Dagur - 21.03.1998, Page 17
LAUGARDAGUH 21.MARS 1997 - 33
Á meðan Jón bíður þess að verða áhættuleikari vinnur hann hjá íslandsflugi á Akureyri. Biðin i þennan gamla draum hans styttist þvi
hann fer á námskeið til Bandaríkjanna í byrjun júni og á von um vinnu sem áhættuleikari strax að náminu loknu. mynd: gs
LÍFIÐ í LANDINU
Hann segist vera bilað-
ur því hann elski að
gera eitthvað afsér. Fá
adrenalínkikk. Hann
hafi alltafverið svona
og þurfi aðgera eitt-
hvað í því.
Hann er kannski ekki bilaður en
sjálfur segist hann vera það og
það eru hans orð. Orð Jóns Lúð-
víkssonar, 21 árs Akureyrings,
sem elskar það að fá adrena-
línkikk. Hann hefur látið það
eftir sér hér heima að gera ýmis-
legt af sér til að fá adrenalínið á
hreyfingu. En í stað þess að
halda þeirri vitleysu áfram ætlar
hann að svala þörfinni fyrir fullt
og allt. Hann ætlar að láta gaml-
an draum rætast og verða
áhættuleikari.
Alltaf að gera eitthvað af sér
„Eg veit að ég fæ þetta kikk sem
ég virðist þurfa með því að verða
áhættuleikari," segir hann.
„Þetta er ekki alveg heilbrigt og
ég sjálfsagt ekki heilbrigður í
hausnum en draumur minn frá
því ég var níu ára hefur verið sá
að fara í skóla fyrir áhættuleik-
ara og verða áhættuleikari. Ætli
allt hafi ekki stefnt í það í gegn-
um tíðina með þessari hegðun
minni að þurfa alltaf að vera að
gera eitthvað af mér.“
Þrátt fyrir þetta bjóst hann
alls eldú við því fyrir nokkrum
mánuðum síðan að draumurinn
gæti ræst. Honum fannst það
einhvern veginn vonlaust.
Hvaða möguleika ætti Islending-
ur á því að verða áhættuleikari
og komast áfram í þeim leikara-
heimi? En þá gerðist það. Hann
las viðtal váð ungan mann sem
hafði látið sinn gamla draum
rætast og farið í slíkan skóla.
Bara við það að sjá að íslending-
ur hafði gert þetta hvatti Jón til
þess að leita; fara að spyrjast fyr-
ir um námskeið og skóla fyrir
áhættuleikara. Hann þurfti ekki
að leita lengi því hann fann allt
sem hann þurfti á internetinu
og hlutirnir fóru að rúlla. Og
það hratt.
Góð von u m vinnu-strax
Það er ekki nema einn og hálfur
mánuður síðan hann byrjaði að
leita að skólum á netinu. Fljót-
lega fann hann einn sem honum
leist best á. Hann skrifaði beint
til skólastjóra þess skóla og þá
var ekki aftur snúið. Þeir töluðu
saman í gegnum netið, Jón var
spurður spjörunum úr og hann
spurði alls þess sem hann vildi
fá að vita. „Skólastjóranum virt-
ist strax lítast vel á mig, þennan
bilaða íslending, sem vildi verða
áhættuleikari. Eg þurfti ekki að
taka neitt inntökupróf, sem
venjulega þarf að gera, og skóla-
stjórinn bauð mér strax eftir
spjallið að halda frá plássi fyrir
mig í skólanum vildi ég hugsa
mig aðeins um.“
Það var ekki eingöngu tryggt
pláss í skólanum sem skólastjór-
inn bauð Jóni. „Hann sagði mér
að ef ég stæði mig vel þá myndi
hann útvega mér vinnu strax að
námskeiðinu Ioknu. Hann væri
þekktur í sínum bransa og gæti
gert hvað sem er. Orðrétt sagði
hann...“if you can prove your
skills then...“ sem þýðir bara það
að ég verð að vera nógu ruglaður
í hausnum og þora.“
Virtasti skólinn í þessum
bransa
Skólinn er sá vdrtasti í Banda-
ríkjunum en Jón vildi hafa allt á
hreinu áður en hann gæfi end-
anlegt svar. Var nefnilega með
smá efasemdir þ\a honum
fannst sem Bandaríkjamenn
fegruðu hlutina dálítið. Hann
bað því systur sína, sem býr í
Bandaríkjunum, að kanna það
fyrir sig hvort allt væri satt og
rétt sem skólastjórinn hafði sagt
honum. „Þetta stóðst allt saman
og hún fékk það svar að skólinn
væri sá virtasti í þessum geira og
með góðan orðstír."
