Vísir - 10.12.1962, Page 5

V í SIR . Mánudagur 10. desember 1962.
C2BD3X
21
í framtíðinni verða Cvendarbrunnar
Margvíslegar fram-
kvæmdir standa nú yfir
eða eru í undirbúningi
hjá vatnsveitu Reykja-
víkur, svo sem bygging
dælustöðvar í Háaleitis-
hverfi, bygging nýs, stórs
vatnsgeymis á Litluhlíð
og fleira.
Vísir hefir leitað upplýsinga
um þetta hjá Þóroddi Th. Sigurðs-
syni vatnsveitustjóra, og fara þær
liér á eftir í aðalatriðum.
Blaðið spurðist fyrir um dælu-
stöð þá, sem ætlunin er að koma
upp í Háaleitishverfi. Bygging
hennar var boðin út í haust og
frestur til að skila tilboðum var
útrunninn 2. nóv. s. 1.
— Við fengum tvö tilboð í
bygginguna, sagði Þóroddur, og
mun verða samið við þann aðila,
sem gerði lægra tilboðið, en það
var. Magnús Vigfússon bygginga-
meistari, næstu daga. Tilboð hans
nam 2,117 þús. króna. Gert er ráð
fyrir, að verkinu verði svo langt
komið næsta vor, að þá verði
hægt að hefjast handa um að
setja niður vélamar, en 1. sept-
ember á þv£ að verða að fullu
lokið, svo að hægt verði að taka
stöðina 1 notkun. Þess má geta,
að bygging þessi verður í senn
dæiustöð fyrir vatnsveituna og
spennistöð fyrir rafmagnsveit-
una.
Nýr geymir
á Litluhlíð.
— Hvernig miðar viö að
sprengja fyrir nýja vatnsgeymin-
um, sem gerður verður á Litlu-
hlíð (eða Golfskálahæð, sem oft
er nefnd svo?)
— Síðastliðið vor var samið
við sprengingaflokkinn hjá Grjót-
námi Reykjavíkurborgar um að
hann tæki að sér sprengingar í
geymisstæðinu, og losaði flokk-
urinn um 3000 teningsmetra af
bergi, sem síðan var ýtt út úr
gryfju. Nokkuð af grjótinu var
flutt af staðnum, en það, sem eft-
ir er, verður notað til fyllingar
meðfram geyminnm. Vonazt er
til þess að hægt verði að bjóða
verkið út upp úr áramótunum.
— Hvenær gerið þér ráð fyrir,
að geymirinn verði fullgerður og
tekinn í notkun?
— Stefnt hefur verið að því,
að byggingavinnan hefjist á
næsta vori, og að öllu forfalla-
lausu ættum við að geta tekið
hann í notkun næsta haust. Það
ætti ekki að taka langan tfma að
steypa geyminn upp, en við end-
anlegan frágang á honum eru
mörg handtök, og eigi er víst, að
mögulegt verði að ljúka öllum
frágangi að utan og snyrtingu á
lóðinni fyrir næsta vetur.
Fimmfalt stærri
en gömlu geymarnir.
— Það þarf víst ekki um það
að spyrja, að þessi nýi geymir er
margfalt stærri en þeir gömlu
á Rauðarárholti?
— Sá nýi mun rúma fimm sinn
um meira vatnsmagn en þeir, og
lögun hans verður lfka með öðr-
um hætti. Hann verður rétthyrn-
ingur, 64.5 metra langur og 27,5
metra breiður. Rúmmál hans verð
ur tíu þúsund teningsmetrar eða
smálestir, en hinir, sem eru tveir,
svo sem mönnum er kunnugt,
rúma aðeins 2000 teningsmetra
samtals. Þar við bætist, að nýi
geymirinn liggur talsvert hærra
en hinir gömlu, því að botn hans
verður 54 metra yfir sjávarmál,
en botn þeirra gömlu er 45 metr-
ar yfir sjó. Hæsta vatnsborð f
nýja geyminum getur orðið 60
metra yfir sjó, en 52 metra í þeim
gömlu.
— Hvað verður um gömlu
geymana, þegar þessi nýi verður
kominn í gagnið?
