Verkamaðurinn - 07.04.1945, Blaðsíða 3

VERKAMAÐURINN
3
Gamla Heidelberg
nýtur vinsælda í bænum.
VERKAMAÐURINN.
Útéefandi: Sósíalistafélag Akureyrar.
Ritstjóri: Jakob Árnason,
Skipaéötu 3. — Sími 466.
Blaðnefnd: Rósberg G. Snædal,
Eyjólfur Ámason,
Ólafur Aðalsteinsson.
Blaðið kemur út hvern laugardag.
Lausasöluverð 30 aura eintakið.
Afgreiðsla í skrifstofu Sósíalistafélags
Akureyrar, Verklýðshúsinu.
Prentverk Odds Björnssonar.
Úsvörin hækka
Fjárhagsáætlun Akureyrarkaup-
staðaj var lögð fyrir bæjarstjórnar-
fUnd s.l. þriðjudag og var lienni þá
vísað til annarrar umræðu, en
sennilega kernur hún til lokaaf-
greiðslu á næsta fundi bæjarstjórn-
ar. Niðurstöðutölur fjárhagsáætl-
unarinnar eru nú 3.264.160 kr. eða
um 700.000 kr. hærri en sl. ár. Sér-
staka athygli vekur, að útsvörin í ár
eru áætluð 15% hærri en í fyrra
eða alls 2.287.160 kr. Það má því
telja víst, að útsvör á einstakling
hækki verulega í ár og mun þó
flestum hafa þótt nóg fyrir, en það
iná vera áhyggjuefni allra lauij-
þega í bænum, að skattarnir skulu
hækka svo mjög á sama tíma og at-
vinnuhorfur bæjarbúa eru síversn-
andi og atvinnuleysið þegar kreppt
mjög að mörgum verkamönnum í
undanfarna 5—6 mánuði. Það verð-
ur erfitt fyrir þá fjölskyldumenn,
sem engar tekjur hafa haft í vetur,
en safnað stórum skuldum, að
greiða mörg hundruð króna í bæj-
arsjóð með vorinu. En ráðamenn
bæjarins láta sig litlu skipta að-
stæður og kjör verkamanna. Með-
an þeir geta með valdboði og fjár-
námi plokkað skattana af alþýð-
unni í bænum, eru þeir rólegir og
sinna engurn kröfum um aðgerðir
til úrbóta í atvinnuleysinu. Fyrir
jól í vetur fékk bæjarstjórnin að
vita, að um 200 verkamenn í bæn-
um væru atvinnulausir og sæu ekki
neina vinnu framundan. Þetta vé-
fengdi meirihluti bæjarstjórnar og
vildi ekki neitt aðhafast, en síðar
munu þó flestir hafa fengið vissu
fyrir því að hér var mikið og al-
mennt atvinnuleysi í allan vetur
og er enn. Verkalýðsfélögin hafa
þrásinnis krafist þess af bænum,
að hann léti hefja einhverja vinnu
til að bæta úr brýnustu þörfum og
jafnframt bent á verkefni. En ekk-
ert hefur mátt framkvæma.
Því hefur verið haldið þrásinnis
fram hér í blaðinu, að hagur verka-
manna væri einnig hagur bæjarins
og fyr eða seinna hlýtur að reka að
því að bæjarstjórnin fær þessi sann-
indi upp í hendurnar, svo að ekki
verður véfengt. Útgjöld bæjarins
vaxa í hlutfalli við atvinnuleysis-
dagana hjá verkamönnum og svo
getur farið áður en varir, að þeir.
sem nú eru látnir borga hallann,
gefist upp undan byrðinni og bæj-
arstjórn geti ekki innheimt öll sin
háu og hækkandi útsvör. En allt
virðist benda til þess að afturhaldið
í stjórn þessa bæjar vakni ekki fyrr
en á elleftu stundu, þegar öngþveit-
ið er skollið yfir og þá verður róð-
urinn erfiður og eflaust ræðurun-
Leikfélag Akureyrar og Karlakór-
inn „Geysir“, hafa nú í allmörg
skipti sýnt þýzka sjónleikinn
„Gamla Heidelberg" á sviði hér.
