BFÖ-blaðið - 01.03.1991, Síða 13

Úr ýmsum áttum
Mikið bundið
í lok ársins 1990 hafði verið
lagt bundið slitlag á 2270 kíló-
metra af 8256 km þjóðvegakerfi
landsins. Mikið átak hefur verið
gert síðustu árin sem sjá má af því
að tíu árum áður var bundið slit-
lag aðeins á 270 kílómetrum. Nú
er svo komið að hvergi þarf að aka
á möl frá Reykjavík og austur á
Hvolsvöll, vestur í Borgarfjörð
eða suður til Grindavíkur. Um
95% vegarins frá Reykjavík til
Sauðárkróks er með bundnu slit-
lagi, 80% til Stykkishólms, Akur-
eyrar, Siglufjarðar og Kirkjubæj-
arklausturs, 60% til Egilsstaða og
50% til ísafjarðar. Milli einstakra
staða á landsbyggðinni eru vegir
alveg lagðir bundnu slitlagi svo
sem frá Akureyri til Dalvíkur og
Húsavíkur, frá Egilsstöðum til
Reyðarfjarðar og Eskifjarðar, og
milli Kirkjubæjarklausturs og
F agurhólsmýrar.
Aukin umferð
Árið 1989 voru eknir 795 millj-
ón kílómetrar á þjóðvegum lands-
ins, samkvæmt mælingum Vega-
gerðar ríkisins. Fimm árum áður
var aksturinn 524 milljón kíló-
metrar og 449 milljón kílómetrar
fyrir tíu árum.
Tölurnar frá árinu 1989 svara
til þess að hverjum bíl hafi verið
ekið um 6 þúsund kílómetra á
þjóðvegum, auk aksturs í þétt-
býli.
Gleðileg þróun
„í Bandaríkjunum var nýlega
sagt frá því, að þeim Bandaríkja-
mönnum fækkar sem nota tóbak
og áfengi. Fyrirsögnin á fréttinni
var á þann veg, að þróunin væri í
átt til bindindissemi, hvort held-
ur notað væri áfengi eða fíkniefni.
Telja sumir, að í Bandaríkjunum
sé að vakna þjóðarhreyfing fyrir
bindindi. Við þekkjum það af
skokki og líkamsrækt, svo að að-
eins tvennt sé nefnt, að Banda-
ríkjamenn eru einstaklingum um
allan heim oft gott fordæmi, þótt
hinu séjafnan meira hampað sem
miður fer.
Bent var á í þessari frétt, að fólk
áttaði sig oft best á þróuninni
gegn áfengis- og fíkniefnaneyslu
með því að skoða kvikmyndir frá
áttunda áratugnum, þar sem
drykkjuskapur og fíkniefni settu
mun meiri svip á myndir en nú á
tímum.
í Gallup-könnun í Bandaríkj-
unum í desember sl. kom í ljós, að
57% þeirra sem spurðir voru (yfir
18 ára aldri) sögðust einhvern
tíma nota áfengi. 1978 sögðust
71% gera það. í Gallup-könnun í
júlí sl. sögðust 27% hafa reykt
sígarettu vikuna á undan. Þegar
sambærilegt hlutfall reykinga-
manna var hæst, 1954, var það
45%. Þá sýna nýjar kannanir að
notkun ólögmætra fíkniefna í
Bandaríkjunum hefur fallið úr
37% 1982 í 15% í síðasta mánuði.
Þetta er gleðileg þróun og ætti
að vera þeim hvatning hvarvetna
sem vinna að því að vara fólk við
tóbaki, áfengi og fíkniefnum.
Þessi barátta skilar árangri eins
og best sést á þeim sem hafa orðið
áfenginu að bráð en tekst að
brjóta af sér hlekki þess.“
Morgunblaðið, 16. janúar 1991.
Norsk umferð:
Dauðaslysum fækkar
en fleirí slasast
Banaslysum í umferðinni í Nor-
egi fækkaði mjög á síðasta ári
miðað við inörg undanfarin ár. í
fyrra létust 333 manns á norskum
vegum en 381 árið 1989. Leita
þarf allt aftur til ársins 1960 eftir
svo fáum banaslysum á einu ári
en þá dóu 310.
Meðalfjöldi látinna á ári hverju
á níunda áratugnum er um 400,
þannig að um 4 þúsund manns
hafa látist á þessum 10 árum og
frá síðari heimsstyrjöldinni hafa
alls um 15 þúsund manns látist í
umferðinni í Noregi.
Þessi fækkun banaslysa á við í
öllum greinum umferðarinnar
nema hjá dráttarvélabílstjórum
og fækkunin er einnig hlutfalls-
lega svipuð í flestum fylkjum
landsins.
En þrátt fyrir fækkun bana-
slysa hefur fjöldi slasaðra aukist
um 2,4% eða úr 11.500 í 11.850.
Norsk yfirvöld telja hugsanlegt
að fleiri slys hafi verið tilkynnt á
síðasta ári en áður og nefna sér-
staklega aftanákeyrslur. Talið er
að fólk óttist afleiðingar þeirra og
að meiðsli kunni að koma fram
síðar og hafi því vaðið fyrir neðan
sig. Jafnframt benda yfirvöld á að
sé miðað við aukna bensínsölu
hafi umferð aukist um 0,4%. Ef
þessi litla aukning í umferðinni
þýðir svo mikla íjölgun slysa sé
hér ákveðin aðvörun á ferðinni
sem taka verði alvarlega.
Sérstök umræða er nú um það í
Noregi hvernig fækka megi slys-
um í umferðinni og á að stefna að
því að fækka þeim um fjórðung
fram að aldamótum - að fjöldi
slasaðra á ári verði ekki yfir
8.350.