Dagur - 19.02.1999, Blaðsíða 13
FÖSTVDAGUR 19. FEBRÚAR 1999 - 13
XWmt.
ÍÞRÓTTIR
Tíu tillögiir um breytingar
í kveunáknattspymuuni
Tillögur um samræmingu reglna I kvenna- og karlaknattspyrnu verða fyrir-
ferðarmiklar á ársþingi KSÍ.
Vinnuhópur frá
BreiðabliM og Stjöm-
u nn i hefur lagt fram
tíu tillögur um breyt-
ingar á fyrirkomulagi
móta í kvennaknatt-
spymu á 53. ársþingi
KSÍ sem fram fer 11111
helgina.
53. ársþing Knattspyrnusam-
bands íslands verður haldið á
Hótel Loftleiðum um helgina og
verður sett klukkan 17:00 í dag.
Fyrir þinginu Iiggur fjöldi til-
lagna og eru þar fyrirferðarmest-
ar tillögur vinnuhóps Breiða-
bliks og Stjörnunnar um breytt
fyrirkomulag í kvennaknatt-
spyrnu.
Að sögn Asgríms Helga Ein-
arssonar, framkvæmdastjóra
knattspyrnudeildar Stjörnunnar,
sem tók þátt í að vinna tillögurn-
ar, miða þær að því að samræma
reglur um kvenna- og
karlaknattspyrnu.
„Fyrsta tillagan fjallar reyndar
um Deildarbikarkeppni kvenna,
en við viljum að hún verði færð
fram um liálfan mánuð og hefj-
ist strax í byrjun apríl og verði
lokið fyrir Islandsmótið. Við telj-
um að það yrði til mikilla bóta
og það lengir keppnistímabilið.
{ öðru lagi er það svo tillagan
um breyttan feíktfma, þar sem
við viljum að 2. flokkur leiki
2x45 mínútur, 3. flokkur 2x40,
(7 manna lið 2x30), 4. flokkur
verði óbreyttur 2x25 og 5. flokk-
ur 2x20.
Ef við tökum til dæmis annan
flokk, þá eru strákarnir að spila
2x45 mínútur, en stelpurnar að-
eins 2x40 mínútur. Átján ára
Iandslið kvenna spilar Iíka 2x40
mínútur á meðan sami aldur
karla er að spila 2x45 mínútur.
Það er þekkt að stelpurnar taka
fyrr út þroska en strákar, bæði
andlega og líkamlega og ef strák-
arnir geta spifaá 2x45 mínútur
þá geta stelpurnar það líka. Við
álítum að breytingin muni skila
sér í betri leikmönnum og sé al-
veg tímabær. Þarna erum við að
fara fram á samræmingu á leik-
tíma í karla- og kvennaflokkum
rniðað við aldur.
Tillaga þrjú gengur út á það að
breyta öllu fyrirkomulaginu í 2.
flokki og samræma hana við
karlaflokkinn. Við leggjum til að
þar verði spilað í þremur deild-
um, A-, B- og C-deild, með átta
lið í hverri deild og riðlaskipt-
ingu í C-deild ef með þarf. Tvö-
föld umferð verði spiluð í hverri
deild, heima og heiman, og tvö
lið færist milli deilda eftir ár-
angri.
Fjórða tillagan fjallar um það
að félög fái að senda tvö lið í
stað eins í bikarkeppni 2. flokks.
Við teljum það gott fyrir þau fé-
lög sem hafa stóra hópa, enda
vantar þá verkefni fyrir þær
stelpur sem ekki komast í 16
manna hópinn.
1 fimmtu tillögunni leggjum
við til að komið verði á bikar-
keppni í þriðja flokki kvenna,
eins og þegar er í karlaflokki og
sömu reglur um B-lið verði þar í
gildi, eins og í 2. flokki.
I tillögu sex leggjum við til að
keppni í 4. flokki verði sam-
ræmd keppni í 5. flokki karla,
þar sem leikin verði tvöföld
stigakeppni og mótinu skipt í tvo
hluta, undankeppni og úrslita-
keppni. Með því fengju stelp-
urnar mjög aukin verkefni.
í sjöundu tillögunni komum
við svo að 5. flokki kvenna, sem
hingað til hafa tekið þátt í
svokölluðu „hnátumóti". Þar
viljum við hafa fyrirkomulagið
eins og í 4. flokki.
