Verkamaðurinn - 13.04.1960, Blaðsíða 3

Miðvikudaginn 13. apríl 1960
VERKAMAÐURINN
3
Minningarorð
í>ann 11. marz sl. var jarðsung-
inn að Lögmannshlíðarkirkju
Kristján Jónsson frá Brautarhóli
í Glerárhverfi. Kristján var
fæddur að Gröf í Svarfaðardal 3.
október 1897, sonur hjónanna
Jóns Gunnlaugssonar og Ingi-
bjargar Sigurjónsdóttur. í æsku
ólst Kristján upp hjá foreldrum
sínum, sem þá voru í hús-
mennsku hjá ýmsum bændum,
bæði í Svarfaðardal og víðar.
Sem ungur maður vann Krist-
ján alla algengna verkamanna-
vinnu, og þótti afbragðs verk-
maður að hverju sem hann gekk,
enda lagtækur í betra lagi.
Árið 1918 réðist hann sem fast-
ur starfsmaður til Ullarverk-
smiðjunnar Gefjunar og vann
þar í fjölda mörg ár. Eg átti því
láni að fagna, að vera vinnufé-
lagi Kristjáns um 16 ára skeið.
Á þeim árum tókst með okkur
góð vinátta, sem entist okkur þar
til leiðir skildu nú. Kristján var
ekki aðeins góður félagi, heldur
líka traustur, ráðagóður og sann-
ur. Það var þess vegna ekkert
undarlegt, að þegar eg hóf störf
í ullarverksmiðjunni sem dreng-
ur, að eg tæki nokkuð meira til-
lit til Kristjáns en annarra, þar
sem hann vildi að fyrra bragði
gera mig að félaga sínum og vini.
í verkalýðsmálum lágu skoðanir
okkar Kristjáns saman, og þótt
hann beitti sér aldrei opinberlega
á því sviði, var hann alltaf hinn
traustasti og árvakasti í þeim
efnum. Kristján var alltaf stór-
huga í hugsunum sínum um
framtíðina, og vildi bægja frá
sér og öðrum hinum þrönga
stakk og búa sjálfum sér og öðr-
um rýmri lífskjör en áður þekkt-
ust. Hann hafði bjargfasta trú á,
að öllum gæti liðið vel í þessu
landi, aðeins ef stjómað væri með
hag fjöldans fyrir augum. Árið
1928 tók Kristján land á erfða-
festu utarlega í Glerárhverfi,
ræktaði það og byggði sér þar
íbúðarhús, sem nefnist Brautar-
hóll. Þetta þótti okkur vinnufé-
lögum hans mikið í ráðizt og
undraverður stórhugur. Þá voru
launin mjög lág, eða um kr. 175
til 200 á mánuði, enda þröngt
fyrir dyrum hjá flestum. En við
sáum það síðar, að Kristján hafði
réttara fyrir sér en við.
Eftirlifandi kona Kristjáns er
Anna Jónsdóttir, dóttir Jóns

„Siðvæðing" og kommúnismi
Stutt orðsending til próf. Jóhanns Hannessonar
Kristján Jónsson.
heitins Kristjánssonar frá Sand-
gerði í Glerárhverfi, og eignuðust
þau 5 börn, sem öll eru á lífi.
Þótt Kristján nyti ekki í æsku
annarrar menntunar en barna-
skóla, var hann vel sjálfmennt-
aður, og fylgdist vel með í félags-
málum. Hann var um tíma í
hreppsnefnd Glæsibæjarhrepps,
þ. e. þegar Glerárhverfi tilheyrði
Glæsibæjarhreppi. Ennfremur
starfaði hann lengi í Kirkjukór
Lögmannshlíðarsóknar og að
fleiru, sem gat auðgað og glætt
menningarlíf byggðarlagsins.
Eg kveð þig svo, góði vinur og
félagi með innilegri þökk fyrir
góða kynningu á lífsleiðinni. ■
Hafðu þökk fyrr allt.
Jón Ingimarss'hn.
Hjónaefni. Nýlega hafa op-
inberað trúlofun sína Ingimar
Eydal hljóðfæraleikari og Ásta
Sigurðardóttir nemandi í M. A.
Hjónaefni. Nýlega opinber-
uðu trúlofun sína Ragnhild
Hansen, Hlíðarenda, Húsavík,
og Kristján Sigurðsson, Lund-
arbrekku, Bárðardal.
AÐALFUNDUR
ÁSGARÐS H. F.
verður haldinn í kvöld kl.
8.30 í Irúsakynnum félagsins.
DAGSKRÁ:
Venjuleg aðalfundarstörf
Stjórn Ásgarðs h.f.
