll
út af veginum snemma á síðasta
sumri, en þar voru að verki óðir
unglingar í kappakstri. Núna var
ástæðan- fyrir slysinu sú, að kon-
an sem ók bílnum ætlaði að
svifta sér fram úr öðrum bíl, en
gætti þess ekki, að annar bíll kom
á móti henni. Hann var ekkert
smásmíði enda varð höggið eftir
því. Það þykir nokkrum tíðindum
sa-ta, að bíllinn, sem konan ók,
lenti í árekstri á þessum sama
vegi kvöldið áður. Þá var karlmað
ur við stýrið, en Iiann var í rétt-
arlialdi út af því daginn eftir og
því var konan við stýrið þá. Hér
var, eins og kunnugt er, um út-
lendinga að ræða.
ÉG ÓTTAST að íslendingar
kunni ekki að aka þessa greiðfæru
og steyptu vegi, að minnsta kosti
ekki fyrr en þeim lærist það, að
þeir eru mjög viðsjárverðir. Vil ég
í því sambandi minna á það, að
það var ekki meira en rúm vika
liðin frá því að vegurinn var
sleyptur austur úr borginni á sín
um tíma — og þar til þar varð
hroðalegt slys og menn létu lífið.
Það stafaði af því að ekið var of
hratt.
FYRIR NOKKRUM DÖGUM
gerði ísingu undir morgun. Fólk
áttaði sig ekki á þessu, enda lentu
þrjátíu bílar í árekstrum á rúm-
um klukkutíma. Þetta var hérna
inni í borginni. Það er alveg víst
af ef fólk gætir ekki ýtrustu var-
úðar, þá verða fjölmörg hættuleg
hálkuslys á Keflavíkurveginum
nýja í vetur. Hvað hálku snertir
mun þessi fallegi vegör reynast
miklu hættulegri en lirjóstrin, sem
við höfum orðið að aka yfir á
liðnum árum. Vegurinn er egg-
sléttur og ísing þekur hann á
skammri stund.
TVÆR NÝJAR
DANSKAR BÆKUR
Blaðinu hafa borizt tvær ný-
legar bækur frá Det Sehönbergske
Forlag í Kaupmannahöfn. Önnur
er skáldsaga eftir ungan danskan
höfund, Jens Eisenhardt, og er
það önnur bók hans. Sagan heitir
De lyse mörke ár, og segir frá upp
vexti ungs drengs i nágrenni Kaup
mannahafnar á stríðsárunum.
Sagan er mjög snotur og læsileg
skemmtileg aflestrar og undir
niðri glúrin Jlýisinig hdmámsát-
anna í Danmörku. Bókin er 168
Ws. að stærð, verð 24,75 d. kr. —
[lin bókin er þýdd úr ensku Du
skal æde din næste, eftir Anthony
Burgess. Þctta. er framtíðarsaga
og snýst um vandamál offjölguu-
af mannkyns sem mikið hefur ver
ið rætt um. Á þeirxi öld þegar
sagan gerist er heimurinn orðinn
sneisafullur af fólki og frjósemi
einhver versta ódyggð. Á frum-
málinu heitir sagan The Wanting
Seed og kom fyrst út 1&S2. Bókin
er 246 síður að stærð, verð 26,50
d. kr. — Báðar eru bækur þessar
mjög snoturlega útgefnar að hætti
danskra forlaga.

...................... iill lil ii r i m ii ii iilliiiiiiimilli lllllll
Jr Fyrsta slysiS á nýja veginum.
ic Góðir vegir geta reynzt stórhættulegir. |
ir Aðvörunarorð frá bílstjóra.
Varið ykkur á ísingunni á steyptum vegum og malbikuð- |
um. I
iiiiiiiiiiiiiuiiimiinuMmiimiiiiiiiiiimiiiiniiiiiiiniiii»ii,iiiii*miiiniiiiiiiiiiiinniiunniiin«nnmiiiiiiiiiiiiiiiiii«»
ÉG SKRIFA ÞÉR þessar línur í
von um, að það geti orðið til þess
að opna augun á fólki, sem ekur
þennan veg í vetur. Hann er hættu
iegri en gamli vegurinn, en hann
er samt geysimikil umbót frá því
sem áður var. Við höfum lesið um
það, að slysum fjölgaði um all-
an helming á þjóðvegum Þýzka-
lands eftir að þeir voru steyptir.
Ástæðan var einfaldlega sú, að veg
irnir urðu svo góðir, sléttir og
greiðfærir.
HRAÐINN ER HÆTTULEG-
ASTUR í akstrinum. Hraðinn
krefst allrar eftirtektar bílstjór-
ans og hraðinn veldur því að var
úð er ekki hægt að hafa á. Hann
gefur ekki neitt svigrúm þegar
teflt cr á tæpasta vað, en það gera
fjölda margir bílstjórar þegar þeir
f'___________________________________
eru á góðum vegum. Þetta á sér
sérstaklega stað þegar fólk er að
gera tilraunir til þess að aka fram
úr á miklum hraða.