Síðan í áttundu tillögunni
leggjum við til að hafin verði
keppni í 6. flokki kvenna, sem
yrði með sama sniði og hjá 7.
flokki karla. Þ.e.a.s. óformlegt
Islandsmót.
Níunda tillagan fjallar síðan
um samræmingu á leiktímum í
innanhússmótum milli kynja og
sú tíunda um breytingar á ís-
landsmóti 7-manna liða. Við vilj-
um breyta fyrirkomulagi þeirrar
keppni og Iáta úrslitin fara fram
eftir úrslitin í keppni 11-manna
liða.
Heildarrökin fyrir flestum
þessara breytinga eru þau að
verið sé að samræma reglur í
karla- og kvennafloJikum og að
með auknum verkefnum verði
meiri líkur á því að stelpurnar
haldist lengur í knattspyrnunni.
Þar er einmitt þekkt í kvenna-
boltanum hvað fáar skila sér upp
í meistaraflokk og hve margar
hætta. Einnig má búast við
meiri framförum með auknum
verkefnum/1 sagði Ásgrímur.
ÍÞRÓTTA VIDTALIÐ
SKOÐUN
SVERRISSON
Teygt og
togað
Það er ágætis regla i keppnisí-
þróttum að leikmenn geti ekki
skipt um félög eins oft og um
sokka á keppnistímabilinu. Það
gæti til dæmis Ieitt af sér að þau
lið sem komast ekki í úrslita-
keppnina í körfubolla, seldu
góða leikmenn tii annarra liða,
sem eru í baráttunni um ís-
landsmeistaratitilinn. Það á ekki
að vera hægt.
Nú hafa tveir leikmenn úr úr-
valsdeildinni í körfubolta sótt
um félagskipti og þeim var synj-
að af félagaskiptanefnd KKÍ. Jú,
af þeirri einföldu ástæðu að ekki
má skipta um lið eftir 5. janúar.
En í reglum körfuknattleikssam-
bandsins segir að gera megi
undantekningar á reglunni ef
um búferlaflutninga sé að ræða
eða aðrar sérstakar ástæður liggi
fyrir.
Þessir umræddu íeikmenn,
Henning Henningsson, sem
hugðist skipta úr Skallagrími í
Hauka, og Bjarni Magnússon úr
ÍA í Grindavík, töldu sig hafa
allan rétt á félagaskiptum vegna
t.d. búferlaflutninga. Það má
deila um það endalaust hvað séu
búferlaflutningar og hvað ekki.
Annar þeirra var búsettur í
Borgarnesi og hinn á Akranesi.
En það sem meira er og ætti að
réttlæta félagaskipti þeirra eru
þeir samningar sem þeir gerðu
við sín fyrri félög. Henning var
leystur frá störfum að frum-
kvæði Skallagríms og Bjarna var
sagt upp vegna íjárhagsörðug-
leika ÍA.
í þessum tihikum eru þeir
settir út í kuldann og fá ekki að
stunda íþrótt sína og það voru
félögin sem Ieystu þá frá störf-
um. Ég spyr því: Eru það ekki
sérstakar ástæður?
GUNNAR
KSÍ er öflugt og vel rekiö
Eggert
Magnússon
formaðurKSL
53. ársþing Knatt-
spymusambands íslands
verðurhaldið um helgina á
Hótel Loftleiðum. Eggert
Magnússon, fonnaðurKSÍ,
á von á hefðbundnu þingi
og segirað næsta fjárhags-
árverðiþungt, nríðaðvið
þau verkefni sem liggja
fyrir.
- Áttu von « Itflegu þingi?
„Fyrir þessu þingi Iiggur ósköp
svipaður fjöldi mála og hefur ver-
ið undanfarið og svo sem ekkert
sérstakt sem sker sig þar úr,
nema þá tillögur sem varða
kvennaknattspyrnuna. Vinnu-
hópur frá Breiðabliki og Stjörn-
unni leggur þar fyrir einar tíu til-
lögur, sem aðallega lúta að breyt-
ingum á fyrirkomulagi móta.
Einnig verða lagðar fram tillögur
um endurskoðuð lög sambands-
ins, en þar er ekki um neinar
stórar breytingar að ræða, heldur
verið að aðlaga Iögin breyttum
tímum og áherslum. Að öðru
leyti á ég von á ósköp hefð-
bundnu þingi."
- Verða breytingar á stjóm
sambandsins og gefur þú sjálf-
ur kost á þér áfram?