TILKYNNING
NR. 13/1960
Innf 1 utningsskrifstofan hefur í dag ákveðið eftirfarandi
hámarksverð á selda vinnu hjá rafvirkjum.
I. Verkst'œðisvinna og viðgerðir:
Dagvinna ................. kr. 41.45
Eftirvinna ................ — 57.40
Næturvinna ................ — 73.85
Söluskattur er innifalinn í verðinu og skal vinna, sem
er undanþegin söluskatti þessum, vera ódýrari sem því
nemur.
II. Vinna við raflagnir:
Dagvinna ................. kr. 38.35
Eftirvinna ................ — 53.15
Næturvinna ................ — 68.35
Reykjavík, 1. apríl 1960.
VERÐLAGSSTJÓRINN.
Kirkjan. Messað í Akureyr-
arkirkju á skírdag kl. 10 f. h.
Ferming. — Sálmar nr.: 372 —
594 — 590 — 648- 591 P. S. —
Messað á föstudaginn langa í
Akureyrarkirkju kl. 2 e. h. —
Sálmar nr.: 156 — 159 — 170 —
174. — Séra Stefán Snævarr
messar. — Messað á páskadag
í Akureyrarkirkju kl. 2 e. h. —
Sálmar nr.: 176 — 187 — 447 —
186. — Ferming í Akureyrar-
kirkju annan páskadag kl. 10 f.
h. — Sálmar nr.: 372 — 594 —
590 — 648 — 591. — P. S. —
Messað í Lögmannshlíðarkirkju
fyrsta sumardag, 21. apríl, kl. 2
e. h. — P. S.
Ferðafélag Akureyrar. Geng-
ið á Súlur 14. apríl (skírdag).
— Þátttaka tilkynnist Álfheiði
Jónsdóttur, Skóverzlun M. H.
Lyngdal, sími 2399.
Húnvetningafélagið hefur
sumarfagnað í Landsbankasaln-
um síðasta vetrardag (miðviku-
daginn 20. apríl). Félagsvist og
dans. Stjórnin.
Slysavarnafélagskonur Akur-
eyri! Munið, að þátttaka í af-
mælishófinu verður að tilkynn-
ast fyrir páska. Skrifið ykkur
því strax á listann. — Stjórnin.
ÆFA
ÆFA
Æskulýðsfylkingin á Akureyri
heldur
FUND
Ásgarði laugardaginn 16.
apríl kl. 14.
FUNDAREENI:
1. Happdrættið.
2. Önnur mál.
STJÓRNIN.
Siðvæðingin svonefnda var tekin
til meðferðar 10. þ.m. í útvarps-
þættinum „Spurt og spjallað". Bar
þar margt á góma, sem vænta mátti,
og verður fátt eitt af því tekið til
meðferðar hér, enda þó að það væri
vel þess vert, að því væru gerð
nokkur sk.il.
Það kom glöggt fram hjá prófess-
or Jóhanni Hannessyni, að „Sið-
væðingin“ væri hugsjónastefna,
hliðstæð t.d. kommúnismanum, en
hitt kom ekki nógu glöggt fram, að
henni væri stefnt gegn kommúnism-
anum, væri tæki í baráttunni við
hann.
Þróunin til kommúnisma síðustu
fjóra áratugi er ískyggileg staðreynd
fyrir hinn kapítaliska heim, e'f svo
lieldur fram sem horfir þá virðast
dagar hans taldir. Þess vegna varð
hinn kapitaliski heimur að finna
upp einhvern Kína-lífs-elexír sér
til bjargar, ekki sízt vegna þess, að
kapitalisminn er í eðli sínu gjör-
sneyddur því að vera hugsjónar-
stefna og kirkjan hefur stöðugt
minnkandi áhrif á hugi fólksins í
þá átt, sem hún hafði áður fyrr,
þegar hún þjónaði kapitalismanum
afdráttarlaust, samanber það, þegar
SPILAKVÖLD
HJÁ H>JU
Iðjuklúbburinn verður
í kvöld (miðvikudag) kl.
8.30 í Alþýðuhúsinu. Spil-
uð félagsvist, góð kvöld-
verðlaun.
Dans á eftir.
Hljómsveit hússins leikur
Helena syngur með hljóm
sveitinni. — Fjölmennið.
Skennntið ykkur.
Hvergi meira fjör.
Stjórnin.
TILKYNNING
NR. 15/1960.
Innflutningsskrifstofan hefur ákveðið nýtt hámarks-
verð á blautsápu sem hér segir:
Heildsöluverð pr. kg..... kr. 13.05
Smásöluverð með sölusikatti pr. kg . . . — 16.40
Reykjavík, 4. apríl 1960.
VERDLAGSSTJ QRINN.
