Dagur - 28.04.1999, Page 8

8- MIBVIKUDAGUR 28. APRÍL 1999
Dgtur
Thgftr
FRÉTTASKÝRING
MIÐVIKUB AGÚ R 28. APRÍL 1999 - 9
því að svo verði. Við höfum verið
með ákveðið upplegg í kosninga-
baráttunni, sem ég hef trú á að
muni komast í gegn fyrr en síðar
og þegar það gerist mun staðan
breytast," segir Bryndís Hlöðvers-
dóttir, sem skipar 3. sætið á lista
Samfylkingarinnar í Reykjavík.
Hún segist vilja bíða eftir skoð-
anakönnunum svo sem eins og
viku fyrir kosningar áður en hún
taki niðurstöðu síðustu kannana
mjög alvarlega.
„Það er alla vega engin ástæða
til að fara á taugum yfir þessu,"
segir Bryndís.
Hún bendir á að kosningabar-
átta hjá stjórnmálaflokki sé hugs-
uð sem ákveðin heild og að Sam-
fylkingin sé enn á miðri Ieið hvað
því viðkemur og því erfitt að meta
svona sveiflur, hvort sem þær eru
upp á við eða niður á við.
Herðiun áróðurinn
„Mér er til að mynda alveg
ómögulegt að skilja hvers vegna
Framsóknarflokkurinn fer upp nú.
Eg fæ ekki séð að það hafi verið
neitt sérstakt tilefni til þess að
undanförnu að hann fari upp á við
í skoðanakönnunum. Fyrir okkur
er ekkert um annað að gera en að
halda okkar áralagi en herða róð-
urinn í að kynna okkar stefnu.
Hún hefur greinilega ekki komist
nógu vel til skila það sem af er og
ef til vill þurfum við að breyta að-
ferðum við að koma henni til
fólksins. Ég vil líka benda á að það
er of snemmt að fara að taka þess-
um skoðanakönnunum sem ein-
hverju hruni hjá okkur," segir
Bryndís Hlöðversdóttir.
Eini keppinautur Sjálfstæðis-
Hokksins
„Það er erfitt að segja til um hvað
veldur þessu en að sjálfsögðu tek
ég þetta sem áminningu til okkar
um að gera betur. Það er augljóst
að við verðum að herða róðurinn á
lokasprettinum og munum gera
það. Ég vil í þessu sambandi
benda á að spjót annarra fram-
boða hafa fyrst og fremst beinst að
okkur í kosningabaráttunni. Við
erum líka greinilega eini keppi-
nautur Sjálfstæðisflokksins og
mótvægið við hann. Því má heldur
ekki gleyma að við erum næst
stærsta stjómmálaaflið í landinu,"
segir Jóhanna Sigurðardóttir, odd-
viti lista Samfylkingarinnar í
Reykjavík.
Hún segir að á sama tíma og
Samfylkingin hefur kynnt sína
vönduðu stefnuskrá hafi Sjálf-
stæðisflokkurinn komist upp með
að tíu dögum fyrir kosningar hafí
engin stefna komið fram hjá hon-
um. Hún segir Framsóknarflokk-
inn vera fyrst og fremst með tvö
loforð.
„Annars vegar vímuefnamálið
og barnabæturnar, hvoru tveggja
mál sem hann sveik á síðastliðnu
kjörtímabili. Framsóknarflokkur-
inn skar niður barnabætur um 2,2
milljarða króna og setti lítið fé í
fíkniefnamál. Þetta sýnir okkur að
það eru fyrst og fremst gerðar
kröfur til Samfylkingarinnar. Það
er að sjálfsögðu mjög gott enda
stöndum við undir þeirri ábyrgð,"
segir Jóhanna.