— Full þörf verður fyrir þá
eftir sem áður, en vegna þess hve
þeir standa lágt yfir sjó, mun
þurfa að breyta að nokkru til-
högun á rekstri þeirra. Til mála
hefir komið að láta þá annast
vatnsmiðlun á takmörkuðu svæði
fyrir norðan þá.
— Hvað hefir verið gert til
þess að bæta úr vatnsskorti á
r •••
i/orðu
beim stöðum í borginni, sem verst
eru settir?
Dælustöðvar
auka þrýsting.
— Við höfum þegar gert ým-
islegt til að auka og jafna vatns-
þrýsting í borginni, þótt mörg
verkefni séu ennþá óleyst. Til
dæmis hafa fjórar dælustöðvar
verið teknar í notkun innan borg-
arinnar og mynda þær þrýstings-
svæði á hæstu stöðunum í borg-
inni. Elzta stöðin er í neðanjarð-
,r kolageymslu elztu verkamanna
bústaðanna við Hofsvallagötu, og
dælir hún vatni upp á Landakots-
hæðina. Eftir að Vesturbæjarað-
Þoroddur Th. Sigurðsson
vatnsveitustjóri.
alæðin var tekin í notkun vorið
1960 er þó lítil þörf á að dæla
vatni á Landakotshæðina.
Dælustöðin við Sunnuveg held
ur uppi vatnsþrýstingi á Laugar-
ásnum. Auk þess er dælustöð fyr
ir Háuhlíð og bráðabirgðastöð við
Stóragerði, sem lögð verður niður
næsta haust, þegar nýja stöðin
kemst í notkun.
Erfiðast á
Skóíavörðuholti.
— Segja má, að efsta byggðin
á Skólavörðuholtinu sé eini stað
urinn í borginni, þar sem eigi er
viðunandi vatnsþrýstingur þótt
ýmislegt hafi verið gert til að
bæta úr því. Nýja 16 þumlunga
æðin í Rauðarárstíg bætti nokk-
uð vatnsþrýsting á vestanverðri
hæðinni, og þegar 32ja þumlunga
æðin í Miklubraut verður komin
í notkun f vetur, batnar þrýsting-
urinn að mun, en endanleg bót
fæst, þegar vatnsgeymirinn á
Litluhlíð kemst í notkun. Eins og
ég hef þegar getið, ætti að mega
gera ráð fyrir, að þessu verði
öllu komið f kring seinni hluta
næsta árs.
Of grannar lagnir
í mörgum húsum.
— En vatnsveitunni verður
ekki alltaf um kennt, þótt vatns
leysis gæti eða þrýstingur sé lít-
ill, eða er það ekki rétt?
— Jú, menn gera sér oft eigi
ljóst, að ástæður fyrir vatnsleysi
getur alveg eins verið að finna í
sjálfum húsalögnunum. Lekar
heimæðar eða leki á lögnum í
grunnum húsanna minnkar vatns
þrýstinginn, og sé eigi gert við
bilunina í tíma, kemur að því,
að vatnsleysis gæti f húsinu. í
því augnamiði að minnka vatns-
töp af þessum ástæðum, aðstoð-
ar vatnsveitan húseigendur við
endurnýjun heimæða, ef þörf er
á, og árið sem leið komst tala
viðgerðra heimæða upp í 130.
í mörgum húsum eru vatns-
Iagnir of grannar, og sérstaklega
ber á þessu í gömlum húsum,
sem hækkuð hafa verið. Dæmi
eru til þess, að háifs þumlungs
pípa er lögð úr kjallara upp á
þriðju hæð, en afleiðingin er sú,
að vatnið hverfur á efstu hæð-
Framh. á bls. 31.
Rætt við vatnsveifustiórann,
Þórodd Th. Sigurðsson
Hér sér inn í 32ja þumlunga leiðsluna, sem lögð hefir verið meðfram
Miklubrautinni. Víðari vatnsleiðslur notar vatnsveitan ekki, enda
mikið sem um slíkar leiðslur kemst.
Myndin hér að ofan er tekin við mót Miklubrautar og Kringlumýrar-
brautar og sér austur eftir Miklubrautinni og 32ja þumlunga vatns-
Ieiðslunni, sem þar hefir verið lögð.

i