Dagur - 12.11.1997, Blaðsíða 2

2 - MIÐVIKUDAGUR 12. NÚVEMBER 19 97
'D^jur'
VÍKURBLAÐIÐ
léku og sungu af hjartans list.
Bæjarbúar og fleiri gestir fjöl-
menntu í Tónlistarskólann til að
skoða húsnæðið og njóta tónlist-
arinnar.
Við vígsluna sagði Arni Sigur-
bjarnarson, skólastjóri Tónlistar-
skólans m.a.: „Eg álít að skóli sé
og eigi að vera spegill af því sam-
félagi sem hann er hluti af, gæði
og árangur ráðist að verulegu
leyti af samspili heimilis og
skóla. Því er okkar draumur að
það sem haldi uppi merki Tón-
listarskóla Húsavíkur f framtíð-
inni sé ekki einungis glæsilegt
húsnæði og öll ytri umgjörð,
GAMLA MYNDIN
Nemenóur í Tónlistarskólanum, Þórunn Harðardóttir og Jóhanna Gunnarsdóttir léku
fjórhent á píanó.
„í lifandi samspili
við uniliverfi sitt“
Hólmfríður Benediktsdóttir og Leifur Baldursson hafa starfað kennara lengst við
Tónlistarskólann og fengu blómvönd fyrir vikið.
heldur góður skóli þ.e. stofnun
sem er í lifandi samspili við um-
hvern sitt.“
Sigurjón Jóhannesson rakti
sögu tónlistarkennslu á Húsavík
og og formaður skólanefndar,
Stefán Haraldsson, flutti ávarp.
Tónlistarskólanum bárust góðar
gjafir, m.a. frá Borgarhólsskóla
og Guðrún Björnsdóttir afhenti
skólanum peningagjöf í flygil-
kaupasjóð frá Kvenfélagi Húsa-
víkur.
Og síðan tók, eins og vera ber,
tónlistin völdin. — JS
Eftir 36 ára starf er
Tónlistarskóli Husa-
víkur loksins komiiui
í eigið húsnæði. Því
var fagnað með tóna-
flóði á dögunum.
Árni Sigurbjarnarson, skólastjóri.
S.i. laugardag var haldin sérstök
vígsluhátíð Tónlistarskóla Húsa-
víkur í tilefni af því að skólinn er
í fyTsti skipti í 36 ára sögu sinni
kominn í eigin húsnæði.
I tilefni dagsins var sannkölluð
tónlistarhátíð í skólanum allan
daginn þar sem fram komu nem-
endur og kennarar skólans og
Guðrún Björnsdóttir kom færandi
hendi.
Þessa ágætu
mynd tók Oli á
Borgarhóli af
nokkrum síð-
hærðum nem-
endum sínum í
handavinnu fyrir
margt löngu.
Þessir kátu pilt-
ar eru f.v. Gunn-
ar Jóhannsson,
Ólafur J. |
Straumland, Sig-
urður Gunnars-
son, Arni Jóns-
son, Albert Arn-
arson, Börkur
Arnviðarson og
Hannes Karls-
son. Albert er sá
eini þeirra sem
enn býr á Húsa-
vík.
Unglingsárm mln og þln
Fyrrverandi ungling-
ur á Húsavík fjaUar
iiin imgliiigsár í hæn-
um fyrr og nú í þessu
hréfi tU ráðviUtra
unglinga á Húsavík.
Ég sá í síðasta Víkurblaði grein
frá framhaldsskólanema á Húsa-
vík sem stakk mig ofurlítið. Og
ég fór að bera unglingsárin mín
saman við lýsinguna á unglings-
árunum nú sem kom fram í
greininni. Það virðist hafa orðið
mikil breyting á þessu sviði hér í
bæ. En hvers vegna?
I’alliii spýta
Þegar ég vr 12-14 ára var ég að
sjálfsögðu í skóla eins og þið
eruð í dag. Á sumrin vann ég við
línustokkun og í fiskvinnu. Línu-
stokkun er nánast enga að hafa í
dag og takmarkaða fiskvinnu. En
í staðinn er komin allskonar
unglingavinna sem Húsavíkur-
bær starfrækir á sumrin og
margt fleira.
Á haustin þegar skólar hófust
komu krakkar yfirleitt saman á
kvöldin niðri í bæ og fóru í alls-
konar leiki, svo sem slábolt, fall-
in spýta og ratleiki hvurskonar.
Ekki höfðum við neina Keldu þá.