Góður hljómgruimur
Hún segir að hugmyndir Samfylk-
ingarinnar hafi mikinn og góðan
hljómgrunn þannig að sóknarfær-
in séu fyrir hendi. Hún segist líka
vera sannfærð um það eftir að
hafa verið á mörgum vinnustaða-
fundum og úti á meðal fólks í heil-
an mánuð, að hugmyndir Sam-
fylkingarinnar njóti meirihluta-
fylgis meðal kjósenda. Það sé
frambjóðandanna að koma þeim á
framfæri við fólk.
„Ég tel mjög brýnt, vegna þess
að við erum helsta mótvægið við
Sjálfstæðisflokkinn, að efla Sam-
fylkinguna og þar með lýðræðið í
landinu," segir Jóhanna.
Hún hafnar því að Samfylking-
ar-fólk hafí farið eitthvað rangt að
í kosningabaráttunni. Það megi
eflaust fínna eitthvað að en hóp-
urinn sé mjög góð Iiðsheild, sem
hafi þjappað sér vel saman.
„Ég fínn fyrir því hvar sem ég
kem að við eigum hljómgrunn og
þess vegna hafa þessar tvær síð-
ustu skoðanakannanir komið mér
á óvart. Þær eru ekki í takt við það
sem ég fínn úti á meðal fólksins.
Ég er alveg sannfærð um að við
eigum stóran hluta þess fylgis sem
gefur sig upp sem óákveðið í skoð-
anakönnunum," segir Jóhanna
Sigurðardóttir.
Frambjóðendur Sam-
íylMiigariimar segja
niðurstöðu skoðana-
kannana undanfarið
áminningu um að
herða róðurinn í kosn-
ingabaráttuni -
ástæðulaust sé að fara
á taugum.
Niðursveifla Samfylkingarinnar í
skoðanakönnunum að undan-
förnu vekur að vonum mikla at-
hygli. A sama tíma bætir Fram-
sóknarflokkurinn stöðu sfna og
VG er á uppleið. Samfylkingunni
gekk afar illa í skoðanakönnun sl.
haust á meðan deilur risu sem
hæst um skipulag hennar og yfir-
leitt allt sem snéri að samstarfi
flokkanna fjögurra sem að henni
standa. Eftir að ró komst á fór að
ganga betur og hæst reis fylgið í
skoðanakönnunum eftir prófkjör-
in í Reykjanesi og Reykjavík.
I skoðanakönnun Gallups 4.
febrúar sl. tók Samfylkingin að
auka fylgi sitt og mældist með
24,7% fylgi en hafði 18,9% í jan-
úar. Sjálfstæðisflokkurinn var
með svipað fylgi og í janúar eða
47,1% en Framsóknarflokkurinn
mældist meðl8,3% fylgi, sem var
3 prósentustigum lægra en í
janúar.
Þann 9. febrúar birti DV skoð-
anakönnun sem sýndi stóraukið
fylgi Samfylkingarinnar eða
35,6% en í könnun blaðsins
mánuði fyrr mældist það um
21%. Fylgi Sjálfstæðisflokks
minnkaði að sama skapi, fór úr
tæpum 50% í janúar í rúm 36% í
febrúar.
Uppsveifla áfram
I skoðanakönnun Gallups 5.
mars mældist fýlgi Samfylkingar-
innar 36,5%. Samkvæmt könn-
uninni var fylgi Sjálfstæðisflokks-
ins um 44%, en fylgi Framsóknar-
flokksins hrundi í um 13%. VG
fékk þá 4,3% og Frjálslyndi flokk-
urinn 1,5%.
Samkvæmt skoðanakönnun
DV 19. mars fór fylgi Samfylking-
arinnar niður á við á nýjan leik
eða í tæp 32%. Sjálfstæðisflokkur
fékk um 40%, Framsóknarflokk-
ur tæp 19% og VG mældist með
6,4%. Alvöru niðursveifla var
samt ekki hafin hjá Samfylking-
unni því í skoðanakönnun Fé-
lagsvísindastofnunar 26. mars
fékk hún 33,5%. Sjálfstæðisflokk-
urinn fékk rúmt 41 %, Framsókn-
arflokkurinn fékk rúm 16%, VG
rúm 6% og Fijálslyndi flokkinn
2,5%. í skoðanakönnun Gallups
6. apríl fór Samfylkingin niður
fyrir 30% en Sjálfstæðisflokkur-
inn mældist með nærri 46% fylgi
og Framsóknarflokkurinn með
rúm 17%.
