Dagur - 25.11.1997, Qupperneq 4

4 - ÞRIÐJUDAGUR 2S. NÓVEMBER 1997

AKUREYRI - NORÐURLAND
Frá Villlhlaðborði
tU jólahlaðborðs
Veitingahúsið Bautinn hefur undanfarnar
helgar boðið upp á villihlaðborð þar sem
gestir hafa m.a. smakkað á kryddjurtagröfn-
um silungi, rjúpum í hlaupi, reyktum gæsa-
bringum, léttsteiktum svartfuglabringum,
hreindýrapaté, gæsapaté, gratíneruðum skel-
fisk í humarsósu, önd í brauðkollum með
plómusósu og hreindýramedalíum í gráð-
ostasósu. A næstunni tekur svo við jólahlað-
borð sem ekki síður mun kitla bragðlaukana
ef að líkum lætur.
Hallgrímur Arason, veitingamaður á Baut-
anum, er mikill veiðimaður, og halda margir
því fram, bæði í gamni og alvöru, að hann
hafi aflað í sveita síns andlits bróðurparts
þess hráefnis sem þarna hefur verið á
boðstólum. Utan við Bautann er auk mat-
seðils stór mynd af grænldæddum veiði-
manni sem ýmsir telja að sé auðvitað af Hall-
grími. A myndinni er Hallgrímur við hlið
myndarinnar, og nú geta lesendur dæmt um
hvort þær fullyrðingar eigi við einhver rök að
styðjast.
Bautinn hefur um áraraðir séð um stórar
veislur sem haldnar hafa verið á Akureyri,
t.d. í Iþróttahöllinni, og komið sér upp
búnaði til þess. 11. desember mun starfslið
Bautans leggja land undir fót og halda til
Neskaupstaðar þar sem haldin verður 500
manna veisla í íþróttahúsinu vegna 50 ára af-
mælis Síldarvinnslunnar. Auk matfanga
verða borð og stólar fyrir veislugesti með í
för. Það er því ekkert því til trafala að Baut-
inn standi fyrir stórveislu á Reykjavíkursvæð-
inu, og hver veit nema það verði fyrr en var-
ir. - GG
Hallgrímur á Bautanum og Hallgrímur á Bautanum,
eda hvad?!
Arnar Tryggvason og Friðrik Haraldsson, eigendur Elements.
Element í auglýsinga-
og heimasíðugerð
Ungt fólk sem hleypir
heimdraganum kem-
ur sumt til haka eftir
nám og störf, annað
ekki.
Akureyringarnir Arnar Tryggva-
son og Friðrik Haraldsson héldu
til Reykjavíkur fyrir nokkrum
árum eftir nám í grafískri hönn-
un vorið 1995 við Myndlista-
skólann á Akureyri. Arnar starf-
aði þar hjá Grafít og Sjöunda
himni en Friðrik hjá Hvíta hús-
inu og OZ.
Þeir félagar segja ástæðuna
fyrir heimkomu vera vissa heim-
þrá en einnig áhuga á að starfa
sjálfstætt, á Akureyri séu nægj-
anleg verkefni við auglýsinga- og
heimasíðugerð, sem þeir munu
til að byrja með leggja aðal-
áherslu á en þessi atvinnugrein
þekki ekki í dag hin gömlu
landamæri viðskiptanna. Fyrir-
tæki þeirra félaga heitir Elem-
ent. Þannig gæti meirihluti verk-
efni þeirra allt eins orðið á Stór-
Rey kj a víku rs væ ði n u.
Betri Bylgja
ISDN-tenging Bylgj-
unnar á Akiireyri eyk-
ur möguleika á hein-
um útsendingum á
Bylgjunni í nánustu
framtíð.
Þessi tenging gefur mun meiri
möguleika að tengja saman
landshlutana en verið hefur því
nú eru beinar útsendingar eins
og viðtöl ekki lengur í síma held-
ur hljóma þau í eyru hlustenda
Bylgjunnar eins og þau fari fram
í stúdíói, eru raunar stafrænn
sími.
Óskar Þór Halldórsson, frétta-
maður, segir að þessi tækni sé
ekki bundin stúdíói Bylgjunnar
og Stöðvar 2 heldur er hægt að
vera með útsendingar hvaðan
sem er að því gefnu að til staðar
sé ISDN-tenging því annar
tækjabúnaður er fremur fyrir-
ferðarlítill. - GG
Sigurður Hlöðversson, tækni- og myndatökumaður, og Óskar Þór Halldórsson,
fréttamaður, i stúdíóinu að Glerárgötu á Akureyri. Mynd: GG
Dr. Helgi B. Schiöth.
Doktorsritgerð
umlotu-
græðgi, lyst-
arstol og offitu
Framleiðsla sérstakra boðefna
með genatækni vekur vonir um
að í framtíðinni verði hægt að að
framleiða lyf til þess að ráða bót
á lotugræðgi (bulimia), Iystar-
stoli (anorexia) og offitu.
