Dagblaðið Vísir - DV - 08.12.1984, Page 20
68
DV. LAUGARDAGUR 8. DESEMBER1984.
Erlend bóksjá
Erlend bóksjá
Á PARADÍSAR-
EYJU
(EITTÁR
CASTAWAY
HÖFUNDUR: LUCY IRVINE.
PENGUIN BOOKS, 1984.
Höfundur: Lucy Irvine.
Penguin Book, 1984.
„Rithöfundur óskar eftir „eigin-
konu” til dvalar á Suðurhafseyju í
eitt ár.” Þessari auglýsingu í
bresku blaði svaraði Lucy Irvine
og það varð upphaf þeirra ævintýra
sem rakin eru í þessari skemmti-
legu bók. Lucy hafði aldrei áður
hitt þann sem auglýsti, Gerald
Kingsland. En hana dreymdi um
paradís á óbyggðri suörænni eyju
og greip því tækifærið. Fyrir valinu
varö eyjan Tuin, sem er norður af
Ástralíu, og þar dvöldu þau hjónin
— því aö áströlsk stjórnvöld neit-
uðu aö lána eyjuna nema þau giftu
sig — frá því í apríl 1981 fram til
júní 1982.
Það veröur fljótlega ljóst við
lestur bókarinnar að dvöl á Suöur-
hafseyju er ekki sú paradísarvist
sem íbúar kaldari landa í norður-
álfu telja gjarnan. Lifið þar var
vægast sagt mjög erfitt og ekki
bætti úr skák að „eiginmaðurinn”
reyndist ekki beinlínis framtaks-
samur Krúso, — reyndar vart not-
hæfur sem Fr jádagur.
DEBORAH MOGGACH
*If you’re
wontlering why
1 didn’tstopmy »
father for all
those years,
I’ll telí you the
answer...’
ÁSTIR
FÖÐUR OG
DÓTTUR
PORKY
Höfundur: Deborah Moggach.
Penguin Books 1984.
I þessari fimmtu skáldsögu sinni
fjallar Deborah Moggach um
viðkvæmt efni sem auðvelt er að
misfarameð: blóðskömm.
Hún lýsir hér lífsreynslu stúlku-
barns, Heather að nafni, sem má
þola kynferðislegan yfirgang föður
síns. I fyrstu er hún of ung og
saklaus til að átta sig á að samband
þeirra feðgina sé á einhvern hátt
óeðlilegt eöa óvenjulegt. Svo
kemur að því að hún gerir sér grein
fyrir sérstöðu sinni sem greinir
hana frá skólafélögum og
jafnöldrum.
Höfundurinn bregður upp
sannfærandi mynd af Heather og
viðbrögðum hennar og þeim miklu
og varanlegu áhrifum sem óeðlileg
samskipti feðginanna hafa á sálar-
líf hennar, afstöðu til ástarinnar og
til annarra karlmanna, jafnvel
þeirra sem vilja allt fyrir hana
gera. i
SKYGGNST A BAK VIÐ
GRÍMU GRAHAM GREENE
THE OTHER MAN. CONVER-
SATIONS WITH GRAHAM
GREENE
Höfundur: Marie-Francoise Allain.
Penguin Books, 1984.
Breski rithöfundurinn Graham
Greene, sem hefur um árabil verið í
banni hjá sænsku akademíunni, er lítið
gefinn fyrir að ræða viö blaðamenn eða
aðra forvitna spyrjendur um líf sitt.
Yfirleitt hefur hann haldiö nokkrum
leyndarhjúpi yfir einkalífi sínu, innstu
hugsunum og tilfinningum. Þó sendi
hann frá sér fyrir allmörgum árum
stutta ævisögu — „A Sort of Life”, en
mörgum spumingum þar er ósvarað.
Franska blaðamanninum Marie-
Francoise Allain tókst samt sem áður
að fá ítarleg viðtöl við Greene: þau
hittust oftsinnis árið 1979 í Antibes og
ræddu bæði um ævi hans og ritverk.
