Dagur - 25.08.1999, Blaðsíða 3

MIÐVIKUDAGUR 25. ÁGÚST 1999 - 3
rD^tr.
FRETTIR
Ahöfn Odinkovu fær
aðstoð frá prestum
Skipverjarnir fprtán á togaranum Odinkovu hafa verið iðnir við að vekja athygli á
mátstað sínum með mótmætastöðu bæði fyrir utan stjórnarráðið og höfuðstöðv-
ar Eimskipaféiagsins. Enn sem komið er hefur það þó ekki borið þann árangur
að þeir hafi fengið launin sín greidd. mynd: pjetur
Stjóm Hjálparstarfs
kirkjunnar ffaUar uin
beiðni presta. Mat-
vælagjafir. Afþökkuðu
boð stjómvalda uui far
heim. Yfirmenuimir á
Erlu Húðu frá borði.
Á stjómarfundi Hjálparstarfs
kirkjunnar í dag, miðvikudag,
verður tekin fyrir beiðni um að-
stoð við skipveijana fjórtán á tog-
arnum Odinkovu. Jónas Þ. Þór-
isson, framkvæmdastjóri Hjálp-
arstarfsins, gerir ráð fyrir að já-
kvætt verði tekið í þessa beiðni
sem sé tilkomin fyrir milligöngu
tveggja presta í höfuðborginni.
Hann segir þetta vera algjöra
nýjung í starfseminni, enda í
fyrsta skipti sem óskað sé eftir
aðstoð við heila skipsáhöfn í ís-
lenskri höfn. Á dögunum buðust
íslensk stjórnvöld til að greiða
fargjaldið fyrir áhöfnina heim,
en hún afþakkaði boðið af ótta
við að fá þá ekki launin sín.
Matvælagjafir
Jónas Þ. Þórisson býst \ið að
kirkjan geti aðstoðað skipveija
með matvælagjöfum og úttekt á
matvælum úr verslunum Bón-
uss. Hann gerir hinsvegar ekki
ráð fyrir því að þeim verði veittur
annar Ijárhagslegur stuðningur.
Þó er ekki loku fyrir það skotið
að skipverjum verði hjálpað með
snyrtivörur og aðra hreinlætisað-
stoð. Beinn fjárhagslegur stuðn-
ingur í formi peninga sé hinsveg-
ar ekki inní myndinni, enda
tíðkast það almennt ekki í inn-
lendu hjálparstarfi kirkjunnar.
Þá segist hann vita til þess að
ýmir aðilar eins og t.d. Kristilega
sjómannastarfið hafi hlaupið
undir bagga með áhöfninni með
matargjöfum.
Yfírnipnnimir flúðu frá
borði
Skipverjarnir Ijórtán, sem flestir
eru Lettar, hafa verið um borð í
vélarvana togaranum í Reykja-
víkurhöfn frá því í febrúar sl. í
von um að fá launin sín. Talið er
að þeir eigi inni nokkrar miljónir
króna í vangreiddum launum.
Reiknað sé með því að þeir geti
orðið að vera þar í allt að tvo
mánuði til viðbótar áður en séð
verður fyrir endann á þeirra
máli. Togarinn er skráður á er-
lent fyrirtæki, sem er í eigu Sæ-
mundar Árilíussonar útgerðar-
manns. Sem kunnugt er þá hef-
ur rækjutogarinn Erla í eigu
sömu útgerðar verið kyrrsettur á
Nýfundnalandi, þar sem gerð
hefur verið krafa í afla skipsins
til greiðslu launa skipverja á Od-
inkovu. Þegar skipverjar á Erlu
fréttu að afli þeirra yrði gerður
upptækur vegna vanefnda út-
gerðarinnar brugðust þeir svo
illa við að þeir gerðu nánast að-
súg að skipstjóranum og gæða-
stjóranum um borð, sem báðir
eru Islendingar. Þeir lokuðu sig
því af í brúnni síðasta spölinn
áður en í land var komið. Síðan
hröðuðu þeir sér frá borði um
leið og skipið kom í höfn þar
ytra. - GRH
Siv Friðleifsdóttir.
Athygli á
skautið
Umhverfisráðherrar Norður-
landanna hafa undanfarna daga
fundað við Mývatn og meðal
annars samþykkt framkvæmdaá-
ætlun um vernd náttúru og
menningarminja á norðurslóð-
um. Siv Friðleifsdóttir umhverf-
isráðherra segir það mjög
ánægjulegt að þessi áætlun skuli
einmitt samþykkt hér á landi því
hún taki til heimskautssvæðis-
ins sem Island sé hluti af. Nátt-
úra okkar sé viðkvæm og mikil-
vægt að augu manna beinist að
norður heimskautssvæðunum.
Áætlunin samanstendur af fjórt-
án verkefnum og á að taka til
ársins 2000-2004. Kostnaður
vegna áætlunarinnar verður í
heild um 100-120 milljónir ís-
lenskra króna. Á næsta ári verð-
ur fjármögnunin úr samnor-
rænu fé innan umhverfis-
geirans. - Hl
Kalbændur eru
býsna ánægðir
Frá vettvangskönnun Guðna Ágústssonar fyrr í sumar á kaltúnum norðan heiða.
mynd: brink.
