Dagur - Tíminn Akureyri - 22.01.1997, Page 1

Cbtgur-^mtmit
" L
Umsjón: Geir Guðsteinsson
Miðvikudagur 22. janúar 1997 - 80. og 81. árgangur -14. tölublað
Akureyri
Hefur
framleiðslu á reyktum laxi
Laxeldisstöðin Silfurstjarn-
an hf. í Öxarfirði keypti á
sl. ári fyrirtækið íslenskur
lax hf. í Kópavogi og stendur
fyrir dyrum flutningur á fyrir-
tækinu til Akureyrar. Gengið
verður á næstu dögum til samn-
inga við Kaupfélag Eyfirðinga
um afnot af fiskhúsi KEA við
smábátahöfnina í Sandgerðis-
bót á Akureyri, en stjórn KEA
hefur heimilað leigu á húsinu.
Björn Benediktsson, hjá Silf-
urstjörnunni hf., segir að hafist
verði handa við breytingar á
húsnæðinu að kröfum t.d. heil-
brigðisyfirvalda og stefnt að því
að hefja þar vinnslu 1. mars nk.
„Okkur hefur dreymt um það
allt frá því að eldið hófst hér að
Það er nýjung að
laxinn verður seldur
undir nafni íslenska
framleiðandans en
ekki erlenda dreif-
ingaraðilans,
sem hefur verið
mun algengara,
segir Björn
Benediktsson.
vinna okkar vöru eitthvað frek-
ar því það er það eina sem að
okkar mati gæti komið
einhverju lagi og stöðugleika á
afurðaverðið og jafnframt
hækkað það eitthvað. I dag selj-
um við Kaupfélagi Eyfirðinga
töluvert af laxi sem unninn er í
frystihúsi KEA á Dalvík, það
magn var t.d. 80 tonn síðustu
tvo mánuði ársins 1996. Fram-
leiðslan á Dalvík er mjög
merkileg fyrir það að hún er
skorin í bita og fryst og seld í
neytendapakkningum í Frakk-
landi undir merkjum íslenska
framleiðandans. Það er tölu-
verð breyting og nýjung, því
yfirleitt er íslenskur fiskur seld-
ur undir nafni erlenda dreifing-
araðilans. Ef framleiðslan eykst
eins og efni standa til verður
jafnframt að flaka laxinn bæði í
Öxarfirði og á Akureyri. Laxinn
okkar er heldur ekki feitur og
hentar því mjög vel til reyking-
ar. Það skilar einnig hærra af-
uðaverði," sagði Björn Bene-
diktsson.
Ekið er með laxinn frá Silfur-
stjörnunni hf. til Akm-eyrar og
hefur færð verið það góð að
nánast engin ferð hefur fallið
niður. Unnið hefur verið að
stækkun stöðvarinnar í Öxar-
firði úr 15.000 rúmmetrum í 20
þúsund rúmmetra og eru 2 af
10 kerjum þegar komin í gagn-
ið en botnar og veggir þeirra
allra voru steyptir sl. sumar og
haust. Fyrir eru um 40 kör af
ýmsum stærðum. Framleiðslan
á síðasta ári nam 950 tonnum
en áætlað er að hún aukist um
300 tonn við stækkunina og
verði a.m.k. 1.200 tonn á ári.
GG
Húsavík
Hvalveiðar skaða
útflutnmgsverslunina
Páll Þór Jónsson, hótelstjóri
Hótels Húsavíkur, segist
óttast að leyfi stjórnvöld
hvalveiðar við ísland muni það
fyrst og fremst skaða útflutn-
ingsverslun landsmanna, þótt
hvalveiðarnar verði í litlu mæli.
Þar verði engin þáttur undan-
skilinn, hvorki ferðaþjónusta
sem hann starfi við né fiskút-
flutning sem sé ráðandi í út-
flutningstekjum landsmanna.
„Þetta snýst alls ekki
eingöngu um að þetta skaði þá
aðila sem hafa gert út á
hvalaskoðun, eins og við höfum
í vaxandi mæli gert hér á Húsa-
vík. Ég veit ekki hver verður
framtíð hvalaskoðanaferða ef
einnig verður farið að veiða
hvalina, þó ljóst sé að hags-
munir okkar skaðast verulega.
Það eru uppi áætlanir víða um
land um hvalaskoðanaferðir og
þannig getur ferðamaðurinn
valið sér stað miðað við hvaða
hvalategund hann hefur áhuga
á að skoða, og hvernig. Við
verðum hins vegar að gæta
okkur á því að stunda ekki
„whale-chasing“ eða að elta
hvali með miklum látum. Það
styggir þá fljótt. f hvalskoðun-
arferðunum frá Húsavík höfum
við verið að fara á 7 til 8 mílna
hraða, og þess vegna getur
hvalurinn stungið bátinn auð-
veldlega af, kæri hann sig um.
