BFÖ-blaðið - 01.03.1991, Blaðsíða 3

RagnarTómasson:
Okkar líf
- þeirra líf
Það er sagt að Ford gamli hafi, í byrjun
bílaaldar, sagt að viðskiptavinir hans gætu
valið sér þann lit á Ford-bílana sem þeir vildu,
svo framarlega sem hann væri svartur. í dag
fást Ford-bílar í öllum regnbogans litum.
Markaðslögmálin færa ákvörðunarvaldið um
liti bílanna, sem og hvað annað, til neytand-
ans. Hugsjónir og/eða hugmyndir atvinnurek-
andans hafa að sjálfsögðu sína þýðingu í öll-
um rekstri en lokaorðið á neytandinn með vali
sínu.
Margir úr hópi kaupmanna börðust hat-
rammlega á móti tilkomu greiðslukortanna
og bentu á að þau myndu auka kostnað við
verslun sem færi beint út í verðlagið. í dag
kemst engin verslun upp með það að taka ekki
greiðslukort. Annað hvort tekur þú greiðslu-
kort eða mátt loka verslun þinni. Markaðslög-
málin minna enn og aftur á styrk sinn.
Þau eru mörg álitamálin sem bindindis-
menn standa frammi fyrir á sinni lífsleið. Eðli
málsins samkvæmt verða áfengismál gjarnan
tilfinningamál. Annars vegar sjáum við hinar
skaðlegu og miskunnarlausu afleiðingar
áfengisneyslunnar og hins vegar hljótum við
að viðurkenna rétt annarra til þess að ráða
sínu lífi; eiga sitt val innan þess ramma sem
þjóðfélagið setur lífi okkar.
Ég tel það mitt lán að hafa aldrei bragðað
áfengi. Sem fjölskyldufaðir hef ég vonað og
treyst á að fordæmi mitt yrði börnunum til
eftirbreytni en hvorki beitt boðum eða fortöl-
um. Ég hef talið að á endanum hljóti börnin
mín að verða að skapa sér sín eigin lífsviðhorf,
eiga sitt eigið val. Við árangurinn af þessu
sjónarmiði uni ég vel.
Fjölmiðlar fluttu fregnir af því á dögunum,
að veitingastofan Jarlinn, sem fjölskylda mín
rekur, hafi fengið leyfi borgarinnar til þess að
hafa á boðstólum áfenga drykki - en sótt hafði
verið um svokallað léttvínsleyfi sem er lykill
aðjaví að geta haft áfengan bjór til sölu.
I einu vetfangi var undirritaður, hatramm-
ur andstæðingur allrar áfengisneyslu og einn
fjölmargra sem börðust hart gegn tilkomu
áfenga bjórsins, farinn að taka upp hanskann
fyrir umsókn Jarlsins um bjórleyfi. Já, enginn
veit sína ævina fyrr en öll er!
Ekkert okkar sem stöndum að Jarlinum
hefur beinlínis áhuga fyrir því að hafa áfeng-
an bjór til sölu með matnum. Sum okkar eru
hreinlega andvíg honum. Önnur óttast ein-
faldlega þá miklu rýrnun sem veitingamenn
hafa reynslu af að fylgir sölu og meðferð allra
áfengra drykkja.
Það er hér sem markaðslögmálið kemur til
sögunnar. Jarlinn selur að meðaltali sérhverj-
um íslendingi eina máltíð á 8 mánaða fresti,
þannig að hópur viðskiptavina er orðinn stór.
Við stöndum frammi fyrir því að bjórinn er
kominn - illu heilli - og þar með á veitinga-
maður í harðri samkeppni ekki lengur neitt
val.
Hver er svo niðurstaða af þessum hugleið-
ingum?
Lífsviðhorf bindindismannsins verða aldrei
af honum tekin og á sérhvern þann hátt sem
honum er unnt aflar hann hugsjón sinni
fylgis. Hvað sem öllum breytingum á þjóðfé-
lagsháttum líður, þá er og verður besta lífið án
áfengis.
En þó oft sé á brattann að sækja þá verður
lífið að hafa sinn gang - okkar líf - þeirra líf.
Ragnar Tómasson lögfræðingur er
framkvæmdastjóri Jarlsins sem
rekur veitingastaði á Sprengisandi
og víðar.
BFÖ bladid • 1/1991 • Jlars 1991
Úítgefandi:
i
RSitnefnd:
í
Utgáfustj.:
Myndir:
Prentun:
Upplag:
Bindindisfélag ökumanna,
Lágmúla 5, 108 Reykjavík, sími 83533.
Sigurður Rúnar Jónmundsson (ritstj. og áb.m.),
Halldór Árnason og Jónas Ragnarsson.
Gísli Theódórsson.
Myndsköpun ljósmyndastofa.
GuðjónÓ hf.
4.000 eintök. 1. tbl. 19. árg.
3