Voröld - 18.06.1918, Blaðsíða 5

Winnipeg, 18. júní, 1918.
VOKÖLD
Bls. 5
FYR OG NU
(J. P. ISDAL pÝDDI).
Hver er það sem ekki þekkir, eða ætti að
minnsta kosti að þekkja hinn litla vinalega
danska bæ M, og hinar fallegu grænu brekkur,
fagra tignarlega skóginn og umfram alt hið
unaðslega tæra vatn, sem hefir verið svo mörg-
um þreyttum og taugaveikluðum baðgestum
endurnýjun á lífi og kröftum.
pað er fljótfarið í gegnum cjálfan bæinn,
og hann inniheldur ekki mikið af mannlegum
verkuiA, til að verða hugfanginn af. En
farðu svo lengra meðfram ströndinni; þar er
ekki aðe’ins líf og hressing heldur sér maður
líka meðfram breklrunum, margar fagrar nýj-
ar byggingan,—þó ein sé aðdáunarverðust.
Að sjá hversu unaðslega hún gægist iit á milli
hins græna laufs, hinna velhirtu kjarrrunna
og hinna sjaldsénu planta í hinum fagra garði,
sem hallast með jöfnum líðanda niður að
ströndinni. Og ef lánið er með manni, þá
getur maður stundum séð óvanalega falllegan
og ánægjulegan hóp samansafnaðan á hinum
opnu og rumgóðu svölum, nefnilega hinn
háa og tigulega eiganda og hans óvenjulega
unaðslegu konu, sem annaðhvort eru að lesa
eða tala saman, eða leika sér við sín tvö fall-
egu og fjörugu börn.
pannig er það nú. En ef þú kæri lesari
hefðir staðið á þessum sama stað fyrir fimm-
tán árum þá hefði þér fundist það mikið öðru-
vísi; ekki nærri eins margir að sjá, ekki líkt
því eins margt af velklæddum mönnum og
konum á skemtigöngu, ekki nærri eins marg-
ar laglegar byggingar. pessi fagri staður
eða heimili í brekkunni var þá ekki til; en
samt á sama stað, var þá eitt ofurlitið hús,
sem var að vísu íöluvert aðlaðandi, því að
vafningsrósir og viltur vínviður. klifruðu sig
upp með veggjunum og þakinu, og huldu
hinar mörgu sprungur og rifur, sem vóru í
veggjunum. Faileg og vel hvít gluggatjöld
vóru fyrir hinum. litlu gluggum, og angandi
ilmur af rósum og jurtum, streymdi á móti
manni frá hinum litla garði fyrir framan húsið.
1 því bjó þá Madama Brand, ekkja eftir skóla-
kennara, sem var fyrir löngu dáinn, og hafði
hann skilið hana eftir með ofurlitlu stúlku-
barni og 80 ríksdala styrkeyri. Af því gat
hún auðvitað ekki framfleytt sér og veitt
barni sínu gott uppeldi. pessvegna höfðu
ættingjar hennar, keypt þetta litla heimili
handa henni og haldið þá, að hún gæti nokk-
urnveginn komist áfram með það, eins spar-
söm og fjölhæf og hún var. Og það blessað-
ist líka. En hinar djúpu hrukkur í hinu þó
all-unglega andliti Mad. Brands, og hinn sí-
stöðugi áhyggju blær sem hvíldi yfir henni,
skýrðu greinilega frá, hvað það hafði kostað
og hvaða kröftum hafði verið eitt til þess. pó
gátu nú enn þá svifið eins og sólargeislar yfir
hið magra andlit, þegar hún horfði á sína
yndislegu seytján ára dóttur, sem María hét.
Nú stendur hún einmitt við garðshliðið og
skygnir með höndinni fyrir ofan hin skæru
brúnu augu, og horfir rannsóknaraugum eftir
veginum, um leið og hin hressandi hafræna,
leikur með hina þykku ljósbrúnu lokka, svo
að hún þarf næstum á hverju augnabliki, að
kasta þeim frá hinu bjarta og breiða enni.
