Tölvumál - 01.12.1983, Side 2
2
FRAMHALD AF SKÖLAMALARAÐSTEFNUNNI
Eins og lesendum TtíLVUMALA er kunnugt var haldin ráðstefna í
Reykjavík í september á vegum NDU um EDB OG SKOLEPOLITIK.
Þátttaka varð mjög góð, um 120 manns og jöfn dreifing milli
landa. Erindin sem flutt voru birtust í Data-Nytt nr. 16 og þar
var einnig sagt frá ýmsum af þeim hugmyndum sem fram komu um
samnorrænar aðgerðir.
Þrátt fyrir líflegar umræður, miklar upplýsingar sem fram koma og
góðar hugmyndir um hvað megi gera er því miður algengt að menn
fari til baka af ráðstefnum sem þessari, hver í sína átt og lítið
verði um framhald. Ekki síst er hætta á því á þessari ráðstefnu,
þar sem þátttakendur voru af ólíkum sviðum, stjórnmálamenn,
ábyrgðarmenn í menntun kennara og fagmenn á sviði tölvumála og
upplýsingatækni. Islenska undirbúningsnefndin að ráðstefnunni
ákvað því að efna til fundar með íslensku þátttakendunum til að
ræða áframhaldandi starf. Fundurinn var haldinn 1. nóv.
A fundinum voru f'ulltrúar menntamálaráðuney tisins,
kennarasambanda, Kennaraháskólans, Námsgagnastofnunar, Háskólans,
Sambands ísl. sveitarfélaga og Iðnskólans í Reykjavík, auk
Skýrslutæknifélagsins.
Fram kom m.a. að í Stjórnunarnefnd fyrir norrænt samstarf á sviði
skólamála (Styringsgruppen for samarbejde indenfor skoleomraadet)
voru tölvumál rædd á síðasta fundi. A næsta fundi verða ræddar
tillögur að norrænum samstarfsverkefnum.
A vegum menntamálaráðuneytisins fjalla starfshópar nú um menntun
kennara á grunn- og framhaldsskólastigi, tölvufræðslu í almennu
námi og tækninámi. Einnig stendur nú yfir forval vegna kaupa á
tölvubúnaði til notkunar í framhaldsskólum.
Kennslumiðstöð Námsgagnastofnunar fyrirhugar að halda sýningu og
samfellda dagskrá í janúar 1984 undir yfirskriftinni "tölvur og
grunnskóli".
Akveðið var að halda starfinu áfram og verður næsti fundur seint
í nóvember.
AK-LÖ