Þetta var m.a. viðfangsefni
Helga B. Schiöth í doktorsrit-
gerð sem hann varði við lyfja-
deild háskólans í Uppsala í Sví-
þjóð £ október sl. Þekkt er að
hormónarnir MSH og ACTH
hafa m.a. áhrif á minni, náms-
getu, efnaskipti og stjórn á lík-
amsþunga. Þessir hormónar
bindast ákveðnum viðtökum í
frumuhimnu, svonefndum
melancortin viðtökum. Nýlega
er búið að skilgreina þau gen
sem stýra myndun fimm teg-
unda af þessum viðtökum.
Helgi B. Schiöth hefur rann-
sakað hvernig og hvar hormón-
arnir MSH og ACTH bindast
melancortin viðtökum. I ljósi
þeirra niðurstaða hefur Helga
tekist að framleiða efnasam-
bönd (boðefni) sem bindast
tveimur af fimm melancortin
viðtökum. Annar þessara við-
taka, nefndur MC4, hefur hlut-
verki að gegna varðandi stjórn á
líkamsþyngd. Með því að fram-
leiða fleiri slík boðefni má kort-
leggja hlutverk melancortin við-
takanda nákvæmlega og þannig
skapast möguleikar á fram-
leiðslu lyfja sem ráða bót á lotu-
græðgi, lystastoli og offitu.
Helgi hefur fengið styrk til
frekari rannsókna á sama sviði
við lyfjafræðideildina í Uppsala-
háskóla. Hann varð stúdent frá
MA 1985 og lauk prófi í lyfja-
fræði lyfsala við HI 1991. For-
eldrar hans eru Aage R. Schiöth,
Iyfsali á Siglufirði, sem nú er lát-
inn, og Helga E. Schiöth, bú-
fræðingur á Akureyri. — GG
Kveniiakórinn Lissý og Karlakór Dalvíkur
Kveimákóriim Lissý
efndi til tónleika í
DalvQairkirkju
simnudagiim 16. nóv-
ember uudir stjóm
Hólmfríðar Bene-
diktsdóttur.
Á tónleikunum kom einnig fram
Karlakór Dalvíkur undir stjórn
Jóhanns Olafssonar og einnig
nokkrir einsöngvarar úr röðum
kvennakórsins. Undirleikari á
tónleikunum var Helga Bryndís
Magnúsdóttir.
Kvennakórinn Lissý býr að
góðum röddum. Efstu raddir ná
vel upp og einnig eru lægstu
raddir vel færar um það að
mynda grunn. Hljómur kórsins
er jafnan góður og fullur og
hann ræður vel við undirleiks-
lausan söng. Agi er góður og inn-
komur og afslættir jafnan í besta
lagi, þó reyndar út af brygði lítil-
lega í fáein skipti.
Kórinn gerði víða vel í flutn-
ingi sínum, svo sem í lögunum
Aðeins eitt blóm eftir Hildigunni
Rúnarsdóttur við ljóð Þuríðar
Guðmundsdóttur, Fingramál
eftir Atla Heimi Sveinsson við
ljóð ókunns höfundar, Bæn úr
verkinu Finlandía eftir Jean Si-
belius. Þessi lög og önnur flutti
kórinn agað og fallega. Einnig
má nefna lagið Can't Help Lov-
ing that Man eftir Jerome Kern
við ljóð Oscars Hammersteins
II, þar sem kórinn kom nokkuð á
óvart með talsvert mikið góðri
innlifun og sveiflu.
Kórinn mætti gjarnan beita sér
betur í túlkun, t.d. í notkun
styrkbreytinga. Flutningur var
yfirleitt á sem næst jöfnum styrk
og virtist kórinn of lítil tök hafa á
aukningu, veikum söng og
áherslum. Undantekning var
Sanctus eftir Charles Gounod,
þar sem kórinn náði verulegri
túlkun með notkun styrkbreyt-
inga.
Karlakór Dalvíkur söng þrjú
lög og tókst best upp í Mansöng,
þar sem flutningur var þýður,
jafn og öruggur. Einnig söng kór-
inn með Kvennakórnum Lissy
þrjú lög í lokin og skiptu söng-
stjórar kóranna með sér stjórn.
Lögin fóru vel.
Einsöngvarar á tónleikunum í
Dalvíkurkirkju voru Kristín
María Hreinsdóttir, Þóra Ólafs-
dóttir, Hildur Tryggvadóttir og
Hólmfríður Benediktsdóttir.
Kristín María og Þóra hafa báð-
ar mjög þekkilegar raddir, sem
þær beita talsvert vel. Rödd
Hildar Tryggvadóttur er þroskuð
og liggur vel. Hún gerði verulega
vel í þeim lögum, sem hún flutti,
og brást sem næst aldrei. Hólm-
fríður Benediktsdóttir náði góðri
túlkun í lögum þeim, sem hún
flutti. Tónleikarnir sýndu gjörla,
að Kvennakórinn Lissý er í góðu
formi, sem þó mætti bæta.
Karlakór Dalvíkur sýndi einnig,
að af honum má vænta góðra
hluta. Báðir þessir kórar eiga án
efa eftir að gleðja eyru unnerrtla
kórsöngs, þegar lengra líður á
vetur. Tónleikar þeirra eru til-
hlökkunarefni.