Greene segir sjálfur í formála
bókarinnar að hann hafi ákveðið að
ræöa við Allain af tveimur ástæöum:
Vegna þess að hún væri í hans augum
fremur bókmenntagagnrýnandi en
blaðamaður, en þó fyrst og fremst af
því að hún væri dóttir Yves Allain. Sá
var þekktur forystumaður í frönsku
andspyrnuhreyfingunni og njósnari í
þjónustu föðurlands síns þar til hann
var myrtur í Marokkó árið 1966.
Greene, sem sjálfur hefur lengi haft
tengsl viö bresku leyniþjónustuna,
taldi Allain einn besta vin sinn í veröld
njósnaranna.
,,Sló í gegn” árið 1932
Graham Greene hefur samið fjöld-
ann allan af skáldsögum og skemmti-
sögum, sem hann kallar svo, og auk
þess nokkur leikrit. Þá hefur hann í
tímans rás stundað blaðamennsku:
heimsótt ýmsa ólgustaði jarðarinnar
fyrir ýmis stórblöð, allt frá Víetnam til
Nicaragua. Reynsla hans sem blaða-
manns hefur haft áhrif á val viðfangs-
efna í skáldskapnum. Margar sögur
hans gerast einmitt á ólgustööum og
þar er fjallaö um stríð og baráttu,
kúgun, svik og hetjuskap. Stjórnmála-
leg og trúarleg átök eru ofarlega á
blaði og setja svip sinn á ýmsar veiga-
mestu skáldsögur hans. Það á til
dæmis við um „The Heart of the
Mátter”, skáldsöguna sem margir
telja besta verk hans.
Hins vegar eru ýmsar aðrar skáld-
sögur mun vinsælli meðal almennings.
,,Stamboul Train”, sem birtist árið
1932, var sú fyrsta sem sló í gegn.
Marie-rnincoise A1 lam
(>ooversatk)ns witli
GraJiam Greene
Sumar síðari skáldsögur hans eru enn
þekktar, svo sem „The Third Man” og
„Our Man in Havana”. Kaþólsku
viðlíorfin koma einkum fram í
„Brighton Rock” og „The Power and
the Glory”. Þekktustu skáldsögurnar
sem taka á stjórmálum eru vafalaust
„The Quiet American”, um Víetnam á
sjötta áratugnum og „The
Comedians”, um Haiti á valdatímum
Papa Doc.
,,Að segja sögu og
skapa persónur"
Eins og nafn viðtalsbókarinnar ber
meö sér er Marie-Francoise Allain í
leit aö manninum á bak við þá grímu
sem birtist almenningi — hinum eigin-
lega Graham Greene. 1 þeim sam-
tölum kemur margt forvitnilegt í ljós
um æskuárin, ritstörfin> stjórnmála-
viðhorf og trúarleg sjónarmið.
Greene neitar því afdráttarlaust að
bækur hans séu skrifaöar í pólitískum
tilgangi.
„Ymsar bækur hafa haft veruleg
pólitísk áhrif, en mínar eru ekki í þeim
hópi,”segirhann.
Ogennfremur:
„Eg skrifa yfirleitt ekki til þess aö
verja einhverja hugsjón. Eg læt mér
nægja að segja sögu og skapa per-
sónur. Eg vil ekki nota bókmenntir í
pólitískum tilgangi, né heldur trúar-
legum. Jafnvel þótt skáldsögur mínar
séu vissulega stjórnmálalegs eðlis, þá
eru þær ekki skrifaðar til þess að knýja
á um breytingar — frekar en
„kaþólsku” skáldsögurnar mínar svo-
kölluðu eiga að snúa einhverjum . ..
The Comedians er eina bókin sem ég
hef byrjaö á með það í huga að koma á-
kveðnum sjónarmiðum á framfæri og
berjast — berjast gegn ógnum ein-
ræöisstjórnar Papa Doc.”
„Sæmilega góður
rithöfundur"
Greene segir oftsinnis í þessari
viðtalsbók að honum geðjist lítt að
sjálfumsér:
„Mér er enn ógeöfellt aö horfa
framan í mig,” segir hann. „Mér hefur
tekist að sannfæra sjálfan mig um að
ég sé orðinn sæmilega góður rit-
höfundur. Þaðnægir mér.”