Eftir hverju ætli hún sé að skygnast
svona ákaft. Jú, eitthvað óvanalegt er það;
það er stór breyting og viðburður mikill, fyrir
hið kyrláta og tilbreytingarlitla líf; koma eins
baðsgests. Ókunnur ungur málari, sem ný-
lega hefir komist í gegnum þung veikindi, og
nú ætlar að reyna, að ná aftur fullri heilsu og
kröftum í þessu fagra umhverfi
Gústav Stein var, þó ekki væri hann nema
23. ára, farinn að vekja á sér töluverða eftir-
tekt, sem nýtur og efnilegur listamaður. Ilann
var foreldralaus, en var fóstraður upp af mjög
ríkri frændkonu sinni, ekkju eftir Waller
hertoga. Frá henni var komin þarna til
þorpsins M, beiðni til hins gamla héraðslæknis
þar, að útvega frænda sínum þægilegan og við-
kunnanlegan verustað og nákvæma hjúkrun,
meðan honum væri að batna. Lækninum
datt undi r eins Mad. Brand í hug, sem hafði
ágæta hæfileika, sem hjúkrunarkona og hafði
hann oft átt kost á að taka eftir því. Og
þar eð hin ríkmannlega borgun mundi í mesta
máta koma sér vel, aðhyltist hún það strax, að
uppbiia ag laga bezta herbergið í húsinu sínu,
eins vel og hún mögulega gæti, handa þessum
ókunna gesti. Nú var alt til reiðu og maður
gat á hverri stundu vonast eftir komu hans.
pað var einn fagran dag í júní, og málar-
inn naut hinnar fögru sýnar hins djúpa blá-
tæra vatns og hins nýja, græna laufskrúða á
hinni stuttu ökuleið frá jámbrautarstöðinni.
Nú snöri vagninn upp að hinu litla húsi
og Mad. Brand kom út, til að bjóða hann vel-
kominn. María var á bak við hana og lét
ekki sjá sig; en þegar hún sá hversu veiklu-
^ega hann leit út, og að hann þrátt fyrir hækju
Þá, er hann hafði, naumast gat komist hin fáu
skref frá vagninum, gaf hún sig m jög rösklega
í ljós og bauð undur kurteislega og un-
aðslega, sína sterklegu öxl til hjálpar. Hann
starði af aðdáun, stórum, bláum augum, á
þessa fögru ungu veru, og rödd hans, sem ann-
ars var ætíð viðkunnanleg, hljómaði nú enn
þá viðkvæmar, um leið og hann þakkaði og
bað forláts á veikluskap sínum og þáði hina
framboðnu hjálp.
pað kom fljótt í ljós, að læknirinn, sem
hafði ráðið til dvalarinnar í M. hafði ráðlagt
hið rétta, því með undra hraða batnaði
Gustav til heilsunnar. Eftir að tvær vikur
voru liðnár, þurfti ekki að tala um, að nota
hækjuna; en þar á móti gat hann hreint ekki
verið án handleggsins á Maríu,til að styðja sig
við, á hinum stöðugu lengri og lengri göngu-
túrum, sem þau tóku sér.
Fyrst framan af varð hún að lesa upphátt
fyrir liann. En þegar Madama Brand, skaut
að þeim athugasemdum, um hinn mikla tíma
sem færi til ónýtis, tók hann að sér lestrar-
starfið, og María varð nú kunnug hverju
skáldverkinu eftir annað, og það gladdi hann,
að lilusta á hina heilbrigðu og skarplegu
dóma um þau.
pað er nú hætt við því, að menn vefengi
það, að barnung stúlka, uppalin undir slíkum
kringumstæðum, og sjálfsagt við fátækt hafi
getað verið fullnægjandi félagi fyrir svo gáf-
áðan og vel mentaðan mann, eins og Gústav
Stein var að sjálfsögðu. En í því tilliti hafði
Mad. Brand orðið aðnjótandi óvanalegs láns,
þar sem María var ekki einungis óvenjulegum
gáfum gædd, heldur eignaðist hún einuig
marga vini fyrir sína kvenlegu framkomu
og fegurð. Og af þessum vinum hennar vóru
þaj’ á meðal séra Johnsen fjölskyldan. Hún
varð vinstúlka Elínar einkadóttur þeirra, og
naut hinnar sömu kenzlu og hún, hjá hinum
allra færustu kennurum, sem hægt var að fá í
M., um leið og presturinn á sama tíma lagði
grundvöllinn til hinna djúpu guðræknistil-
finninga, sem í framtíðinni varð hennar veiga-
mesti og traustasti styrlcur.
Af allri fjölskyldu prestsins, var þó víst
enginn, sem þótti eins vænt um hana og yngsta
syninum, sem hét Aage, og sem var þegar orð-
inn ágætur sjómaður, en enn þá var það skoð-
að sem barna vinátta, enda þótt að inst í sálu
Mad. Brand, væri geymd innileg ósk um, að
það gæti orðið að alvöru, þar sem hún vissi,
hversu vandaður og trúvreðugur hann var.