Niðursveiflan hefst
Enda þótt þróunin hafi verið nið-
ur á við hjá Samfylkingunni í
byrjun apríl, varð það ekki fyrr en
í skoðanakönnun DV 21. aprfl sl.
sem skellurinn kom. Þá mældist
hún með aðeins 24% fylgi. Sjálf-
stæðisflokkurinn 43,6%, Fram-
sóknarflokkurinn nærri 18%,
Frjálslyndi flokkurinn mældist
með 4,5% og Vinstrihreyfíngin-
grænt framboð með nærri 9%.
Loks kom svo skoðanakönnun
Félagsvísindastofnunar fyrir
Morgunblaðið í gaer, sem stað-
festir niðursveiflu Samfylkingar-
innar í skoðanakönnun DV. Sam-
fylkingin fékk 26,4%, Sjálfstæðis-
flokkurinn rúm 43%, Framsókn-
arflokkurinn nærri 20%, VG 7,5%
og Frjálslyndi flokkurinn 2,3%.
Eins og þessi samantekt sýnir
hefur fylgið verið að reytast af
Samfylkingunni frá því að það fór
í tæp 36% eftir prófkjörin í
Reykjanesi og Reykjavík.
Tökum betur á
„Mér þykir ekki ósennilegt að sú
staðreynd að öll hin framboðin í
þessum kosningum hafa valið sér
Samfylkinguna sem óvin til að
beijast gegn, hafi einhver áhrif á
niðurstöður síðustu kannana.
Það er hins vegar alveg ljóst að
þessar niðurstöður eru að sjálf-
sögðu hvatning til okkar í Sam-
fylkingunni að koma okkar sjón-
armiðum betur á framfæri. Okk-
ur hefur greinilega ekki tekist að
koma okkar sjónarmiðum og
stefnumálum nægilega vel á
framfæri," segir Margrét Frí-
mannsdóttir, talsmaður Samfylk-
ingarinnar, um niðursveiflu
flokksins í skoðanakönnunum.
Hún var spurð hvar Samfýlk-
ingunni hefði mistekist að koma
sínum sjónarmiðum á framfæri,
hvað hefði farið úrskeiðis. Mar-
grét segir erfítt að vega það og
meta. Hún nefnir þó að hræðslu-
áróður stjórnarflokkanna um
stöðugleikann virðist hafa náð
eyrum kjósenda.
Órökstuddar fullyrðmgar
„Þessi áróður þeirra er mjög hast-
arlegur en hann er hins vegar
ekkert rökstuddur heldur bara
fullyrðingar út í loftið. Fjölmiðlar
hafa aldrei gengið á þá og beðið
um rökstuðning fyrir þessum full-
yrðingum. Sjálfstæðisflokkurinn
er með þá einu kosningastefnu að
hér eigi að halda áfram á sömu
braut. Það þýðir áframhaldandi
misskipting í þjóðfélaginu. Þeir
stóru hópar í þjóðfélaginu sem
búa við fátækt vita þetta en samt
tekst Sjálfstæðisflokknum að ná í
gegn með hræðsluáróður sinn,“
segir Margrét.
Hún segir niðurstöður skoð-
anakannananna vera hvatningu
til Samfýlkingarinnar um að taka
betur á og það verði gert.
„Ég bendi líka á þá staðreynd
að óákveðni hópurinn í skoðana-
könnunum skilar sér betur til vin-
stri þegar talið er upp úr kjörköss-
unum og að þannig verði það ef-
laust nú. Samt sem áður þurfum
við að herða róðurinn," segir
Margrét Frímannsdóttir.
