Dagur - 23.01.2001, Blaðsíða 19

Akureyri-Norðurland
I' III m V 1) /1 fí IJ U 2 3. J A N IJAR 2 00 1 - 19
Tölvukerfi Amts-
bókasafns lamað
Bækurnar hrannast upp hjá Amtsbókasafninu því ekkert er hægt ad skrá inn í tölvukerfið afþví sem skilað er.
Bækur hrannast upp
í geymslu á Amts-
bókasafninu vegna
tölvubilunar. Lokað
í dag.
„Já þetta hef’ur valdið verulegri
röskun hjá okkur," sagði Hólm-
kell Hreinsson, amtsbókavörð-
ur í samtali við Dag í gær, en
tölvukerfi safnsins hefur verið
bilað frá því í síðustu viku.
Strax á þriðjudag kom fram
villa í bókfræðigrunni safnsins
sem síðan dreifðist yfir í út-
lánagrunninn. Þetta veldur því
að ekki hefur verið hægt nota
tölvukerfið safnsins og því var
farið út í það að handskrá öll
útlán, en hins vegar hefur ekki
verið hægt að vinna úr þeim
bókum sem hefur verið skilað.
Þær bækur sem koma inn eru
því einfaldlega settar til hliðar,
í geymslu þar til hægt verður að
færa inn skilin í tölvukerfinu.
Af þessurn sökum hafa hrann-
ast upp hækur sem skilað hafa
verið, þar sem ekki er hægt að
setja þær óskráðar aftur upp í
hillur. Bókastaflarnir eru því
að verða gríðarmiklir á þeim
göngum og í þeim geymslum
sem fyrir hendi eru, en þess má
geta að afar þröngt er um safn-
ið í núverandi húsnæði, „Jú
þetta er óneitanlega nokkuð
sláandi og þó maður hafi undir
höndum tölur um útlán frá degi
til dags öðlast þessar tölur nýja
merkingu þegar bækurnar
hrannast hér upp í geymslu á
ekki lengri tíma en þessum Ijór-
um dögum eða svo,“ segir
Hólmkell. Hugbúnaðurinn hef-
ur verið í viðgerð í Noregi en
þar hefur gengið erfiðlega að fá
hlutina í lag. Af þessum sökum
verður safnið lokað í dag en
vonast er til að hægt verði að
opna á morgun.
Omnya boðin upp innan skamms.
Veðbönd til
skoðunar
Björn Jósef Arnviðarson, sýslu-
maður á Akureyri, segir allt út-
lit fyrir að rússneski togarinn
Omnya verði boðinn upp í byrj-
un febrúar. Nokkur óvissa hef-
ur verið um þetta úrræði sem
beitt er nú í fyrsta skipti á Ak-
ureyri. Eigendur skipsins létu
það daga uppi við hafnarbakk-
ann og hefur lítið prýði þótt af,
enda togarinn ryðgaður mjög
og Ijótur.
Björn Jósef segir að þótt bók-
haldi og skráningu rússneskra
skipa sé að vissu leyti ábóta-
vant miðað við íslenskar hefðir,
dugi óvissan sem slík ein og sér
ekki til að stöðva málið. „Við
þurfum að fá ákveðnar yfirlýs-
ingar um veðbönd en þess utan
held ég að ekkert geti komið í
veg fyrir eðlilegt áframhald á
þessu máli. Okkar mat er að
það sé ekki hægt að eyðileggja
málið með því að koma í veg
fyrir að við fáum upplýsingar,"
segir sýslumaður.
Björn Jósef vill ekki tjá sig
persónulega skoðun sína á
framgangi málsins en segir
„bölvað“ að skipið hafi allan
þennan tíma legið á Akureyri í
reiðuleysi. BÞ
Hóteileysi háir
ferðaþj ónustu
Hjördís Blöndal, for-
iiiaöur bæjarráðs
Blönduóss, segir að
ekki komi til greina
að byggja 50 her-
bergja hótel við fé-
lagsheimilið, sveitar-
félagið sé þegar vern-
lega skuldsett.