En svo skulum við aftur koma með vorn
unga málara til sögunnar. Hann var nú dag
eftir dag að öðlast meiri og meiri endurnýj-
aða krafta. Hans hái og spengilegi líkami
hóf sig nú til fullkominnar hæðar og roði var
farinn að færast í hans fölu vanga. pað var
auðsjáanlega sál innifyrir í hinum skæru bláu
augum; en eftirtektasamur mannþekkjari
mundi auðveldlega hafa tekið eftir dráttum
nokkrum í kringum munninn, sem báru vitni
um kvikulleik og vöntun á viljakrafti.
En hvað sem öðru líður, þá sá nú María
að eins, það sem var fallegt við þennan mann
og göfugt og upphefjandi, og án þess að hún
hefði hugmynd um það, hertók það alla henn-
ar sál og hugsun. En á sama tíma var móðir
hennar farin að verða óróleg, og fann einatt
upp á einhverju til þess að fjarlægja Maríu
frá þessum ísjárverða félagsskap. En hún
ávann ekki mikið, því Gústav Stein hafði eitt-
hvert ósegjanlegt lag á því að biðja, svo að
ómögulegt var að standast það, svo að hann
kæmi eigi af hólmi með sigri. Nú varð þessi
bók skylirðislaust að verða lesin til enda,
hann gat ekki sofið ef María hafði ekki um
kvöldið, sungið eitthvað af sínum stuttu, ein-
földu söngvum fyrir hann; og þegar hann
byrjaði að vinna, taka frumdrætti að mynd-
um, þá var það ekki mögulegt að geta gjört
það, svo að í lagi væri nema að María hjálp-
aði honum.
petta friðsama og ánægjulega líf, hafði
varað, þar til í byrjun ágúst mánaðar.
Einusinni eftir miðjan dag í mjög fögru
veðri, hittum við þessar ungu manneskjur,
eins og venjulegt var, saman. pau sitja í
laufskálanum og hann les hátt í “Flótti
Hjartarins,” og hin fögru klingjandi vers
Christians Winthers, fengu einhvern, næstum
því ginnandi hljóm, með því lagi, sem hann las
þau. Fyrir Maríu vóru þau að minsta kosti
ginnandi; já, meir að segja töfrandi. Hún
sat með blóðrjóða vanga og saumadótið liggj-
andi í kjöltunni og hin geislandi augu hennar
hvíldu á lesaranum, og um leið gleymdi hún
kannske sinni venjulegu óframfærni, já, og
jafnvel öllum heiminum í kring um sig. pess-
vegna heyrði hún heldur ekki hinn hraða fóta-
burð úti á stignum í garðinum. og leit fyrst
upp, þegar skuggi nokkur gjörði dimman
innganginn í laufskálann.
“Ó, Aage, ert þú iiér ? Vertu velkominn!”
hljómaði frá vörum hennar, um leið og hún
spratt upp og rétti báðar hendur á móti hon-
um, þessum sterklega en skolbruna unga
manni, sem yfirvegaði þau bæði, með d^immu,
rannsakandi tilliti. “Hvenær komstu Aage?”
“Snemma í morgun; og eg gat ekki látið
daginn svo líða, að eg kæmi ekki að sjá þig og
móður þína. En eg vissi ekki að hér væru ó-
kunnugir. ”
“Herra Stein málari, og Aage Johnsen,
stýrimaður, ungdómsvinur minn. ” pannig
gjörði María þessa mehn kunnuga og var
nokkuð vandræðaleg.
FRAMHALD
SVÆSINN RITSTJÓRI
Blað sem út er gefið í Toronto
og er málgagn jafnaðarmanna
flokksins, heitir Canadian For-
vt ard. Ritstjóri þess er í tukt-
húsinu öðru hvoru—alt af hálfu
verri en fyr þegar hann kemur út
í hvért skifti. Tildæmis um ó-
svífni hans birtist þetta í blaðinu
þegar Bordenstjórnin ákvað að
ekki mætti finna að gerðum
hennar í blöðunum:
32x4 FISK rp| ■»—l p
Non- Skid | fKllib
BREEN MOTOR CO., LTD.
704 Broadway Sími Sherbr. 657
32x4 FISK
Mon -Skld | | K r..n
BREEN MOTOR CO., LTD.
