Dagur - Tíminn - 24.10.1996, Side 2

2 - Fimmtudagur 24. október 1996
Jktgur-'CEímtmx
F R É T T I R
Jón Baldvin var maður heita
pottsins í gaer enda allir að
velta fyrir sér hvað hann væri að
fara að gera. Frumlegasta skýr-
ingin kom frá gönguskíðamann-
inum sem var nýkominn frá Nor-
egi. Sá sagði það ekki tilviljun að
Jón Baldvin og Gro Harlem
Brundtland væru að hætta á
sama tíma. Þau væru bæði á
leið til Sameinuðu þjóðanna í
New York, hún sem fram-
kvæmdastjóri en hann sem
fastafulltrúi. Saman ætluðu þau
að sigra heiminn sem flottasta
kratapar heimsins. Varla þarf að
taka fram að gönguskíðamaður-
inn var einn um að finnast þetta
trúleg kenning....
jr
Ipottinum eru alvarlegri spekúl-
antar sem benda á sendi-
herrastöðuna í Washington. Ein-
ar Benediktsson sem þar ræður
ríkjum er löngu komin yfir heim-
kvaðningartíma. Og Davíð
skuldar Jóni stórt! Hver gerði
Ingimund, sem var atvinnulaus
eftir Heklu (nánasta samstarfs-
mann Davíðs og peningaplóg
Sjálfstæðisflokksins), að sendi-
herra í Bonn! Jón Baldvin! Og
hefði þó getað borgaö Þresti Ól-
afssyni langa og dygga þjón-
ustu. Hver á inni hjá hverjum?
Einar Ben - farðu að pakka!
tr
Iheita pottinn kom maður af
norðurlandi vestra. Sá sagði
sögur af því að ónefndur fram-
sóknarþingmaður úr kjördæm-
inu, sem þó væri ekki ráðherra,
hefði litið við á Hofsósi á dögun-
um og verið mikið spurður um
það hvort hann myndi leigja
spilin á borðið varðandi Fiskiðj-
una Skagfirðing. Þetta orðalag
spurningarinnar er tilkomið
vegna forsíðumyndar á Lífinu í
landinu þar sem fiskvinnslukona
sýndi spilastokk með merki
Framsóknarflokksins og sagði
að þessi stokkur væri það eina
sem hún hefði fengið frá þing-
mönnum sínum......
Kjarasamningar
VSÍ í fýlu við VR
VSÍ móðgaðist við
VR vegna viðræðu-
áætlunar félagsins
við Félag ísl. stór-
kaupmanna sem er
ekki í VSÍ.
Snurða hefur hlaupið á
þráðinn í samskiptum VSÍ
við Verslunarmannafélag
Reykjavíkur vegna undirbún-
ings að gerð nýrra kjarasamn-
inga. Magnús L. Sveinsson, for-
maður VR, segir að VSÍ gangi á
skjön við tilgang og markmið
nýju laganna um vinnulöggjöf-
ina með því að gera ráð fyrir
því í sínum áætlunum að skrifa
undir nýjan kjarasamning um
miðjan janúar á næsta ári eða
jafnvel um miðjan febrúar. Þess
í stað ætla Iögin að menn byrji
viðræður í tíma til að ná samn-
ingum áður en núgildandi
samningar renna út.
Þetta ósætti á milli VSÍ og
VR gerði það m.a. að verkum
að þeim tókst ekki að ná saman
um gerð viðræðuáætlunar. Það
kemur því til kasta ríkissátta-
semjara að semja áætlun vegna
viðræðna VR við VSÍ um gerð
nýs kjarasamnings. Ástæðan
fyrir þessu mun vera sú að VSÍ
móðgaðist út í VR þegar félagið
og Landssamband verslunar-
manna gerðu viðræðuáætlun
við Félag ísl. stórkaupmanna,
þar sem stefnt er að því að
ljúka gerð samninga fyrir miðj-
an desember. VSÍ mun ekki
hafa geta hugsað sér að vera í
sama farinu með dagsetningar
gagnvart VR, en Félag ísl. stór-
kaupmanna gekk úr VSÍ fyrir
nokkrum árum eins og kunnugt
er.