Bj argr áð asj óður
greiðir 12 þúsund
krónur í bætur fyrir
hvem hektara sem
ekki nýtist. Lokaupp-
gjör síðar þegar tölur
um heildarheyfeng
liggja fyrir.
Þeir bændur sem urðu fyrir
búsifjum á þessu sumri eru all-
flestir þokkalega ánægðir með
þær bætur sem þeir fá úr Bjarg-
ráðasjóði samkvæmt mati, sem
eru 12 þúsund krónur á hvern
hektara sem ekki nýtist. Metið
var hjá hverjum og einum bónda
hversu stórt hlutfall túna hjá
honum væri ónýtt vegna kals en á
um 25% túnanna var litið sem
eins konar „sjálfsábyrgð". Endan-
legt uppgjör liggur ekki fyrir fyrr
en ljóst er hver heyskapurinn
verður og þar með raunveruleg
rýrnun vegna kalsins og þá hey-
fengur borinn saman við sumrin
1998 og 1997. Mesta tjónið virð-
ist vera í Oslandshlíð í Skaga-
firði, en ástandið er einnig slæmt
í Höfðahverfi og Arnarneshreppi
við Evjafjörð og í Svarfaðardal.
Guðmundur Steindórsson,
ráðunautur hjá Búnaðarsam-
bandi Eyjafjarðar, segir bændur
ekki geta átt von á bótum úr öðr-
um sjóðum. Guðmundur segir
heyfeng á landinu öllu vera býsna
góðan af þeim túnum sem sluppu
við kalskemmdir og því líkur á að
margir verði aflögufærir með hey
til þeirra sem ver hafa orðið úti.
Tíðin síðustu vikur hefur verið al-
veg einstök norðan- og austan-
lands og því heyfengur meiri á
sumum svæðum en oft áður. Töl-
ur um heyfeng Iiggja þó ekki fyr-
ir fyrr en um og eftir göngur. - GG
18 milljóiiir í nefnd
Borgarráð hefur samþykkt að
veita 4,5 milljónum króna til
nefndar um tónlistarhús og ráð-
stefnumiðstöðvar í miðborg
Reykjavíkur. Það sé þó skilyrt því
að fjármálaráðuneyti, mennta-
málaráðuneyti og samgöngu-
ráðuneyti leggi hvert fyrir sig
sömu fjárhæð til starfa nefndar-
innar. Samtals yrðu þetta því um
18 milljónir króna.
I greinargerð með tillögunni
kemur m.a. fram að 23. mars sl.
hafi menntamálaráðherra skipað
nefnd um tónlistarhús og ráð-
stefnumiðstöð í miðborginni
ásamt hóteli. Hlutverk nefndar-
innar sé að vinna að samkomu-
lagi milli ríkis og borgar um fjár-
mögnun, tilhögun framkvæmda
og kostnaðarskiptingu vegna
byggingar tónlistarhúss og ráð-
stefnumiðstöðvar í samvinnu
þessara aðila. Auk þess sé það
hlutverk nefndarinnar að fá
rekstraraðila og Qárfesta að hót-
eli sem rísa á í tengslum \ið tón-
Iistarhúsið og ráðstefnumiðstöð-
ina. Formaður nefndarinnar er
Ólafur B. Thors, forstjóri Sjóvár-
almennra, en alls eiga sex ein-
staklingar sæti í nefndinni, frá
riki og borg.
FBA-bréf hækkuðu
Gengi bréfa í FBA hækkaði í gær eftir stöðugar lækkanir að undan-
förnu. Alls fóru fram 19 viðskipti með bréfin á Verðbréfaþingi í gær
og Iokagengi var 2,63, eða 1,1% hærra en daginn áður. Viðskipti með
bréfin námu alls 28,1 milljón króna eða um 74 milljónum að sölu-
virði. Næstmestu Hðskipti á þinginu voru með bréf Islandsbanka,
eða fyrir rúmar 25 milljónir króna. Alls var höndlað með hlutabréf í
gær fyrir tæpar 140 milljónir króna. - BJB
Oz styrkir stúdenta
Samningurinn handsalaður afþeim Finni Beck, formanni Stúdentaráðs, Skúla
Mogensen, forstjóra Oz, og Páli Skúlasyni háskólarektor. mynd: þök.
Oz, Háskóli íslands og Stúdentaráð skrifuðu undir samning í gær um
samstarfsverkefnið Hugarfóstur. Það felst m.a. í því að Oz mun veita
sex nemendum Háskólans á komandi skólaári styrki upp á hálfa
milljón í hverju tilfelli. Styrkina fá nemendur til gerðar lokaverkefna,
sem metin verða til eininga innan viðkomandi deilda. Auk fjárstuðn-
ings stendur nemendum til boða starfsaðstaða hjá OZ vegna verkefn-
isins, þ.e. skrifstofa með öllu tilheyrandi.
Umsóknum um styrkina þarf að skila til skrifstofu Stúdentaráðs
fyrir kl. 16 þann 25. október næstkomandi. Allar nánari upplýsingar
má nálgast á vefsíðu, sem opnuð var í gær við sama tældfæri. Slóðin
er www.oz.is/hugarfostur