Dagur - 24.04.1999, Qupperneq 2

18 - LAUGARDAGUR 24. APRÍL 1999

HELGARPOTTURl N N
Jón Ársæll Þórðarson.
Hinn vinsæli sjónvarpsmaður Stöðvar 2 Jón
Ársæll Þórðarson, sem að öðrum ólöstuð-
um hefur verið aðalsprautan og ímynd „ís-
lands í dag“ mun nú ætla að hætta í þættin-
um, Skarð Jóns Ársæls verður vandfyllt enda
eru flestir sammmála um að hann sé hold-
gerving þáttarins enda höfundur frasans vin-
sæla: „Svona er ísland í dag!" Jón mun þó
ekki vera að fara langt því hann er að fara í
heimildaþáttagerð á Stöð 2...
Sumarfólk sjónvarpsstöðvanna er smám saman að birtast á skjánum og
aðrir að detta af honum. Þar á meðal er Kjartan nokkur Björgvinsson
sem hefur verið kolkrabbi í vetur. Sögusagnir herma að Kjartan þessi
gerist blaðamaður á DV um leið og þátturinn fer af skjánum og sumar-
dagskráin tekur vió enda hefur hann átt þar viðdvöl áður. Ekki fer sög-
um af öðru kolkrabbaliði og þeirra sumartiktúrum.
Landsmenn nutu sumardagskrárinnar í veð-
urblíðu víðast hvar um landið á fimmtudaginn
var enda eins gott, menn eiga ekki að þurfa
að þola rigningu og rok í upphafi sumars!
Hvað um það, í Reykjavík gerðu víðreist
Gunni og Felix með skemmtidagskrá fyrir
ungt fólk og fjölskyldufólk og alls konar fólk
og vöktu feiknalukku. Þeir sungu og sprelluðu
og dönsuðu og skemmtu sjálfum sér og öðr-
um. Sérstaka athygli vakti orðasmíð þeirra fé-
laga en Gunni söng lagið „Bfddu þar til nammið kemur til þfn“ þar sem
fjallað er meðal annars um fyrirbærið „kókopelsín". Fyrir þá sem ekki vita
þýðir það víst kók og appelsín...
Knattspyrnufélagið Þróttur heldur uppá 50
ára afmæli sitt síðar á þessu ári og einsog
annara stórfélaga er siður hafa þau fengið
sagnaritara í.sfna þjónustu. Síðustu mánuði
hefur Jón Birgir Pétursson, blaðamaður á
DV og þar áður á Degi, sem hefur verið í fé-
laginu allt frá upphafi, setið við og skrifað
sögu félagsins sem áformað er að komi út í
ágúst. Jón Birgir var á stofnfundi félagsins
fyrir réttum 50 árum sem var haldinn í göml-
um hermannabragga í Gnmsstaðaholtinu í
Reykjavík - og hefur hann fylgt félaginu æ síðan þó það sé fyrir löngu
flutt með starfsemi sína inn að Sundum og hann sjálfur búi í Fossvogin-
um og ætti' því í öllu falli að vera Víkingur. Bókin heitir Lifi Þróttur og hana
mun prýða fjöldi mynda úr starfi félagsins.
Og áfram um Jón Birgi eða öllu heldur af-
kvæmi hans, verkefnisstjórann Karl Pétur
Jónsson sem Ifka starfar á DV [auk þess að
vera stjórnarformaður Leikfélags íslands) og
hefur þar verið öflugur í félagslífinu. Sá var f
óvissuferð með fótboltafélaginu sínu, ung-
mannafélaginu Ragnan Reykjavík, þegar þeir
félagarnir óvart og mjög skyndilega ákváðu
að taka þátt í karaoke-keppni starfsmanna
DV, tóku með léttu lögin Sitting on the Dock
of the Bay, With a Little Help from my Friend og You Never Walk Alone
og það var ekki spurning. Sigurinn var í höfn.
Það er hugur í austfirsku bókmenntafólki. Á
dögunum var fundur á Breiðdalsvík þar sem
rætt var um stofnun bókaútgáfu sem á að
sinna útgáfu á verkum andans jöfra, austan-
lands. Þar voru þau Gísli Sverrir Árnason
frá Höfn í Hornafirði og Anna Margrét
Birgisdóttir skipuð til þess að kanna grund-
völlinn að stofnun fyrirtækis. Það er rithöfund-
urinn Guðjón Sveinsson sem er aðalhvata-
maðurinn að bókaútgáfu í fjórðungnum. Nú
er í undirbúningi útgáfa Ijóðasafns með Ijóð-
um núlifandi Austfirðinga, það ber heitið Aldrei gleymist Austurland sem
er samnefnt Ijóðasafni sem kom út á sjötta áratugnum. Það er Ijóðafélag
Austurlands sem gefur bókina út en formaður þess er Magnús Stef-
ánsson aðstoðarskólastjóri á Fáskrúðsfirði.