Oft sést svona sveiflur
Birgir Dýrfjörð, eðalkrati og einn
aðalmaðurinn við að ná Samfylk-
ingunni saman í haust og vetur er
leið, segist ekki hafa skýringu á
takteinum hvað valdi þessu
fylgistapi Samfylkingarinnar í
skoðanakönnunum. Hann telur
þó eins og Margrét að sennilega
hafi hræðsluáróður stjórnarflokk-
anna, um að sigur Samfylkingar-
innar raski stöðugleikanum í
þjóðfélaginu, náð í gegn. Sömu-
íeiðis megi vera að frambjóðend-
ur Samfylkingarinnar hafí ekki
náð að skapa sér trúverðugleika
meðal kjósenda. Hins vegar
bendir hann á að svona sveiflur
hafi oft sést í skoðanakönnunum
skömmu fyrir kosningar en síðan
hafi annað komið upp úr kjör-
kössunum.
Of seint að iðrast eftir kosn-
ingar
„Ég held að ýmsar skýringar séu á
þessu. Ég tek mark á skoðana-
könnunum og þetta sýnir mér að
við höfum ekki náð eyrum fólks
nægilega vel með þau málefni
sem við höfum haldið á lofti í
kosningabaráttunni. Sú kosninga-
taktík Sjálfstæðisflokksins, að
segja sem minnst og helst ekki
neitt, virðist falla fólki vel í geð.
Ég geri mér enn vonir um að fólk
átti sig á því að kosningar eru
kjarabarátta en ekki könnun á
viðhorfum augnabliksins. Það er
ekki kosið nema á fjögurra ára
fresti og það er of seint að iðrast
eftir 8. maí,“ segir Guðmundur
Arni Stefánsson, annar maður á
lista Samfylkingarinnar á Reykja-
nesi.
Hann segir að í ljósi niðurstöðu
síðustu skoðanakannana sé full
ástæða til að ákalla stuðningsfólk
þeirra flokka sem að Samfylking-
unni standa. Hann segist vilja
trúa því að stuðningsfólk flokk-
anna, sem hafí verið minna með
en hann vænti í kosningabarátt-
unni, komi nú til starfa síðustu
dagana.
Ræóa ekki pólitík
Guðmundur Arni var spurður
hvort hann teldi Samfýlkínguna
hafa gert mistök í kosningabarátt-
unni?
„Nei, ég held að ekki sé hægt að
tala um mistök en menn verða að
horfast í augu við þá staðreynd að
kosningabarátta okkar hefur ekki
náð til fólks. Ef til vill höfum við
verið með of margt undir í einu.
Framsóknarflokkurinn er með til-
tölulega fá mál og ótrúverðugur
málflutningur framsóknarmanna
virðist ætla að skila sér. Skilaboð
Sjálfstæðisflokksins eru enn færri
og einfaldari, sum sé þau að
breyta engu og vera ekkert að
rugga bátnum. Ég vil hins vegar
draga Sjálfstæðisflokkinn fram í
dagsljósið f kosningabaráttunni til
að ræða við hann um pólitík.
Hann er ekkert að ræða pólitík
eða framtíðarstefnumið. En það
sem að okkur snýr á þessari stun-
du er að skerpa á öllum hlutum í
kosningabaráttunni og allt okkar
afl sett í fullan gang því þetta er
viðvörun sem við hljótum að taka
alvarlega," sagði Guðmundur Ami
Stefánsson.