Hann kveðst enn ekki hafa „skrifað
þá bók sem ég vildi skrifa .. . Skrif-
borð mitt er þakið óloknum skáld-
sögum — andvana fæddum bókum
. . . Eg er svo sem ágætur rithöfundur.
Betri en margir aðrir. Eg er ekki aö
hreykja mér, heldur er ég raunsær. Eg
er heldur ekki lítillátur. En ég get ekki
skipað mér á bekk meö risunum. Og
auk þess er það orðið of seint... ég er
að minnsta kosti oröinn hundraö og tíu
ára!”
BÓHEMLlF í LONDON
MEMOIRS OF THE FORTIES
Höfundur: Julian Maclaren-Ross.
Penguin GBooks, 1984.
Maclaren-Ross andaðist áriö 1964.
Þá hafði hann lokið við þann hluta
! endurminninga sinna frá stríðsárun-
um sem birtist í þessari bók, ásamt
nokkrum af þekktustu smásögum
hans. Hann segir hér frá fyrstu
tilraunum sínum sem rithöfundur og
þeim margvíslegu erfiðleikum sem
hann átti þá við að stríða — fátækt og
basl. Jafnframt segir hann hispurs-
laust frá kynnum sínum af öðrum
höfundum þessa tíma og útgefendum.
Hann lifði sannkölluðu bóhemlífi í
Soho; sást einna helst á pöbbum og
veitingahúsum. Þess á milii samdi
hann góðar smásögur og tvær skáld-
BANDARIKIN
1. Danielle Steel: CHANGES.
2. Stephen Kkig: PET SEMATARY.
3. James A. Michener: POLAND.
4. Isaac Asimov: THE ROBOTS OF
DAWN.
5. Jackie Collins: SINNERS.
6: Peter Gent: THE FRANCHISE.
7. Louis L' Amour: BOWDRIE S LAW.
8. Anne McCaffrey: DINOSAUR PLANET
SURVIVORS.
9. Stephen Birmingham: THE AUERBACH
WILL.
10. Norman Katkov: BLOOD AND
ORCHIDS.
RIT ALMENNS EÐLIS
1. Erma Bombeck: M0THERH00D, THE
SECOND OLDEST PROFESSION.
2. Thomas T. Noguchi og Joseph DiMona:
CORONER.
3. Ken Follett: ON WINGS OF EAGLES.
4. Joe McGinniss: FATAL VISION.
5. Thomas J. Peters og Robert H. Water-
man Jr: IN SEARCH OF EXELLENCE.
(Byggt á NYT Book Review).
Memoirs of
THE F O R T I E S
Jii I i u ii Mucl ii re it -'R rfe:
'K Æ )fi<» mi *s<*
I.íhJ.k:. :?:(*■ i:» tí :.
>X<I HHtr.y' fliK :t>
ií --'5i
$!
‘í'íPWOT $ *
sögur.
Skemmtilegastir aflestrar eru þeir
kaflar þessara endurminninga sem
lýsa samskiptum hans við aðra rit-
höfunda, svo sem Graham Greene,
Cyril Connolly og Dylan Thomas, sem
Maclaren-Ross starfaði með um
nokkra hríð hjá kvikmyndafyrirtækinu
Strand við að semja handrit að
heimildarkvikmyndum. Þeim Dylan
kom vel saman, enda báðir gefnir fyrir
sopann og góðir sögumenn.
Maclaren-Ross skrifaði um nokkurt
skeið fyrir tímarit, svo sem Horizon og
London Magazine. Ritstjóri þess síðar-
nefnda, Alan Ross, skrifar forvitnileg-
an inngang þar sem hann rekur per-
sónuleg kynni sín af höfundinum og
gerir stuttlega grein fyrir ferli hans og
ritverkum.
METSÖLUBÆKUR PAPPÍRSKILJUR
BRETLAND DANMÖRK
1. Ben Elton, Rik Mayall og Lisa Meyer: 1. Jean Rhys: REJSE 1 MÚRKET (1)
BACHELOR BOYS: THE YOUNG ONES 2. Judith Krantz: PRINSESSE DAISY (7).
