Dagur - 24.04.1999, Blaðsíða 17

LAUGARDAGUR 24. APRÍL 1999 - 33
LÍFIÐ í LANDINU
Hvernig er falleg manneskja? Getur spikfeit kona
verið fallegri en sú þvengmjóa? Getur kona í hjóla-
stól verið fallegri en sú sem tekur þátt í fegurðar-
samkeppni? Já, segja flestir viðmælendur Dags.
Útgeislunin skiptir öllu máli. Það er innri maðurinn
sem hefur úrslitaáhrif á fegurð einstaklingsins.
...Munið þið að dæma ei eftir
útlitinu menn,
en ýmsum yfir þessa hluti sést.
Því til er það aðflagð er undir
fögru skinni enn,
Enfegurðin að innan þykir
hest. ...
(Ur Minningu um tnann eftir Gylfa
Ægisson)
„I texta á nýja diskinum mínum
segi ég að fegurðin sé svo afstæð
en samt þrái ég fagra og góða
mær. Tilfellið er að ófríða fólkið
sækir miklu meira á en fallega
fólkið. Mér finnst fallega fólkið
oft falla í áliti. Að innan finnst
mér sá vera fagur sem er góður
við dýr og góður við fólk, fatlað
fólk og gamalt fólk og alla sem
eru minni máttar. Það er svo
einfalt," segir tónlistarmaðurinn
landsþekkti úr Eyjum, Gylfi Æg-
isson.
Gylfi, sem mörg lögin hefur
gert fræg og þá ekki síst þegar
hann syngur um fegurðina í
Minningu um mann, var blautur
meðan hann bjó í Eyjum og
kynntist þar sjómönnum og
drykkjumönnum sem allir voru
drengir góðir og vildu engum
illt. „Það er þannig sem ég skil-
greini innri fegurð,“ segir hann
og rifjar upp þegar hann sá kvik-
myndina Fílamanninn fyrir
mörgum árum.
„Þessi mynd var svo vel leikin
að manni var farið að þykja ofsa-
Iega vænt um Fílamanninn þó
að hann væri algjört skrímsli að
sjá.“ Gylfi segist venjulega
reyna að kynnast fólki fordóma-
laust og dæma það ekki eftir
fyrstu kynnum en „þetta er svo-
lítið skrítið því að maður sér
stundum strax á fólki að það er
ekki eins og það þykist vera. Það
hefur komið fyrir mig.“
- Hvernig erfalleg kona?
„Það er kona sem er góð og
heiðarleg og lagleg þannig að
flest fólk sjái það. Síðan getur
það líka verið kona sem ekki er
lagleg en góð og hjartahlý."
- Hver er fallegasta manneskja
sem þú hefur kynnst?
„Eg held að það sé fyrrverandi
tengdamóðir mín, Rebekka
Hagalín. Hún er mjög sérstök
kona, góð og einlæg, skilnings-
rík. Hana prýðir allt það besta
sem hægt er að finna í einni
manneskju."
Birtist í ótrúlegustu
myndum
„Mér finnst fegurð eiginlega
birtast í ótrúlegustu myndum og
oft kynnist maður fólki sem
manni finnst vera venjulegt í
upphafi en með tímanum verður
það afskaplega fallegt. Þá held
ég að maður finni fegurðina
mikið til í innri manni. Svo er til
fólk sem flassar mikilli fegurð á
mann í fyrsta skipti sem maður
sér það en þegar upp er staðið
finnst manni það fólk kannski
elckert fallegra heldur en hitt
fólkið sem vinnur sig inn á
mann með hinu mótinu,“ segir
Sigurður Gestsson, vaxtarrækt-
arfrömuður á Akureyri.
Sigurður segir erfitt að skil-
greina nákvæmlega hvað það er
sem skapi innri fegurð. „Það
sem ég skynja mikið er þegar
stafar eitthvað gott frá fólki án
þess að maður geti endilega
fundið nákvæmlega hvað það er.
