Dagur - 30.08.2000, Blaðsíða 5

MIDVIKUDAGUR 30. ÁGÚST 2000 - S
Dívftr.
FRÉTTIR
Margir umhverja
stong sem losnar
Þrátt fyrir lélegt laxveidisumar óttast sérfræðingar ekki að erlendir veiði-
leyfakaupendur hætti við íslandskomur sínar.
Lítil hætta sögð vera
á að útlendmgar
hætti að kaupa dýr
laxveiðileyfi þótt illa
gengi í ár.
Laxveiði þessa árs er að ljúka,
ánum er lokað hverri á fætur
annarri um og upp úr mánaða-
mótunum. Þetta hefur verið
heldur dapurt laxveiðisumar. Þar
sem best hefur gengið, í ánum
sunnan- og suðvestanlands
ásamt Vopnafjarðaránum, hefur
veiðin verið best en samt ekki
nema í meðallagi. I ánum norð-
anlands hefur veiðin verið með
því daprasta sem gerist. Allar
bestu ár landsins eru leigðar út-
lendingum á besta tímanum yfir
miðsumarið á verði sem fær
venjulegan mann til að svitna.
Sú spurning vaknar því hvort
svona léleg veiði, eins og í sumar
og í fyrra var veiðin heldur ekki
nema í meðallagi, verður ekki til
þess að útlendingar hætta að
koma til veiða hér á landi þegar
þeir þurfa að greiða allt að 200
þúsund krónur á dag fyrir eina
stöng fyrir utan allan annan
kostnað?
Orri Vigfússon, frægastur ís-
lendinga fyrir verndun og eflingu
laxastofna í Atlantshafi, segist
ekki telja hættu á því. Hann seg-
ir að allir sem koma nálægt Iax-
veiðum viti að svona niðursveifl-
ur geti komið, þannig sé það
bara yfirleitt í lífríkinu.
„Þetta er svo takmörkuð auð-
Iind og svo margir sem vilja kom-
ast í laxveiðina að ef einhverjir
hætta að koma hingað vegna
þessa þá eru að minnsta kosti 10
út í heimi sem banka á um að
komast að og veiða, fyrir hverja
eina stöng sem losnar,“ segir
Orri Vigfússon.
Þarf fleiri en eitt ár
Þröstur Elliðason fiskeldisfræð-
ingur er með Ytri-Rangá og hluta
Eystri-Rangár á leigu. sem og
Rreiðdalsá. Hann hefur byggt
þessar ár upp með seiðaslepp-
ingum og þetta eru toppárnar í
ár. Hann skiptir mikið við út-
lendinga og segist ekld óttast svo
mjög um að þeir hætti að koma
þótt illa veiðist eitt eða tvö ár.
„Eg held að mjög margir af
þeim útlendingum sem koma í
árnar séu fastir viðskiptavinir
sem koma ár eftir ár. Þeir vita að
sveiflur geta verið í veiðunum
milli ára og ég hygg að þessir
veiðimenn hætti ekki að koma
þótt illa gangi í ár. Hins vegar
gæti staðan orðið alvarleg ef lítið
veiddist tvö til fjögur ár í röð. Þá
myndu menn ef til vill fara að
skoða hug sinn. Eg væri mildu
hræddari við efnahagslega niður-
sveiflu í Evrópu og Ameríku. Þá
væri meiri hætta á að menn Iétu
það vera að fara í dýra laxveiði-
túra," sagði Þröstur Elliðason.
Taka verður meðaltalið
Orri Vigfússon segir að menn
minnist alltaf bestu áranna í lax-
veiðinni. Hann nefnir sem dæmi
Laxá íAðaldal. Til eru veiðitölur úr
þeirri á síðastliðin 150 til 200 ár.
Gegnum árin var veiðin alltaf eitt
þúsund laxar á ári. En síðan komu
ef til vill 10 ár þar sem veiðin fór
árlega í tvö þúsund laxa.
