Verkamaðurinn - 07.12.1956, Blaðsíða 4
4
VERKAMAÐURINN
Föstudaginn 7. des. 1956
Samþykklir 25. þings
Alþýðusambands Islands
Sjávarútvegsmál
„25. þing ASÍ álítur að aukning fiskveiðanna og betri og fjöl-
breyttari hagnýting fiskaflans muni a. m. k. í náinni framtíð verða
aðalundirstaða áframhaldandi uppbyggingar og framfara í landinu.
En fyrsta skilyrði fyrir því, að varanlegur vöxtur geti átt sér stað í
sjávarútveginum er að launakjör og önnur aðbúð sjómannastéttar-
innar sé það góð, að nægilega margir landsmenn vilji gera sér sjó-
mennsku að æfistarfi, en á það hefur mjög mikið skort síðustu ár.
Þingið celur, að eitt af brýnustu verkefnum sambandsins og sam-
bandsfélaganna sé að beita sér fyrir eftirfarandi umbótum á kjörum
s j ómannastéttarinnar.
1. Að aflaverð til fiskimanna verði hækkað, og það verði undan-
tekningarlaust ekki lægra en útgerðarmenn fá fyrir sinn hluta af
aflanum hverju sinni. *
2. Að allir sjómenn, sem eru skráðir á skip eða tryggðir á báta í
5 mánuði á ári eða lengur, fái persónufrádrátt frá tekjum sínum við
álagningu skatta og útsvars 2000 krónur á mánuði fyrir þann tíma,
sem þeir stunda sjó.
3. Að koma fram lagasetningu um lífeyrissjóð togarasjómanna,
sem í aðalatriðum verði byggð á lagafrumvarpi því, sem flutt var á
síðasta Alþingi um þetta efni.
4. Að ötullega verði að því unnið, að samræma hlutakjör sjó-
manna, og að því stefnt að nema burt úr öllum sjómannasamning-
um þátttöku þeirra í útgerðarkostnaði bátanna.
5. Að lögum og reglugerð um hlutatryggingasjóð verði breytt
þannig, að úr honum verði greitt í lok hverrar vertíðar það, sem á
vantar að aflahlutur hrökkvi fyrir kauptryggingu sjómanna, og
verði sjóðnum séð fyrir nægilegum tekjum til þess.
6. Að slysabætur sjómanna verði hækkaðar svo í það minnsta, að
hver einstaklingur, sem fyrir slysum verður, fái greitt kaup, sem
svarar átta stunda vinnu, í þrjá mánuði.
Til að auka og bæta fiskframleiðsluna telur þingið að eftirtaldar
ráðstafanir séu nú mjög aðkallandi:
1. Að landhelgin verði hið bráðasta, og eigi síðar en á yfirstandandi
vetri, færð út, svo að öll helztu fiskimið, sem bátar veiða á, verði
innan fiskveiðilandhelginnar.
Verði að því unnið, sem lokatakmarki, að allt landgrunnið verði
friðað fyrir veiðum annarra þjóða skipa. Landhelgisgæzlan verði
aukin og bætt frá því sem nú er.
2. Að togaraflotinn verði aukinn um 15 ný, fullkomin skip, eins
og fyrirhugað er með lagafrumvarpi ríkisstjómarinnar um togara-
kaup, sem fyrir Alþingi liggur, og að keypt verði ekki færri en 10
ný fiskiskip af stærðinni 150 til 250 rúmlesta. Haldið verði áfram að
endurnýja bátaflotann með ekki færri en 20—30 nýjum fiskibátum
á ári hverju, og þeir smíðaðir sem flestir innanlands.
3. Að stóraukin verði fjárframlög, og lán veitt til langs tíma til að
fullgera margar hafnir, m. a. með það fyrir augum að togarar geti
lagt upp afla á fleiri stöðum en nú er, og til að skapa meira öryggi
fyrir báta og skip, sem ætti að koma í veg fyrir hin miklu og stöð-
uðu tjón af völdum ókyrrðar í höfnunum, og lækka viðhaldskostnað
skipa og einnig vátryggingargjöld, sem næmi milljónum kr. árlega.
4. Að komið verði upp nýjum dráttarbrautum fyrir togara í ein-
um eða tveimur stöðum utan Reykjavíkur, til að losa um þá einok-
un, sem verið hefur um slipptöku og meiriháttar viðgerðir á tog-
urum til þessa.