Þetta er í annað sinn, sem „Heidel-
Irerg*' er sýnt á Akureyri, og má
íullyrða, að fáir aðrir leikir, sem
hér hafa verið færðir á svið, hafi
aflað sér meiri vinsælda. í þetta
sinn er leikurinn allmjög styttur,
sérstaklega hvað sönginn snertir og
tapar hann við það miklu. Annars
er uppfærslan á leiknum yfirleitt
góð og alveg sérstaklega liljóta hin
fögru og íburðarmiklu leiktjöld að
vekja aðdáun áhorfenda. Um flutn-
ing hlutverkanna, verður heldur
ekki annað sagt, en að hann takist
öllum leikurunum sæmilega og
sumir skila þeim með prýði og
sóma fyrir leikstarfsemi bæjarins.
Leikstjórinn, Ámi Jónsson, er
sýnilega athugull og smekkvís
stjórnandi og hefur tekist vel að
æfa leikinn. Auk þess fer hann
þarna sjálfur með eitt aðalhlut-
verkið, Lutz kammerþjón, sem ger-
ir tvímælalaust mesta „lukku“ í
leiknum, leikur hans allur er svo
jafn og sjálfum sér samkvæmur, að
með ágætum má telja. — Jóhann
Guðmundsson (prinsinn) leikur
látlaust og eðlilega svo glæsibragur
er á, en gerfi hans er ábótavant, eða
öllu heldur, að hann vantar bein-
línis gerfi, svo að tihorfendur gætu
eins vel haldið, að þeir sæu inn
fyrir afgreiðsluborðið í pósthúsinu,
ef leiktjöldin segðu ekki til sín. —
Júlíus Oddsson og Stefán Jónsson
leika vel og eðlilega og sama er að
segja um flesta aðra leikendurna
í smærri hlutverkunum. —
Þá má ekki gleymi hennf Káthie
(Brynhildur Steingrímsdóttir), en
hún mun vera lítið þjálfuð, sem
leikari, en gefur þarna til kynna,
að nokkurs megi vænta af henni í
framtíðinni, leikur hennar er létt-
ur og óþvingaður og persónan við-
feldin á sviði.
Margir munu verða-fyrir nokkr-
um vonbrigðum,- þegar þeir sjá
leikinn, vegna þess að þeir hafa bú-
ist við miklum söng og iðandi f jöri
út í gegn, en söngurinn er hins veg-
ar fremur tilþrifalítill og skorinn
við neglur og gamanið eða fjörið
fer að mestu leyti út um þúfur.
Bókmenntalegt gildi leiksins er
harla léttvægt og bygging hans í
brotum, enda hefur honum aldrei
verið ætlað á bekk með verkum
meistaranna* en hann hefur jamt
sem áður náð furðulegum vinsæld-
um og útbreiðslu, sem gamanleik-
ur, en virðist þó stórgallaður hvað
það snertir, alveg sérstaklega eru
leiklausnirnar (catastrophe) óvið-
eigandi í gamanleik sem þessum.
Baráttan (conflict), sem leikurinn á
sérstaklega að sýna og verður til
fyrir, mitsekst og allt fellur aftur í
sama farveg. Slíkar lausnir hljóta
að skemma gleði áhorfendá að
um um megn, þótt þeir hafi lengi
dottað og hvílt sig.
verulegu leyti, þegar um gaman-
leik ræðir. En þetta er ekki sök
leikendanna hér, þeirra frammi-
staða er góð og þeir eiga þakkir
skilið fyrir sýningarnar á „Garnla
Heidelberg", enda hefur aðsókn að
leikhúsinu verið óvenju góð.
R. G. Sn.
Orðsending
frá skrifstofunefnd Fulltrúaráðs
Verklýðsfélaganna.
Fulltrúaráð verklýðsfélaganna á
Akureyri kaus fyrir nokkru nefnd
til að undirbúa og koma upp skrif-
stofu fyrir verklýðsfélögin í bæn-
um. Hinn 3. apríl sl. opnaði nefnd-
in skrifstofu þessa í Verklýðshús-
inu og er hún opin alla virka daga
frá kl. 3.30 til 6.30 e. h„ laugardaga
kl. 3 til 5 e. h.