Við þær aðstæður er einnig lík-
legra að hvalurinn komi að
bátnum og stingi hausnum upp
úr.
Árni Ragnar Árnason, al-
þingismaður, hefur bent á að ís-
lenskur fiskur er mjög sjáanleg-
ur miðað við t.d. norskan fisk,
því engir merkja sínar útflutn-
ingsvörur jafn rækilega og ís-
lendingar. Því getur neytandinn
erlendis auðveldlega fundið ís-
lenskar vörur og forðast þær ef
hann vill. Það er skemmdar-
starfsemi sem getur orðið okk-
ur dýrkeypt.
Hérlendis er að eiga sér stað
alveg gífurleg hugarfarsbreyt-
ing í umhverfismálum, and-
staða gegn hvalveiðum er að-
eins einn anginn af því. fslend-
ingar eru mjög umhverfissinn-
aðir í eðli sínu þótt þeir eðlilega
hafi slæma reynslu af erlendum
umhverfisverndarsamtökum.
Andstaða gegn álveri í Hvalfirði
endurspeglar það nokkuð, þótt
sú afstaða, sérstaklega ná-
granna væntanlegs virkjunar-
svæðis, komi stjórmálamönnum
í opna skjöldu.
Vísindamenn hafa ekki getað
sýnt fram á að það sé of mikið
af hval í hafinu. Það má hins
vegar færa rök fyrir því að hér
við land séu nýtanlegir stofnar.
Allar fullyrðingar um að hvalir
séu að éta allan fiskinn eru því
einfaldlega rangar. Sjávarút-
vegsráðherra hefur sagt að
heíjist hvalveiðar aftur muni
þær ekki snúast um peninga
eða arðsemi heldur þjóðarrétt
og ég er því sammála. Það er
vegna þess að tor-
velt kann að reyn-
ast að selja afurð-
irnar vegna al-
þjóðabanns við
sölu af hvalaafurð-
um. Japanir hafa
lýst yfir að þeir
kaupi ekki hvalaaf-
urðir af okkur og
þá þrengjast nú
möguleikarnir. Það
væri mjög sér-
kennilegt að fara út í hvalveiðar
sem ekki snúast um peninga og
fórna þar með hagsmunum sem
gefa verulega í aðra hönd, þá
erum við íslendingar komnir út
á mjög vafasama og jafnvel
hættulega braut,“ sagði Páll Þór
Jónsson. GG
Akureyri
Bæjarmála-
punktar
•Meirihluti bæjarráðs hefur sam-
þykkt umsókn Ólafar Matthíasdóttur,
Rimasíðu 27.f. um hundahald í rað-
húsaíbúðinni en umhverfisnefnd tók
máiið fyrir á fundi 5. desember sl.
Bæjarráðsmennirnar Ásta Sigurðar-
dóttir og Sigríður Stefánsdóttir lýstu
sig ósammála afgreiðslu meirihlut-
ans. Bæjarlögmanni var falið að gera
tillögu um breytingu á samþykkt um
hundahatd á Akureyri, nr. 295/1987.
•Lögð voru fram erindi frá Bifreiða-
verkstæði Sigurðar Valdimarssonar
Óseyri 5 vegna kröfu um gatnagerð-
argjald og frá Kristjáni E. Jóhannes-
syni vegna kröfu um bflastæðagjöld
fyrir lóðina Hafnarstræti 22. Bæjar-
ráð féllst á, með tilliti til málavaxta,
að verða við báðum kröfunum.
•Aðalsteinn Már Þorsteinsson, nemi í
kennaradeild Iláskólans á Akureyri,
spyrst fyrir um afstöðu bæjarfélags-
ins til einkarekinna grunnskóla sem
valmöguleika fyrir foreldra. Formað-
ur skólanefndar, Ásta Sigurðardóttir,
og skólafulltrúi, Ingólfur Ármanns-
son, munu svara Aðalsteini.
•Hollustuvernd ríkisins hefur auglýst
tilkynningar um starfsleyfatillögur
fyrir fiskimjölsverksmiðjuna Krossa-
nes hf. og þurfa athugasemdir að
berast fyrir 20. febrúar nk. Óskað er
eftir umsögnum frá heilbrigðisnefnd
og umhverfisnefnd um tillögurnar
fyrir 10. febrúar nk. GG
Páll Þór Jónsson
Hótelstjóri á Húsavík
„Hérlendis á stað
stað gífurleg hugar-
farsbreyting í umhverf-
ismálum og andstaða
gegn hvalveiðum er að-
eins angi af því“