Dagur - Tíminn Reykjavík - 22.03.1997, Blaðsíða 8

Dagur - Tíminn Reykjavík - 22.03.1997, Blaðsíða 8
Laugardagur 22. mars 1997-VIII MINNINGARGREINAR JQagur-'ðKttrára ANDLAT Anna Sigurbjörg Lárusdóttir frá Vaðli á Barðaströnd, síðast til heimilis að Austurbrún 6, lést á heimili sínu þann 3. mars. Útförin hefur farið fram í kyrrþey að ósk hinnar látnu. Davíð Sigurjón Vigfússon Lónabraut 20, Vopnafirði, lést miðvikudaginn 12. mars. Ebba Sigurbjörg Eðvarðsdóttir lést á Landspítalanum að kvöldi 17. mars. Eyþór Jón Kristjánsson Borgarbraut 65 A, lést í Sjukra- húsi Reykjavíkur 14. mars. Guðmundur Þóroddsson tollvörður, Kleppsvegi 128, and- aðist 13. mars. Guðrún Jónsdóttir Tunguvegi 1, Reykjavík, lést á Landspítalanum mánudaginn 17. mars. Guðrún Ólafsdóttir Austurbrún 6, lést á heimili sínu 3. mars síðastliðinn. Útför- in hefur farið fram í kyrrþey að ósk hinnar látnu. Guðrún Þorbergsdóttir Deildarási 6, Reykjavík, lést á hjúkrunarheimilinu Eir mánu- daginn 17. mars. Gyða Árnadóttir áður til heimilis á Kleppsvegi 134, lést á hjúkrunarheimilinu Skjóli laugardaginn 15. mars. Gylfi Bjarnason lést á sjúkrahúsi í Nuuk á Grænlandi mánudaginn 3. mars sl. Útförin hefur farið fram frá Berufjarðarkirkju. Hulda Valdimarsdóttir Skipholti 18, Reykjavík, lést á Vífilsstaðaspítala 6. mars. Út- förin hefur farið fram í kyrrþey að ósk hinnar látnu. Inga Jenný Þorsteinsdóttir frá Ölverskrossi, síðast til heim- ilis í Hraunbúðum, Vestmanna- eyjum, andaðist mánudaginn 10. mars. Ingvar Einarsson lést 17 mars. Ingvar Ragnar Ingvarsson frá Hvítárbakka, Bergholti í Biskupstungum, lést á heimili sínu 12. mars. Jón Eyjólfur Guðmundsson bóndi, Þorfinnsstöðum, Þverár- hreppi, Vestur-Húnavatnssýslu, lést á Sjúkrahúsinu á Hvamms- tanga sunnudaginn 16. mars. Jósep Hannesson Álfaskeiði 33, Hafnarfirði, lést á Sólvangi sunnudaginn 16. mars. Júlíus Bjarnason prentari andaðist að kvöldi mánudagsins 10. mars. Páll Garðar Andrésson Vesturbergi 94, lést af slysför- um þann 9. mars. Rannveig Jóna Elíasdóttir Hjarðarholti 8, Akranesi, lést miðvikudagimi 12. mars. Sigmar Sigurbjörnsson frá Syðstu-Grund undir Eyja- fjöllum andaðist á heimili sínu í Seattle, USA, 13. mars. Sigríður Bjarnadóttir er látin. Stefán Guttormsson Mánagötu 12, Reyðarfirði, lést á heimili sínu fimmtudaginn 13. mars. Stefán Thoroddsen Laugarnesvegi 102, andaðist á heimili sínu laugardaginn 15. mars. Valtýr Sæmundsson frá Stóru-Mörk, Hjallabraut 33, Reykjavík, lést á hjúkrunar- heimilinu Sólvangi 12. mars. Þorvaldur Guðmundsson prentari, Nóatúm 29, andaðist á heimili sínu 11. mars. Þórarinn Guðmundsson lést á elli- og hjúkrunarheimil- inu Grund 2. mars. Útförin hef- ur farið fram. Hrólfur Arnason JráÞverá í Reykjahreppi, S-Þing Sú kynslóð, sem kennd er við aldamótin síðustu, er nú nær horfin af vettvangi lífsins, en hefur skilið eftir sig djúp spor í sögu landsins. Þessi kynslóð átti hugsjónir, sem hún barðist fyrir af fórnfýsi og dug og gerði fyrst og fremst