BFÖ-blaðið - 01.03.1991, Síða 15
8. Framkoma foreldra og forráðamanna:
Margir foreldrar skipta sér lítið af börnum
sínum og unglingum. Sýna þeim einfald-
lega litla umhyggju - frekar hirðuleysi -
og enn síður gott fordæmi, þar sem margar
ráðleggingar eru eyðilagðar með slæmu
fordæmi.
Börn fylgja fordæminu
Faðir og sonur gengu eitt sinn eftir vegi
nokkrum. Faðirinn tók upp stein og kastaði
honum út í ána, sem rann þar framhjá.
Sonurinn horfði stoltur á pabba sinn, og
fylgdist með hverri hreyfingu hans. Sonurinn
tók upp stein og kastaði í ána.
Saman héldu þeir áfram eftir veginum.
Pabbinn sá gamla dós liggja á veginum og
byrjaði að sparka henni á undan sér. Litli
strákurinn horfði hugfanginn á færni pabb-
ans við að sparka dósinni á undan sér, og lang-
aði einnig að gera það sama, og byrjaði einnig
að sparka í dósina.
Eftir dulitla stund, þá varð pabbinn þreytt-
ur á göngunni. Settist hann í skugga undir
stóru tré og hallaði sér upp að því til að hvíla
sig aðeins. Sonurinn vildi einnig líkja eftir
pabba sínum og settist því hjá honum og hall-
aði sér jafnframt upp að trénu.
Faðirinn var sér ekki meðvitaður um gildi
fordæmisins og áhrifanna, sem hann hafði á
soninn. Þess vegna veitti hann því ekki
athygli, að sonur hans fylgdi sérhverri hreyf-
ingu eftir þegar pabbinn tók fram sígarettu-
pakkann og tók eina sígarettu út, kveikti í, og
byrjaði að reykja. Og fyrr en varði, þá hafði
sonurinn teygt sig í pakkann og var byrjaður
á að reyna að ná einni sígarettu út úr pakkan-
um.
Hegðun sem þessi, hefur áhrif á skoðun,
afstöðu og hegðun fyrir þá, sem taka sér hana
til fyrirmyndar. Það er oft undarlegt, að for-
eldrar og forráðamenn skuli ekki vera meira á
varðbergi vegna þeirra áhrifa, sem bæði
jákvæð og neikvæð hegðun þeirra hefur á börn
og unglinga.
Flestir vita, hversu börn eru áhrifagjörn og
auðtrúa. Reyna börnin oft að finna sér fyrir-
myndir, sem hentar þeim, og þá eru foreldrar
oftast nærtækir.
Flestir vita, hversu auðvelt er að láta börn
tileinka sér siði og ósiði hinna eldri. Þess
vegna þurfa hinir eldri að vera vel á varð-
bergi, og reyna að vera hinum yngri gott for-
dæmi og láta þannig ráðleggingar verða að
engu með því að sýna lélegt fordæmi. -pþ.
15