„Síðan miðum við alltaf við þessi
fáu allra bestu ár. Við verðum að
taka þetta fyrir með langtíma sjón-
armið í huga. Þetta eru bara náttúr-
legar sveiflur þótt margt bendi tii
þess að við séum nokkuð undir því
ásættanlega í ár. Þess vegna hvetj-
um við til hógværðar varðandi þann
afla sem er drepinn og allir þekkja
mínar skoðanir á þvf að veiða og
sleppa fiski. Eg hvet alla laxveiði-
menn til að gera það,“ segir Orri
Vigfússon. -S.DÓR
Frá minningarathöfn um Valgeir I
fyrradag.
„Við höfum að undanförnu verið
að kanna vitnisburð þeirra vitna
sem hafa nú fyrst viljað tjá sig
um málið," segir Jónas Hallsson,
hjá lögreglunni í Reykjavík um
hvarf Valgeirs Víðissonar, en eins
og Dagur greindi frá í gær hefur
málið verið óupplýst á borði
rannsóknarlögreglunnar í sex ár.
Þessi nýi vitnisburður hefur
varpað nýju ljósi á málið og eru
rannsóknarmenn nú vonbetri en
áður um Iausn þess. „Við höfum
ekki fundið líkið, til þess er vitn-
isburðurinn ekki nógu sterkur,
en málið er í athugun og það á
eftir að koma í Ijós hvers við
verðum vísari. Við skulum alla
vega vona að málið fari að
upplýsast," segir Jónas. Hcimild-
ir Dags fullyrða að enginn hafi
þorað að gefa sig fram á sínum
tíma vegna þess að hvarf Valgeir
hafi tengst valdabaráttu á milli
fíkniefnasala. Einn heimildar-
maður sem þekkti Valgeir per-
sónulega segir að hann hafi verið
sá stærsti á markaðnum áður en
hann dó. - GJ
Krónískur sparn-
aður í Reykj avík
Niðurskuróur á gatna-
framkvæmdnm í
Reykjavík veldur deil-
um.
Reykvíkingar virðast allt annað
en hrifnir af þeim fyrirhugaða
niðurskurði eða frestun fram-
kvæmda á gatnaframkvæmdum í
borginni sem ríkisstjórnin
áformar. Þeir borgarfulltrúar
sem hafa tjáð sig um málið hafa
lýst yfir andstöðu við þcssi áform
ríkisstjórnarinnar og er þá jafnt
um að ræða fulltrúa úr meiri-
hluta og minnihluta.
Þingmenn Reykjavíkur hafa
oft verið sakaðir um að vera
minni kjördæmasinnar en lands-
byggðar þingmennirnir. Þeir
standi ekki saman um að berjast
fyrir málefnum borgarinnar. En
hvað segja þingmenn um þessi
niðurskurðar-/frestunaráform?
Óiurnið mál
„Þær upplýsingar sem fj'ölmiðlar
hafa birt um þetta þessa dagana
voru trúnarmál á þingflokks-
fundi Sjálfstæðisflokksins um
síðustu helgi. Þess vegna finnst
mér það einkennilegt hvernig
þær hafa dreifst um allt og það
áður en allir hnútar hafi verið
hnýttir í þessum efnum. Mál
eins og þetta, sem er á vinnslu-
stigi, getur átt eftir að taka ýms-
um breytingum áður en þau
koma fram í endanlegri mynd,“
sagði Katrín Fjeldsted alþingis-
maður í gær.
Katrín Fjelsted
Hún segir að að þau skref sem
enn séu óstigin í þessum málum
séu meðal annars að ræða við
aðila sem málið snertir sem eru
borgaryfirvöld. Þess vegna finn-
ist henni ekki tímabært að ræða
málið opinberlega.
Krónískur spamaður
Asta Ragnheiður Jóhannesdóttir
alþingismaðir segir það með
hreinum ólíkindum hvernig
Sjálfstæðisflokkurinn veitist að
Reykvíkingum aftur og aftur í
niðurskurði í samgöngumálum.