Einnig verði að því unnið, að byggðir verði bátaslippar fyrir hina
algengu fiskibáta, sem víðast þar, sem allmargir bátar eru gerðir út,
svo að viðgerð og hreinsun bátanna geti orðið framkvæmd heima
fyrir og kostnaður við viðhald báta geti lækkað frá því sem nú er.
Jafnframt verði stuðlað að því, að fleiri dráttarbrautir séu byggð-
ar í Reykjavík og athugaðir verði sem fyrst möguleikar á byggingu
þurrkvíar, er geti tekið hin stærri skip upp.
5. Til að lækka verulega olíukostnað við útgerðina, annist ríkið
innflutning á allri olíu til útgerðarinnar, og flutninga á henni til
landsins og hafi olfustöðvar a. m .k. á tveim stöðum í landinu, t. d.
í Reykjavík og Siglufirði, og selji samlögum útgerðarinnar olíuna
í heildsölu á kostnaðarverði.
6. Að veitt verði lán til að byggja nýjar, fullkomnar verbúðir og
stækkun og endurbætur fiskv innslustöðva, þar sem þess er þörf.
Ennfremur verði veitt lán til að byggja upp nýjar og hentugar
síldarverkunarstöðvar með húsum til að vinna í við verkun síldar-
innar og geymslu framleiðslunnar.
7. Að fengið verði nýtt, hentugt skip til að leita nýrra fiskimiða
og til að gera tilraunir með nýjar gerðir veiðarfæra. Fiski- og haf-
rannsóknum verði haldið áfram og þær auknar.
8. Að unnið verði að hagkvæmari rekstri útgerðarinnar með sam-
komulagi félaga útgerðarmanna og sj'ómanna, m. a. með samningum
um hámark beitueyðslu í hvern róðui', hámark línulengdar, hámark
fjölda neta í einu í sjó, hámarks vélastærð. Verðlaun fyrir góða um-
gengni um báta og veiðarfæri, verðlaun fyrir góða meðferð á afla
og fleira.
9. Að unnið verði að aukinni fjölbreytni í meðferð og verkun
sjávaraflans, með það fyrir augum að auka sem mest verðgildi
framleiðslunnar tiil útflutnings, og sjávarafurðir verði í sem minnsta
mæli fluttar út óunnar.
10. Að stjórnarvöldin setji skorður við því, að beituverð hækki
frá því sem gilti á sl. vertíð, taki það til verðlags á síld, krabba og
loðnu.“
Landhelgismál
„Tuttugasta og fimmta þing Alþýðusambands íslands skorar á
Alþingi og ríkisstjórn að miða stefnu sína og framkvæmdir í af-
urðasölumálunum við það megin sjónarmið að fiskafhnn verði sem
allra mest unninn hér innanlands, þar eð slikar ráðstafanir eru
grundvöllurinn undir atvinnuöryggi og góðri afkomu verkalýðsins,
en munu jafnframt bæta hag og rekstur sjávarútvegs og fiskvinnslu-
stöðva og tryggja þjóðinni vaxandi gjaldeyristekjur. í samræmi við
þetta leggur þingið áherzlu á að dregið verði sem mest úr útflutn-
ingi á óunnum fiski á erlendan markað, ekki sízt þar sem fisk-
vinnslustöðvar víðs vegar um land skortir tilfinnanlega hráefni og
á þeim stöðum ríkir þess vegna atvinnuleysi. Þingið telur ekki koma
til mála að kaupa ótrygga markaði fyrir óunninn fisk við því verði
að slakað sé á fyllstu kröfum í landhelgis- og friðunarmálum ís-
lendinga.
Sambandsþingið skorar á Alþingi og ríkisstjórn að standa fast á
sögulegum rétti íslands í landhelgismálinu og telur yfirlýsingar
þær, sem gefnar voru í París í þessum mánuði, varðandi fiskveiði-
takmörkin við íslandsstrendur og athafnir erlendra fiskiskipa í
landhelgi vera mjög varhugaverðar, þar eð reglur um friðun veiði-
svæða innan endimarka landgrunnsins og athafnir skipa í landhelgi
eru lögum samkvæmt algert innanríkismál vort.
Þá skorar sambandsþingið á ríkisstjórn og Alþingi að afnema taf-
arlaust forréttindi og einokimaraðstöðu einstakra auðhringa til af-
urðasölu, en veita leyfi til útflutnings þeim aðilum sem bjóða hag-
kvæmasta sölusamninga.