krófur til sjálfrar sín, en ekki annarra. Við, sem á eftir komum eigum þessari kynslóð ómælda þökk að gjalda. Hrólfur Árnason fyrr- um bóndi að Þverá í Reykja- hverfi, sem nú er látinn í hárri elli, var dæmigerður fulltrúi þessarar kynslóðar, enda alinn upp í ströngum aga og við mikla vinnu. Hrólfur var fríðleiksmaður og góðu atgerfi gæddur til sálar og líkama, enda af styrkum stofnum kominn beggja megin í ættir fram. Ungur að árum stundaði hann nám í Hvanneyrarskóla og útskrifaðist þaðan sem bú- fræðingur. Hann hafði skarpa greind og var námsmaður góð- ur. Námið á Hvanneyri nýttist honum því vel, er hann gerðist forsjármaður búskaparins á Þverá við andlát föður síns árið 1938, en auk þessa náms var hann búinn góðu fararnesti úr foreldrahúsum, sem vel reynd- ist á lífsins leið. Búskapinn stundaði hann af áhuga og trúmennsku eins og allt annað, sem hann tókst á hendur. Hann var raunar hneigður til búskapar og jafnan hollur bændastéttinni. Sjálfur hefði hann kosið að stunda bú- skap meðan kraftar leyfðu, en örlög réðu að svo varð ekki, því árið 1957 varð hann fyrir þeirri þungbæru lífsreynslu að missa konu sína eftir aðeins 8 ára sambúð. Það fór því svo, að þrem árum síðar brá hann búi og lá leið hans þá til Húsavíkur og átti þar dvalarstað æ síðan. Á Húsavfk starfaði Hrólfur jafn- an á vegum bæjarfélagsins og naut alltaf mikils trausts og trúnaðar í sambandi við alt, sem honum var falið. Löngum stjórnaði hann hópum ung- menna og fórst það vel úr hendi, enda var hann maður barngóður og hafði gott lag á börnum og unglingum. ÖU börn og ungmenni, sem hjá honum dvöldust að Þverá bundust hon- um ævilöngum vináttuböndum og var það honum tU gæfu og mikiUar ánægju er á ævina leið. Hrólfur var maður glaðsinna og oft skemmtilegur þótt var- lega beitti hann skopskyggn- inni, því engan vUdi hann meiða. Heiðríkjan hvarf aldrei úr svip hans, enda trúmennska og strangur heiðarleiki hans aðalsmerki frá vöggu tU grafar. Ég þori að Mlyrða að aUir, sem hann þekktu að einhverju marki, hefðu óttalausir trúað honum fyrir aleigu sinni og vel- ferð, ef þurft hefði. Slíkir menn eru ekki á hverju strái og því minnisstæðir. í eðh sínu var hann maður félagslyndur og naut sín vel innan um fólk, en skyldurækni hans við heimili sitt og búannir oUu því, að hann blandaði sér minna í félagsmál, en hann og margir aðrir hefðu kosið. Eigi að síður var honum margs konar trúnaður faUnn af sveitungum og samferðamönn- um. Hann var m.a. deildarstjóri KÞ-deildar Reykjahrepps um ára raðir og gegndi því af alúð og fór ekki dult með, að sam- vinnumaður var hann af hug- sjón. Þá var hann stjórnarfor- maður Garðræktarfélags Reyk- hverfinga í hálfa öld og segir það nokkuð um það traust, sem til hans var borið. Félag þetta bar hann mjóg fyrir brjósti og vann því vel, því öU sín hlutverk tók hann alvarlega. Þegar kraftar þurru hætti Hrólfur störfum og vistaði sig á heimUi aldraðra að Hvammi á Húsavík þar sem hann átti frið- sælt ævikvöld