Formaður VR segir að það
séu vissulega vonbrigði að ekki
skuli hafa náðst samkomulag
um viðræðuáætlun við VSI.
Hann vonast þó til að þetta gefi
ekki tilefni né vísbendingu um
áframhaldandi ófrið í samskipt-
um þessara aðila. í það
minnsta er það ekki ætlun VR.
Hann leggur áherslu á að ef
samningar nást ekki fyrir ára-
mót áður en núgildandi samn-
ingar renna út, þá fer málið til
sáttasemjara. í því sambandi
vitnar hann til viðræðuáætlana
sem VR hefur m.a. gert við
Vinnumálasambandið og fleiri
þar sem gengið er út frá því að
ef samningar nást ekki fyrir jól,
þá komi til kasta sáttasemjara
nema samkomulag verði um
annað.
„Ef það shtnar uppúr við-
ræðum fyrir jól, þá er það al-
gjörlega óraunhæft að halda að
menn geti klárað samninga á
fyrstu dögum janúar,“ segir for-
maður VR. Hann telur einnig að
stjórn VR geti ekki í komandi
samningalotu dagsett eitthvað
fram í tímann á
næsta ári vegna
þess að þar með
sé verið að gefa
undir fótinn að
framlengja nú-
gildandi samn-
ing. Til þess hef-
ur stjórn VR
ekkert umboð.
Ekki náðist í framkvæmda-
stjóra né aðstoðarfram-
kvæmdastjóra VSÍ í gær þar
sem þeir eru erlendis.
Reykjavík
Borgarmála-
punktar
• Um miðjan mánuðinn voru
samtals um 2.883 á atvinnu-
leysiskrá í Reykjavík, 1.695
konur og 1.188 karlar. Þar af
voru 73 öryrkjar, 31 kona og
42 karlar. Á sama tíma í fyrra
voru atvinnulausir á skrá
3.048, 1.654 konur og 1.394
karlar. Þar af voru 75 öryr-
kjar, 26 konur og 49 karlar.
• Borgarráð beinir þeim til-
mælum til samgönguráðherra
að hann beiti sér fyrir sér-
stökum ríkisframlögum til al-
ntenningssamgangna í þétt-
býli. Þá skorar borgarráð á fé-
lagsmálaráðherra að beita sér
fyrir því að Jöfnunarsjóður
sveitarfélaga fái aukið fjár-
magn til þjónustuframlaga.
Bogarráð brýnir ráðherra
einnig til að breyta lögupi um
tekjustofna sveitarfélaga
þannig að borgin komi til álita
um framlag úr Jöfnunarsjóði
til jöfnunar á kostnaði við
rekstur almenningssam-
gangna.
• Borgarráð fagnar yfirlýs-
ingu samgönguráðherra að
ráðist verði í endurbætur á
flugbrautum Reykjavíkurflug-
vallar á næstu þremur árum.
• Þá hefur borgarráð sam-
þykkt reglur fyrir útleigu
listaverka úr Listasafni
Reykjavíkur til stofnana og
fyrirtækja í eigu borgarinnar.
Samkvæmt þeim er leiga fyrir
olfumálverk og höggmyndir
250-335 kr. á mánuði og 83-
167 kr. á mánuði fyrir papp-
írsverk.
• Borgarráð hefur samþykkt
tillögu Atvinnumálanefndar
að greiða 100 þús. kr. vegna
kostnaðar við samkeyrslu
tölvuupplýsinga frá Ilagstof-
unni og SKÝRR. Sömuleiðis
hefur verið samþykkt að veita
250 þús. kr. til samvinnuverk-
efnis Aflvaka hf. og Atvinnu-
og ferðamálastofu um stefnu
ríkisvalds í atvinnuuppbygg-
ingu.
-grh
Algjörlega óraunhœft að œtla að
samningar takist á fyrstu dögum
janúar ef menn ná ekki saman
Jyrirjól
-grh
Mynd: GG
Fulltrúar Samiðnar og Vinnumálasambandsins mættu til
fyrstu viðræðna á grundvelli viðræðuáætlunar í Karphús-
inu í gær. Fyrir utan VR hefur ekki tekist samkomulag um
viðræðuáætlun á milli Múrarafélagsins og viðsemjenda þeirra.
