Tölvumál - 01.01.1978, Side 2

ISO 646 leyfir notkun vissra sæta fyrir sérstakar þarfir
einstakra landa. Eru það alls 10 saeti, sem nægja fyrir
fimm stafi, stóra og litla. Einnig er leyfð tvígild
notkun sumra tákna, svo sem þeirra sem einkenna gjaldmiðla.
Einnig var minnst á staðla fyrir lyklaborð, en þar er í
gildi ISO staðall um 48 lykla borð, sem ætlar viss sæti
til sárstakra þarfa landanna.
Ekki skal erindið rakið nánar hér, en fundarmönnum þótti
það bæði fréðlegt og skemmtilegt. Fyrirlesari svaraði
nokkrum fyrirspurnum á fundinum, en einnig var haldinn
eins konar framhaldsfundur daginn eftir í kennslustofu
IBM, þar sem Willy Bohn útskýrði ýmis atriði máls síns
nánar fyrir all fjölmennum hépi.
Árangur af heimsókn hans birtist svo frekar £ ýmsu af því
efni sem kynnt er annarsstaðar í blaðinu.
Þess skal getið, að Skýrslutæknifélagið hefur undir höndum
ECMA staðal nr. 44, sem inniheldur kódatöflur úr fyrr-
greindum ISO stöðlum og tilgreinir einnig samband þeirra
við Hollerith gatspjaldakódann.
Einnig hefur félaginu borist skrá yfir útgefna ECMA staðla,
en þá má fá ókeypis með því að senda beiðni til skrifstofu
ECMA.
Desemberfundinn sóttu tæplega 40 manns. Margir þeir áhuga-
sömustu komu einnig á framhaldsfundinn daginn eftir, eins og
áður segir. Vegna lítilsháttar misskilnings um fundardag,
þar sem 6.^desember er þjóðhátíðardagur Finnlands, og í því
sambandi móttaka í Norræna Húsinu, varð að þessu sinni að
fella niður venjubundnar kaffiveitingar í fundarlok. Ekki
virtist það þó spilla stemningu fundarins að ráði.