Dagur - Tíminn - 20.11.1996, Qupperneq 8

8 - Miðvikudagur 20. nóvember 1996
PJÓÐMÁL
Jlagur-®TOmm
JOagur- ÍEtmímt
Útgáfufélag: Dagsprent hf.
Útgáfustjóri: Eyjólfur Sveinsson
Ritstjóri: Stefán Jón Hafstein
Aðstoðarritstjóri: Birgir Guðmundsson
Framkvæmdastjóri: Marteinn Jónasson
Skrifstofur: Strandgötu 31, Akureyri, Garðarsbraut 7, Húsavík og Þverholti 14, Reykjavík
Símar: 460 6100 og 563 1600
Netfang ritstjórnar: ritstjori@dagur.is
Áskriftargjald m. vsk. 1.600 kr. á mánuði
Lausasöluverð kr. 150 og 200 kr. helgarblað
Prentun: Dagsprent hf./l’safoldarprentsmiðja
Grænt númer: 800 70 80
Fax auglýsingadeildar: 462 2087 - Fax ritstjórnar: 462 7639
Klám eða list? Hvorugt
í fyrsta lagi
Nýleg fordæmi eru fyrir þvf að ráðherrar fjölmenni í
skoðunarferðir. Er nú svo komið að ráðherralímúsín-
urnar standi í röðum fyrir utan búllur til að dóms-, fé-
lags- og menntamálaráðherra (sem verða auðvitað að
taka hinn listræna forsætisráðherra með sér) getið veg-
ið og metið hvort nektardans sé list eða klám? Hvaða
ruglumræða er komin í gang? Og hvers konar aula-
fyndni með tvíræðu dónóbrosi er þetta með að „hafa
ekki kynnt sér af eigin raun“ eitthvað bla bla? Og svo
asnast „ábyrgir“ ijölmiðlar til að spyrja list- og dansfag-
urfræðinga! Hvaða fíflaþjóð er hér saman komin?
Málið er einfalt: Hér í fásinninu voru allir búnir að fá
leið á „undirfatasýningum“ á herra- og dömukvöldum
þar sem glærgelgjulegar stelpur með fyrirsætudrauma
sýndu „æsandi" nærbuxur og viðhengi frammi fyrir
vandræðalegum léttkenndum smáborgurum. Fluttar
voru inn heimsvanari og ekki alveg jafn blöðrubólguleg-
ar sýningarstúlkur sem ýktu dillið og fóru alveg úr - því
hér í landi einhæfra atvinnuvega er ekki til fagþekking.
Ef einhverjum fmnst gaman að horfa á þetta í umkomu-
leysi sínu þá á að innheimta venjulega skatta af því, og
fylgja settum reglum um skemmtanir á almannafæri.
í þriðja lagi
Sp

utó
Er nektardans list eða klám?
Árni
Johnsen
alþingismaður
Nektardans getur ver-
ið listdans og einnig
klám. Ég hef séð
dans fáklæddra kvenna
víða um heim, flest af því
hefur verið hægt að flokka
undir dans eða listdans en
svo er það spurningin hvar
blygðunarsemin tekur við,
það hlýtur að vera per-
sónulegt mat hvers og eins.
Sumt af svokölluðum nekt-
ardans er bara hluti af því
sem menn sjá í ballettum,
það skilur aðeins á milli
hvort fólk er klætt eða nak-
ið.
Kristín
Ástgeirsdóttir
þingkona
Nektardans er nú nær
klámi en list myndi
ég segja. Spurningin
er hvenær dans af þessu
tagi ofbýður siðferðis-
kenndinni og hvenær er
tímabært að grípa inn í. En
það verður líka að beina
sjónum sínum að áhorfend-
um, menn eru alltaf að elt-
ast við vændiskonur en
ekki karlana sem nota þær.
Annars er mjög gamaldags
að eltast við svona fyrir-
bæri svo framarlega sem
dansinn er innan ákveð-
inna marka.