704 Broadway Sími Sherbr. 657
KENNARA VANTAR
fyrir LoAvland skóla, No. 1684,
frá 20. ágúst til 20. desember,
1918, umsækjendur verða að'hafa
annars eða þriðja stigs kennara
leyfi og tiltaka kaup sem óskað er
eftir..
B. Olafson, Sec.-Trea.
21— Vidir P.O., Man.
G. J. GOODMUNDSON
Selur fasteignir, leigir hús og
lönd, útvegar peninga lán, veit-
ir peninga lán, veitir eldsá-
byrgðir.
Garry 2205. 696 Simcoe Str.
v___________________________J
AUGLÝSING
1 haldi að S. 32 T. 19 R. 4 vestur
af principal meridian 22. maí 1918,
einn rauðflekkóttur graðungur,
hér um bil 18. mánaða gamall,
ómarkaður. pessi skepna verður
seld 22 júní kl. 2 e.h. á ofan-
greindum stað,hafi eigandinn ekki
áður gefið sig fram og borgað á-
fallinn kostnað.
Peter Amason, gæslustjóri,
Lundar.
RUBBER STAMPS, STENC-
ILS, SEALS, CATTLE
EAR BUTTONS, Etc.
pegar þið þurfið stimpla insigli,
signet o.s.frv. skrifið til hins undir-
ritaða.
Sendið eftir ókeypis sýnishorni
af Gripa Eyrna Hnöppum.
Canadian Stamp Co.
S. O. BJERRING
Sími, Garry 2176.
380 Donald St. Winnipeg
BÚJÖRD TIL SÖLU
Einn landsfjórðungur til sölu
nálægt Luudar í Manitoba. Land-
ið er inngirt. Uppsprettulind ná-
lægt einu horninu. Verð $2,400.
Landið er S. W. qr. 10, 20, 4 W.
principal meridian.
Héraðið umhverfis Lundar er
ágætt gripaland, og einnig til yrk-
ingar. Gott vatn. Landið yfir
höfuð slétt með miklu af góðum
S eldiviðarskógi (poplar).
Skilmálar: $500 út í höud.
jSanngjarn timi á það sem eftir
| stendur.
Snúið ySur til auglýsendans að
902 Confederation Life Building,
Winnipeg.
| -------------------------—-----
(-------------------------------
LANDAR GÓDIR
Skiftið við fyrtu íslelnsku
rakarabúðina sem stjórnað er
samkvæmt fullkomnum heil-
brigðisreglum. Hún er alveg
nýbyrjuð í Iroquois hótelinu,
beint á móti bæjarráðsstof-
unni. Talsími M. 1044.
Ingimar Einarson.
”

!
i
lO)"
CAKAJQA
ÞER VERDID AD SKRÁ
SETJA YDUR
22. JÚNÍ
EF pER LÁTID pAD BREGDAST VERDID pÉR SEKTADIR, SETTIR f
FANGELSI OG TAPID pVf KAUPI SEM pÉR EIGID INNI.
22. JÚNÍ—á skrásetningar deginum—verðið þér að fara á skrásetningar-
staðinn sem settur verður í yðar umdæmi og svara þar samvizkulega spum-
ingum þeim sem á skrásetninga spjaldinu verða. Hver einasti maður og
kona í Canada, hvert sem hann eða hún er brezkur borgari eða ekki og er sex-
tán ára að aldri verður að skrásetjast.
RANGAR STADHÆFINGAR —Ef þér svarið rangt eða á huldu spum-
ingum þeim sem fyrir yður verða lagðar verðið þér sektaðir um $500.00 og
látnir sæta sex mánaða fangelsi.
SEKTIR SEM VID pVÍ LIGGJA AD SKRASETJAST EKKI—Ef þér
vanrækið að skrásetjast sætið þér $100 sekt og mánaðar fangelsi og auk
þess $10 sekt um hvern dag sem líður eftir skrásetningar dag þangað til þér
skrásetjið yður.
VOTTORD UM SKRÁSETNINGU — pegar þér skrásetjist verður yður
afhent vottorð sem þér verðið að hafa með yður hvert sem þér farið og á
öllum timum.
Skrásetningardagurinn er 22. júní
Skrásetningarstaðir verða opnaðir kl. 7 f. h. og þeim lokað kl. 10 e. h.
Birt samkvæmt heimild frá
SKRÁSETNINGAR NEFNDINNI f CANADA.
►Q-—B-Q BO-B1

I
!