Helgarpotturinn heldur áfram að hrista fram úr ermunum fróðleiksmola
um Söngvakeppi evrópskra sjónvarpsstöðva. Allmargir söngvarar hafa
tekið þátt í keppninni, ekki náð að sigra.en orðið frægir síðar. Nú eða þá
verið frægir fyrir en samt sem áður ekki riðið feitum hesti frá þátttökunni.
Gunnar Helgason.
Kanntu meinlaust slúður og skemmtisögur úr félags-
lífinu? Þekkirðu athyglisvert fólk? Sendu okkur fréttir og
áhendingar til birtingar í Helgarpottinum.
Dagur c/o helgarpotturinn, Þverholti 14, 105 Reykja-
vtk eða á netfangið: ritstjori@dagur.
Frá afhendingu Menningarmálanefndar á sumardaginn fyrsta. Á myndinni eru frá vinstri: Þorgeir Þorgeirsson og Kristjana Arndal
eigendur hússins að Brekkugötu 27a, Tryggvi Gislason skólameistarí og húsráðandi í MA, Sólveig Baldursdóttir myndhöggvarí sem
fær starfslaun til sex mánaða, Þröstur Ásmundsson formaður Menningarmálanefndar og Kristján Þór Júlíusson bæjarstjórí. mynd: sbs
Sólveig fær starfs-
laun listamanns
Starfslaunatímabil bæjarlistamanns á Akureyri stytt úr heilu ári í hálft. Tilkynnt var
um val á bæjarlistamanni og viðurkenningar fyrir endurbætur gamalla húsa veittar
á sumardaginn fyrsta.
Kunngert var á sumardaginn fyrsta
um val á listamanni sem hlýtur
starfslaun Akureyrarbæjar fyrir
sumarið 1999. Fyrir valinu varð
Sólveig Baldursdóttir, myndhöggv-
ari á Akureyri, sem hefur gert mörg
kunn listaverk. Þröstur Asmunds-
son, formaður menningarmála-
nefndar, kunngerði um valið og til-
kynnti jafnframt að sú breyting
hefði verið gerð að stytta tímabilið
sem hver listamaður nýtur launa; úr
heilu ári í hálft. Er það m.a. gert svo
fleiri megi launa njóta. Verður í
framtíðinni tilkynnt um val á lista-
manni á sumardeginum fyrsta og á
fyrsta vetrardegi.
Metnaðarfullur listamaður
„Sólveig Baldursdóttir er metnaðar-
fullur listamaður," sagði Þröstur
Ásmundsson þegar hann rakti lista-
mannsferil hennar. Hún er fædd
1961 og hefur búið á Akureyri und-
anfarin ár. List sína nam Sólveig
hér á landi, í Danmörku og á Italíu
- og hefur hún haldið sýningar á
verkum sínum vfða. Ymsir hafa
fengið hana til að gera verk fyrir sig,
s.s. Útflutningsráð, Utanríkisráðu-
neyti, Akureyrarbær og fleiri. „A
þessari upptalningu má sjá að Sól-
veig Baldursdóttir er glæsilegur
fulltrúi akureyrskra myndlistar-
manna og vel að starfslaunum kom-
in,“ sagði Þröstur Ásmundsson í
ávarpi sínu.
Eitt hið tilkomumesta
í bænum
Þá voru við þetta sama tilefni veitt-
ar samkvæmt tillögu húsafriðunar-
nefndar viðurkenningar til umráða-
manna og eigenda tveggja gamalla
húsa á Akureyri fyrir viðhald og
endurbætur á þeim. Annarsvegar
ræðir um hús Menntaskólans á Ak-
ureyri og hinsvegar Brekkugötu
27a. - Um Menntaskólahúsið segir
að það sé eitt hið tilkomumesta í
bænum og standi þar sem hæst ber.
Setji það sterkan svip á bæjarmynd-
ina, en viðurkenninguna fái for-
ráðamenn Menntaskólans fyrir
stöðugt og markvisst viðhald. Um
Brekkugötu 27a segir að endurbæt-
ur á húsinu hafi tekið mið af upp-
haflegum stíl og uppruna, en húsið
sé verðugur fulltrúi fyrri kynslóða
steinsteyptra húsa á íslandi. Það
standi á viðkvæmum stað og sé mik-
ilvægur hluti þeirrar bæjarmyndar á
Akureyri sem byggðin við Brekku-
götu sé. „SBS.
MAÐUR VIKUNNAR ER LESTRARHESTUR...
í þessari viku bókanna er maður vikunnar að sjálfsögðu
lestrarhesturinn. Þótt þeim fari að vísu fækkandi sem
háma í sig bækur samkvæmt nýrri könnun þar að lút-
andi. Hinn sanni lestrarhestur í dag virðist einna helst
vera vinstrisinnaðar konur; þær eru líklegastar til að
lesa meira en tíu bækur á ári. Gott hjá þeim.
i