♦
Garðar
Kjartansson
eigandi Óðals
Þetta er skemmtiatriði
hjá okkur sem fólk
liefur áhuga á að sjá
og borgar fyrir. J'á hlýtur
það að gleðja augað. Ég hef
séð gjörning frá Listahátíð
þar sem nakinn maður stóð
kyrr og það flokkaðist sem
list. I Stone Free núna er
fólk allsbert og leikrit
flokkast undir list er það
ekki. Ég vil miklu frekar
horfa á atriði eins og við
bjóðum upp á en sjónvarp-
ið eitt kvöld, þar sem 100
manns eru drepnir.
Hjörleifur
Guttormsson
alþingismaður
g get svarað því með
einu orði: KLÁM.
Sagtuwí^
Ef við þetta klobbastand á klásúlan: „hver sá sem með
lostafullu athæfi særir blygðunarkennd annars manns“,
eða einhver viðlíka, þá verður þessi annar maður bara
að halda sig við nærbuxnasýningarnar og korselettin.
Hitt er svo brýnt rannsóknarmál hvort ekki sé brotið
illa á þessum inníluttu starfsstúlkum. Pær njóta engrar
félagsverndar, spyrja má um laun og launaleysi, trygg-
ingar, öryggi og önnur vinnuréttarmál. Öll umræðan
hefur beinst að þeim eins og um væri að ræða pest á
saklausum mörlanda, þegar nær væri að athuga grun
um stórfelld réttarbrot og arðrán á innfluttu vinnuafli.
Páll er réttlætismálaráðherrann.
Stefán Jón Hafstein.
V_________________________________________________________)
Kýs þjóðkirkjufólk bara poka-
presta eftir annarlegum sjón-
armiðum?????
„Mikilvægt er fyrir þjóð og kirkju
að prestar fái notið hæfni sinnar,
menntunar, reynslu og prests-
hæflleika, - en séu ekki valdir
eftir annarlegum sjónarmiðum.“
- Rök Baldurs Kristjánssonar biskups-
ritara gegn prestskosningum í Degi-
Tímanum eiga skilið að birtast a.m.k.
tvisvar.
Spurning hvort verra er....
„Eða þá að menn vantar
skammarheiti yfir allt það sem
þeim er ekki að skapi - sumir
nota þá sósíalisti, aðrir tala t.d.
um „framsóknarmenn allra
flokka“, sem hefur verið nokk-
uð vinsælt líka eftir að SÍS fór
sömu leið og Sovétríkin,“
- segir Árni Bergmann á Sjónarhóli
Vikublaðsins.
Öll góð áform mistakast.......
„Allar hreyfingar mistakast - fé-
lagslegar, trúarlegar, póhtískar.
Og ósigrar þeirra eru því stærri
sem metnaður þeirra er meiri.
Pað er sama hvort litið er til
frumkristni eða siðbótar, upplýs-
ingastefnu eða pólitískrar þjóð-
ernishyggju, sósxalisma, bylting-
arsinnaðs eða þróunarsinnaðs
femínisma eða græningjahreyf-
inga: Allar rísa þær hreyfingar
af ótvíræðri þörf en engri tekst
það sem áformað var á hugljóm-
unarskeiði upphafs þeirra,“
- sagði Árni Bergmann einnig.
Matur....og grœnmeti.....?
„Já, hiklaust. Það (grænmeti) er
gott MEÐ matnum,"
- svaraði Birgir Grímsson spurningu DV
um hvort hann mundi borða meira
grænmeti ef það væri ódýrara.
Upplyfting í skammdegmu
egar skammdegisdrunginn leggst
yfir, finnur Frónbúinn sér sitt-
hvað til dundurs til að lyfta sál-
artötrinu upp úr þeim doða sem fylgir
myrkri og kulda. Áður fyrr urðu kvöld-
vökurnar með upplestri og rímnakveð-
skap að duga, en nú er úrvalið meira
og hreint frábært.
Það bregst aldrei að þegar sá árs-
tími skellur á, að sólin rétt slefar yfir
sjóndeildarhring örfáar klukkustundir
á dag, að þjóðmálaumræðan Qörgast
og eru málefnin ekki af lakara taginu.