Það virðist sannast auðveld-
lega því áhættuleikarar síðustu
þriggja James Bond mynda hafa
komið úr þessum skóla og í tutt-
ugu þekktum kvikmyndum
seinni ára hafa verið notaðir
leikarar útskrifaðir úr honum.
Jón virðist því fyrirfram geta átt
ágætis möguleika á starfi að
námskeiðinu loknu sem mun
einungis taka fullan mánuð án
frídaga, en kosta sitt. Aldrei
undir sex hundruð þúsundum.
í kaðli-aftan í bíl-á 80 km
hraða
Loksins mun Jón læra að detta
og stökkva, keyra bíl og velta bíl
og sleppa heill út úr því. „Eg er
alltaf að prófa mig eitthvað
áfram og spá í áhættuatriði í
kvikmyndum. Ég get aldrei horft
á mynd án þess að taka eftir
slíkum atriðum og hugsa um
það hvernig þau séu gerð.“ Þeg-
ar hann fór á nýjustu James
Bond myndina var eitt atriði
sem hann spáði mest í og er í
raun að hugsa um ennþá. Þegar
Bond keyrir undir þyrluna með
konuna aftan á hjólinu. „Mig
langar svo mikið til að vita
hvernig þetta atriði er gert.
Hvaða brögðum þarf að beita til
að þetta sé hægt,“ segir hann.
En eins og fyrr var nefnt þá er
Jón alltaf eitthvað að prófa sig
áfram og það nýjasta er all
svakalegt. Þess eðlis að hann
veit ekki alveg hvort hann eigi
nokkuð að vera að segja frá því.
„Ég var að Ieika mér að Iáta bíl
draga mig í kaðli á 80 km hraða.
Bara á skónum einum saman.
Þarna var ég að reyna að halda
mér á veginum og detta ekki
sem tókst ekki alveg því ég flaug
tvisvar á hausinn áður en þetta
tókst almennilega." Þó hann
detti, og kunni það ekki einu
sinni eins og hann ætti að gera,
þá segist hann aldrei vera
hræddur. Hann varar jafnframt
aðra við að leika þetta eftir.
Ekki slæmt að vera Bond
„Bilaður" áhugamaður um
áhættuleik sem þráir adrena-
línkikk hlýtur að eiga sér sín
uppáhalds áhættuatriði eða upp-
áhalds k\ikmyndir. „Það er erfitt
að segja til um það hvað er flott-
ast í þessum bransa. Mér finnst
Jackie Chan myndirnar samt
hrein snilld. Þær eru rosalega
hraðar og erfitt að lýsa þeim.
Þær eru í uppáhaldi hjá mér og
minn draumur væri að Ieika f
þeim. Svo má ekki gleyma Bond.
Það væri nú ekkert slæmt að
vera James Bond.“ Jón aðhyllist
hins vegar ekki Bruce Willis
hetjumyndir þar sem hetjurnar
eru í hvítum stuttermabolum.
Hann vill alvöru töffara sem
hafa eitthvað til brunns að bera.
En k\'ikmyndir af þessum toga
eru ekki gerðar á íslandi þannig
að líklegt er að Jón muni vera í
Bandaríkjunum næstu misserin
og reyna sig í faginu. „Ég er bú-
inn að frétta það að nóg sé að
hafa og það vanti áhættuleikara.
Þess vegna verð ég að prófa mig
þarna úti og vera þolinmóður.
Það eru margir sem segja mig
ruglaðan að gera þetta en hvers
vegna? Er ekki alveg jafn ruglað
að vera á sjó?“
Mesta adrenalínkikkid eftir
Hann gerir sér grein fyrir því að
allt muni þetta geta tekið langan
tíma áður en hann kemst áfram.
Það þurfi að byrja í B klassa
myndum. „Að sjálfsögðu fer
maður ekki strax í eitthvað
James Bond dæmi. Það er samt
um að gera að hafa drauma.
Þeir eru til að láta þá rætast.“
Gamli draumurinn um að
verða áhættuleikari er að rætast
en það er einn sem ekki hefur
ræst en Jón er ákveðinn í að
muni gera það. „Það er að
klappa ljóni í svörtustu Afríku.
Sjá það liggja og strjúka því. Það
yrði mesta adrenalínkikk „ever“
og er kannski takmarkið með
þessu öllu saman. Ég hætti ekki
fyrr en það rætist." HBG