ORÐSENDING
um leigur á túnblettum, Kjarnanýrækt
og Hólmunum
Þeir, sem hafa á leigu hjá Akureyrarbæ túnbletti og
lönd í Hólmunum og Kjarnanýrækt, þurfa að hafa
endurnýjað og greitt leigu fyrir árið 1960 eigi síðar
en 20. þ. m.
Verður litið svo á, að þeir, sem ekki hafa greitt leigu
fyrir ofangreindan tíma, óski ekki að hafa löndin
áfram.
Þeir, sem kynnu að vilja fá túnbletti og lönd á leigu
hjá Akureyrarbæ á þessu ári, eru beðnir að snúa sér
til umsjónarmanns jarðeigna bæjarins. Þórhalls Guð-
mundssonar, sími 1655, fyrir 1. maí næstkomandi.
BÆJARSTJÓRI.
því var haldið fram af prestum
kirkjunnar, að valdsmenn þjóð-
anna væru það fyrir tilverknað
Guðs og þess vegna ætti fólkið að
hlýða þeim skilyrðislaust, saman-
ber: „Yfirvöldunum sendu lið“.
Hugsjónastefnu varð að finna
upp til að reyna að stöðva flóttann
frá hinuni kapitaliska heimi. „Sið-
væðingin" varð fyrir valinu. Fólkið
er nefnilega hætt að trúa því, að
það sé sælt að vera fátækur og að
það. sé raunveruleg forsenda fyrir
himnaríkissælu eftir dauðann. Fólk-
ið vill líka eiga nokkurn þátt í gæð-
um þessa heims, og Karl Marx
benti hinum fátæku á leiðina til
þess. Nú hefur einn þriðji mann-
kyns farið áð ráðum hans, og auk
þess eru kapitalisku löndin gegn-
sýrð af þessum voðal
Það er ekki að undra þótt pró-
fessor Jóhann Hannesson sé sleg-
inn nokkrum ótta út af sálarheill
þeirra fátæku, ef það er trú hans
eins og margra fyrirrennara hans
í prestastétt, að því vesælli og
snauðari sem maðurinn lifi hér á
jörð, því meiri líkur (ef ekki vissa)
sé fyrir himnaríkissælu eftir dauð-
ann. Það er ekki að undra, þótt
prófessorinn sé hlynntur „Siðvæð-
ingunni“, ef sálarheill mikils meiri-
hluta mannkyns er í húfi. Það hefur
margur fyllst eldmóði af minni
ástæðu.
í fám orðum sagt, er „Siðvæðing-
in“ sett á svið til þess að villa um
fyrir hrekklausu fólki, draga at-
hygli þess frá þeirri velmegun og
Hfshamingju hér á jörð, sem
kommúnisminn hefur fjöldanum
að bjóða fram yfir kapitalismann.
Formælendur „Siðvæðingarinnar“
vita þó fullvel, að kommúnisminn
stendur nær kenningum Krists um
bræðralag hér á jörð en kapital-
isminn, sem „Siðvæðingin" er þó
fædd til að þjóna, enda er hún út-
þynning á kristindómnum, gcrð
eftir að þjónar kristninnar í héiðn-
um löndum sjá sér ekki lengur fært
að boða þar ómengaðan kristindóm
vegna framkomu hinna livítu,
kristnu bræðra, sem um aldir hafa
í nafni kristinnar trúar undirokað,
kúgað og myrt nýlendubúa í svo
ríkum mæli, að ekki verður tölu á
komið. Hinir 72 Suður-Afríkubúar,
sem létu lífið fyrir nokkrum dög-
um, eru ekki þeir einu, sem látið
liafa líí'ið af völdum hinna kristnu
boðbera í baráttu þeirra gegn
frelsisást fólksins og kommúnism-
anum. En þeirn, sem talið hala sig
boðbera kristninnar meðal heið-
inna .þjóða, hefur of oft gleymst
það, að arðrán og kristindómur
eiga ekki samleið, og engum tekst
svo vel fari að þjóna báðum, Kristi
og kapitalismanum.
Nei, prófessor Jóhann Hannes-
son. Það er ekki að undra, þó að
þú sem íslendingur kinokir þér
við að játast „Siðvæðingunni"
opinberlega og skilyrðislaust. Yfir-
drepsskapur hennar og hræsni er óf
augljóst til þess að þú, þrátt fyrir
menntun og meðfædda dómgreind
(eða vegna hvors tveggja), teljir
hæpið, að hægt sé að sannfæra ís-
lendinga um slíka lýgi og blekking,
sem þar er á borð borið. En lítil-
mannleg finnst mér þó sú fram-
koma þín að tala máli „Siðvæðing-
arinnar“ en afneita handleiðslu
hennar. Hvað finnst þér?
Virðingarfyllst,
Norðlendingur.