Á meðan aUt er í ani á Alþingi við
að koma einhverju viti í íjárlagafrum-
varpið eða hreinsa úr því vitræna
kafia, ef þeir fyrirfinnast þar, eru hin
merkustu mál tekin til umræðu þar.
Mikil dægrastytting er af umræðum
um stúlkur, sem bera sig á búllum og
kváðu gera það gott.
Stjórnarandstaðan vill fá að vita
hvort þetta eru listakonur eða klám-
stelpur. Kvennaflokkskonur vilja fá úr
því skorið hvort þetta sé kvenfólki bjóð-
andi og fjármálaráðherra er inntur eft-
ir hvort íiann fái eitthvað af þeim pen-
ingum, sem stungið er milli fóta meyj-
anna þegar þær stunda atvinnu sína.
Á ráðherraplani
Félagsmálaráðherra er ekki viss um
hvort títtnefndar stúlkur eigi að til-
heyra Starfsstúlknafélaginu Sókn eða
Bandalagi íslenskra listamanna.
Menntamálaráðherra er ekki dómbær
um hvar skilin milli listar og dóna-
skapar liggja og for-
sætisráðherra hefur
enn ekki tjáð sig um
málið vegna ijar-
veru. Enn hefur ekki
komið til kasta utan-
rxkisráðherra að
taka afstöðu, en líklegt er að hann
þurfi að útlista hvort það brýtur í bága
við milliríkjasamninga að banna út-
lendum listakonum, eða Sóknarkon-
um, að starfa hér á landi að sýningum
á sjálfum sér. Enn er ekki farið að
blanda tjáningarfrelsinu í málið, en
dómsmálaráðherra mun þurfa að
svara hvort það brjóti í bága við hegn-
ingarlög að strákar horfi á stelpur og
hugsi kannski eitthvað dónalegt á
meðan.
Nóg kjöt er á beinunum enn og mun
þetta einstaka hugðarefni Ríkisút-
varpsins og Alþingis endast eitthvað
fram á jólaföstu, eða eins lengi og eitt-
hvað er til að japla á.
Gamalt mál tekur sig upp
Flottasta skammdegismálið f fyrra er
nú að taka sig upp
aftur og á vafalítið
eftir að ylja mörgum
um hjartarætur áður
en birta tekur á ný.
Djöfulgangurinn í
Langholtssókn er að
ná sér á strik eftir stórglæsileg tilþrif
og síðan nokkra lægð eftir að fyrrver-
andi presti þar var skaffað stærsta
brauð sem sögur fara af, síðan Djunki
leið. En hans sókn náði yfir allt norð-
urhvel jarðar, að skipan páfa. Davx'ð
Oddsson afhenti Flóka aðeins rxki Evr-
ópusambandsins sem eina af sóknum
hinnar evangelísk-lútersku þjóðkirkju.
Þegar nú er búið að velja nýjan
prest í Langholtssókn, var aðferðin
ekki rétt að áliti safnaðarbarna og vilja
þau nú að prestur verði kosinn öðru-
vísi. Er gengið hús úr húsi og safnað
liði, því Langholtssöfnuður getur ekki
þrifist nema í fylkingum, andstæðum
auðvitað.
Hér er enn og aftur hið efnilegasta
skammdegismál á ferðinrú og er afar
spennandi að bíða þess hver spilar í
Langholtskirkju á jólum, hver syngur
og hver þjónar fyrir altari og hver
leggur út af jólaguðspjallinu. Eða hvort
það verður yfirleitt messufært í trú-
fastasta söfnuði landsins. En Lang-
holtssöfnuður mundi ekki leggja á sig
allt það erfiði og píslir, sem óróann
skapa, nema af sönnum trúarhita. Það
er engin hálfvelgja í því safnaðarstarfi.
Sameining allra sannra jafnaðar-
manna er gott skammdegismál, sem
góðrar dægrastyttingar má vænta af
og er öruggt að því lýkur ekki á góu.
En vonandi verður búið að fá einhvern
botn í beru stelpurnar þá, því of mikið
má af öllu góðu gera.