ÉG SKAL þessu til staðfesting-
ar segja eftirfarandi sögu: „í
fyrradag ók ég suður í Grindavík.
Þegar við vorum á um 70 km.
hraða skammt fyrir sunnan Hafn
arfjörð, en nokkrir bílar komu á
móti okkur, sá ég allt í einu hvar
fólksvagn svipti sér út á mína
braut og þaut fram úr hverjum
bílnum á fætur öðrum. Mér blöskr
aði glannaskapurinn, en minnkaði
ekki liraðann, fyrr en nokkrar bíl
lengdir voru á milli okkar. Ég
neyddi ökuníðinginn til þess að
nema staðar og bakka þar til hon-
um veittist svigrúm til þess að
sveigja inn á sína braut“.
NÝ ÞJÓNUSTA
VIÐ BOKAMENN
FORRÁÐAMENN Bókaverzlun-
ar Sigfúsar Eymundssonar boðuðu
í dag fréttamenn á sinn fund til
þess að segja þeim frá nýrri þjón-
ustu, sem þeir eru nú að taka upp
fyrir viðskiptamenn sína. Hún er
í því fólgin að áhugamenn og sér-
fræðingar geta nú á auðveldan
hátt fylgzt með því hvaða bók
menntir koma út um þeirra á-
hugamál.
Baldvin Tryggvason fram-
kvæmdastjóri Almenna Bókafélags
ins, sem rekur Bókaverzlun Sig-
fúsar Eymundssonar útskýrði £
hverju þessi nýja þjónusta væri
fólgin.
Hann kvað það ávallt hafa vcrið
markmið verzlunarinnar að hafa
sem mest af íslenzkum bókum
á markaðnum og útvega þær bæk-
ur, sem fáanlegar væru. Þetta
væri oft erfitt vegna þess hve
fjöldi útgefenda væri mikill, en
nú værj í undirbúningi ný bóka-
skrá, sem væntanleg væri eftir
áramót og mynd stórum bæta aila
þessa þjónustu.
Varðandi erlendar bækur, sagði
hann, að fjöldi þeirra væri mjög
mikill og því vildi það fara svo, að
bóksalar hefðu að mestu til sölu
metsölubækur, en aðrar bækur
yrðu menn að panta sérstaklega,
þar á meðal bækur um tækni og
vísindi.. Menn, sem hefðu áhuga á
þessum efnum verða því að afla
sér upplýsinga víðsvegar frá og
væri það oft tímafrekt starf og
j oft færu framhjá mönnum bækur
: sem þeir annars hefðu áhuga á.
■ Árið 1954 tók sænskur maður
j að sér að reyna að köma á sam-
starfi milli bókaútgefenda víða um
lieim. Þessi tilraun hefur lieppnast
það vel, að nú nær þetta samstarf
til um 800 bókaútgefenda í 20
löndum og eru aðalstöðvar x
Svíþjóð.
Skipulagið er í því fólgið, að
þegar bókaútgefandi sendir frá
sé.r bók vísindalega eðlis, þá send-
ir hann miðstöðinni tilkynningu
um það en hún sendir hana svo aft
ur til umboðsmanna sinna í hin-
um ýmsu löndum, sem svo dreifa
henni meðal áskrifenda sinna. Bók
unum er skipt í fimm aðalflokka
hugvísindi, náttúruvísindi, félags-
vísii^di, tækni og læknavísindi.
Þessum aðalflokkum er síðan skipt.
í undirflokka og eru þeir 110 tals
ins.
Menn geea svo gerzt áskrifendur
að einhverjum þessara fioska og
fá þeir þá sendar tilkynningar um
þær bækur sem út koma í við-
komandi flokkum með eins til
tveggja mánaða millibili. Hafi þeir
áhuga á viðkomandi bók, þurfa
þeir ekki annað en endursenda
miðann til bókaþjónustunnar, sem
síðan sér um að panta bókina.
Ekki kostar neitt að gerast á-
skrifandj að tilkynningum þess-
um, en panti menn ekki bækur
í langan tíma verða þeir teknir út
af skrá nema þeir óski þess sér-
staklega að vera áfram með.
Á síðasta ári voru sendar út
upplýsingar á um 10 þúsund hók-
um og allt útlit er fyrir að á þessu
ári verði þær helmingi fleiri. Á
kortunum er tekið fram bókar-
heiti, höfundur, verð, stærð og
eínisinnihald.
Til þess að vinna úr og raða til
kynningunum hafa verið fengnar
fljótvirkar IBM-vélar og hefur
Otto Michelsen séð um uppsetn
ingu og skipuiag þeirra.
Bókaþjónustan hefur nú sent á-
skriftarmiða til fjölda manna, en
þeir aðrir sem áhuga hafa á að
gerast þátttakendur, geta snúið
sér til Bókaverzlunar Sigfúsar
Eymundssonar.
2 19. okt. 1963 — ALÞÝÐUBLAÐIÐ