Menn haldi ró sinni
„Mér fínnst erfitt að festa hendur
á því hvað það er sem veldur því
að við höfum farið niður í skoð-
anakönnunum að undanförnu. Ég
geri mér að sjálfsögðu vonir um að
fylgið fari upp á við aftur og trúi
Frambjóðendur heimsækja vinnustaði ígríð og erg þessa dagana tii að kynna málsstað sinn. Jóhanna Sigurðardóttir og Guðrún Ögmundsdóttir heilsuðu upp á starfsfólk ÁTVR ígær en þær og félagar
þeirra í Samfylkingunni eiga á brattann að sækja samkvæmt skoðanakönnunum. mynd: hilmar
111 BORGARSKIPULAG REYKJAVIKUR
H BORGARTÚN 3 • 105 REYKJAVÍK • SÍMI 563 2340 • MYNDSENDIR 562 3219
Suður-Mjódd, breyting á
aðalskipulagi og deiliskipulagi
í samræmi við 1. mgr. 21. gr. skipulags- og byggingarlaga er hér með auglýst
til kynningar tillaga að breytingu á Aðalskipulagi Reykjavíkur 1996-2016.
Landnotkun í Suður-Mjódd breytist annars vegar að hluta til úr blöndu af
verslunar-, þjónustu- og stofnanasvæðum í útivistarsvæði til sérstakra nota og
hins vegar að hluta til úr almennu útivistarsvæði og útivistarsvæði til sérstakra
nota í blöndu verslunar- og þjónustu og útivistarsvæðis til sérstakra nota.
Jafnframt fellur niður tengibraut neðan Þverársels frá Skógarseli að
Fífuhvammsvegi í Kópavogi og ný tengibraut verður lögð í framhaldi af
Álfabakka, um undirgöng undir Breiðholtsbraut, samsíða Reykjanesbraut og
tengist Fífuhvammsvegi.
Þá er í samræmi við 25. gr. skipulags- og byggingarlaga auglýst tillaga að
deiliskipulagi Suður-Mjóddar, þar verður íþróttasvæði, almennt útivistarsvæði,
stofnanasvæði, verslun, þjónusta og íbúðir.
Ofangreind tillaga er til kynningar í sal Borgarskipulags og Byggingarfulltrúa í
Borgartúni 3,1. hæð, virka daga kl. 10:00 til 16:15 frá 28. apríl til 26. maí 1999.
Ábendingum og athugasemdum skal skila skriflega til Borgarskipulags
Reykjavíkur, eigi síðar en 9. júní 1999.
Þeir, sem eigi gera athugasemdir innan tilskilins frests, teljast samþykkja
tillöguna.
Kleppsvík, deiliskipulag
í samræmi við 25. gr. skipulags- og byggingarlaga er hér með auglýst til
kynningar tillaga að deiliskipulagi í Kleppsvík
Deiliskipulagið nær yfir lóðirnar Skútuvogur 3,7,9 og Kjalarvogur 14 og 16.
Ofangreind tillaga er til kynningar í sal Borgarskipulags og Byggingarfulltrúa í
Borgartúni 3,1. hæð, virka daga kl. 10:00 til 16:15 frá 28. apríl til 26. maí 1999.
Ábendingum og athugasemdum skal skiia skriflega til Borgarskipulags
Reykjavíkur, eigi síðar en 9. júní 1999.
Þeir, sem eigi gera athugasemdir innan tilskilins frests, teljast samþykkja
tillöguna.
Veiðivötn
á Landmannaafrétti verða opnuð
sunnudaginn 20. júní kl. 15.
Pöntun og sala veiðileyfa er að Skarði í Holta-
og Landsveit frá kl. 10 -19.
Staðfestið pantanir fyrir 1. júní.
Stjórnin
Arnarneshreppur
Kjörskrá vegna alþingiskosninganna 8. maí 1999 liggur
frammi í Hjalteyrarskóla frá og með 28. apríl til og með
8. maí nk.
Athugasemdum varðandi kjörskrána skal komið til oddvi-
ta Arnarneshrepps.
Hreppsnefnd Arnarneshrepps
SIGURDÓR
SIGURDÓRS-
SON
Alvarleg viðvörun