„Það má segja að þetta hafi
verið árvisst undanfarin ár og
enn einu sinni eru þeir að högg-
va í sama knérunn. Það er
greinilega hluti af þessu að veit-
ast að horgaryfirvöldum og koma
höggi á R-listann. Afstaða stærs-
ta flokks þjóðarinnar til höfuð-
borgarinnar í þessum málum er
Ásta Ragnheiður Jóhannesdóttir
hreint ótrúleg,“ sagði Ásta Ragn-
heiður.
Hún bendir líka á að þarna sé
um að ræða framkvæmdir sem
hafi verið látnar sitja á hakanum
aftur og aftur vegna sparnaðar
og niðurskurðar.
„Það má eiginlega segja að það
sé orðinn krónískur sparnaður
hjá ríkisstjórninni að skera niður
eða fresta framkvæmdum í
Reykjavík. Hér er um að ræða
framkvæmdir sem eru mjög arð-
bærar og við vitum hvernig
ástandið hefur verið á þessum
fjölförnustu götum þar sem fyr-
irhugað er að fresta framkvæmd-
um. Þarna er mikil slysahætta
enda álagið með ólíkindum og
þess vegna er þessi frestun eða
niðurskurður óskiljanlegur,"
sagði Ásta R. Jóhannesdóttir.
-S.DÓR
ísland í 4. sæti á ÓM í bridge
Islenska landsliðið í bridge vann góðan sigur gegn Suður-Afríku í gær
á Olympíumótinu í Hollandi. Leikurinn fór 21-9 en í umferðinni á
undan tapaði Island gegn Malasíu með sama mun. Annað tap keppn-
innar leit dagsins Ijós í gærkvöld. Þá tapaði Island fyrir Marokkó 21-
9 og er eftir sjö umferðir í 4. sæti í sínum riðli. Markmið Iandsliðs-
ins er að komast í 16-Iiða úrslit en til þess þarf eitt af fjórum efstu
sætum hvers riðils. -BÞ
Féllu í Skaftafellsá
Bresk fjölskylda, hjón með tvö börn, sem voru á ferð í Skaftafelli í
gær varð fyrir því óláni að konan og börnin tvö, bæði á táningsaldri
féllu í Skaftafellsá þegar íshella brotnaði undan þeim. Maðurinn féll
ekki í ána en fór út í til að bjarga þeim. Einnig rétti Þjóðverji sem
þarna var fólkinu hjálparhönd. Konan og börnin voru mjög hrakin
þegar þau náðust upp og var konan meðvitundarlaus. Lífgunartil-
raunir báru þó fljótt árangur og flutti þyrla Gæslunnar fólkið á
sjúkrahús í Reykjavík.
Nýr leikskóli fyrir námsfólk
Stefnt er að því að taka í notkun nýjan leikskóla við Háteigsveg á
næsta ári. Þar verður pláss fyrir 80 - 100 börn. Þessi leikskóli er ætl-
aður fýrir börn námsmanna en töluverð þörf er fyrir leikskólaúrræði
fyrir þau samfara sfvaxandi fjölda þeirra. Nýi Ieikskólinn verður
byggður í tengslum við byggingu námsmannaíbúða sem þar munu
rísa.
Kristín Blöndal formaður Leikskólaráðs Reykjavíkur segir að þessi
nýji leikskóli sé m.a. hugsaður út frá þörfum stúdenta við Kennara-
háskóla Islands sem er í næsta nágrenni. Enda sé frumkvæði að
byggingu leikskólans komið frá námsmönnum í samráði við Leik-
skólaráð borgarinnar. Hún gerir ráð fyrir að gerður verði samningur
sem trj'ggir m.a. börnum kennaranema á leikskólaaldri forgang að
plássi í þessum nýja Ieikskóla. Samkvæmt samningi borgarinnar við
stúdenta við Háskóla íslands hafa þeir forgang fyrir 200-300 leik-
skólaplássum. Þessi samningur var gerður í framhaldi af byggingu
tveggja leikskóla sem námsmenn stóðu fyrir á sínum tíma. -GRH