Sambandsþingið felur miðstjórn ASÍ að fylgja þessum málum fast
eftir við Alþingi og ríkisstjórn.“
Ákveðinn frídagur fyrir alla
„Þar sem það er nú almennt viðurkennt og bundið í flestum
samningum, að allt vinnandi fólk eigi rétt til eins frídags í viku, en
að ennþá eru þó til starfsstéttir, sem ekki hafa öðlast þessi sjálf-
sögðu mannréttindi, þá samþykkir 25. þing ASÍ, að fela væntanlegri
miðstjórn sambandsins að gera allt sem unnt er til þess að stéttar-
félög þau, sem hér eiga hlut að máli, geti náð samningum um viku-
legan frídag.“
Öryggi trúnaðarmanna
„25. þing ASÍ felur væntanlegri sambandsstjóm ASÍ, að beita sér
fyrir því að verkalýðsfélögin taki upp í samninga sína við atvinnu-
rekendur ákvæði er tryggi, frekar en nú er, atvinnulegt öryggi
þeirra manna, er verkalýðsfélögin velja sem trúnaðarmenn sína á
vinnustöðum."
HOOVER
HOOVER-heimilistækin létta störf húsmæðr-
anna.
Nú sem stendur eru allar tegundir til hjá
okkur af Hoover-heimilistækjum. — 5 gerðir
þvottavélar, 5 gerðir ryksugur, bónvélar og
gufustraujárn. — Takmarkaðar birgðir!
Mjög hentugt til jólagjafa.
Verzlunin LONDON
Sími 1359.
Auglýsið í Verkamanninum
Emil Jónsson formaður
Alþýðuflokksins
Á nýloknu þingi Alþýðuflokks-
ins var Emil Jónsson kjörinn for-
maður flokksins í stað Haraldar
Guðmundssonar, sem innan
skamms mun taka við starfi sem
ambassador íslendinga í Noregi.
Guðm. f. Guðmimdsson var
endurkjörinn varaformaður Al-
þýðuflokksins og Gylfi Þ. Gísla-
son ritari.
Verður byggt tunnu-
skýli?
Nýverið var lagt fram á Al-
þingi frumvarp til nýrra laga um
Tunnuverksmiðjur ríkisins. Eru
flutningsmenn þeir Friðjón
Skarphéðinsson, Björn Jónsson
og Bernharð Stefánsson.
í frumvarpinu er gert ráð fyr-
ir, að stefnt verði að því að allar
síldartunnur verði smíðaðar inn-
anlands, í tunnuverksmiðjunum
hér á Akureyri og á Siglufirði.
Þá er gert ráð fyrir, að byggt
verði hér tunnugeymsluskýli, er
rúmi allt að 50.000 tunnum, en
slíkt skýli er þegar fyrir hendi á
Siglufirði. Er það hin mesta nauð
syn, að timnuskýli verði einnig
reist hér, svo að ekki þurfi að
stafla öllum þeim tunnum, sem
framleiddar eru, undir berum
himni, þar sem þær liggja stöðugt
undir skemmdum. Er því von-
andi, að frumvarp þetta nái fram
að ganga og ríkisstjómin láti
byggja tunnugeymslusskýli hér
hið fyrsta.
Vinna er fyrir nokkru hafin
hér í Tunnuverksmiðjunni, og er
gert ráð fyrir að smíðað verði
nokkru meira af tunnum í vetur
en verið hefur.
Félagsvist og dans
verður í Landsbanka
salffum föstudags-
kvöld (7. des. kl. 8.30
e. h. Fyrir félaga
eldri en 16 ára.
Lítil saga frá dönskum kosn-
ingafundi:
Johan Ström, ráðherra úr
flokki Sósíaldmókrata, talaði eitt
sinn sem oftar á kosningafundi á
tímum Staunings, en kona ein
greip hvað eftir annað fram í
fyrir honum með orðunum: „Það
er Stauning að kenna.“
Að lokum sneri Ström sér að
konunni og spurði:
— Hvað sagði jómfrúin?
— Eg er ekki jómfrú.
— Er það líka ;Stauning að
kenna?
Eftir þetta gat Ström haldið
áfram máh sínu ótruflaður.
Skemmtiklúbburinn
„ALLIR EITT“
heldur DANSLEIK í Alþýðu-
húsinu, laugardaginn 8. þ. m.
kl. 9 eftir hádegi.
STJÓRNIN.
V