FRÉTTAVIÐTALIÐ
Samstarf við foreldrafélög
ófullnægjandi
r
Ásta Sigurðardóttir
bœjarfulltrúi Framsóknarjlokks og
formaður skólanefndar Akureyrar-
bœjar
Skólamál á Akureyri hafa verið í
brennidepli að undanförnu, ekki
síst húsnæðismál grunnskólanna
í Ijósi þeirrar umrœðu sem verið
hefur um aðstöðu einnar bekkjar-
deildar Barnaskóla Akureyrar í
íþróttahöllinni á Akureyri.
Er húsnœðið í íþróttahöllinni varan-
leg ráðstöfun Jyrir Barnaskóla Akur-
eyrar?
„Húsnæði sem Barnaskóli Akureyr-
ar nýtir í íþróttahöllinni er ekki varan-
legt skólahúsnæði en það er vel hugs-
anlegt að nýta það til kennslu í
einhverjum greinum en sú nýting sem
er þar í dag er ekki framtíðaralausn.
Skóli þarf ekki að vera undir sama
þaki, ég hef t.d. skoðað skóla á Norð-
urlöndum þar sem nemendur fara á
milli bygginga og þar var um lengri
leiðir að fara en er milli Barnaskóla,
íþróttahallar og sundlaugar.
Skólanefnd setti sér að hraða sem
mest mætti vera einsetningu skólanna
og ég vona að ekki verði tvísettur skóli
í varanlegu húsnæði á Akureyri eftir
aldamót. Lausum kennslustofum verð-
ur ekki fargað þó þær séu ekki fram-
tíðarlausn, þær eru nauðsynlegar þeg-
ar hverfi er að byggjast upp og þar
myndast alltaf toppur sem er svo hár
að ekki væri vitrænt að leysa þann
vanda með varanlegri byggingu. Þegar
flestir nemendur voru í Lundarskóla
fyrir 12 ármn síðan voru þeir um 630
en eru í dag um 300. Lausar kennslu-
stofur hefðu verið góð lausn þar á sín-
um tíma.“
Er gagnrýni á kennslurýmið í
íþróttahöllinni óréttmœt?
„Gagnrýni sem verið hefur m.a. í
fiölmiðum um aðstöðu 5. bekkjar upp í
Iþróttahöllinni er ekki óréttmæt, en
kennslurýmið er ekki á yfirráðasvæði
skólans og þegar lausn fannst stóð
ekki á neinum að framkvæma þær
breytingar. Mér þótti sárt að sjá yfir-
lýsingar í blöðum sem gefnar voru á
fundi í Foreldra- og kennarafélagi
Barnaskóla Akureyrar eftir að skóla-
nefnd hafði leitað til bæjarráðs um
Ijárveitingu þess efnis að leysa vand-
ann. Auðvitað var möguleiki að byggja
lausa stofu sem kostar um 5 milljónir
króna en það er töluvert mál að tengja
lausa stofu, til þess þarf lagnir o.fl. en
hagstæðasta lausnin fannst, annað
hefði kostað mikið rask á stundatöflu.“
Er brotalöm í nýtingu núverandi
skólahúsnœðis á Akureyri?
„Skólanefnd saknar þess að sjá ekki
meiri vinnu lagða í það nýta betur
ýmsa möguleika með tilfærslum og
betri nýtingu starfskrafta. Eins ættu
foreldrafólög og foreldraráð að auka
samstarfið við skólanefnd, því það er
ófullnægjandi, og veita henni umsögn
um skólanámskrár o.fl. Mér finnst for-
eldrafélög ekki leita nægjanlega til full-
trúa félaganna í skólanefnd til að fá
upplýsingar eða miðla þeim, miklu oft-
ar eru það skólastjórar sem koma með
samþykktir foreldraráða. Þarna þurfa
að vera meiri tengsl. Skólanefndar-
menn eru ávallt tilbúnir til að koma á
fundi foreldrafélaganna og hafa sótt þá
í öll þau skipti sem eftir því hefur verið
leitað.“ GG