Tölvumál - 01.01.1977, Síða 8

tölvumAl
Einhverjum hafði sem sé dottið í hug, að nota dauða tímann milli
þess sem boð bærust frá skynjurunum til að vinna bókhaldið og
aðrir vildu einnig geta reiknað út næstu virkjun í dauða tímanum.

Litla snotra tölvan er orðin að skrímsli með diskum, segulböndum,
prenturum og ótal skermum til að sinna virkjunarútreikningum á
daginn og bókhaldinu á nóttinni. Starfsli'ðið hefur vaxið og
unnið er i vöktum dag og nótt. Og stóru diskarnir og hraðvirku
segulböndin urðu anzi dýr, enda fyllilega sambærileg við diskana
og böndin á stóru tölvunni handan við hæðina. Meira að segja væri
ekki útilokað, að um sama framleiðanda væri að ræða eftir allt
saman. Auk þes-s hefur hlotizt verulegur aukakostnaður af þvi,
hve stærð forritanna er takmörkuð og erfitt er að fá forritapakka,
sem hæfa. vélinni nema þá eftir kostnaðarsamar breytingar.
Með þessum tveimur dæmum hef ég viljað draga fram i dagsljósið
hættuna, sem er fólgin i þvi, að ofmeta getu bæði stóru og litlu
tölvanna og að trúa i blindni slagorðum orðasmiðanna á Madison
Avenue. Og ekki sizt, ef gleymist að taka tillit til mannlega
þáttarins við reksturinn. Þá er nefnilega hætt við þvi, að
stefnan að markmiðinu, að veita sem bezta þjónustu á sem kostn-
aðarminnstan hátt, og ég gat um i upphafi, verði verulega út á
ská.
Stóru og litlu tölvurnar eiga báðar rétt á sér hérna en það
verður að velja rétta staðinn og hann verður að ákveða með
tilliti til markmiðsins um að veita sem bezta þjónustu með
sem minnstum kostnaði. Allt annað væri leikaraskapur einn.
Breytilegu stæróirnar tvær, það er að segja þjónustan og
kostnaðurinn, eru auðvitað háðar verkinu, sem vinna á, og þá
bæði eðli verksins og magni, t.d. hvort verkið er unnið einu
sinni og siðan ekki söguna meir. Eða hvort það er unnið aftur
og aftur i óbreyttri mynd, t.d. vikulega eða mánaðarlega. Ef
eðli verksins er slikt, að það krefst ekki dýrra jaðartækja og
ef það er unnið stöðugt aftur i óbreyttri mynd, þá er trúlega
ódýrara að nota smátölvu við það, ef magnið er verulegt. Gott
dæmi um þetta er gagnasöfnun samfara einhverri gagnaprófun.
Sama er að segja um tiltölulega einfalda verkfræðiútreikninga.
Spurningin er aftur magnið. Magnið skiptir einmitt mjög veru-
legu máli hér á landi vegna smæðar lcmdsins og fæðar ibúa.