Og þegar snjóaði var farið á
sleða og skauta á Hjarðarholts-
túninu eða skíði. Nóg var við að
vera. Slábolt og þessa leiki sé ég
ekki hjá unglingum í dag þó ég
hafi verið að hyggja eftir því.
Og við komum stundum sam-
an 3-4 heima hjá einhverju okk-
ar og Iærðum saman. Bíó höfð-
um við líka til afþreyingar þegar
maður átti pening. En það er
synd að ekki skuli vera starfrækt
bíó í dag.
Brenniunejm
Seinni partinn í október byrjaði
hörku vinna og samkeppni hjá
unglingum í útbæ og suðurbæ.
Þá var farið safna í áramóta-
brennur og allt rusl hirt frá versl-
unum og víðar og stundum tekið
meira en mátti. Þetta var mest
allt flutt af okkkur sjálfum, á
sleðum og kerrum og háar
brennur byggðar og keppnin
snérist um það hvor brennan
stæði lengur.
Þetta var hörkudjobb og þetta
sér maður ekki lengur hjá ung-
lingum í dag. Hvers vegna ekki?
Það væri gaman að sjá flottar
brennur aftur, en ekki eitthvað
hrúgald sem ýtt er saman af
Payloader. Við þetta gætu ung-
lingar dundað sér í nóvember og
desember meðan mesta skamm-
degið er og fá um leið útivist og
smá þreytu í kroppinn, þá sofna
þeir betur á eftir.
Komast í salinn
Á aldrinum 14-16 ára var svipað
uppi á teningnum en maður þó
aðeins farinn að líta í kringum
sig, setja brill í hárið og svoleið-
is. Þá voru stofnaðar í þriðja
hverju húsi hljómsveitir og spil-
að og sungið fram á kvöld af
hjartans list. En það þykir
kannski of barnalegt í dag.
16 ára var maður kominn á
langþráðan aldur. Þá komst
maður í „salinn" sem kallað var á
gamla hótelinu. Þar gat maður
keypt sér kók og samloku og set-
ið og spjallað. Og er ég sammála
framhaldsskólanemanum að
svona stað vantar í dag. Hvað er
um að vera í Keldunni og fyrir
hverja er hún? Spyr sá sem ekki
veit. Það mætti kannski athuga
litla salinn á Hótel Húsavík,
hvort ekki væri hægt að fá hann
fyrir svipaða starfsemi og var á
gamla Hótelinu. Og þá gætu
unglingarnir komið þar saman
og spjallað og Iært þó ég haldi að
Iærdómurinn yrði varla mikill
þar sem svo margir væru, en
hvað um það.
Alvara lífsins
17 ára, og þá kom bílprófið og þá
var ekki vandi að eyða tímanum.
Ég tók mér frí frá námi og fór
suður á vertíð. Kom heim um
vorið og keypti bíl íyrir vertíðar-
peningana. Vann svo hefð-
bundna vinnu og settist aftur á
skólabekk 19 ára og fór í iðnnám
í 4 ár. Um tvítugt byggði ég ein-
býlishús meðfram náminu,
stofnaði til fjölskyldu og þá voru
mín unglingsár liðin og alvara
Iífsins tók við. Og í dag er ég 44
ára.
Svona eyddu ég og mínir líkar
unglingsárunum okkar.
Vídeó- og tölvuslenið
Jæja, ágætu unglingar 12-18
ára. Hristið nú af ykkur vídeó- og
tölvuslenið, sýnið dug og þor og
berið ykkur eftir afþreyingunni.
Látið ekki aðra gera allt fyrir
ykkur. Finnið ykkur eitthvað við
hæfi, leitið til réttra aðila, biðjið
um aðstoð og fáið leiðsögn. En
fyrst og fremst, gerið hlutina
sjálf.
Kannski getið þið sett á fót bíó
og stjórnað myndvalinu sjálf og
haft það við ykkar hæfi, þá kann-
nski bæri það sig. Er ekki rekin
hér áhugamanna útvarpsstöð?
Hvernig gengur hún?
Stökkvið nú af stað og reisið
myndarlega brennu, nóg er til af
draslinu og þegar talsvert komið
upp á brennustæði. Það vantar
bara duglegan hóp til að byggja
hana upp. Aldurinn skiptir ekki
öllu máli.
Jæja, nóg er nú komið af þessu
rausi í bili, en ég veit að það sem
þið takið ykkur fyrir hendur mun
ganga vel. Það er bara að drífa
sig.
Fyrrverandi unglingur á
Húsavík.