Manni líður vel í návist þess og
yfirleitt er þetta þá heiðarlegt og
gott fólk. Við erum hérna með
ýmsa hópa af fólki í þjálfun, til
dæmis koma hingað þroskaheft-
ir og fleiri. Margt af því finnst
mér alveg ofboðslega fallegt
fólk. Þau eru svo góð og blíð og
svo ánægð, þakklát fyrir það sem
við gerum bérna. Þarna skynjar
maður mikla fegurð."
Hin líkamlega fegurð skiptir
Sigurð einnig máli, enda hefur
hann ótæmandi áhuga á manns-
líkamanum og í starfi sínu segist
hann skynja mjög vel hvernig
líkama hver og einn hefur og
það sé mikið atriði þegar skil-
greina á fegurð. „Mér finnst
vaxtarræktarkonur ekki fallegar,
svona eins og þær eru á erlend-
an mælikvarða," segir Sigurður.
„Þær eru í raun orðnar að karl-
mönnum. En konur eins og eru
að keppa í „fitness" hjá okkur
um helgina eru ofboðslega fal-
legar konur. Þær hafa fallegan
vöxt og vel þjálfaðan líkama án
þess að vera komnar með of-
boðslega mikla vöðva. Það finnst
mér mikil fegurð hjá konum.“
En hver skyldi þá vera falleg-
asta manneskjan að dómi Sig-
urðar? Hann er ekki í vafa um
það: „Það er dóttir mín, Antonía
Sigurðardóttir."
Glaölyndi og jákvæðni
„Ég myndi segja að fegurð sé
ákveðin útgeislun, eitthvert
sambland af sjálfsöryggi og að
hafa sig til,“ segir Nanna G.
Yngvadóttir, snyrtifræðingur á
Akureyri. Hún segist nýlega hafa
lesið skemmtilega grein í er-
lendu blaði þar sem því var
haldið fram að fólk gæti Iifað
alla sína ævi og dáið án þess að
nokkur hafi uppgötvað að það
væri ekki fallegt.“ Þetta er fólk
sem hugsar vel um sig, hárið,
húðina, klæðnaðinn og fleira og
fer almennt vel með sig. Þetta
fólk hefur einhveija útgeislun og
ytri fegurð sem gerir það eftir-
tektarvert og fallegt. Síðan er
innri fegurð annar hlutur.“
- Hvað skapar öðru fremur
innri fegurð?
„Ég beld að það sé glaðlyndi
og jákvæðni. Fólk sem er alltaf
ánægt og jákvætt er alltaf fal-
legt. Frá því kemur stöðug feg-
urð. Þetta á bæði við um karla
og konur.“
- Hver er fallegasta manneskja
sem þú hefur séð?
„Linda Pétursdóttir, ekki
spurning."
„Vöðvinn" á
milli eyrnanna
„Nútíminn einbeitir sér að hinni
ytri fegurð," segir Haraldur Ingi
Linda Pétursdóttir. Nafn hennar kemur oftast upp í hugann þegar spurt er um fallega konu.
Haraldsson, forstöðu-
maður Listasafnsins á
Akureyri. „En í allri lík-
amsræktarumræðunni
er það „vöðvinn" á milli
eyrnanna sem er best
að rækta. Það er hann
sem er alfa og omega,
upphaf og endir á allri
okkar tilvist." Haraldur
Ingi segir skapandi
hugsun skipta einna
mestu máli varðandi
innri fegurð. „Þar sem
maður sér fólk koma
saman, gera eitthvað
sem er frjósamt og
maður sér mjög gjarn-
an í listum.'1 Haraldur
Ingi var nýkominn af
sýningu nemenda
Myndlistaskólans á Ak-
ureyri þegar hann var
fenginn til að spek-
úlera um fegurðina.
„Það var einmitt svona
og óskaplega gaman að
sjá bálið, hið skapandi
bál í þvf sem fólkið var
að fást við. Svona hlut-
ir gefa mér mikið.“
- En hvað er þá ekki fallegt
varðandi hinn innri mann?
„Vísbendingar um afturhald
og einangrunarstefnu. Ef maður
getur verið fallegur inni í sér eða
íjótur inni í sér þá er það Ijóta
að reyna á einhvern hátt að ráða
yfir öðrum, eitthvað í þeim dúr.“
- Eitthvað í hinni ytri fegurð
hlýtur að gleðja þig.