Hótelið á Blönduósi hefur verið
lokað síðan á árinu 1999, er það
varð gjaldþrota. Þá keypti bygg-
ingafyrirtækið Hamar hótelið og
seldi síðan fjárfestingaíyrirtækinu
Dal. Þcgar svo Dalur hugðist selja
hótelið til hjóna að sunnan kom í
Ijós að aldrei hafði verið gerður
löglegur sölusamningur milli
Hamars og Dals, svo málið fór
nánast á byrjunarreit. Að kröfu
Blönduósbæjar fór hótelið svo aft-
ur á uppboð í haust og þá selt
Guðjóni A. Jónssyni hjá Jöfri í
Reykjavík fyrir 27 milljónir króna.
Alvarlegt mál
Valdimar Guðmannsson, verka-
lýðsforingi á Blönduósi, segir að
Glaðheimar, sem reka sumarhús á
Blönduósi á bökkum Blöndu, hafi
viljað kaupa hótelið með aðstoð
Byggðastofnunar, en Byggðastofn-
un, sem átti 18 milljón króna
kröfu í búið hafi ekki viljað lána
meira, og því hafí málið ekki geng-
ið eftir. Valdimar segir þetta grafal-
varlegt mál lýrir ferðaþjónustu í
Húnavatnssýslum, öll markaðs-
setning sem unnin hafi verið á
undanförnum árum sem einfald-
lega fýrir bí og gríðarleg aðsókn í
þá gistiaðstöðu sem sé föl, m.a.
sumarhús Glaðheima sem séu
þegar útleigð allt sumarið, ekki
síst til laxveiðimanna. Valdimar vill
að hleypt verði af stokkunum
vinnuhópi á vegum bæjarins, en
Vaidimar Guðmannsson.
fjöldi Blöndósinga sé tilbúinn til
þess að sitja í slíkri nefnd sem
mundi leita eftir samstarfsaðilum
utan héraðs.
Bregðast við strax
I bréfí til bæjarráðs Blönduóss
segir Valdimar m.a. að staðan í
gistinga- og veitingasölumálum á
Blönduósi sé orðin það alvarleg að
bæjarstjórn þurfi að bregðast strax
við. Til að opna umræðuna gerir
hann það að tillögu sinni að bæj-
arráð haldi fund með stjórn Fé-
lagsheimilisins og kanni viðhorf til
þess að setja á fót starfshóp sem
fengi það verkefni að kanna alla
möguleika á að fá Ijármuni og
samstarfsaðila til að byggja 50 her-
bergja hótel við Félagsheimilið á
Blönduósi, og nýta danssal, eldhús
og skjól við hótelreksturinn, en
skerða á engan hátt núverandi
leikhúsaðstöðu í bíósalnum.
Byggðastofmui bregst
„Eins og málefni Hótels Blöndu-
óss hafa þróast er það skoðun mín
að stjórn Byggðastofnunar sé ann-
að hvort markvisst eða með röð til-
viljana að koma málefnum hótels-
ins í þá stöðu að það sé að verða
nánast útilokað að það verði aftur
rekstrarhæft. 1 þrígang hefur hót-
elið verið afhent aðilum sem ekki
virðast hafa haft það sem hags-
munamál að halda rekstri þess
gangandi. Ég tel að Byggðastofn-
un, sem langstærsti kröfu-
hafinn, hcfði getað stýrt málinu
heimamönnum í vil ef áhugi hefði
verið lyrir hendi," segir Valdimar
Guðmannsson.
Kemur ekki til greina
Hjördís Blöndal, formaður bæjar-
ráðs Blönduóss, segir að ekki komi
til greina að byggja 50 herbergja
hótel við félagsheimilið, sveitarfé-
lagið sé þegar verulega skuldsett,
og sé að fást við Ijárfrekar og að-
kallandi framkvæmdir í fráveitu-
málum. Hjördís segir að bréf
Valdimars hafi vissulega ýtt við
mönnum og Ferðamálafélag Aust-
ur-Húnavatnssýslu muni standa
fyrir fundi innan tíðar með aðstoð
Blönduósbæjar þar sem tekið
v'erði á framtíð hótelsreksturs á
Blönduósi í nánustu framtíð. GG