sáttur við hfið og óttalaus við komu dauðans. „Dauðinn er bara lögmál," sagði hann eitt sinn við mig. Hrólfur var maður bók- hneigður og fylgdist aUtaf vel með öUu, sem fram fór í um- hverfinu og utan þess. Hann var ótrúlega harðfylginn að fylgjast með fjölmiðlum, þótt sjón og heyrn dvínuðu mjög, en það var hans mesta fötlun á seinni árum. Sú fötlun hafði þó ekki áhrif á skaplyndi hans, því aUtaf var hann glaður og reifur er hann fékk heimsóknir vina og kunningja að Hvammi. Mér varð stundum hugsað til þess á seinni árum, hver væri hans gleðigjafi, en það er ef tU vUl gömlum mönnum nóg til gleði að hafa aldrei sagt ósatt orð né nokkuð gert, sem stríðir gegn samviskunni og eiga sér enga óvini heldur aðeins vini. í hinni helgu bók Biblíunni stendur eitthvað á þessa leið: „Gott þú dyggi og góði þjónn, yfir litlu varst þú trúr og yfir mikið mun ég setja þig. Gakk inn tU fagnaðar herra þíns." Þessar setningar koma mér í hug, er ég minnist Hrólfs. Hann var trúr yfir smáu og stóru og slíkir menn hljóta að eiga góð fararefni tU hinstu farar. Um leið og ég þakka Hrólfi kærar stundir og kynni góð óska ég honum yndis á ókunnri strönd handan hins mikla djúps, sem aðskUur Ufendur og dauða. Ég og kona mín Sigríður Atladóttir sendum vinum hans og vandamönnum hugheUar samúðarkveðjur. Vigfús B. Jónsson HAGYRÐINGAR Frétt barst um að kona mataðist á kútmagakvöldi hjá Lions- klúbbi í fyrsta sinn. Flest okkar karlanna vígi og völd virðast núfalla sem óðast. Því munu varla nein kútmagakvöld kvenmannslaus alla tíð bjóðast. Samgönguráðherra neitar að gefa Alþingi upplýsingar um kjör æðstu yfirmanna hlutafélagsins Pósts og síma. Veist getur erfið hin árlega glíma við íslensku fjárlögin, efneita sumir hjá Pósti og sína að sýna í umslögin. Sigurður Jónsson, tannlæknir. Áfram Alþýðublað Það er okkar aðalvon, að Alþýðublaðið dafni, og hann Mundi Mundason mörgum krónum safni. Krati Kratason. Ekki er hægt að una því að mörlandar framleiði slakara ung- viði en mongólar, eða lélegri reiknibækur. Þunga raun í raun og veru reynir þjóðin, fýld og súr. Klárir mjög í kolli eru krakkarnir í Singapúr. Samt er ekki vert að vera vonlaus, bráðum rœtist úr. Nýjar bœkur börnin gera, betri en þau í Singapúr. Forvitni þingmanna Inná póstogsímasvið setja klókir háeffið, það mun lœkka launaskrið, en líka hressa toppgengið. Efstu gœja gróðahlið gefur hnýsnum enganfrið, en Dóri segir „Þegið þið, þetta kemur engum við." Samkvæmt nýlegum heimUdum eru frændur vorir Danir í miklum vanda staddir. BUli Khnton væntanlegur í heimsókn, haldinn ofhæmi fyrir tóbaksreyk, svo miklu, að hann verður að hafa hausinn út um glugga ef reykt er í návist hans. Öllum kœr, afengum nídd ógnar Klinta sœlu Magga drottning, dyggðum prýdd, með danskri reykjarbrœlu. Búi.

x

Dagur - Tíminn Reykjavík

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur - Tíminn Reykjavík
https://timarit.is/publication/253

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.