BOOK (2). 3. Bjarne Reuter: NAR SNERLEN
2. Umberto Eco: THE NAME OF THE ROSE BLOMSTRER (8).
(1). 4. Colleen MacCullough: TORNFUGLENE
3. Sue Townsend: THE SECRET DIARY OF (3).
ADRIAN MOLE, AGED 13 314 (3). 5. Pil Dahlerup: DET MODERNE GENNEM
4. Ken Hom: CHINESE COOKERY. BRUDS KVINDER 1-2(2).
5. Doris Stokes: A HOST OF VOICES (5). 6. Rachel og Israel Rachlin: SEKSTEN AR 1
6. Gray JoHiffe og Peter Mayle: MAN’S SIBIRIEN (5).
BEST FRIEND (4). 7. Amalie Skram: PROFESSOR
7. GILES CARTOONS (7). HIERONIMUS - PA SCT. JÚRGEN (10).
8. Len Oeighton: BERLIN GAME (6). 8. Kksten Thorup: HIMMEL OG HELVEDE
9. Catherine Cookson: HAMILTON (8). (6).
10. Danielle Steel: CHANGES. 9. Johannes Möllehave: TUSIND FLUER
(Töiur mnan sviga tákna staó viðkomandi MEÐ ET SMÆK (4).
bókar i röðinni vikuna á undan. Byggt á 10. Suzanne Brögger: TONE (9).
Sunday Times.) (Tölur innan sviga tákna stað viðkomandi bókar í röðinni vikuna á utdan. Byggt á Politiken Söndag).
Umsjón: Elías Snæland Jónsson
" A dromotic, reodabi©, usef ul book" —Etizobeth Crow, Editor ir» Chíef, Parenfs mogozinc
DUt
#*« *|*|
Growing Up Too Fast ín the World of Sex and Drugs
MarieWinn Author of The Plug-ln Drug
BREYTT
ÆSKUÁR
CHILDREN WITHOUT
CHILDHOOD
Höfundur: Marie Winn.
Penguin Books, 1984.
Gífurleg breyting hefur orðið á
uppeldi barna á síðustu áratugum.
Sumir halda því fram, að í mörgum
tilvikum tilheyri saklaus barnæska
sögunni til vegna þess að böm
kynnist á ungum aldri staðreynd-
um og vandamálum lífsins. —
Þeim sé varpað þegar á æskuárum
inn í heim hinna fullorðnu.
Þessi bók tekur fyrst og fremst
miö af þróun barnauppeldis í
Bandaríkjunum. Það virðist
skoöun höfundar aö foreldrar þar
vestra hafi horfið frá því hlutverki
uppalenda að vernda sakleysi og
áhyggjuleysi barna og þess í stað
gert þau að þátttakendum í vanda-
málum hinna fullorðnu. Þetta eigi
alveg sérstaklega við í sundruðum
fjölskyldum og varðandi af-
stöðuna til kynlífs og fíkniefna.
Höfundurinn varpar fram mörgum
fullyrðingum og dæmum sem vekja
til umhugsunar og eiga einnig
erindi til íslenskra foreldra.
FERÐ UM
EYÐILAND
THE VIADUCT
Höfundur: David Whcldon.
Penguin Books, 1984.
Þetta er fyrsta bók höfundarins
sem er breskur líffræðingur á
fertugsaldri. Hún hefur hlotið mik-
ið lof og verðlaun.
Höfuðpersónan kallast einungis
A. Honum hefur verið sleppt úr
fangelsi þar sem hann hefur dvaliö
árum saman fyrir undirróöurs-
starfsemi sem fólst í því að skrifa
bók. Hann tekst á hendur ferð um
ókennilegt og sérkennilegt land. og
tekur um tíma saman viö tvo aðra
flakkara. En för þeirra virðist án
markmiðs, annars en þess að
stefna í átt til fjarlægra hæða. Að
lokum ber Aánýá heimaslóðir þar
sem fangelsi og dauði bíða hans.
Vel skrifuð saga sem á stundum
minnir á tilgangslausa og óper-
sónulega veröld í bókum höfunda á
borð við Kafka og Beckett og sem
sækir á hugann löngu eftir að
lestrinum er lokið.