„Nú er sólskin og fagurt. Það
er ekkert eins gaman og að kíkja
út um gluggann og sjá fallega
stelpu ganga framhjá." Haraldur
Ingi segist meta fegurð á annan
hátt hjá körlum en hjá konum.
„Já, það geri ég, vegna þess að
kynhlutverkið sem maður er í
litar auðvitað allt saman. Það er
engin ástæða til að neita því.
Hinsvegar leita ég eftir gæðum
hugsunarinnar, bæði hjá körlum
og konum. Fyrir þeim er ég
spenntastur. En hinsvegar, þrátt
fyrir að vera hamingjusamlega
giftur, þá er voðalega gaman að
sjá falíega stelpu á góðviðris-
degi.“
- Hver er fallegasta mann-
eskjan sem þú hefur séð?
„Á Kennedy-flugvelli, fyrir
rúmum tíu árum, sat ég og beið
eftir flugvél. Allt í einu gengur
framhjá mér fimm manna fjöl-
skylda. Þetta fólk var líkast til
frá Afríku en með hörundslit
sem ég hef aldrei séð áður. Það
er helst hægt að líkja honum við
blýant, þann gráma. Þetta fólk
var eitthvað það glæsilegasta
fólk sem ég hef séð.“
Heildarmyndin
„Mér finnst erfitt að skilgreina
fegurð, hún er eitthvað sem
maður upplifir hjá hverri mann-
eskju. Það er öll heildarmyndin,
útlit manneskjunnar og útgeisl-
un hefur rosalega mikið að
segja. Maður þarf helst að
þekkja fólk aðeins til að finnast
það fallegt. Það er ekki nóg að
horfa á fallegar útlínur, fegurðin
þarf líka að koma innan frá,“
segir Elín Gestsdóttir, fram-
kvæmdastjóri Fegurðarsam-
keppni Islands.
- Eru ekki ákveðnar kröfur í
fegurðarsamkeppninni, hvert
brjástummál og mittismál á að
vera?
„Almenna reglan er sú að
stúlkurnar séu ekki of lágvaxnar
og hafi rétt hlutföll í lík-
amanum en við mælum
þær ekki. Allar útlínur og
bygging verða að vera
rétt, þar næst er spum-
ing hvað þær era £ fal-
legu formi og hvað þær
hreyfa sig vel, loks er það
andlitið. Það er eiginlega
allur pakkinn sem dóm-
arar þurfa að skoða.
Stúlkumar era búnar að
stunda í líkamsrækt í
marga mánuði áður en
þær taka þátt í keppn-
inni.“
- Hvernig er fallegur
karlmaður? Þarf hann
ekki að vera svolitið
herðahreiður?
„Jú. Þetta eru yfirleitt
fþróttalegir strákar, sem
eru í góðu formi, þó að
þeir séu ekkert endilega
nein vöðvabúnt."
- Gæti manneskja í
hjólastól orðið ungfrú ís-
land?
„Nei, það er ekki hægt
vegna þess að við þurf-
um að senda ungfrú Island út
um allan heim. Þær þurfa að
standa uppi á sviði og ganga og
sýna hvernig þær líta út. Þetta
væri erfitt fyrir konu í hjólastól.“
- Hver er fallegasta manneskja
sem þú hefur séð?
„Ég á erfitt með að svara því,
ég umgengst svo margar fallegar
manneskjur. Ætli það sé ekki
bara mamma mín, Guðrún
Kristjánsdóttir. Svo finnst mér
dætur mínar rosalega fallegar.“
-hi/ghs
Sendið okkur
tilnefningar
Dagur hefur ákveðió að efna til
santkeppni um herra og ttngfrú
innri fegurd. Lesendur eru hvattir
til að senda inn tilnefningar með
mynd af fegursta einstaklingum,
konu ogleða manni, ásamt rök-
stuðningi af hverj u viðkomandi er
tilmfndur. Látið nafn og heimilis-
fang sendatuia fylgja mcð.
Dagur b/t fegurð, Þverholti 14,
105 Reykjavik