Dagur - 24.03.1999, Blaðsíða 1

Þau töluðugegn hlutleysi.
MA-liðið íMorfís keppninni
sigraði liðMH með nokkrum
mun. Hadda Hreiðarsdóttir
úrMA ræðumaður kvöldsins.
Stemmning MA nemenda fyrir keppninni
var mikil og sennilega voru um fjögur
hundruð stuðningsmenn liðsins mættir
suður yfir heiðar til að hvetja sitt lið. Efnt
var til menningarferðar svona í leiðinni til
að nýta ferðina. Sigurlið Akureyringa var
skipað Aðalheiði Rósu Jóhannesdóttur
liðsstjóra, Þórhildi Guðrúnu Olafsdóttur
frummælanda, Höddu Hreiðarsdóttur
meðmælanda og Kjartani Smára Hösk-
uldssyni stuðningsmanni.
Konur í meirihluta í MA-Iiðinu og
Hadda segist vera önnur konan sem nær
þessum titli, ræðumaður Islands. „Eg er
mjög ánægð með það,“ segir hún.
- Stefnirðu á frekari frania á þessu sviði,
stjórnmálin ef til vill?
„Eg veit það ekki, ég stefni að minnsta
kosti á einhvern frama. Hugsanlega fer ég
í lögfræðina, ég hlýt að geta rökrætt eitt-
hvað þar.“
Kaffi og Magic
„Umræðuefni er úthlutað viku fyrir
keppni," segir Hadda um framgang Morfís
keppninnar. „Það er dregið á föstudegi og
svo koma liðin sér saman um umræðu-
efni. Best er ef liðin geta komið sér saman
um það hver á að tala með og hver á móti.
Síðan byrjum við bara á því að ræða hlut-
ina fram og aftur og skrifa ræður. Við
reynum að finna sem flesta fleti til að
koma hinu liðinu á óvart."
- Fer mikill tími í æfingar?
„Já, við erum langt fram á morgun alltaf.
Enginn svefn, bara kaffi og Magic. Við
höfum fengið frí alltaf í heila viku fyrir
keppni, þannig að maður er svona aðeins
dottinn út en kennararnir eru almennileg-
ir sem betur fer. Það er líka frábær
stemmning fyrir þessu, margir að fylgjast
með og allir ánægðir og stoltir."
I ræðukeppni þurfa þátttakendur að
Hadda Hreiðarsdáttir í frímínútum í MA í gær. Hversdagsieikinn aftur tekinn við eftir ævintýralega ferð í Háskólabíó. mynd: brink
vera búnir til að tala með eða á móti
hverju sem er og iðulega þarf fólk að tala
gegn sannfæringu sinni. í einni keppninni
talaði MA-liðið til dæmis með því að
leggja niður landsbyggðina.
„Já, það þýðir ekkert að hugsa um hvað
manni finnst. En yfirleitt er maður bara
orðinn svo heilaþveginn eftir keppni að það
breytir engu. Þegar við kepptum í fyrstu
keppninni þá töluðum við með því að legg-
ja niður landsbyggðina og vorum farin að
trúa því að það væri ekki svo vitlaust. Það
var gjörsamlega út úr kortinu náttúrlega."
Líka í leiklistinni
„Jú, maður verður að reyna að vera sem
mest sannfærandi," segir Hadda um tengsl
ræðulistar og leiklistar en hún tekur nú þátt
í uppfærslu menntskælinga á Kabarett.
„Leiklistin hjálpar manni, ég held að það sé
engin spurning og svo bara það að þora að
standa fyrir framan þúsund manns og tala.“
- Hvernig leið þér í ræðustól?
„Eg held ég hafi aldrei verið rólegri en
einmitt þarna í Háskólabíói. Mér líður yf-
irleitt vel í ræðustól en það fer eftir þ\i
hve vel maður kann ræðurnar sínar. Eg var
að vísu búin að vera veik vikuna fyrir
keppnina og var orðin frekar stressuð,"
segir Hadda en hún segist alls ekki hafa
viljað eyðileggja keppnina fyrir hinum og
því kannski vandað sig enn meira. Hadda
átti eftirminnilega spretti í úrslitakeppn-
inni, hélt meðal annars á lofti spjöldum
þar sem spilað var á merkingar orða. Hlut-
leysi og hlutlægni eru lík orð en það á líka
við orðin samferða og samfarir...
- Eru það svona sýningar sem gilda ti\ uð
ná dómurunum á sitt band?
„Það er örugglega ekki verra. Þegar þú
ert að tala \ið mjög marga þá þýðir ekki að
standa bara og tala og tala. En ég er ekki
samþykk því að menn eigi að fara með
heilu Ieikþættinna."
- Sumum hefur þótt þessar keppnir vera
komnar iít t' eitthvað svoleiðis?
„Okkar lið er að minnsta kosti ekki
þannig." - HI
Magnari: 2 x 100W RMS • Utvarp með 24 stöðva minni • Sond Morping
RDS • Þriggja diska spilari • Hátalarar tvískiptir: 120W • Power Bass
Magnari: 2 x 100W RMS • Otvarp með 24 stöðva minni • Sond Morping
RDS • Þriggja diska spilari • Hátalarar tvískiptir: 120W • Power Bass
3 ára ábyrgð
begar hLjómtaekl sklpta máll