Starf skrifstofunnar verður í að-
alatriðum þetta:
1. Annast milligöngu um ráðtj-
ingar verkafólks í bænum um
lengri eða skemmri tíma, atvinnu-
þiggjanda og atvinnurekanda að
kostnaðarlausu. Þá mun skrifstofan
einnig aðstoða bændur við ráðn-
ingu fólks héðan úr bænum, sem
kynni að vilja stunda vinnu í sveit-
um.
2. Skrifstofan annast ókeypis vél-
ritun og fjölritun á bréfum eða
skýrslum fyrir félögin, sem að
henni standa og einnig fyrir ein-
staka meðlimi þeirra, hvað snertir
félagsmálin.
■ 3. Skrifstofan veitir meðlimum
I félaganna ýmsar upplýsingar varð-
j andi störf verklýðssamtakanna, ef
í þeir æskja þess, svo sem um samn-
inga, kauptaxta, félagaskrárá o. fl.
Skrifstofan mun vera í nánu sam-
bandi við stjórnir félaganna og
einnig væri æskilegt að einstakir
félagar kæmu sem otfast á skrif-
stofuna og gæfu henni upplýsingar
varðandi vinnu sína og annað senr
við kemur félagsstarfinu.
Skrifstofunefndin.
Nær og fjær
. V
(Framhald af 2. síðu).
að Rússar vilji ná hér hernaðarstöðvum
og steypa Islendingum í stríð við Þjóð-
verja. Hann segir að „stríðsyfirlýsing frá
hálfu Islendinga væri.... DRENG-
SKAPARLAUS“ og „íslendingum væri
það ógeðfellt. . . . að ráðast á andstæð-
ing sem fallin væri fyrir vopnum ann-
ara“. Herská þjóð, íslendingar, en ekki
„drengskaparlaus“!!!
Kvenfélagið Hlíf heldur fund í
Skjaldborg fitnmtudaginn 12. apríl n.k.
kl. 8.30 e. h. — Kaffidrykkja. —
Skemmtiatriði. — Fjölmennið.
Frá Mæðrastyrksnefnd. — Mæðra-
styrksnefnd Akureyrar opnar skrif-
stofu miðvikudaginn 11. þ. m. í
Brekkugötu 1, uppi, (Pöntunarfélags-
húsinu), gengið upp að sunnan. —
Viðtalstími: Mánudaga, miðvikudaga
og röstudaga kl. 5—7 e. h. alla dag-
ana. —- Tilgangur skrifstofunnar er
sá, að veita öinstæðings mæðrum
upplýsingar og aðstoð í ýmsum
vandamálum þeirra, sem þær þurfa
að fá leyst. — Einnig um sumardvöl,.
sem nefndin annast, nú eins og
að undanförnu, fyrir þreyttar konur.
Við vonumst eftir því, að allar þær
mæður og yfirleitt konur þessa bæjar,
sem eitthvað þurfa á hjálp okkar að
halda, snúi sér til okkar í fullu trausti.
Virðingarfyllst. Mæðrastyrksnefndin.
TILKYNNING FRÁ NÝBYGGINGARRÁÐI:
UMSÓKNIR UM FISKIBÁTA
BYGGÐA INNANLANDS
Ríkisstjórnin hefir ákveðið að láta byggja innanlands á
næstu 1—2 árum 50 fiskibáta af þessum stærðum:
25 báta, 35 smálestir að stærð, og
25 báta, 55 smálestir að stærð.
Tilskilið er að ríkisstjórnin geti selt þessa báta einstakl-
ingum, félögum eða stofnunum til reksturs.
Teikningar af 35 smálesta bátunum hafa þegar verið
gerðar og eru til sýnis hjá Nýbyggingarráði, en verið er að
fullgera teikningar at' 55" smálesta bátunum og verða þær og
til sýnis strax og þeim er lokið.
Umsóknir um þessa báta sendist til Nýbyggingarráðs,
sem allra fyrzt, og eigi síðar en 15. maí 1945. Þeir, sem þeg-
ar hafa óskað aðstoðar N ýbyggingarráðs við útvegun báta
af þessum stærðum, sendi nýjar umsóknir.
Við úthlutun bátanna verður að öðru jöfnu tekið tillit
til þess í hvaða röð umsóknirnar berast.
Nýbyggingarráð.