„Þeir Elías Hergeirsson, gjald-
keri sambandsins, og Stefán
Gunnlaugsson frá Akureyri gefa
ekki kost á sér áfram, en þeir
hafa lengi setið í stjórninni. Elías
er búinn að vera þar síðan 1986,
ef ég man rétt og Stefán væntan-
lega síðan 1991. Hvað sjálfan
mig varðar þá er formaðurinn
kosinn til tveggja ára í senn og ég
er nú að klára það fyrra síðan á
síðasta þingi. Þess vegna þarf ég
ekkert að velta því fyrir mér
núna.“
- Hvað verður stóra málið á
þinginu?
„Stóra málið að mínu mati er
að KSI er mjög öflugt og vel rek-
ið samband. Það er rekið eins og
hvert annað fyrirtæki og veltan er
mikil, eða um það bil 160 millj-
ónir króna á síðasta reikningsári.
Við erum að skila hagnaði í ár
upp á 3,2 milljónir króna, sem er
mikil breyting frá tveimur síð-
ustu árum, þar sem tapið 1997
var um 7,6 milljónir og 1996
14,9 milljónir. Það er mjög
ánægulegt þar sem starfsemin
hjá okkur er orðin það mikil að
við höfum átt fullt í fangi með að
ná jafnvægi í rekstrinum á hverju
ári.“
- Áttu von á að næsta jjár-
lutgsár verði þyngra, en þau stð-
ustu?
„Það er ljóst að næsta ár verð-
ur okkur örugglega mjög þungt
og það er mál sem ég kem til með
að ræða á þinginu. Við verðum
jafnvel að skera eitthvað niður í
rekstri, svo við lendum ekki í
vandræðum. Við erum til dæmis
að spila sjö leiki í Evrópukeppn-
inni og þar af fjóra erlendis. Við
leikum úti gegn Ukraínu, And-
orra, Rússlandi og Frakklandi og
þetta eru allt mjög dýrar keppnis-
ferðir. 21-árs liðið er líka með í
þessum pakka, þannig að þetta
verður þungt hjá okkur. Kvenna-
Iandsliðið tekur þátt Evrópumót-
inu á árinu og svo erum við núna
í fyrsta skipti að taka þátt í Evr-
ópukeppni 18-ára landsliða
k\'enna, sem er nýr hópur."
- Nú hefur verið lögð sérstök
rækt við kvennaknattspymuna
að undanfömu. Verðttr fram-
hald þar á?
„Eg á von á því. Við höfum lagt
sérstaka áherslu á kvennaknatt-
spyrnuna alveg frá árinu 1990 og
það er Ijóst að mikið fjármagn
hefur farið til þeirra mála. I dag
erum við með þrjú yngri Iandslið
kvenna, auk A-liðsins, sem þá eru
orðin jafnmörg karlaliðunum.
Bara dæmið í kringum nýja 18-
ára landsliðið er áætlað á fimmtu
milljón króna. Stelpurnar keppa
fyrst í Ungverjalandi og komast
væntanlega áfram í annan riðil.“
- Hvar ætla menn að skera t
rekstrinum?
„Þau mál eru stöðugt í skoðun,
en við revnum auðvitað að halda
okkar striki með landsliðin. Við
sem berum ábyrgð á Ijárhagslegu
hliðinni verðum að horfa raun-
sæjum augum á málin frá ári til
árs og getum ekki byggt starfið á
einhveru vonarfjármagni í fram-
tfðinni. Við verðum að halda okk-
ur á jörðinni og passa upp á að
ná áframhaldandi jafnvægi í
rekstrinum.
Árið í fyrra kom vel út, en þar
voru líka stórir leikir inni í dæm-
inu, en þeir kostuðu Iíka aukin
útgjöld á móti. Miðað við verk-
efnin í ár þá verum við að fara
gætilega, því kostnaðurinn verð-
ur mikill og fjárhagsdæmið verð-
ur okkur örugglega þungt.“
- Horftrðu bjartsýnn til kom-
andi verkefna?
„Það geri ég. Eins og við vitum
þá er knattspyrnan sú íþrótta-
grein sem nýtur langmestra vin-
sælda hér á landi og þess vegna
er það mjög mikilvægt að KSI
standi í fararbroddi og standi sig
í stykkinu. Það er okkar metnað-
ur að svo verði og það er grund-
vallaratriði fyrir íslenska knatt-
spyrnu að forystan sé að vinna
gott og uppbyggjandi starf og fyr-
ir því mun ég beita mér sem for-
•ystumaður hreyfingarinnar.“